Traktorlar 🇺🇿

Янги авлод машиналари кунига 50 тоннагача пахта термоқда

Бу йилги пахта йиғим-терим мавсумида Бухоро вилоятида Хитойнинг “Boshiran” компаниясида ишлаб чиқарилган “Boshiran 4 МЗ-2А” русумли пахта териш машиналаридан кенг фойдалнилмоқда. Жумладан, Бухоро туманидаги 76-90 схемада экилган пахта майдонларига ушбу янги авлод машиналари чиқарилди.

Замонавий агрегатларнинг унумдорлиги юқори бўлиб, ҳар бири ёрдамида кунига 40-50 тоннагача пахта териб олиш мумкин. Энг асосийси, пахта териш машиналари ҳосилни сифатли ва йўқотишларсиз йиғиштириб олиш имконини беряпти. Буни ўтказилган тажрибалар ҳам тасдиқламоқда.

Гап шундаки, ушбу комбайнларда терилган пахта далаларида ҳосилдорлик қўлга терилганга нисбатан 5-6 центнергача юқорилигини кўрсатди. Шунингдек, 1 кунда 400 нафар одамнинг ўрнини боса олиши фермерларимизга қулайлик яратмоқда. Пировардида “оқ олтин” ёмғирли кунларга қолдирилмасдан сифатли териб олинади.

Бизни кузатиб боринг:👇
https://t.me/klasteruzb

Дўстликда пахта ҳосили техника ёрдамида териб олинади

Бу йил Дўстлик тумани пахтакорлари 56 390 тонна пахта хирмони яратишни режа қилишган. Шу мақсадда кластер ва фермерлар томонидан ғўза оботибида парваришланиб, мўл ҳосилга пойдевор қўйилди.

Айни пайтда пайтда пахтачиликдаги сўнги агротехника тадбирлари бўлган ғўзани дефолиация қилиш ва пахта йиғим-теримини уюшқоқлик ўтказишга жиддий тайёргарлик кўриляпти.

Эътиборлиси, бу йил туманда пахтани ҳосилини, асосан, техника воситалари ёрдамида йиғиштириб олиниши кутиляпти. Бунинг учун мавсумга жами 77 та юқори унумли пахта териш машиналари жалб этилади. Шунингдек, яна 15 та терим комбайни ижара асосида олиб келиниши режалаштирилган.

Бизни кузатиб боринг:👇
https://t.me/klasteruzb

Hamkorlikda qishloq xo‘jaligi texnikalari sinovdan o‘tkaziladi

🇺🇿🇧🇾Avval xabar berganimizdek, Qishloq xo‘jaligi vazirligi huzuridagi Qishloq xo‘jaligi texnikasi va texnologiyalarini sertifikatlash va sinash markazining bir guruh mutaxassislari “Belarus mashina sinash stansiyasi” davlat muassasasida ish jarayoni bilan tanishish, o‘zaro tajriba almashish maqsadida Belarus Respublikasida xizmat safarida bo‘lib qaytishdi.

🚜 Xizmat safari davomida traktorlar va o‘zi yurar texnikalarning tashqi shovqini, tormoz tizimining samaradorligi, ag‘darilish burchagi, kabinadagi shovqin darajasi, chang miqdori, boshqaruv organlarining joylashuvi, o‘rindiqdagi va boshqaruv organlaridagi tebranishlar o‘lchami, havo harorati, namligi, shamol tezligi, zararli moddalarning miqdori, kirish yo‘lining o‘lcham tasniflari, qishloq xo‘jaligi texnikalarini gabarit o‘lchamlari, boshqaruv panelidagi yorug‘lik darajasi, yo‘l tirqishi, kabinaga kirish qismi o‘lchamlarini aniqlash bo‘yicha taqqoslash sinovlari o‘tkazildi.

📊 Taqqoslash sinovlaridan olingan natijalarni zamonaviy usullardan foydalanib tahlil qilish, qayta ishlash hamda ular asosida bayonnoma rasmiylashtirishda QTTSM mutaxassislari o‘zlarining takliflarini bildirdi. Birgalikda olib borilgan taqqoslash sinovlari natijalarida ijobiy ko‘rsatkichlar qayd etildi.

🤝 Shuningdek QTTSM mutaxassislari Minsk traktor zavodi OAJning “MTZ-Xolding” traktorlarni sinash markazida ham bo‘lishdi. Bu yerda respublikamizda keng qo‘llanilib kelinayotgan Belarus traktorlariga 3-sxema bo‘yicha sertifikatlashtirish ishlarini tashkillashtirish masalalari ko‘rib chiqildi. Binobarin, mamlakatimizda Minsk traktor zavodida ishlab chiqarilgan Belarus traktorlarining 5 dan ortiq rusumlaridan foydalanish bo‘yicha kelishuvga erishildi.

✔️ Kelgusida “MTZ-Xolding” traktorlarni sinash markazi rahbariyati bilan boshqa ko‘rsatkichlarni ham birgalikda aniqlash, sinovlarni o‘tkazish va zarur me’yoriy hujjatlarni ishlab chiqish bo‘yicha kelishib olindi.

🌐Website 💬Telegram 💬Facebook 📺YouTube 📷Instagram

Mamlakatimizda lazerli yer tekislash texnikalari soni ortib bormoqda

🇺🇿 O‘zbekiston Respublikasi Prezidentining 2023-yil 26-yanvardagi PQ-23-sonli qarorida 2023-yildan boshlab, xorijdan olib kelingan va respublikamizda ishlab chiqarilgan lazerli qurilmaga ega avtomatlashtirilgan yer tekislagich agregatlarini sotib olgan qishloq xo‘jaligi mahsulotlari ishlab chiqaruvchilariga yer tekislagich agregatlari qiymatining 30 foizi Davlat byudjetidan qoplab berilishi belgilangan.

🚜 Davlatimiz tomonidan lazerli yer tekislagichlar sotib olishga berilayotgan imtiyozlar natijasida joriy yilning o‘tgan davri mobaynida Qishloq xo‘jaligi vazirligi huzuridagi "O‘zagroinspeksiya" tomonidan 591 dona yangi zamonaviy lazerli yer tekislagichlar davlat ro‘yxatiga olindi.

ℹ️ Bugungi kunda davlat ro‘yxatiga olingan zamonaviy resurs tejamkor lazerli yer tekislagichlar soni 1,5 ming tadan ortdi. Solishtirish uchun, mazkur ko‘rsatkich 2017-yilda mamlakatimizda atigi 127 donani tashkil etar edi.

🌐Website 💬Telegram 💬Facebook 📺YouTube 📷Instagram