Umid Hudoyberdiev | Online

Бир оддий ҳақиқатни тушуниш ва қабул қилишимиз керак

Сиз ҳамма учун эмассиз ва ҳамма ҳам Сиз учун эмас…

Бефойда умидлар юкини орқага ташланг ва ўз йўлингизда юринг…Йўлингизда ҳамроҳ бўладиган инсон ўзи сизга ёндашади.

Шундай экан, ўзингизни йўқотманг, орқангиздан эмас, олдингиздаги мақсад сари юринг!

✍️ Umid Hudoyberdiev|Online

Инсонни бахтли қиладиган уч нарса бор: муҳаббат, мазмунли касб ва саёҳат қилиш имконияти…

✍️ Umid Hudoyberdiev|Online

Жисмоний гўзаллик – нафақат инсонларга, балки ҳайвонларга ҳам хос. Балки, уларнинг гўзаллиги баъзи ҳолларда инсон гўзаллигидан ҳам аъло бўлиши мумкин.

Инсон қалбидаги бойлик ва чуқурлик эса ҳайвонларда мавжуд эмас. Ҳайвонларда табиатнинг комил бир гўзаллиги бор, аммо уларда инсон каби тафаккур ва ҳис-туйғу бойликлари йўқ.

Инсон учун эса, ҳақиқий гўзаллик - бу нафақат ташқи кўриниш, балки қалб ва руҳдаги бойликдир.

Афсонавий Суқрот ташқи кўринишга кўра гўзалликдан йироқ эди, аммо унинг тафаккури ва руҳий бойлиги кўпчиликни лол қолдирар эди. У ҳамма нарсадан кўра ҳақиқатни ва комилликни изларди, ва бу унинг руҳини бойитган эди.

Пайғамбарлар ташқи гўзалликка эмас, қалбнинг тозалигига аҳамият берганлар, одамларга раҳм-шафқат ва бағрикенгликни ўргатганлар.

Шундай экан, ҳаётимиздаги асосий мақсад - ички гўзаллик ва маънавий бойликка интилиш, қалбимизни покликка ва марҳаматга бойитишдир.

Ташқи қиёфа вақт ўтиши билан ўзгариши мумкин, аммо қалбдаги бойлик инсонни ҳақиқий маънода баркамол ва гўзал қилади.

Ҳаётимизнинг маъноси, ҳеч шубҳасиз, қалбимизни бойитиш ва шу орқали оламга яхшилик улашишдадир. Чунки, биздан қоладиган энг буюк мерос — бу қалбнинг гўзаллиги ва яхшиликлардир.

✍️ Umid Hudoyberdiev|Online

Пессимист шамолдан нолийди, оптимист ҳаво ўзгаришидан умид қилади, реалист эса елканларни тиклайди.

Бу ибора ҳаётдаги ҳар қандай қийинчиликка ёндашувни тасвирлайди. Ҳар бир вазиятда пессимистлар тўсиқларни кўради, оптимистлар умид билан кутади, аммо реалистлар ишга киришиб, йўлини топади.

Сизга ҳам шу тажрибадан сабоқ олиб, ҳаётдаги тўсиқларни енгиб ўтишингиз учун ҳар бир вазиятда тўғри ёндашувни топишингизни тилайман.

✍️ Umid Hudoyberdiev|Online

Баъзи одамлар қанча пул топмасин, ҳеч қачон етарлича ҳаёт кечира олмайди. Бошқалар эса қанча қаттиқ молиявий қийинчиликларга дуч келмасин, улар барибир бир кун келиб фаровон ҳаётга эришади. Бу ҳолат фақатгина пул миқдорига эмас, балки уларнинг пулга бўлган муносабатига боғлиқ. Чунки пулни топишни билганларидан кўра, уни тўғри сарфлашни билганлар кўп нарсага эришади.

Баъзи одамлар қанча ҳақ олса ҳам, уларга топширилган вазифани бажара олмайдилар. Бошқалар эса қанча меҳнат қилиб ҳақ олмаса ҳам, улар ўз ишини мукаммал бажаради. Бу ерда ҳам гап пулда эмас, балки меҳнатга бўлган муносабатда. Ҳар доим ишни бажармаслик учун бахона топиш мумкин, лекин самарали ишлаш ва ўз қобилиятларини намоён этиш фақатгина жонкуярларга хос.

Баъзи одамлар бутун умр камбағаллик ва муваффақиятсизликдан шикоят қилиб яшайди. Улар чиндан ҳам қийинчиликда яшашади, ҳатто яхши ҳаёт учун барча имкониятлар қўлида бўлса ҳам. Лекин бошқалар эса, ҳеч қандай моддий нарсага эга бўлмаган ҳолда ҳам ҳаётларидан рози бўлиб яшайди. Чунки бу ерда гап моддий бойликда эмас, инсоннинг ички дунёсидаги тўқликда.

Масалан, Стив Жобсни олайлик. У ўз компаниясидан ҳайдалганида ҳам, меҳнат қилиш ва ижод қилишдан тўхтаб қолмади. Уни катта бойликлар ёки юқори мақом эмас, балки технология ва ижодга бўлган иштиёқ ривожлантирди ва ниҳоят уни дунё тан оладиган буюк инсон қилди. Унинг пул ёки машҳурликка эмас, ўз ишига, орзуси ва меҳнатга бўлган муносабати уни муваффақиятга етаклади.

Шундай экан, бойлик ёки яхши ҳаётга етишмоқчи бўлсангиз, нафақат пул, балки ўзига бўлган ишончингизни, меҳнат ва сабр билан ҳаракат қилишингизни бойлигингизга айлантиринг.

Ҳаётингизни ўзгартириш учун ўзгаришни ўзингиздан бошланг!

📤📤📤📤

✍️ Umid Hudoyberdiev|Online

Бугунги кунда дунёмиз ақлли смартфонлар ва турли технологиялар билан тўлиб кетмоқда, аммо инсонлар шунга яраша ақлли ва билимдон бўлмай қолишмоқда. Бунга кўпинча шундай мисол келтириш мумкин: биз смартфонлар ёрдамида барча маълумотларни бир зумда топишимиз мумкин, лекин буни англаб, таҳлил қилиш қобилияти йўқолиб бораяпти. Кўпчилик кўпроқ вақтни экранлар олдида ўтказишади, ҳаётнинг ўзида эса узоқлашиб, мураккаб масалалар устида фикр юритишдан қочишади.

Масалан, жамоат транспортида ёки ўқишда одамларнинг кўпчилиги атрофдаги воқеаларга эътибор қаратмасдан, фақат смартфонларга боқиб ўтиради. Инсонлар билан очиқ мулоқотлар камайиб бормоқда, ҳақиқий ижодкорлик ўрнини тезкорлик ва тайёр кўрсатмалар эгалламоқда.

Натижада, биз вақтни, эътиборни, мулоқот қобилиятимизни ва ақлли таҳлил қилиш салоҳиятимизни йўқотяпмиз. Ақлли технологиялар қўл остимизда, лекин инсонлар ақлсизликка йўлиқишмоқда. Шунинг учун биз технологиялардан фойдаланиш билан бир қаторда, ўз билимимиз, мулоҳазаларимиз ва инсон сифатидаги қадриятларимизни ривожлантиришимиз керак.

Биз йўқотишимиз мумкин бўлган энг қадрли нарса — бу мулоқот, ақл, тафаккур ва маънавий бойлигимиздир.

📤📤📤📤

✍️ Umid Hudoyberdiev|Online

Инсон ўз табиати ва характерини ўзгартириш қобилиятига эга. Унинг энг катта кучларидан бири — ўзини янгидан яратиш ва шахс сифатида ривожланиш қобилиятидир. Бироқ кўплаб одамлар муаммоларга дуч келганда, уларни тақдирнинг ёзуви деб қабул қилиб, таслим бўладилар ва имкониятларини йўқотадилар.

Масалан, машҳур тадбиркор Стив Жобсни олайлик. У Apple компаниясининг асосчиларидан бири бўлса-да, уни ўз компаниясидан ишдан бўшатдилар. Бу вазиятда кўпчилик таслим бўлиши мумкин эди, лекин Жобс ўзини енгиб ўтиб, янада янги ва муваффақиятли лойиҳалар устида ишлашни бошлади. У Pixar студиясини ривожлантирди ва кейинчалик Apple компаниясига қайтиб, уни янада кучлироқ даражага кўтарди. Жобс ўз имкониятларини йўқотиш ўрнига уларни қайта тиклади ва муваффақиятли бизнес-улканга айланди.

Ҳар биримизда “қанот” бор, яъни ўзимизнинг чексиз имкониятларимиз. Агар бу қанотларни ўзимиз ечиб ташласак, биз тақдирга таслим бўламиз. Шундай экан, инсон ўз салоҳиятини англаб, уни ривожлантириши ва ҳар қандай вазиятда ҳам ўзини қайтадан яратишга тайёр бўлиши керак. Чунки ҳақиқий куч — инсоннинг ўзида.

📤📤📤📤

✍️ Umid Hudoyberdiev|Online

Биз дунёнинг қандай бўлишини кўришда, кўпинча, ташқи ҳолатлардан кўра ўз ички дунёмизга боғлиқ бўламиз. Агар инсон ичида қувонч ва ижобий фикрларга эга бўлса, у атрофидаги воқеаларни ҳам ёруғ ва яхши кўринишда қабул қилади. Аммо ички тушкунлик ёки салбий кайфият билан яшаган одам учун дунё қоронғи ва мураккаб бўлиб кўринади.

Масалан, бирор вазиятда бир киши муаммо кўради, бошқаси эса имконият. Буларнинг барчаси инсоннинг ҳаётга қандай назар билан боқишига боғлиқ. Агар биз ўзимизнинг фикрларимизни, дунёга бўлган қарашларимизни ижобий томонга ўзгартирсак, дунё ҳам биз учун ёруғроқ ва қулайроқ бўлади.

Шундай экан, ҳар бир инсон ўзини ёмон фикрлардан ҳимоя қилиб, дунёга ижобий ва умид билан қарашга уриниши керак. Чунки биз дунёни қандай бўлса шундай эмас, балки ўзимиз қандай бўлсак ёки уни қандай кўришга тайёр бўлсак, худди шундай кўрамиз.

📤📤📤📤

✍️ Umid Hudoyberdiev|Online

Инсонларга яхшилик қилаётганда бир жиҳатга эътибор қилиш зарур. Фойдали бўлиш ва фойдаланиб олиниш ўртасидаги чегара жуда нозик.

Шунга эътиборли бўлиш зарурки, сиздан фойдаланибгина қониқмай, давомида маломатга ҳам қўйишга сурбетлик топадилар! Қўшимчасига зоҳидлик, тақво ва обидлик даъволари ҳам мавжудлиги кузатилиши мумкин…

📤📤📤📤

✍️ Umid Hudoyberdiev|Online

Ҳеч қачон тушкунликка тушманг. Ҳар қандай вазиятдан тўғри йўл топиш мумкин, агарда сиз вазиятни синчиклаб таҳлил қилишни бошласангиз. Инсон тушкунликка берилса, у ақл билан фикрлаш имкониятини йўқотади ва нотўғри қарорлар қабул қилади.

Масалан, бир инсон ўзининг бизнесида омадсизликка учраганини кўриб, қаттиқ тушкунликка тушиши мумкин. Лекин, агар у бу вазиятни ортиқча ҳиссиётларга берилмасдан таҳлил қилса, сабабини топиб, бизнесини қайта тиклаш йўлларини қидириши мумкин. Оқибатда, у нотўғри қарорлардан сақланиб, муваффақиятга эришади.

Шунинг учун, ҳар қандай муаммо бўлганда, биринчи навбатда тинчланиш, вазиятни таҳлил қилиш ва шундагина тўғри ечим топиш мумкин. Тушкунлик – бу муаммоларнинг ечими эмас, балки орқага сурилишдир.

📤📤📤📤

✍️ Umid Hudoyberdiev|Online

Сиз денгиздан томчи эмассиз, балки томчи ичидаги уммонсиз!

Қанот билан туғилиб, нега ҳаёт йўлида эмаклашни танлайсиз?

Ярим нафаслик дунёда муҳаббатдан бошқасини режа қилманг!

Сиз излаётган нарса, сизни ҳам излаяпти.

Гўзал кунлар сенга келмайди. Сен уларга боришинг керак.

Қийинчиликлардан нажотни ўзингдан ташқарида излама. Сен ўзинг давосан. Ўз ғам-қайғунгга шифо ўзингсан.

Кўзни юмгил, кўзга айлансин кўнгил.

Ҳар бир нарсага сиқилма эй кўнгил. На бу дардлар қолувчи, на бу умр.

Яхшилик изла, тўғрилик изла, гўзаллик изла, аммо айб излама.

Сукунат Аллоҳнинг тилидир, қолгани ёмон таржима.

Ҳаёт уйқудир. Ўлим ила уйғонар инсон. Сен шошил, ўлмасдан аввал уйғон.

Овозингни кўтарма, сўзингни юксалтир. Япроқларни ёмғир ўстиради, гумбурлаган момақалдироқлар эмас.

Инсон кўринишидан ҳеч нима демаса ҳам ичида доим гапиради.

Инсон чорасиз қолмайди, у чорасиз эмас… Дуосиздир!

Ҳеч нарсадан умид қилмасдан ва ҳеч қандай фойда кутмасдан берадиган фақат - Аллоҳдир…

Тир ўзим, камон ўзим,
Пир ўзим, жавон ўзим,
Ошиғи жовидон ўзим,
Ман на ўзим, на ман ўзим!

Мавлоно Жалолиддин Румий ҳикматларидан.

📤📤📤📤

✍️ Umid Hudoyberdiev|Online

Бугунги кунда кўпчилик ўз ҳаётини эртага, кейинги кунларга тўпламоқда, аммо “вақт йўқ” деган тушунча ҳар биримиз учун аҳамиятли, чунки биз жонли дамларимизни ўтказиб юборяпмиз.

Стресс, сарфланадиган вақт, интернетдаги янгиликларга диққатни сарфлаш ва янгиликлар орқали пайдо бўлаётган хабарлар бизнинг эътиборимизни чалғитиши.

Ҳар бир инсоний ҳиссиёт — бу тўлиқ бўлган бир лаҳза, шунга кўра, ҳеч нарсани кейинга қолдирманг! Ҳозирда яшанг, кутилмаган имкониятлардан фойдаланинг, дўстларингиз билан вақт ўтказинг ва муҳаббатингизни билдиринг. Чунки ҳаёт — бу бир мўъжиза, ва ҳар бир лаҳзасини қадрлаш керак!

Бугун вақт йўқ...

Эртага куч қолмайди...

Индинга эса биз бўлмаймиз...

Ҳеч нарсани кейинга қолдирманг, ҳозироқ яшанг!

📤📤📤📤

✍️ Umid Hudoyberdiev|Online

Сут бузилса ёгурт (қатиқ) бўлади, у сутдан қимматроқ. Яна бузилса пишлоқ бўлади. Пишлоқ ундан-да қимматроқ ва уни сақлаш муддати кўпроқ.

Узум суви ачиса сирка бўлади, сирка узумдан қимматлироқ. Ва у вақт ўтгач сари янада қийматлироқ бўлади.

Хато қилсангиз, сиз ёмон одам ҳисобланмайсиз. Хатолар сизни шахс сифатида малакалироқ ва қийматлироқ қилади.

Христофор Колумб навигацион хато туфайли бутун бошли қитъани очди, Александр Флемингнинг хатоси инсониятни кўплаб касалликлардан қутқарган Пиницелинни ихтиросига сабаб бўлди.

Хатоларингиз сизни тушкунликка тушириб, йўлингиздан оғишингизга сабаб бўлишига йўл куйманг. Айнан биз тўғри хулоса чиқарган хатоларимиз бизни ўстиради.

Олдинга ҳаракатланишда давом этинг. Муваффақият йўли тўғри хулоса чиқарилган хатолардан иборат.

✍️ Umid Hudoyberdiev|Online

Ўзгаларнинг ҳикоялари ва баҳоналарида ёвуз ролда бўлишлигингизга кўникинг, гарчи аслида шундай бўлмасангиз ҳам.

Шуни унутмангки, одамлар ўз ички кечинмаларига маъно бериш ва ўз заифликларига пана топиш учун сизни ўзларига керак бўлган қиёфага солишади.

Шунинг учун, барчага яхши кўринишга уринишни тўхтатинг.

✍️ Umid Hudoyberdiev|Online

Қуйидаги қизиқ бўлган, инсонни фикрлашга ундайдиган саволларга жавоб олишни истармидингиз?

Нима учун замонавий технологиялар бир вақтнинг ўзида 100 йил давомида ахлатда парчаланмайдиган темир ичимлик банкаларини ва 3-4 йилда чириб кетадиган автомобиль кузовларини ишлаб чиқаради?

Нима учун лимон шарбати концентратдан, идиш ювиш воситаси эса ҳақиқий лимондан тайёрланади?

Нима учун янги пайпоқларни бирлаштирган оқ ип доимо пайпоқнинг ўзи тўқилган иплардан кўра мустаҳкамроқ бўлади?

Нима учун сувга тўғри бурчакли ғишт ташланганда, сувда доиралар пайдо бўлади?

Охир-оқибат самарасиз ҳаракатларга чек қўйиш вақти келганини тушуниш учун оёқлар хаскашга неча марта қоқилиши керак?

Қайси учрашувда қоринни ичга тортишни керак? Бировнинг қорни билан бошқаларнинг нима иши бор?

Сиз ҳам бирор нарсани ерга тушириб юборсангиз, оғзингизга солишдан олдин уни тезда кўтариб, пуфлаб оласизми?

Нима учун дўконда сотувчи сизга қўпол муомала қилганда, кулгили жавобни фақат уйга қайтаётганда ярим йўлда ўйлаб топасиз?

Нима учун барча болалар шифохоналарида Айболит тасвирланган? Ахир у ҳайвонлар шифокори-ку!

Музлаткич ва телефонга қарамай қандай ухлаш мумкин?

Сиз ҳам сезганмисиз, компьютер ёнида, айниқса интернетга уланганда чой тезроқ совийди…

Агар аёллар ўртасида дўстлик бўлмаса, эркак билан аёл ўртасида дўстлик мумкин бўлмаса, аёл ким билан дўстлашиши керак?

"Жин урсин!" деган овозли буйруқ билан охирги барча ҳаракатларни бекор қиладиган компьютер буйруқлари қачон ихтиро қилинади?

Аёллар эрига уни фарзандликка олмаганини, балки унга турмушга чиққанини қандай тушунтирса бўлади?

Нега кундузи шундай ширин ухланади ва нима учун кечаси овқат мазалироқ туюлади?

Оғриқ қолдирувчи дорилар айнан қаерингиз оғриётганини қандай билади?

Инсонга яна нима ибрат кўрсатиш ва далда бериш керакки, унга фақат ҳиммат кенглиги, билимга интилиш ва тафаккур ёрдамида ҳаёти сифати ошишини тушунтириш учун?

✍️ Umid Hudoyberdiev|Online

Кенг тарқалган хато - ҳақиқатни фақат ўз нуқтаи назарингдан кўриш. Менинг қарашим ва фикрим тўлиқ ҳақиқат деб қабул қилиш.

Қулоғи эшитмайдиган киши рақсга тушаётганларни ақлдан озган деб ҳисоблайди.

✍️ Umid Hudoyberdiev|Online