Trening-kitob

Ассалому Алайкум ва роҳматуллоҳи ва барокатуҳ!

Энди навбат сизнинг натижаларингизга!

Марҳамат, қуйидаги манзилга мурожаат қилинг:

@muloqot_uchun_bot

Ассалому Алайкум ва роҳматуллоҳи ва барокатуҳ!

Анча йиллардан бери кўпчилик машҳур устозлар томонидан қўлланиб келинаётган, онг ости блокларини мўжизакор тарзда ечувчи оддий бир усулни охирги пайтларда биз ҳам қўллаб кўриб зўр натижалар беришига гувоҳ бўлдик.

Бу усулнинг универсаллиги, яъни турли муаммолар (пулсизлик, оилавий муносабатлар, соғликдаги муаммолар ва ҳоказолар) учун жуда самарали эканлиги ўз тасдиғини аллақачон топиб бўлган. Бу усулни қўллаб олинган натижаларни ёзиб чиқилса бир нечта китоб ҳам етмаса керак.

Агар сиз ҳам турли мураккаб усуллардан зериккан бўлсангиз, у ҳолда ўзингиздаги муаммоларни осон ҳал қилишда бу оддий аммо жуда кучли, жуда самарадор усулни синаб кўришингизни чин дилдан тавсия қиламиз.

Ушбу усулни сиз олдин кўп бора эшитган бўлишингиз мумкин. Кўпчилигингиз билсангиз ҳам керак. Аммо бу билан унинг аҳамияти камайиб қолмайди. Бу усулнинг асосида динимизнинг муҳим принциплари ётади. Агар бу усулни ўзингизга одат қилиб оладиган бўлсангиз ишларингиз мўъжизакор тарзда юришиб кетиши билан бирга жуда гўзал хулқ эгаси ҳам бўласиз. Бу эса ҳақиқий ўсиш, шахс сифатида ҳақиқий юксалиш бўлади.

Бу ажойиб усул билан кўпчиликни қайтадан таништиришни, кўпчиликка кенг ёйишни ва бу орқали кўплаб манфаат келтиришни ният қилганмиз. Шунинг учун ҳозирда қўллаб натижага эришганларнинг фикрларини ҳам, уларнинг ютуқларини ҳам кўрсатиб ўтмоқчимиз. Мана шу мақсадда сизларни ушбу, бир қарашда оддий, аммо жуда зўр натижаларга эриштирувчи усулни қўллашга таклиф қиламиз.

Бу машғулотларимизда қатнашишга кўпчиликда имкон бўлиши учун унинг нархини 50 000 сўм қилиб белгиладик. Кўп тренингларда қатнашган ва турли усулларни ўрганган инсон сифатида шуни аниқ айтаманки бу оддий усулни қўллаш орқали эришадиганларингиз унча-мунча жуда қиммат тренинглар, консультациялар, сеанслар ва раскопкаларда оладиган натижаларингиздан ҳам юқори бўлади. Фақат битта шарти бор - қўллаш керак.

Усул шунчалик оддийки унинг маъно ва мазмунини бир оғиз гап билан тушунтириш мумкин. Шунинг учун буни тушунишда ҳеч қандай қийинчиликка дуч келмайсиз. Аммо қўллаш - сизга бир қарашда ёқмаслиги мумкин. Аммо катта ўзгаришлар ўша сизга ёқмайдиган тарафда бўлади. Ёқмайди дегани сиз қила олмайсиз дегани эмас. Шунчаки хоҳламай туришингиз мумкин. Бу худди тузалиш учун аччиқ дорини ичишга ўхшайди. Аччиқ, ёқмайди ... аммо кейин, муаммоларингиздан халос бўлгач жуда хурсанд бўласиз.

Тўғри, ёқмаганлиги учун қочиб юраверишингиз ҳам мумкин. Аммо ўзингиздан қочиб қаерга ҳам борасиз.

Майли, гапни кўп чўзмасдан ишга киришайлик. Ўз устингизда ишлаб яқин кунларда ҳаётингизда мўъжизакор ўзгаришлар қилишни истасангиз марҳамат. Қуйидаги манзилга мурожат қилинг ва биз сизга карта рақами берамиз:

@muloqot_uchun_bot

P.S. Дарсларимиз телеграмдаги ёпиқ каналда бўлиб ўтади.

Ассалому Алайкум ва роҳматуллоҳи ва барокатуҳ!!!

Тан олинг, чин дилдан сўраганингизда ҳар доим олгансиз.

Ассалому Алайкум ва роҳматуллоҳи ва барокатуҳ!!!

Кўпчилигимиз бир иш қилаётганимизда, бирор мақсадига эришмоқчи бўлаётганимизда энг катта ресурс - бу ўзимиз эканлигимизни, ўзимизда ҳамма керакли нарса бор эканлигини унутиб қўямиз. Ўзимизни ресурс сифатида кўрмаймиз. Ресурсларни ташқаридан излаймиз.

Агар ўзингизнинг қанчалик катта ва энг асосий ресурс эканлигингизни англасангиз мақсадларингизга анча тез ва осон эришган бўлардингиз.

Бу айтилганларнинг тескари жиҳати ҳам бор. Яъни, мақсадларимиз йўлидаги энг катта тўсиқ ҳам - бу ўзимиздир. Кўпчилигимиз ўзимизни мақсадларимиз йўлидаги тўсиқ сифатида кўрмаймиз, бу ҳаттоки хаёлимизга ҳам келмайди.

Агар ўзингизнинг қанчалик катта ва энг асосий тўсиқ эканлигингизни англаганингизда эди, ташқи тўсиқлар билан курашиб вақтингизни кетказмаган бўлардингиз.


@trening_kitob

Ассалому Алайкум ва роҳматуллоҳи ва барокатуҳ!

ҚИЙИНМИ ёки НООДАТИЙМИ?

2-қисм.

Ҳаётимизда биз учун қийин деб ўйлаган ишларимизнинг кўп қисми ва энг муҳимлари ташқи тарафдаги жисмоний ишлар эмас, балки ичимиздаги идрокий ишлардир.

Ташқи ишлар дейилганда жисмонан бажариладиган, яъни бирор илмни ёки бирор касбни ўрганиш ва у билан шуғулланиш, бизнес ташкил қилиш, соғайиш ёки озиш учун машқлар бажариш, фарзанд тарбия қилиш, ходим ёллаш, ишга кириш, ўқишга кириш, тил ўрганиш ва ҳоказоларни назарда тутяпмиз.

Ичимиздаги идрокий ишлар деганимизда эса ўзимиз ва атроф-олам ҳақидаги қарашларимиз устида бажариладиган ишлар назарда тутиляпти. Улар қандай ишлар эканлигини қуйидагилардан билиб олишингиз мумкин:

Аллоҳга ишониш, яъни сўраган нарсангизнинг беришига ишониш қийинми ёки ноодатийми?
Ўзингизни яхши муносабатларга лойиқ кўриш қийинми ёки ноодатийми?
Менга бахтли бўлиш мумкин дея олиш қийинми ёки ноодатийми?
Турмуш ўртоғингиз учун севимли аёл бўлишга ўзингизга рухсат бериш қийинми ёки ноодатийми?
Сизга тез-тез гул совға қилишларига лойиқликни ҳис қилиш қийинми ёки ноодатийми?
Ўзида одамлар олдида ўз фикрини чиройли ва дадил сўзлашга лойиқ шахсни кўриш қийинми ёки ноодатийми?
Бирор ишни қила олишингизга ишониш қийинми ёки ноодатийми?
Ўзингизни бахтли бўлишга лойиқ кўриш қийинми ёки ноодатийми?
Ҳозиргидек ёки ундан камроқ ишлаб ҳам даромадни ошириш, ҳозиргидан кўпроқ пул топишга ишониш қийинми ёки ноодатийми?
Ишингиз юришиб кетишига ишонишингиз қийинми ёки ноодатийми?
Ўзингизни, ота-онангизни, яқинларингизни кечириш қийинми ёки ноодатийми?
Йўқ дея олиш қийинми ёки ноодатийми?

Бу ишлар жуда муҳим ва биринчи ўринда бажарилиши керак бўлсада аммо кўпчилик эътибор бермайди ва шунинг учун ҳам ташқи ишларни қилишда жуда кўп қийинчиликларга дуч келишади. Чунки ташқи ишларнинг қанчалик осон ва муваффақиятли бажарилиши ички ишларнинг қай ҳолатда эканлигига боғлиқ.

Бас, ҳолат шундай экан бугундан бошлаб диққат-эътиборингизнинг кўпроқ қисмини ичингизда бажариладиган ишларга ҳам қаратишни бошланг. Бунинг илмини ўрганинг, бу борадаги маҳоратингизни оширинг. Ана ўшанда ҳозирда сизни қийнаб келаётган кўпгина муаммоларингиз жуда осон ва тез ҳал бўла бошлайди.

Бу мақолани ўқиб тушуниш ҳам ички ишларга киради. Чунки сиз қийин деб юрган ишлар аслида қийин эмас, балки шунчаки ноодатий эканлигини англасангиз энди у ишларни қилишга бемалол куч топишингиз, олдинлари қийин деб қилмай юрган ишларингизга киришишни бошлашингиз мумкин.

Бу фикрларни фойдали деб билсангиз яқинларингизга ҳам улашинг.

@trening_kitob

Ассалому Алайкум ва роҳматуллоҳи ва барокатуҳ!

ҚИЙИНМИ ёки НООДАТИЙМИ?

Биз кўпгина ишларни, ўзимиз учун фойдали бўлишини билсакда, аммо қийин дея улардан қочиб юрамиз. Ҳозирги аҳволимиздан қониқмасакда аммо бунга кўниб яшаётганлигимизнинг асосий сабабларидан бири ҳам бизни яхшироқ ҳолатга олиб чиқадиган ишларни қийин деб ўйлашимиздир.

Тўғри-да, қийин бўлгандан кейин иложингиз қанча!? Қийин ишни қилиш ҳам қийин, ҳаттоки ўша ишни қилаётганингизни ўйлаш ҳам қийин. Шундай экан ҳозирги аҳволингизга кўникиб яшашдан бошқа чорангиз ҳам йўқ.

Бирор ишга "қийин" деган белги қўйганингиздан кейин энди уни бажариш учун кўпгина супер қобилиятлар керак бўлади: - кучли ирода, меҳнатсеварлик, қатъият, кўп илм ва тажриба, IELTS дан 9 балл, ... у ёғини ўзингиз давом эттиришингиз мумкин.
Бунча супер қобилиятлар нимага керак дейсизми!? Ахир қийин ишни оддий одам қила олмайди-да.

Энг ачинарлиси бирор ишга қийин деган тамға бостирган заҳотингиз энди уни осон бажариш ҳақида ҳаттоки ўйлаб ҳам кўрмайсиз.

Аммо миямиз учун қийин деган нарса мавжуда эмас. Унда фақат ноодатий деган ҳолат бор, холос. Тушуняпсизми!?

Буни яхши тушуниш учун авваллари қийин деб ўйлаган, аммо ҳозир осон қилаётган ишларингизга қаранг. Дейилик сиз бир пайтлар велосипед ҳайдашни ўрганаётганингизда кўп бора йиқилиб қийналгансиз, балансни ушлай олмасдан роса асабингиз бузилган, зўрға ҳайдаб кетаётганингизда чеккада турган дарахт ҳам олдингиздан чиқиб қолиб сизга йўл бермаган ва сиз унга бориб урилгансиз -). Аммо ўрганиб бўлгач энди ҳам велосипед ҳайдашни қийин деб айта оласизми? Албатта йўқ. Чунки энди сиз буни жуда осон қиласиз.

Сувда сузишни ҳам бунга мисол қилишингиз мумкин. Токи сузишни ўрганмагунингизча бундан қийини йўқ. Аммо ўрганиб олгач мазза қилиб сузиб юриш мумкин. Машина ҳайдашни ўрганиш ҳам шунга ўхшаш - бошида қийин, ўргангач эса осон.

Агар биз ўйлаган ишлар ҳақиқатдан ҳам қийин бўлганида эди уни қилаётганингизда ҳар доим, яъни ўрганиб бўлгандан кейин ҳам қийналишингиз керак бўларди. Аммо биз биламизки, ҳар қандай қийин деб ўйлаган ишимизга одатланиб олсак энди у биз учун қийин бўлмай қолади.

Бу ёзилганларда бирор фойда олиш учун эса сиз ҳозирги кунда ҳаётингизда дуч келиб турган муҳим масалаларнинг қийин ёки ноодатийлиги ҳақида ўйлаб кўринг. Қачонки бу ишлар қийин эмас, шунчаки ноодатий эканлигини тушуниб етсангиз уларни ҳал қила оладиган бўласиз.

Бу фикрларни фойдали деб билсангиз яқинларингизга ҳам улашинг.

@trening_kitob

Ассалому Алайкум ва роҳматуллоҳи ва барокатуҳ!

Қандай яшаш керак эмаслиги билиш яхши яшаш учун кифоя қилмайди. Чунки қандай яшаш керак эмаслигини билиш қандай яшаш кераклигини билишни англатмайди.

Биз нималар қилмаслик кераклигини жуда яхши билишимиз ва шу билан биргаликда нималар қилиш кераклигини эса умуман билмаслигимиз мумкин.

Ассалому Алайкум ва роҳматуллоҳи ва барокатуҳ!

Мақсадимга эришиш қийинлигини, ҳозир иложи йўқлигини, нима учун менга мумкин эмаслигини исботлайдиган мантиқнинг менга кераги йўқ.

Мақсадимга эриша олишимни, бунга лойиқ эканлигимни, қўлимдан келишини ва ҳаттоки агар хоҳласам ўзимга ёқимли тарзда эришишим ҳам мумкинлигини исботловчи мантиқни яхши кўраман ва хоҳлайман.

@trening_kitob

Агар сиз қийинчиликларга дуч келаётган бўлсангиз, ниманидир ўзгартириш учун кўп куч сарфлаётган бўлсангиз, билингки бу ҳолат онг остингизда сиз хоҳлаётган ўзгаришни хоҳламайдиган дастур, чекловчи қараш борлигини англатади.

Буни яхши тушунганларни қуйидаги машғулотларимизга таклиф қилиб қоламиз:

https://t.me/+dYp80B7eB-05MWMy

Ассалому Алайкум ва роҳматуллоҳи ва барокатуҳ!

Бировни кечирмасангиз фойда олмайсиз, аммо зарар кўришингиз аниқ.
Бировни кечирсангиз зарар кўрмайсиз, аммо фойда олишингиз аниқ.

Ассалому Алайкум ва роҳматуллоҳи ва барокатуҳ!

Ўз устимда ишлаб ўзим хоҳлаётган натижа ололмаётган бўлсам ҳам ўзимни кечираман.
Ўзим хоҳлагандек инсон бўла олмаётган бўлсам ҳам ўзимни кечираман.
Ўзим тузган режаларга амал қила олмаётган бўлсам ҳам ўзимни кечираман.
Ўзимга ишониб, ўзимни яхши кўриб, чин дилдан ва чуқур самимият ила кечираман.

Ўзимга суяна олишим, ўзимга ишона олишим учун ҳам ҳам ўзимни кечираман.
Ўзимга энг яқин ва чин дўст бўлишим учун ҳам ўзимни кечираман.
Ўзим билан ўзим самимий ва очиқчасига гаплаша оладиган бўлишим учун ҳам ўзимни кечираман.
Ўзимни яхши кўриб, чин дилдан ва чуқур самимият ила кечираман.

Келажакда хато қилишдан қўрқмаслик учун ҳам ўзимни кечираман.
Яхшиликларга янада кўпроқ куч ва ғайрат билан ҳаракат қилишим учун ҳам ўзимни кечираман.
Ўзимни буткул ва боримча қабул қилиш учун ҳам ўзимни кечираман.
Ўзимни яхши кўриб, чин дилдан ва чуқур самимият ила кечираман.

Ўзимни қанча керак бўлса шунча кечиравераман, кечиравераман.
Ўзимга қанча керак бўлса шунча имконият беравераман, беравераман.
Ўзимга қанча керак бўлса шунча ишонавераман ва яна ишонавераман.
Келажакда йўл қўйишим мумкин бўлган барча хато ва камчиликларим учун ўзимдан чин дилдан кечирим сўрайман ва ўзимни чин дилдан, чуқур самимят ила, яхши кўрган ҳолда олдиндан кечираман.

Ахир ўзим учун энг яқин ўзимман-ку!? Агар мен ўзимни кечирмасам, бошқаларнинг кечиришининг нима аҳамияти бор!?

Аллоҳ ҳақ субҳанаҳу ва таолога бунга қодир қилгани, буни англатгани учун чексиз ҳамду санолар бўлсин! Алҳамдулиллаҳ!

Ассалому Алайкум ва роҳматуллоҳи ва барокатуҳ!

Диққат-эътибор - бу сиздаги энг кучли, универсал ва қимматли ресурслардан биридир. Буни яхшилаб англаб олиш керак.

Диққат-эътибор - бу универсал ресурсдир.
Диққат-эътиборингизни пулга, олтинга айлантирсангиз бўлади.
Диққат-эътиборингизни энергияга айлантирсангиз бўлади.
Диққат-эътиборингизни кучга, билимга, имкониятга айлантирсангиз бўлади.
Диққат-эътиборингизни исталган нарсага айлантиришингиз мумкин...

Ҳозирда сиз диққат-эътиборингизни нималарга айлантиряпсиз?
Пулсизликками, ўзига бўлган ишончсизликками, касалликками, бахтсизликками, муносабатларингизни бузишгами, муваффақиятсизликками ...?

Диққат-эътибор - бу сиздаги энг кучли, универсал ва қимматли ресурслардан биридир. Буни яхшилаб англаб олишингиз керак.