Toshkent viloyati hokimligi

#Bildirish #Cтатистика_уведомление

Toshkent viloyatining aholisi yana oshdi

Dastlabki ma’lumotlarga ko‘ra, 2025- yilning 1- yanvar holatiga viloyatda doimiy aholi soni 3 108,5 ming kishini tashkil qildi va yil boshidan 56,7 ming kishiga yoki 1,9 % ga ko‘paydi.

Shundan, shahar joylarida 1 554,3 ming kishini (jami aholi sonining 50,0 %) va qishloq joylarida 1 554,2 ming kishini (50,0 %) tashkil etdi.
________

Численность населения Ташкентской области снова выросла

Согласно предварительным данным, по состоянию на 1 января 2025 года численность постоянного населения Ташкентской области составила 3 108,5 тысяч человек и с начала года выросла на 56,7 тысяч человек или на 1,9 %.

Также соотношение численности городского населения составило 1 554,3 тысяч человек (50,0% от общего числа населения области), численность населения, проживающего в сельской местности, составила 1 554,2 тысяч человек (50,0 %).

✅ Telegram 🌐Website 📹YouTube 📸 Instagram✅Facebook 🕊Twitter

⭕️Live

Qishloqda bir kun: Sanganakda viloyat sektor rahbarlari va faollar ishtirokida ijtimoiy aksiya oʻtkazilmoqda

Ayni paytda “Qishloqda bir kun” ijtimoiy loyihasi doirasida Parkent tumani, Sanganak qishlogʻida madaniy tadbirlar va muloqotlar oʻtkazilmoqda.

Paralel ravishda maxsus chodirlarda aholi uchun chuqurlashtirilgan tibbiy koʻrik boʻlib oʻtdi, maktabda yoshlar ishtirokida turli sport musobaqalari, nuroniylar bilan davra suhbati boʻlmoqda. Aksiya doirasida qishloqdagi 21-sonli umumtaʼlim maktabiga 1000 dona kitob sovgʻa qilindi.

Zoyir Mirzayev ayni paytda qishloq aholisi uchun ommaviy sayyor qabul oʻtkazmoqda.

✅ Telegram 🌐Website 📹YouTube 📸 Instagram✅Facebook 🕊Twitter

#Diqqat

“Tashabbusli byudjet”ning 1 mavsumi 1-fevraldan boshlanadi

“Tashabbusli byudjet” jarayonlarining 2025-yilgi 1- mavsumi 1-fevraldan boshlanib, 20-martga qadar davom etadi.

Bunda:

➖ Loyiha kiritish bosqichi — 1–20-fevral;
➖ Saralash bosqichi — 21-fevral–7-mart;
➖ Targʻibot bosqichi — 8–10-mart;
➖ Ovoz berish bosqichi — 11–20-mart kunlari oʻtkaziladi.

Joriy yildagi 1-mavsum gʻoliblari 21-mart — Navroʻz bayrami kuni eʼlon qilinadi.

✅ Telegram 🌐Website 📹YouTube 📸 Instagram✅Facebook 🕊Twitter

#Diqqat_eʼlon

“Navoiy” chegara bojxona posti ochildi!

Bojxona qoʻmitasi ayni daqiqalarda Toshkent viloyati Toshkent tumanida joylashgan va yangidan buyond etilgan “Navoiy” chegara bojxona posti (“Zangiota” chegara oʻtkazish punkti) 2025-yil 27-yanvardan eʼtiboran sinov rejimida ish boshlaganini maʼlum qiladi!

Zamonaviy qiyofadagi ushbu bojxona postida fuqarolar uchun barcha zarur shart-sharoitlarga ega keng va yorugʻ zallar, avtobus va yengil avtotransport vositalari hamda ularda harakatlanayotgan yoʻlovchilar uchun alohida yoʻlaklar tashkil etilgan.

Bojxona postiga tutash hududda bir vaqtda 500 dan ortiq yengil avtotransport vositalari, 100 dan ortiq avtobuslarni qabul qilish imkoniyatiga ega zamonaviy avtoturargoh barpo etilib, unda xalqaro yoʻnalishda harakatlanayotgan avtobus va yengil avtotransport vositalari, shuningdek mahalliy yoʻnalishdagi jamoat transportlari hamda taksi xizmatlari yoʻlga qoʻyilgan.

Avtoturargohda transport vositalari uchun kutish joylari, fuqarolar uchun tez tayyor boʻluvchi tamaddixonalar, kafe va boshqa maishiy va ijtimoiy xizmatlar, bundan tashqari xalqaro yoʻnalishdagi avtotransport vositalari uchun shaffof elektron navbat tizimi yoʻlga qoʻyiladi.

✅ Telegram 🌐Website 📹YouTube 📸 Instagram✅Facebook 🕊Twitter

#Tayinlov

Xusanov Nurali Yarikulovich Toshkent viloyati “Dori-darmon” AJ boshqaruvi raisi etib tayinlandi.

N. Xusanov - 1967-yilda Samarqand viloyatida tugʻilgan. Maʼlumoti – oliy. 1992-yilda Toshkent Farmatsevtika institutini tamomlagan.

U faoliyati davomida koʻp yillar “Samarqand Dori-darmon” AJ da bir qator lavozimlarda faoliyat yuritgan.

Tayinlovga qadar, “Dori-darmon” AJ tijorat boʻyicha direktori vazifasida ishlab kelayotgan edi.

✅ Telegram 🌐Website 📹YouTube 📸 Instagram✅Facebook 🕊Twitter

#Tayinlov

Yuldoshov Mahmud Maʼruf oʻgʻli Toshkent viloyati maktabgacha va maktab taʼlimi boshqarmasi boshligʻi etib tayinlandi.

M. Yuldoshov - 1994-yilda Boʻstonliq tumanida tugʻilgan. Maʼlumoti – oliy. 2018-yilda Toshkentdagi Singapurning Menejmentni rivojlantirish instituti, Buyuk Britaniyaning Sanderlend universitetini tamomlagan.

2018-2022-yillarda “Genius Campus” NTM rahbari sifatida faoliyat olib borgan.

Tayinlovga qadar, Nurafshon shahridagi Prezident maktabi ijrochi direktori vazifasida ishlab kelayotgan edi.

✅ Telegram 🌐Website 📹YouTube 📸 Instagram✅Facebook 🕊Twitter

#Tayinlov

Toʻxtayev Sanjar Sultonmurodovich Respublika Maʼnaviyat va maʼrifat markazi Toshkent viloyati boʻlimi rahbari etib tayinlandi

S. Toʻxtayev - 1985-yilda Oqqoʻrgʻon tumanida tugʻilgan. Maʼlumoti – oliy. 2009-yilda Oʻzbekiston Milliy universiteti (kunduzgi), 2020-yilda Oʻzbekiston Respublikasi Prezidenti huzuridagi davlat boshqaruvi akademiyasi (magistratura) ni tamomlagan.

U faoliyati davomida Oqqoʻrgʻon tumani hokimligining bir qator masʼul lavozimlarida faoliyat yuritgan.

Tayinlovga qadar, Toshkent viloyati Madaniyat boshqarmasi boshligʻi oʻrinbosari vazifasida ishlab kelayotgan edi.

✅ Telegram 🌐Website 📹YouTube 📸 Instagram✅Facebook 🕊Twitter