Turonbank

O‘zbekiston Respublikasi Maktabgacha va maktab ta’limi vazirining buyrug‘iga asosan “Turonbank” ATB Boshqaruvi Raisi Mirzayev Chori Sadibaqosovich “Ta’lim homiysi” ko‘krak nishoni bilan mukofotlandi.

🏦 Qayd etish lozimki, Turonbank tomonidan ta’lim sohasiga alohida e’tibor qaratilb, maktabgacha ta’lim muassasalari, xususiy bog‘chalar tashkil etish jarayonlari moliyaviy qo‘llab quvvatlanadi.

📚 Shu bilan birga maktab o‘quvchilari orasida moliyaviy savodxonlikni oshirishga ham alohida e’tibor qaratiladi, maktab o‘quvchilari bevosita bank ofisiga kelib moliyaviy bilimlarga ega bo‘lishlari uchun doimiy ekskursiyalar ham tashkil etiladi.

💻 Turonbank tomonidan qo‘llab quvvatlanayotgan zamonaviy kasblarni bepul o‘rgatishga mo‘ljallangan Ustoz AI startap loyihasi doirasida esa No code: sayt yaratish bo‘yicha kurslar 100ga yaqin maktablarning informatika darslariga kirib bordi va hozirgi kunda talab yuqori bo‘lgan kasblarni yoshlarimiz maktab davridayoq o‘zlashtirmoqda.

📖 Turonbank va oliy ta’lim integratsiyasiga esa alohida e’tibor qaratiladi, iqtidorli talabalar uchun “Turonbank stipendiyasi” joriy etilgan ayni dam 190 nafar talaba mazkur stipendiya sohibiga aylangan.

📝 Oliy ta’lim muassasalarida tashkil etilgan “Smart o‘quv xonalari” esa eksperimental baza bo‘lib, bu yerda Turonbank xodimlari tomonidan talabalar uchun darslar o‘tkaziladi.

🏦 Turonbank 2025 yil - “Atrof-muhitni asrash va “yashil” iqtisodiyot” yilida ham kelajagimiz bunyodkorlar bo‘lgan yoshlarning bilimlarini oshirish yo‘lida yangi loyihalarni amalga oshirishni rejalashtirgan.

📨 Telegram 👨Facebook

🖼 Instagram 👍 YouTube