Tolibi ilmlarga eslatma

Barcha narsa tamom boʻldi deb oʻylagan vaqtingda Alloh taolo boshlash uchun senga yangi bir yoʻlni yaratib beradi...

Allohim, ishlarimizni yengil qilgin va bizga yordam bergin!

✍️ @toliblarga_nasihat

#farzand_tarbiyasi #ona_madrasadir

🔹Farzandmi yoki karyera?

❤️ Bolalar – tarbiyasida onalarning taʼsiri kattadir. Chunki bola ona bilan ulgʻayadi. Onaning tarbiya maskani zararga yoʻliqsa, nasllarda oʻnglanmaydigan yaralar ochiladi, onani yoʻqotgan jamiyat kelajagini yoʻqotadi. Farzandning ilk tarbiya makoni onaning koʻksidir. Har yurak urishida goʻdagiga boʻlgan mehr mavjlanarkan, u onasi birgalikda asta-sekin tarbiya topa boradi.🤗

Afsuslar bilan aytishimizki, ayrim ishlaydigan onalar farzandi bilan to’liq shug’ullana olmaydi. Vaholanki, uning o’zi farzandini kelajagi uchun ishlashini da’vo qiladi. Aslida uning farzandidan ayro qolgan har bir daqiqasi huddi bir yilni qo’ldan boy bergandek ahamiyatlidir.

🩷Farzand endi onaning emas, boquvchisining, o’qituvchisining yonida ulg’ayayotgan bir xulq bilan katta bo’lmoqda. Maqsadimiz enaga yoki o’qituvchilarni qoralash emas. Aytmoqchi bo’lganimiz, agar ular yaxshi axloq egasi bo’lmasa, u bolada o’z izini qoldiradi. Buni esa hech qaysi ona istamasligi aniq. Bugungi kun onalarini bu qiyin vaziyatdan xalos qilish zarur.

👍Onalar bolalarining goʻzal tarbiya olishi va sogʻlom kelajaklari uchun o’zlarida ishlash majburiyatini his qilmasliklari lozim.

💻Gohida hayotda boshimizga tushgan turli musibatlar sabab ona bolalarini tashlab, ishlashga majbur bo’lishi mumkin.
🤩Faqat turmush o’rtog’ining maoshi yetarli boʻlsa-da, turli feministik qarashlar bilan “O’z kuchi bilan erishgan, uddaburon va ishbilarmon ayol” kabi so’zlarga uchib, bolalarini bog’chalarga tashlab qo’ymasinlar.

*Hech qachon bolalaringizni bu yoshda qaytib topa olmaysiz, bag’ringizga bosib erkalay olmaysiz. Bu lahzalar takrorlanmasdir.

🔻Uch pullik dunyo manfaatlariga erishaman deb, bolalarimizni begona qo’llarga topshirmaylik. Karyera yarataman deb, uning izidan quvib bolamizning haqqi bo’lgan vaqtlarni o’z hislarimizga qurbon qilmaylik. Farzandlarimizning sog’lom va baxtli ulg’ayishini sotib oladigan hech qanday pul, hech qanday boylik bu dunyoda yo’q!

✍️ @toliblarga_nasihat

Ilm olish uchun xoksorlik va minnatdorlik kerak.
1. Ibn Abdulbarr aytadi:
Olimu solihlar: «Olim kishi johil yoki munozarakash (inodchi) bilan bahslashmasligi lozim», deganlar. Chunki bunday odamlar bahsni ilm olish vositasiga aylantirib, shukr qilmaydi.
2. Maymun ibn Mihron:
«Sendan bilimliroq kishi bilan bahslashma. Agar bahs qilsang, u sendan ilmini yashiradi, sen esa hech narsaga erishmaysan».
3. Abu Salama — Ibn Abbos bilan qattiq bahslashgani uchun koʻp ilmdan mahrum boʻldi. Zuhriy rivoyat qiladi: «Agar u Ibn Abbosga muloyim boʻlganida edi, undan koʻp ilm olgan boʻlardi».
4. Ibn Jurayj:
«Men Atodan olgan ilmlarim — unga muloyim va ehtirom bilan munosabatda boʻlganim tufaylidir».
5. Baʼzi olimlar shunday deb nazm qilgan:
Agar erkaklar bilan oʻtirsang va qalbingda maʼnolar chaqnasa,
Johil bilan munozaradan saqlan — baʼzan sen gʻazablanasan, u esa foyda olib, inkor qiladi.

• Ilm talab qiluvchi inson tavozeʼli, soʻzga yomgʻi, shukr qiluvchi boʻlishi lozim.
• Muhim ilmlar baʼzan faqat odob va muloyimlik ila beriladi.
• Bahs va daʼvo — ilm eshiklarini yopadi.

✍️ @toliblarga_nasihat

Shaqiqul-balxiy rohimahulloh aytadilar:

"Amalga kirish ilm bilan bo'ladi. Unda sobitlik esa sabr bilan. Unga taslim bo'lish ixlos bilan. Kimda-kim amalga ilm bilan kirmasa u johildir"

(Hilyatul-avliyo)

✍️ @toliblarga_nasihat

“Agar biror kishi zulmga uchrasa, oʻsha paytda uning ayblarini gapirish toʻgʻri emas. Agar sen zulm qilgan odam haqida loyiq gap aytmasang, bu adolatsizlik boʻladi. Zulm sodir boʻlgan vaqt — mazlumni himoya qilish vaqtidir, uni tahlil qilish yoki ayb izlash vaqti emas.”

Shayx Abdulaziz Torifiy

✍️ @toliblarga_nasihat

Qurʼon ahli — insonlar ichida eng ulugʻ maqom sohiblaridir,
ular Qurʼonni yod olganliklari sababli,
baland martabaga chiqqandirlar.

Umar ibn Xattob roziyallohu anhudan rivoyat qilinadi:
Rasululloh sollallohu alayhi vasallam dedilar:
«Alloh taolo bu Kitob (yaʼni Qurʼon) orqali bir qavmni yuksaltiradi,
boshqalarni esa past qiladi.»
(Imom Muslim rivoyati)

✍️ @toliblarga_nasihat