therealniyozov

Yevropaning zaifligi, Rossiya imperializmiga yo‘l ochdi.

Zaif tanani parazitlar egallaydi. Nisbatan kuchliroq immunitetga ega inson tanasi bunday parazitlar bilan kurashadi. Xo‘sh, buni Yevropa va Rossiya, umuman siyosatga nima aloqasi bor?

Geosiyosiy maydondagi Rossiyaga qarshi Yevropa qarshi tura olmayapti. Chunki, biz odatda nazarda tutadigan kollektiv G‘arbning o‘zi hozirda inqirozda. Bu bir necha yillardan buyon davom etmoqda. Yevropaning zaifligi esa Putinning "g‘alabalari"ga yo‘l ochyapti va Putin elitasida imkonsiz narsa yo‘q, degan illuziyani yaratmoqda.

Xuddi, normal davlat mexanizmlarida prezidentni tiyib turuvchi boshqa mexanizmlari bo‘lgani va bu orqali davlat normal ishlashi mumkinligi kabi siyosat, aynan gigant, imperialistik davlatlar o‘rtasida ham bir-birini tiyib turuvchi qarama-qarshi kuchlar bo‘lishi kerak. Shundagina u ham normal ishlaydi. Bizning holatda G‘arb normal ishlamayapti va Rossiyaga yo‘l ochyapti. Agar G'arb chindan ham kuchli va birlashgan bo‘lganida edi, biz so'nggi yillarda guvohi bo'lgan narsalarni ko'rmagan bo'lardik. Bunda nafaqat Rossiya va Putin, balki boshqa urush holatlarini ham nazarda tutyapman.

Va aksincha, G‘arb urush harakatlarini qo‘zg‘atmoqchi bo‘lganida Rossiya yoki Xitoy yoki boshqa gigant bunga qarshi chiqishi va G‘arbni tiyishi kerak edi. Lekin, nima bo‘ldi. Rossiya urush bilan band, G‘azoda inqiroz, G‘arb rahnamoligida. Xitoy harakat qilsada, yolg‘iz tiya olmadi.

"Parazitlar" va "sog‘lom tanadagi parazitga qarshi kurashuvchi a‘zolar" atamalarini endi tushungandirsiz. Parazit — imperialistik davlatlar, kurashuvchi tana a‘zosi — tiyib turuvchi boshqa bir davlatlar, katta ehtimol ular ham boshqa tomondan imperialist davlatlardir, chunki, Uchinchi dunyo davlatlari hali zaifroq.

@therealniyozov

Apple mahsulotlari nega qimmat?

Apple mahsulotini o‘zini tannarxini hisoblaydigan bo‘lsangiz, sotuvdagi narxidan ikki baravarga arzonroq chiqadi. Apple ustiga qo‘yadigan katta summa aslida u yangi ixtirolarni ishlab chiqishga sarflagan million dollarli tadqiqotlar evaziga qo‘yiladi.

Tepada Applening "yangi revolyutsiyasi"dan parchalar.

Apple another level!

@therealniyozov

Shunaqa o‘ylamanglar, xop. Pozitsiyamni aytaman. Manga katta, imperialistik davlatlarni hech qaysisi yoqmaydi. G‘arb ham, AQSh ham, Rossiya, Xitoy ham. Rossiya borasida ko‘p negativ yozishimni sababi, Rossiya boshlagan urush va Markaziy Osiyo davlatlariga qarshi propagandalari uchun. Man neytral bo‘lishga harakat qilaman. Lekin bu bilan sizlarni fikrlaringizni o‘zgartira olmayman.

Masalan, hozir shu auditoriyada ham kim uchundir "o‘risqul", kim uchundir "amerikaparast", kim uchundir "g‘arbparast"man. Fikr nisbiy narsaligini tushunib olishimiz kerak. Inson o‘zi eshitmoqchi bo‘lgan narsani, yaxshiroq qabul qiladi. Masalan, siz mani rusparastlikda ayblamoqchisiz va ruslar haqida qandaydir ijobiy fikr yozishim bilan rusparast deyishingiz mumkin.

Bundan tashqari, man ruslarni yomonlab yozishim, "amerikaparast"ligimni anglatmaydi va teskarisi ham.

Yana bir bor aytaman, man imperialistik davlatlarni yoqtirmayman, Rossiya, kollektiv G‘arb, AQSh yoki Xitoy kabi davlatlar man uchun bo‘lmasa ham mayli edi. Lekin, ular ketgani bilan o‘rnini boshqalar egallaydi.

@therealniyozov

AQShning Yaqin Sharqdagi zarbalari:

7 marta zarba berildi. 4 tasi Suriyada, 3 tasi Iroqda. Nishon - Eronning ishonchli vakillari, ya'ni, AQSh armiyasiga qarata o't ochadigan yoki amerikaparast qismlarga qarshi kurashadigan asosan shia otryadlari. Iroq hukumati hujum bo‘lishidan oldin ogohlantirilgan, ammo Suriya hukumati ogohlantirilmagan.

AQSh eskalatsiyani istamaydi, vaziyat kuchayib, chigallashib ketishidan hayiqadi, shu sababli u vaziyat kuchayib ketishining oldini olmoqchi.

Shuning uchun keyingi zarbalar mintaqadagi harbiy vaziyatni o'zgartirish uchun emas, balki Amerika auditoriyasini tinchlantirish uchun bo'ladi.

@therealniyozov

Ruslar tushunishi kerak, ular boshqa millat, xususan o‘zbeklarga qarata shovinistik ruh bilan gapirib chiqyaptimi, demak qarshi gapirgan tomonidan ham ruslarga qarshi shunday qarash paydo bo‘ladi. Bunaqa itvachcha propagandonlar, xudbin elita, qonga to‘ymas diktatorini deb butun xalqi rusofobiyaga uchrayapti. Xalq orasida yomoni bo‘lishi mumkin, lekin butun xalq yomon bo‘lmaydi, hech qachon!

Rusofobiyani o‘zi shakllantiryapti, avj oldiryapti, keyinchalik shundan "shantaj" yasayapti. Bularni "shantaj"iga aldanib qolmang. Xuddi Ukrainadek, "bular rusofob bo‘lib ketdi" bahonasida bostirib kirishdan ham tap tortmaydi bular.

@therealniyozov

Qanchalik ko'p o'g'irlashsa, shuncha ko'p qaytariladimi?

O'zbekistonda mansabdor shaxslar mansab jinoyatlari uchun ko'proq sudlanmoqda.

2023-yilda 3,5 mingdan ortiq mansabdor shaxslar jinoiy javobgarlikka tortilgan, bu 2022-yilga nisbatan 15 foizga ko‘p. Sudlanganlarning asosiy qismi – 3 ming 259 nafari tuman yoki shahar darajasidagi mansabdor shaxslar bo‘lgan.

O‘tgan yilning dekabr oyida huquq-tartibot idoralari xodimlari yer ajratish tartibini buzganlikda gumon qilingan tuman hokimlarini faol ravishda qo‘lga olgan.

Shunga qaramay, tuman va shahar hokimlarining jazosi sudlangandan keyin almashtirilishlari kuzatilgan. Masalan, o‘tgan yilning sentabr oyida Urganch shahrining sobiq rahbari Shuhrat Abdullayev uch yillik qamoq jazosi jarimaga almashtirilgan bo‘lsa, 2024-yil yanvarida Andijon viloyatining sobiq hokimi Abdujabbor Egamberdiyevga berilgan axloq tuzatish ishlaridan ozod etilgan edi.

Mansabdor shaxslar o'g'rilik, mansab vakolatini suiiste'mol qilish va poraxo'rlikda ko'proq sudlana boshladilar. Shunga qaramay, mansab soxtakorligi uchun sudlanganlar soni kamaydi: 2022-yilda ularning soni 51 tani, 2023-yilda esa 36 tani tashkil etgan.

Mansabdor shaxslar tomonidan jinoyatlar natijasida yetkazilgan zararning o‘zi yetkazilgan zararga mutanosib ravishda oshirildi. 2023-yilda O‘zbekiston rasmiy huquqbuzarliklardan 1,5 trillion so‘m (121,5 million dollar) zarar ko‘rgan, shundan 1,3 trillion (105 million dollar) to‘langan. Taqqoslash uchun: 2022-yilda 1,12 trillion so‘m (90,7 million dollar) zararning 940 milliardi (76 million dollar) g‘aznaga qaytarilgan.

@therealniyozov

Ukrainada Rossiyaga qarshi urushda G‘arbning yangi strategiyasi belgilandi — uzoq muddatli urush. Ilgari ularda boshqa strategiya aktiv edi — Ukraina Qurolli Kuchlarining hujumi, Qrimga kirish, Rossiya yarim taslim bo'lish shartlarini imzolashi kerak edi. Bu strategiya muvaffaqiyatsizlikka uchradi. Ukrainaning qarshi hujumi ham, G‘arbning Rossiya iqtisodiyotini inqirozga olib kelish rejasi ham barbod bo‘ldi. Endi yangi strategiyaga o‘tilmoqda:

Endilikda Ukraina Qurolli Kuchlari strategik mudofaaga o'tmoqda, ehtimol ko'p yillarga. Harbiy-texnik tomondan mudofaa foydaliroq. Bu strategiyada urush Rossiya charchamaguncha davom etadi. Sulh bo‘lmaydi. Chunki, uzoq yillik urush davomida G‘arb yana o‘z harbiy sanoatini tiklaydi va yana Ukrainaga yordam berishda davom etadi.

@therealniyozov

Condor Energies O'zbekistondagi sakkizta konda gaz qazib olishni ko'paytirishga yordam berishga va'da bermoqda.

O‘zbekiston hukumati va Kanadaning Condor Energies kompaniyasi sakkizta gaz kondensati konida uskunalarni modernizatsiya qilish va to‘ldirish texnologiyasini joriy etish bo‘yicha shartnoma tuzdi.

Bu “O‘zbekneftgaz” aksiyadorlik jamiyati tomonidan o‘zlashtirilgan konlarda ko‘k yoqilg‘i ishlab chiqarish hajmi va sur’atini oshirishi kutilmoqda.

Loyihaning boshlanishi 2024-yilning birinchi choragida rejalashtirilgan.

@therealniyozov

Buyuk Britaniya birinchi marta Markaziy Osiyo davlatlari tashqi ishlar vazirlari ishtirokida 5+1 formatida sammit o‘tkazishni rejalashtirmoqda. ⏳

@therealniyozov

Yaqinda Otabek Bakirov Rossiyaga mehnat migrantlarimiz kamayayotgani haqida yozgan edi. Kecha Markaziy bank raisi ham buni tasdiqladi va Rossiyadan O‘zbekistonga pul o‘tkazmalari ham kamayganini aytdi. Statistikaga ko‘ra, Rossiyadan O‘zbekistonga pul o‘tkazmalari 39%ga kamaygan. Rossiyadagi bunday notinch davrda migrantlar boshqa davlatlarni tanlayotgani ma‘lum bo‘lmoqda. Ya‘ni, Rossiyadan pul o‘tkazmalari kamaygani bilan Rossiyadan tashqari, boshqa davlatlardan O‘zbekistonga pul o‘tkazmalari 15%ga oshgan. Rossiyadagi urush va avj olayotgan migrantlarga qarshi "kurash" ularni, xususan o‘zbekistonliklarni boshqa kanallarni ochishga majbur qilgan. Bu albatta, yaxshi — Shimolga qaramligimiz oz bo‘lsada kamaymoqda. E‘tiborlisi bu tendensiya boshqa yaqin davlatlarda ham kuzatilgan.

Masalan, Qozog‘iston, Gruziya, Armaniston va Qirg‘iziston markaziy banklarining statistik ma’lumotlariga ko‘ra, 2022-yilda yuzlab foizlik rekord o‘sishdan keyin 2023-yil oxirida Rossiyadan qo‘shni davlatlarga pul o‘tkazmalari hajmi kamaygan.

Umuman olganda, 2023-yil oxirida Rossiyadan ushbu to'rtta davlatga 7,7 milliard dollar jo'natilgan, bu 2022-yildagi ko'rsatkichdan 12 foizga kam. Pul oʻtkazmalari hajmining pasayishi 2023-yilning ikkinchi choragida boshlangan.

2023-yilda Rossiyadan Qozog‘istonga 108,1 milliard rubl yoki qariyb 237,6 million dollar jo‘natilgan. Dollardagi ko‘rsatkich 2022-yilgi natijadan (776,6 million dollar) 69 foizga kam. Ushbu ma'lumotlarga faqat pul o'tkazmalari tizimlari orqali operatsiyalar kiradi. 2022-yilga nisbatan transferlar hajmining pasayishi aprel oyida boshlangan va keyingi oylarda ham davom etgan.

2023-yilning 11 oyi davomida Rossiyadan Qirg‘izistonga pul o‘tkazmalari tizimlari orqali deyarli 2,3 milliard dollar o‘tkazilgan, bu 2022-yilning shu davriga nisbatan 17 foizga kam. Bu yo‘nalishda deyarli barcha oylarda pul o‘tkazmalarining salbiy dinamikasi kuzatilgan. 2022-yilgi koʻrsatkich faqat mart (86 foizga) va may oylarida (2 foizga) oshgan.

Taqqoslash uchun: 2022-yil oxirida Rossiyadan Qozog‘istonga pul o‘tkazmalari hajmi 2021-yilga nisbatan 6,8 barobarga, Qirg‘izistonga esa 6 foizga oshgan.

@therealniyozov

Bugun AQSh Eronga zarba berishi kutilmoqda. Eron armiyasi yuqori shay holatga keltirilgan.

Bir kun avval Iroqdagi Eronning ishonchli vakillari Iordaniyada raketa zarbasi bilan amerikalik harbiylarni o'ldirgan edi. Endi AQSh jamiyati Baydendan qasos olishni talab qilmoqda. Agar Bayden qasos olmasa, prezidentlik saylovlarida yutqazadi. Ammo Bayden haqiqatan ham Eronga zarba bersa, AQShning Eronga qarshi urushi yoki proksi urushi bosqichma-bosqich boshlanadi.

Balki ikkala davlat maxfiy kelishuvcha tuzib, raketa almashib olishar, Tramp davrida bo‘lganidek. 🤷‍♂️

@therealniyozov

Yevropa Ittifoqi tomonidan ushbu loyihaning dastlabki ko‘rinishi Qozogʻiston bilan amalga oshirilyapti, desak ham bo‘ladi. Gap shundaki, Qozog‘iston transport vaziri Marat Karabayev va transport bo‘yicha Yevropa komissari Adina Valyan Aktau va Kurik portlarini kema yoki to‘lov asosida ishonchli boshqaruvga o‘tkazish bilan bog‘liq masalalarni ko‘rib chiqishdi. Qozog‘iston Kaspiy dengizidagi portlarni Yevropa Ittifoqi kompaniyalari boshqaruviga oʻtkazishga tayyorligini bildirdi.

Rasmiylar, shuningdek, Qozog‘iston hukumatining Kaspiy dengizida konteyner tashish markazini yaratish rejalari muhokama qilindi. Agar kelishuvga erishilinsa Qozog‘iston uchun katta yutuq bo‘ladi.

Avvalroq, Qozog‘iston 22 ta aeroportini Yevropa kompaniyalari boshqaruviga berishga tayyorligini bildirgan edi.

@therealniyozov

Yevropa Ittifoqi O‘rta Osiyoga yaqinlashish yo‘lini tutmoqda.

Bunga asosiy sabab sifatida Rossiya-Ukraina urushining boshlanishini ko‘rsatishimiz mumkin. Chunki, Yevropa Ittifoqining asosiy energetik ta‘minotchisi Rossiya edi va bu urush orqali YI energetika tizimida jiddiy muammolarga duch keldi. Bu muammoni Markaziy Osiyo orqali yechish mumkin edi. 2022-yilda bu borada ikki tomonlama bir necha kelishuvlarga erishilib, o‘zaro memorandumlar ham tuzilgan edi. Energetika tizimi faqatgina gaz emas, balki mintaqaning uranga boyligi orqali ham rivojlana boshladi. Fransiyaning Afrikadan "haydalishi" energetikasini asosini tashkil qiluvchi AESlarga uran yetishmovchiligini keltirib chiqardi, bu YI gigantlaridan biri Fransiyani Markaziy Osiyo davlatlariga kelishga majbur qildi.

Yevropa Rossiyaning urushdaligidan foydalanib Markaziy Osiyodan Rossiyani surib chiqarish variantini ko‘rib chiqmoqda. Chunki, Markaziy Osiyo davlatlari Rossiyaning G‘arb sanksiyalaridan qochish uchun asosiy hamkorlari bo‘lib qolmoqda. Shunga qaramay, Rossiya tomonidan mintaqaga nisbatan ochiqchasiga qarshi propaganda faol olib borilmoqda. Bu esa tobora mintaqa mamlakatlarida Rossiyaga qarshi kayfiyatni yuzaga keltirmoqda. Shunday sharoitdan Yevropa unumli foydalanmoqchi. Afrikadan haydalgan G‘arb endi katta e‘tiborini Markaziy Osiyo va Kavkaz o‘lkasidagi armanlarga qaratsa ajab emas. Markaziy Osiyo davlatlariga ham o‘z navbatida Rossiya agressiyasini oshkor bildirayotgan bir paytda muqobil hamkorlar izlamoqda.

Bundan tashqari, Markaziy Osiyo mamlakatlari yerosti boyliklarga boy mintaqa hisoblanadi. YI o‘ziga kerakli metallarni Xitoydan emas, aynan Markaziy Osiyodan olishni afzal ko‘radi. Rossiyaga energetik qaramlik energetika inqirozida yaqqol namoyon bo‘ldi, endi bu xatoni Xitoy bilan ham takrorlanishini YI xohlamaydi.

Agar ushbu korridor ishga tushiriladigan bo‘lsa, O‘zbekiston bundan har tomonlama yutadi. Ko‘plab investorlar kirib kela boshlaydi. Bu albatta erkin, yanada liberal bozor mexanizmlarining takomillashishiga olib keladi. Bu keyinchalik uzoq kutilgan JSTga a‘zo bo‘lish orzumizni amalga oshirishi mumkin. Asosiysi, Shimolga qaramligimiz kamayadi.

Ushbu korridor mintaqaning eng katta hamkorlaridan biri Xitoyning ham "bir kamar, bir yo‘l" loyihasiga bevosita tushadi, bu esa ushbu korridor qurilishini yanada tezlashtirishi mumkin.

@therealniyozov

Yevropa Ittifoqi Markaziy Osiyodan Yevropaga Transkavkaz va Turkiya orqali Rossiyani chetlab o‘tgan transport koridorini yaratishni moliyalashtirmoqchi.

Yevropa investitsiya banki bugun Qozog‘iston, Qirg‘iziston va O‘zbekiston hukumatlari bilan 1,47 milliard yevro miqdorida kreditlar ajratish bo‘yicha memorandum imzoladi.

Bundan tashqari Yevropa tiklanish va taraqqiyot banki Qozog‘iston bilan 1,5 milliard yevrolik kredit liniyasi bo‘yicha o‘zaro anglashuv memorandumini imzolashi kutilmoqda.

@therealniyozov

Kun iqtiboslari:

"Sizning vazifangiz boshqa birovning emas, balki o'zingizning eng yaxshi versiyangiz bo'lishdir."

"Har safar biror narsani tanqid qilmoqchi bo'lganingizda, uni yaxshilash mumkinmi, deb o'ylang"

"Bu dunyoga yordam berish yo'lini toping - va siz haqiqiy ma'noni topasiz. Bu haqiqiy baxtga yo'l"

Opra Uinfri
(bugun u 70 yoshda)

@therealniyozov