TOSHKENT SHAHAR SOLIQ BOSHQARMASI rasmiy kanal

#qonunchilikdagi_yangiliklar

Yoshlarning tadbirkorlik faoliyatini qo‘llab-quvvatlash maqsadida ularga imtiyozli kreditlar ajratiladi

Yoshlarning tadbirkorlik g‘oya va tashabbuslarini qo‘llab-quvvatlash, yosh tadbirkorlik subyektlarining iqtisodiyot tarmoqlari va sohalaridagi, shu jumladan, startap va innovatsion loyihalarini ro‘yobga chiqarishga ko‘maklashish, kasb-hunar, raqamli texnologiyalar hamda xorijiy tillarni chuqur egallashi uchun qo‘shimcha sharoitlar yaratish, shuningdek, yoshlar bandligini ta'minlash maqsadida Prezident qarori qabul qilindi
👉PQ-62-son, 14.02.2025-y

Hujjatga koʻra:

2025 – 2027-yillarda “Yoshlar biznesi” dasturi doirasida:

▫️350 mingta yoshni qamrab olish, jumladan 18 yoshga toʻlgan va 30 yoshdan oshmagan shaxslar uchun kamida 100 mingta qoʻshimcha ish oʻrinlarini yaratish, yoshlarning startap va investitsiya loyihalariga imtiyozli moliyaviy mablagʻlarni ajratish, raqamli texnologiyalar tatbiq etilgan innovatsion loyihalar hamda ijtimoiy tadbirkorlik yoʻnalishidagi qoʻllab-quvvatlash choralarini joriy etish koʻzda tutilgan.

Shuningdek, “Biznesga birinchi qadam” loyihasiga koʻra:

▫️18 yoshga toʻlgan va 30 yoshdan oshmagan, ijtimoiy soliqni toʻlagan oʻzini oʻzi band qilgan jismoniy shaxslarga imtiyozli mikroqarz sifatida sugʻurta polisi yoki uchinchi shaxs kafilligi taʼminoti ostida 7 yil muddatgacha, shu jumladan, asosiy qarz boʻyicha 2 yilgacha imtiyozli davr va foiz toʻlovlari boʻyicha 3 oygacha imtiyozli davr bilan 100 million soʻmgacha mablagʻlar onlayn tarzda ajratiladi.

🖇Mazkur kredit malagʻlari:
▫️ chorvachilik, parrandachilik hamda qishloq xoʻjaligining boshqa yoʻnalishlaridagi faoliyatni;
▫️ ishlab chiqarish va xizmat koʻrsatish faoliyatini tashkil etish hamda amalga oshirish;
▫️hunarmandchilik jihozlarini sotib olish va aylanma mablagʻlarni toʻldirishga;
▫️ fan, sanʼat va sport yoʻnalishlarida oʻz qobiliyatini namoyon etgan iqtidorli yoshlarni hamda frilanserlik xizmatlarini koʻrsatuvchi yoshlarni qoʻllab-quvvatlash uchun yoʻnaltiriladi.

❗️Maʼlumot uchun: 2024-yilda oʻzini oʻzi band qilgan shaxslar 4,4 mln nafardan oshdi.

👉O‘zini o‘zi band qilgan shaxs sifatida ro‘yxatdan o‘tish uchun videoqo‘llanmadan foydalaning

Тelegram |Facebook |Youtube| Instagram |X| Threads

#qonunchilikdagi_yangiliklar

Aholi bandligini ta'minlash uchun moliyaviy yordam ajratish tizimi takomillashtiriladi

Aholiga moliyaviy yordamlarni ajratish tizimini soddalashtirish va ulardan samarali foydalanish imkoniyatlarini yanada kengaytirish hamda manzilliligini ta'minlash maqsadida, Prezident qarori qabul qilindi.
👉PQ-64-son, 14.02.2025-yil

Qarorga ko‘ra:

"Kambag‘allikdan farovonlik sari" dasturida belgilangan vazifalar samarali amalga oshirilishini tashkil etish hamda kambag‘al oilalarni doimiy daromad manbai bilan taʼminlash maqsadida Kambag‘allikni qisqartirish davlat maqsadli jamg‘armasi mablag‘lari hisobidan moliyaviy yordamlar ajratilishi belgilanmoqda. Bunda:

▫️Tadbirkorlik faoliyatini boshlamoqchi bo‘lgan fuqarolar moliyaviy yordamlarni olgandan so‘ng bir oy muddatda soliq idoralaridan tadbirkorlik subyekti yoki o‘zini o‘zi band qilgan shaxs sifatida ro‘yxatdan o‘tishi zarur;

▫️tadbirkorlik subyektlariga ssudalar ularning soliqlar va yig‘imlardan qarzdorligi mavjud bo‘lmagan taqdirda ajratiladi.

Mamlakatimizda ehtiyojmand aholini o‘zini o‘zi daromadli mehnat bilan band qilish, ularning tadbirkorlik tashabbuslarini qo‘llab-quvvatlash, hunarmandchilik va kasanachilik bilan shug‘ullanuvchi ishsiz fuqarolarga asbob-uskunalar va xomashyo xaridi uchun davlat tomonidan subsidiya va boshqa moliyaviy yordamlarni ajratish tizimi joriy etilgan. Ushbu maqsadlarga har yili 140 mingdan ortiq aholiga mablag‘lar ajratilmoqda.

🖇Ma’lumot uchun: O‘zini o‘zi band qilgan jismoniy shaxslar “Soliq" mobil ilovasi orqali soliq xizmati organlarida ro‘yxatdan o‘tishlari mumkin bo‘ladi.

Тelegram |Facebook |Youtube| Instagram |X| Threads

#mobil_ilova

⭐️⭐️: Chetga chiqishga cheklov yo'qligini ✅ Soliqdan bilib oling!

Soliq mobil ilovasining yangilangan 2.0.11. versiyasida Oʻzbekiston Respublikasi hududidan chiqishga vaqtinchalik cheklovlar mavjudligini bilish imkoniyati qoʻshildi.

“Soliq” mobil ilovasi foydalanuvchilari sud qarorlari yoki boshqa organlarning ijro hujjatlari asosida xorijga chiqishlari cheklanganligini masofadan turib tekshirishlari mumkin.
👉 O‘RQ-258-II-son, 42 prim 1-moddasi

Buning uchun quyidagi amallarni bajaring:

◽️"Umumiy xizmatlar" boʻlimi;
◽️"Xorijga chiqish cheklovini aniqlash" xizmati;
◽️JShShIR yoki ID karta (pasport) raqamini kiriting.

Shundan keyin telefon ekranida quyidagi xabarlardan biri paydo boʻladi:
✔️ "Sizda Oʻzbekiston Respublikasidan chiqishga cheklov aniqlanmadi."
❌ "Sizda Oʻzbekiston Respublikasi hududidan chiqish vaqtincha cheklangan."

Agar vaqtinchalik cheklov mavjud bo'lsa,"Batafsil" tugmasi orqali sababi va sanasi haqida ma'lumotni olishingiz mumkin.

Ushbu xizmatdan foydalanish bepul.
________
#мобильное_приложение

⭐️⭐️: Об ограничениях на выезд за границу узнайте в мобильном приложении Soliq!

✅ В обновленной 2.0.11. версии приложения добавлена функция проверки наличия временных ограничений на выезд за пределы Республики Узбекистан.

Пользователи мобильного приложения Soliq могут удаленно проверить ограничен ли им выезд за границу на основании судебных актов или исполнительных документов иных органов.
👉 ст.42 прим.1, ЗРУ № 258-II

Для этого:
◽️перейдите в раздел "Общие услуги";
◽️выберите услугу "Определение ограничения на выезд";
◽️введите ПИНФЛ либо номер ID карты (паспорта).

Следом на экране смартфона появится одно из следующих уведомлений:
✔️"Ограничений на выезд из Республики Узбекистан не установлено";
❌ "Ограничение на выезд из Республики Узбекистан установлено".

В случае, если временное ограничение установлено, нажав на "Подробнее", получите информацию о причинах и датах.

Данная услуга бесплатная.

Тelegram |Facebook |Youtube| Instagram |X| Threads