Tong yulduzi | Rasmiy kanal

Aziz bolajonlar! Siz shoh va shoir Zahiriddin Muhammad Boburning hayoti va ijodi haqida ko‘p ma’lumotlarga egasiz. Adabiyot darslarida ustozingiz Bobur g‘azal, ruboiylarini yodlatgan. Tadbirlarda faol ishtirok etib, sahna ko‘rinishlari tayyorlagansiz. «Boburnoma»ni o‘qisangiz, dilbar shoirimizning yana ko‘plab fazilatlarini kashf etasiz. Boburning «Musiqa sirlari», «Qofiya» asarlari hozirgacha topilmagan. Lekin ona tomonidan bobosi Yunusxon rassom, adabiyotshunos, musiqachi ham bo‘lgani bizga ma’lum. Boburga bobosidan bu fazilatlar ham o‘tgan. Shu tariqa u musiqa, uning sirlaridan xabardor bo‘lgan. Vatandan uzoqda yashab, azob-uqubatlar qayg‘usini musiqa orqali yengishga harakat qilgan. Bobur yaratgan bog‘ ham bizga ma’lum.

Bugun ulug‘ shoir va mutafakkir Mir Alisher Navoiy tavalludining 584 yilligiga bag‘ishlab, «TIQXMMI milliy tadqiqot unversiteti «Inter house Tashkent» akademik litseyida adabiy kecha boʻlib oʻtdi. O‘zbekiston Respublikasi Fanlar akademiyasi O‘zbek tili va adabiyoti va folklori instituti, O‘zbek mumtoz adabiyoti tarixi bo‘limi doktoranti, navoiyshunos Marvarid Nurboyeva, O‘zbek Milliy akademik drama teatri aktyori Tolib Mo‘minov, O‘zbekiston Yozuvchilar uyushmasi a’zosi Abdumajid Azimov, «Tong yulduzi» gazetasi bo‘lim muharriri Nodira Nazarovalar bilan ijodiy uchrashuv bo‘lib o‘tdi.

Ruboiy yoki tuyuq aytib bera olgan, zukko o‘quvchilarga «Tong yulduzi» gazetasi tahririyati nomidan kitoblar sovg‘a qilindi.