Imomtermiziy.uz|Madrasa rasmiy kanali

🔰Тинчлик ва бағрикенглик ҳар қандай жамият тараққиётининг муҳим тамойилларидан биридир. Турли динлар ва маданиятларнинг бирга яшаши глобализатсия жараёнида янада долзарб аҳамият касб этмоқда. Диний таълимотлар инсонларни тинч-тотув яшашга ундайди, зўравонликни рад этади ва ўзаро ҳурматни тарғиб қилади...

🤲 Нафл рўзанинг аксар ҳукмлари фарз рўзаникига ўхшайди, фақат ниятда “Тонг отгандан токи қуёш ботгунга қадар нафл рўза тутишни ният қилдим”, дейилади. Оғиз ёпишда махсус дуо йўқ, у пайтда юқорида айтилгандек, ўзбек тилида ҳам ният қилса, бўлади. Ифторлик (оғиз очиш) дуоси қуйидагича:

اَللَّهُمَّ لَكَ صُمْتُ وَبِكَ آمَنْتُ وَعَلَيْكَ تَوَكَّلْتُ وَعَلَى رِزْقِكَ أَفْطَرْتُ، فَاغْفِرْلِى مَا قَدَّمْتُ وَمَا أَخَّرْتُ

Ўқилиши: “Аллоҳумма лака сумту ва бика аманту ва аълайка таваккалту ва аълаа ризқика афторту, фағфирлий ма қоддамту ва маа аххорту”.

Маъноси: Аллоҳим, ушбу рўзамни Сен учун тутдим, Сенга иймон келтирдим, Сенга таваккал қилдим ва берган ризқинг билан ифтор қилдим. Менинг аввалги ва кейинги гуноҳларимни мағфират қилгил. Валлоҳу аълам.

✅Янги Ўзбекистонда ислоҳотларнинг барчаси халқимиз эҳтиёжларини таъминлаш, одамларни рози қилиш ва ҳар бир инсоннинг фаровон ҳаёт кечиришини таъминлашга қаратилганини ўз ҳаётимизда гувоҳи бўлаяпмиз. Бугун рўёбга чиқаётган ўзгаришлар ва янгиланишлар замирида Асосий қонунимиз ва унга асосланган норматив ҳужжатларнинг мазмун-моҳияти мужассам. Чунки мазкурларда «Инсон ва унинг қадр-қиммати» деган улуғ тушунча марказий ўринга қўйилган. Шу нуқтаи назардан, Давлатимиз Раҳбари барча ислоҳотларнинг асосий мақсадини «Одамларни ҳаётдан рози қилиш – асосий мезон» деган юксак тамойилга қаратмоқда.

🔰Имом Молик Роҳимаҳуллоҳ айтади: “Гоҳида менга шундай саволлар келиб тушади таом ва шаробдан ва уйқудан тўсиб қўяди. Яна ўзи ҳақида айтади: Мен бир масала ҳақида ўн йилдан бери изланаман, ҳалигача бир қарорга келолмадим”...

▫️ Имом Термизий ўрта махсус ислом таълим муассасаси қошидаги “Қуръони карим ва тажвид” ўқув курсининг навбатдаги 47-давра тингловчилари ўқишни бошлади.

▫️ Шу муносабат билан таълим муассасаси директори К.Исламов, Ўқув ишлари бўйича директор ўринбосари Х.Мардонов, Ўқув курс услубчиси А.Ўразов ва гуруҳ ўқитувчилари ҳамда гуруҳ тингловчилари билан давра сухбати ўтказилди.

📌 Ўқув курси рўйхатига ёзилиш учун қабул ҳафтанинг ҳар чоршанба (09:00-16:00) шанба (09:00-14:00) кунлари бўлиб ўтмоқда.

▫️ 18 ёшдан юқори фуқаролар ҳужжат топшириш учун ўзлари билан паспорт нусхаси олиб келиши талаб этилади.

🔰Ҳозирги кунимизда айтишимиз мумкинки, бироз бўлса-да, қўни-қўшничилик борасида камчиликларимиз етарли. Ўз оиламиздан ортмаган ҳолда қўни-қўшнилар билан алоқаларимиз узоқлашиб бормоқда. Халқимизда “Узоқдаги қариндошдан ёнингдаги қўшни афзал”, деган гап бор. Қолаверса, яхши кунларимизда ҳам, оғир дамларимизда ҳам бизларга елкадош бўладиган қўшниларимиз экани айни ҳақиқат...

🌙 Пайғамбаримиз соллаллоҳу алайҳи васаллам айтадилар: “Жаннат сизларнинг ҳар бирингизга кавушининг боғичидан ҳам яқинроқдир, дўзах ҳам худди шундай” (Имом Бухорий ривояти).

▪️ Имом Термизий ўрта махсус ислом таълим муассасаси қошидаги “Қуръони карим ва тажвид” ўқув курсининг навбатдаги 44-давра гуруҳ тингловчиларига сертификатлар топширилди.

▪️ Шу муносабат билан талим муассасаси директори К.Исламов, Ўқув курслари услубчиси А.Ўразов ва гуруҳ ўқитувчилари ҳамда битирувчи гуруҳ тингловчилари билан учрашув ўтказилди.

📌 Ўқув курси рўйхатига ёзилиш учун қабул ҳафтанинг ҳар чоршанба (09:00-16:00) шанба (09:00-14:00) кунлари бўлиб ўтмоқда.

▫️ 18 ёшдан юқори фуқаролар ҳужжат топшириш учун ўзлари билан паспорт нусхаси олиб келиши талаб этилади.

Нафси бад

Ҳар ким жиловлаб нафсин, етишади бахтига,
Дунё-ю охиратда, давлат ила тахтига.
Кимки қул бўлиб қолса, доми шаҳват пойига,
Икки дунё хор бўлиб, отилур дўзах сойига!

Ҳар кимда бор журму қусур, ким ул гуноҳдан фориғ?!
Нафси бад бор ҳар бандада, тинмай санчар ичдан тиғ!
Тўймас нафсни тўйдиришга, бел боғлаган ғофиллар,
"Инсон" аталмиш зотнинг, шанига алар доғ солар!

Менда ҳам бор шум амаллар, баён этмак мушкулдир,
Ул амаллар узра юрсам, дўзах чўғин ютгумдир.
Хоҳларман воз кечишни, тополмасман иложин,
Нафс домига боғланган, ожиз танам тутқундир!

Бўларман шармандалар, ул Қиёмат - Маҳшарда,
Гар тиймасам нафсимни, гуноҳдан шом-саҳарда,
Сўрарман Аллоҳимдан,"Ўзинг паноҳ бер" дея,
"Бу нафсимга Сен Ўзинг, бирор чора кўр" дея!

Раҳматидан умидворман, ҳам қўрқаман Қаҳридан!
Ҳар кун қалбим бўлар бемор, гуноҳларим заҳридан!

✍️ Назаров Масъуд – “Имом Термизий” ўрта махсус ислом таълим муассасаси 2-босқич талабаси

😀 САҲАРЛИК-ИФТОРЛИК ВАҚТИ

🟢3 февраль – душанба

⏰️ Саҳарлик вақти (оғиз ёпиш): 06:11
🤲 Ифторлик вақти: (оғиз очиш) 17:45