Think with Mirro


Гео и язык канала: Узбекистан, Узбекский
Категория: Блоги


Marketing, biznes, reklama va filosofiya (haha) bo’yicha fikrlar bilan bo’lishaman.
📩 @jmsAD

Связанные каналы  |  Похожие каналы

Гео и язык канала
Узбекистан, Узбекский
Категория
Блоги
Статистика
Фильтр публикаций


Видео недоступно для предпросмотра
Смотреть в Telegram
Marketingda shogirdlik

Tushuntirishga vaqt yo'q. @RahimovSchool marketing jamoamizga shijoatli, kreativ, ishlarni tez va sifatli bajara oladigan mehnatkash odam izlayapmiz.

Evaziga Aziz Rahimov boshchiligidagi katta va ahil jamoada ishlash, ta'limga hissa qo'shish va marketing darslarida o'tilmaydigan tajribalarga ega bo'lish imkoniyatini beramiz.

Kofe, choy, kulerda suv va bir mahal ovqat – bonus. Oylik ham beramiz, qo’rqmang)

Agar sizda biznes fikrlash, muammolarga imkoniyat sifatida qaraydigan tafakkur va marketing/biznesda kichik bo'lsa ham tajriba bo'lsa, ushbu vakansiya aynan siz uchun.

Qisqa formani to'ldirib, karyerangizda hoziroq muhim burilish qiling!

🟢https://bit.ly/marketing-jonu-dilim

#ish / @thinkwithMirro


Zomin taasurotlari

Zomin shahardan Zomin tog’larigacha xuddi Toshkentdan Chorvoqqacha yo’lga o’xshaydi. 1 soatlarda yetib olsa bo'larkan.

Havo toza, yo’llar yaxshi, odamlar tetik.

Yangi kanat yo’li qurilibdi. Tog’lar osha 2KM atrofida yuradi. 100K dan bir tomonga. Tepaga chiqib, shisha-ko’prikdan o’tdik. Ekstrim. —100K.

Marafon bo’ladigan joyni ko’rib qaytdik.

Shaharda Islomjonlarni uyiga kelib joylashdik. Kamyuniti effekt ishladi ;) Topishga yordam berganlarga katta rahmat!

Zomin shahri kichik va shinam ekan. Shahar uchun kerakli barcha narsa 2KM radiusda joylashgan: bozor, maktab, masjid, park va Korzinka)

Kechga uxlab, probkalar boshlanmasin deb ertalab saharga tog’ga yo’lga chiqdik.

Havo kechagidan ham tozaroq, musafforoqdek.

Marafon joyiga borib atrofni ko’zdan kechirdik. Mashina ko’payib ketibdi. 7:00 da 50K masofaga start berildi.

Biz esa mashinani sal qoyaroq joyga olib chiqib biroz mizg’ib oldik.

1 soatcha uxlab marafonga tayyorlanishni boshladik. Yugurishdan oldin suv ichish, 24 soat oldin og’ir ovqat yeyish, 48 soat oldin go’sht yeyishni tavsiya qilishmadi. Shunga shunchaki olma yeb, chigalyozdi mashqlarni bajarib oldik.

———

Zaamin Ultra marafondan ko’ra ko’proq brendlar uchun reklama platformasiga o’xshaydi ;))

Korzinka, TBC, AVO, MobiUZ, Uzcard, Cambridge, Kapitalbank, OQ, qora, sariq va yana allaqanday brendlar))

Rahimov School’ni ham reklama qilib keldim, futbolkani kiyib)

Keyin yugurishga birma-bir start berildi:

10:00 — 21K
10:10 — 10K
10:20 — 2K

Startni ham juda yaxshi o’ylashibdi. Feyrverklar otildi. Vayb zo’r.

Muhammadjon aka 10K ga kettilar. Men esa yillar davomida juda qattiq tayyorlangan 841 ta havaskor bilan 2K ga yugurishni boshladim. Haha.

Qiya tog’, odam ko’p. Oldinga 10 tacha odam o’tib ketdi. Olomon birin ketin sekinlashishni, yurishni, o’tirib olishni, selfi tushib orqaga qaytishni boshladi) Shu joyda oxiriga borolmasam kerak, qachon kelarkin 1K deb turuvdim Korzinka’chilar barabanlar bilan kutib olishdi. 1K joyda belgi qo’yilgan, o’sha yerdan orqaga qaytilsa 1+1=2K bo’ladi.

Motivatsiya xuddi 2-nafas ochilgandek ochildi. Tezda burilib orqaga qaytishni boshladim. Boyagi qiya tog’ endi oyoqlarga foydaga ishlayapti. Yugurib-yugurib finishga ham kelib qo’ydik. Mendan oldin 19 kishi kelibdi, men 20- bo’lib keldim. 2KM 12:35 daqiqada. Birinchi safar uchun natija kutganimdan ancha yaxshi.

Kutib olishda medal taqishdi. Rasmga olishdi. Va Korzinka’dan ichiga yong’oq, olxo’ri va boshqa yeguliklar solingan paketcha berishdi. Rahmat deb biroz nafasni rostlab oldik.

Gravirovka qilib medalga ismimizni yozdirish uchun borgandik, navbat ko'p ekan. Shaharda qildirarmiz deb sekin ko'ch-ko'ronimizni yeg'ishtirib uyga yo'l oldik.

———

Umuman olganda, Zomin menga yoqdi. Marafon yoqdi. Vayb yoqdi. Odamlar yoqdi. Hammasi zo'r.

Hozir har kuni ertalab 2KM dan yuguryapmiz. Avgustda bo'ladigan marafonda 10KM'ga qatnashamiz inshaAlloh.

#zomin / @thinkwithMirro


Zamin Ultra 2024

#marafon / @thinkwithMirro


Репост из: Aziz Rahimov
Maktabimiz natijalari

JLSAAT matematika olimpiadasida 5ta sovrinli o’rin 'https://t.me/jlsaat/308)' rel='nofollow'>oldik.

Prezident maktabi bitiruvchilari bilan debat o’tkazib, durrang natijaga erishdik.

Zakovat o’yinlari Mirzo Ulug’bek tumani bosqichida 2-o’rinni egalladik.

20ta IELTS 7.0+ natija. 2ta 8.0 (umumiy IELTS soni 40tadan oshdi).

O’quvchilarimiz darslikdan tashqari 796 ta kitob o’qib tugatishdi. (300-500 betlik)

SATdan 12 ta o’quvchimiz natija tomon harakat qilyapti. Hozircha eng balandi - 1480

O’quv yili tugamasidan 28 ta bitiruvchimiz universitet grantlarini yutishdi. Qolganlari javobini kutyapmiz.

Farzandlariga ziyon bo’lmasin deb, bir necha oilani isloh qildik.

Bir necha bitiruvchilarimizni muhandislik kabi qiyin sohalarga qiziqtira oldik.

O’nlab o’quvchilarimiz kitobga mehr qo’yishdi.

81% ota-onalarimiz bizni doimiy tavsiya qilishni boshlashdi.

O’quv yilimiz hali tugamadi. Bizni yana yangiliklar kutyapti.

Jamoamizga, bizga ishongan ota-onalarga rahmat!

@rahimovschool


Kamyuniti effekti

Har safar kanalga biror vakansiya yoki yumush bilan yozsam, doim ortig’i bilan hal bo’lgan.

Bu safar ham sinab ko’ramiz ;)

Zaamin Ultra marafoniga ketyapmiz. Bir yugurib kelaylik. Marafonlarga shu videodan keyin qiziqib qolgandim va o’zimni sinab ko’rishga qaror qildim.

Boshlanishiga 2KM 🥱

Sherigimiz bor, Muhammadjon aka, Dubai marafonlarini ko’rganlar. Reja 10K 😎

1-iyun kuni ikki kishi mashinada ketyapmiz Zominga. Bizga o’sha yerda 1 kecha tunashga joy kerak. Puli to’lanadi. Shunchaki yaxshi odamlarni yaxshi joyi bo’lsa bo’ldi.

Ketishni reja qilib turgan bo’lsangiz mashinada joy bor. Sherik qilib ham olamiz ;)

To’g’ri shaxsiyga yozing: @jmsAD

Dalolat qilgan odamga ham suyunchi bor. An’anaga muvofiq 🥁 1L yog’!

Oxiri baxayr bo’lsin

#marafon / @thinkwithMirro


Marafonchilar bormi?😎


Hafta 9 ta surat/videoda. Endi izohlar bilan ;)

• Hafta Shavkat aka Hasan bilan syomkadan boshlandi.

• Seshanba kuni Umidadan #bookclub doirasida kitob eshitdik.

• Tabiatga oid rasmlar Botanika bog’idan. Ayni hozir borishni tavsiya qilaman. Salqin. Yashil.

O’rtadagi rasm “Piyozlar Bog’i” dan, Xitoy bilan hamkorlikda tashkil etilgan ekan.

Eyzenhaver matritsasi haqida ko’p eshitgandim-u lekin qo’llab ko’rmagandim. Oldingi hafta Shohruh bilan qilib ko’rdik. Yaxshi effekt berdi.

Vazifalarim ko’payib ketdi, vaqt yetmayapti desangiz shunchaki yozib varaqqa tushiring. Vazifalar uncha ko’p emasligini tushunasiz.

Do’kondan go’sht olib kelish va keyingi yil uchun marketing reja tuzish vazifasi miyada bir xil joy oladi. Shuning uchun ham kichik vazifalarni tezda tugatish yoki boshqa birovga yuklatish kerak.

#hafta / @thinkwithMirro


Hafta 9 ta surat/videoda

Hafta davomida olingan rasmlar bilan bo’lishib boraman. Format ma’qul kelsa davom ettiramiz.

#hafta / @thinkwithMirro

Показано 8 последних публикаций.