TerDMAU rektori

#YAPON_xalqining_dono_fikrlari

● Tentak va ahmoqlarga yo‘l ber.

● Ketayotganni to‘xtatma, kelayotganni xaydama.

● Yomon odamning do‘sti bo‘lgandan yaxshi odamning dushmani bo‘lgan yaxshi.

● Oddiy odamlarsiz buyuk odamlar bo‘lmaydi.

● Tepaga chiqishni qattiq xohlagan odam narvonni o‘ylab topadi!

● Er va xotin xuddi ko‘z va qo‘ldek bo‘lishi kerak: qo‘l og‘riganda — ko‘z yig‘laydi, ko‘z yoshlanganda —  qo‘l uni artadi.

● Quyosh xaq odamni bilmaydi. Quyosh noxaq odamni ham bilmaydi. Quyosh kimnidir isitish maqsadida porlamaydi. O‘zligini topgan inson bamisoli quyosh kabi bo‘ladi.

● Uzoq yo‘l ham yaqinidan boshlanadi.

● Gʻamni xuddi yirtiq ko‘ylakni uyda qoldirganing kabi qoldir!

● Sevgi bo‘lsa, yuzdagi chandiqlar ham xuddi kulgich kabi chiroyli ko‘rinadi.

● Birgina yaxshi so‘z uch oy qahratonni isitadi.

● Shubhalanishdan oldin yetti marotaba ishon.

● Qo‘lingdan kelganicha harakat qil, qolganini taqdirga tashla.

● Xaddan ortiq to‘g‘rilik ahmoqlik bilan o‘lchanadi.

● Odamlari kulgan uyga baxt keladi.

● O‘ylab xal qil, xal qilgach o‘ylama!

● So‘rasang bir necha daqiqa uyalasan, bilmasang - bir umr.

👉 @TerDMAUREKTORI

📝 FIDOYILAR

O‘chirg‘ich qalamga dedi: «Holing nechuk, do‘stim?»
Qalam g‘azab bilan javob qaytardi: «Men sening do‘sting emasman. Seni yomon ko‘raman».
O‘chirg‘ich dahshatga tushib, mahzun holda dedi: «Nechun?»
Qalam dedi: «Chunki sen mening yozganlarimni o‘chirasan!»
O‘chirg‘ich dedi: «Men faqat xatoni o‘chiraman».
Qalam dedi: «Xato bo‘lsa, sening nima ishing bor?»
O‘chirg‘ich aytdi: «Men o‘chirg‘ichman, mening ishim shu!»
Qalam aytdi: «Shu ham ish bo‘libdimi?»
O‘chirg‘ich dedi: «Sening ishing kabi foydali ish».
Qalam dedi: «Sen xatokor, mag‘rursan. O‘chirishdan ko‘ra yozish afzal»
O‘chirg‘ich dedi: «Xatoni o‘chirish to‘g‘rini yozish bilan teng».
Qalam jim bo‘lib qoldi. So‘ngra biroz mahzunlik bilan so‘radi: «Nima uchun kundan-kunga kichrayib boryapsan?»
O‘chirg‘ich dedi: «Chunki har gal bir xatoni o‘chirganimda o‘zimni  qurbon qilib boraman».
Qalam bo‘g‘ilgan ovozda dedi: «O‘zim ham avvalgidan qisqarib borayotganimni sezyapman».
O‘chirg‘ich qalamni yupatib, «O‘zimizni birovlarga fido qilmagunimizcha ularga foyda bera olmaymiz», dedi. So‘ngpa unga mehr bilan nazar solib, «Haliyam meni yomon ko‘rasanmi?» dedi.
Shunda qalam tabassum qilib, «Qanday qilib seni yomon ko‘ray, axir ikkimiz ham fidoyilar ekanmiz-ku», dedi.
🕊
🥀  Do‘stim, birovlar qalbiga shodlik yozadigan qalam bo‘la olmasang, g‘amlarni o‘chiruvchi o‘chirg‘ich bo‘lgin. Ularning qalbiga «Inshaalloh, hammasi yaxshi bo‘ladi», degan orzu-umidlarni, yaxshilikka ishonchni tarqatgin. Rizolariga erishmasang-da, ularga yaxshilik taqdim etavergin!

✍️Odinaxon Muhammad Sodiq FIDOYILAR

👉 @TerDMAUREKTORI