Tulpor Vet

ЖАЗИРАМАДАН ОТЛАРНИ ЭҲТИЁТ ҚИЛИНГ

Биринчи навбатда, куннинг иссиқ вақида тўғридан-тўғри қўёш нуридан сақлаш, отга исталган вақтида соя ва ҳаво яхши айланувчи жойга ўтиш имконини бериш лозим.
Отнинг етарли даражада сув билан таъминланишига этибор беринг, меъёрида сув ичиши отда Колик хавфини камайишига сабаб бўлади.
Отга етарли миқдорда туз истъемол қилиш шароитини ташкил этинг (бунда асосан ялама туз тавсия этилади).Тузга бўлган эхтиёж иссиқ ҳаво шароитида кўпаяди, от терлаш орқали туз ва бошқа керакли электролитларни чиқариб юборади ва уларни ўрнини тўлдириш зарур бўлади. Туз от танасидаги сув балансини сақлаш учун зарур бўлган асосий электролитлардан бири хисобланади. Отнинг етарли миқдорда туз истеъмол қилиши меъёрида сув ичишига сабаб бўлади.
Отларни куннинг иссиқ вақтида минилиши, жисмоний машқ бажариши ва транспортда ташиш (олиб юриш) от соғлигига хавф туғдиради. Зурур холларда отларни транспортда ташишга куннинг кечки вақти қулай хисобланади.
Шуни алоҳида таъкидлаш лозимки, иссиқ ҳаво шароитида организмда хазм жараёни секинлашади, шу сабабли концентрат озуқларни (сули, арпа, буғдой ва бошқалар) меъёридан ошириш организмда турли касалликлар келиб чиқишига сабаб бўлади.

Тайёрлади:
Вертеринария врачи Собитжон Туляганов

Kanalga qo'shiling👉👉👉 https://t.me/Tulporvet

ҚЎПКАРИ ОТЛАРИНИ ТЎҒРИ ОЗИҚЛАНТИРИШ ЖУДА МУҲИМ

Ёз мавсуми кўпкари отлари организми учун зарурий моддалар билан тўйинтириш ва қўшимча вазн олишга энг яхши давр ҳисобланади.
Озуқа билан отлар организмини нормал сақлаб туриши ва фавқулодда ҳолатлар учун қўшимча энергия сарфини қоплаш учун зарур бўлган барча озиқ моддаларни захира қилиши керак. Овқат ҳазм қилиш жараёнида озуқалар танага сингиб кетадиган ва кейинчалик ҳаётий фаолиятида ишлатиладиган алоҳида элементларга бўлинади. Отларни боқиш, суғориш ва сақлашни тўғри ташкил этиш уларнинг келгусидаги иш самарадорлигини янада оширишга хизмат қилади.
Бу даврда отларга рацион тузганда озуқнинг тўйимлилиги, сифати, ҳазм бўлиши ҳисобга олинади, отларга асосан қуруқ беда, концентрат, ширали ва витаминга бой озуқалар бериш тавсия қилинади. Концентрат озуқлардан энг яхшиси бу— сули ва арпа хисобланади.
Отларнинг овқат ҳазм қилиш тизими организмга доимий равишда озуқа қабул қилиб туришга (яни кам-кам, тез-тез принципи) мослашган. Шунинг учун, отларга кун давомида тез-тез дағал озуқа (беда) бериб туриш ва кўп бўлмаган миқдорда концентрат озуқалар (сули, (ёки) арпа, (ёки) буғдой ва бошқалар) бериш тавсия этилади.
Углеводларнинг юқори миқдори озуқа ҳазм қилиш жараёнида ички иссиқликни чиқаради, шунинг учун иссиқ вақларда концентрат озуқлар миқдорини камайтириш мақсадга мувофиқ бўлади.
Шуниингдек, отларни суғориш катта аҳамиятга эга. Ичиладиган сувнинг миқдори отнинг катта-кичиклигига, озуқанинг тўйимлилигига ва сифатига, ҳаво ҳароратига кўп жихатдан боғлиқ.
Ҳар бир от кунига ўртача 30 - 40 литргача сув ичиши, юқори ҳароратда янада кўпроқ сув ичиши мумкинлигини хисобга олиш лозим.
Шуни алоҳида таъкидлаш лозимки, озуқа беришда кун тартибига (озуқа миқдори, суғориш ва озиқлантириш вақти) қатъий риоя қилиш шарт. Концентрат озуқларни (сули, арпа, буғдой ва бошқалар) қисқа вақтда меъёридан ошириш организмда турли касалликлар келиб чиқишига сабаб бўлади.
Масалан: озуқадан захарланиш ёки овқат хазм қилиш тизимидаги турли хил патологик ва функционал ўзгаришлар юзага келади.
Бундай холатда касал ҳайвон, қориндаги оғриқдан ташқари отнинг иштаҳа ва хатти ҳаракатлари бузулиши, юрак фаолияти, овқат ҳазм қилиш органлари, нафас олиш ва сийдик чиқаришдаги ўзгаришлар каби қатор белгиларни намоён этади. Ушбу муаммоларнинг аксарияти нотўғри озиқлантириш натижаси хисобланади.

Тайёрлади:
Вертеринария врачи Собитжон Туляганов

Kanalga qo’shiling👉👉👉 https://t.me/Tulporvet