Temur Khatamov

Izohlarda obunachilardan “nimaga ishtirok etib bo'lmayapti” mazmundagi savollar kelib tushmoqda (1-skrin).

Ishtirok etish uchun @temurkhatamov va @kislorod kanallariga obuna bo'lish va post ostidagi “Ishtirok etish” tugmasini bosish kerak bo'ladi. Shundan so'ng “siz endi konkurs ishtirokchisiga aylandingiz” mazmundagi yozuv chiqadi (2-skrin).

G'olib ishtirokchi 16-yanvar kuni Toshkent vaqti bilan soat 20:00 da randomayzer-bot tomonidan tasodifiy tarzda tanlab olinadi.

Biz sovg’a qilayotgan Samsung Galaxy A25 5G smartfoni baxtli g'olibi aniqlanishiga 5 kun qoldi!

Shartlar bilan quyidagi havola orqali tanishishingiz mumkin: https://t.me/temurkhatamov/513

ASUS “dunyodagi birinchi” AI-chipli ROG Rapture GT-BE19000AI routerini taqdim etdi. U saytlardagi reklamalar va trekerlarni bloklaydi.

Bu neyro-qurilma CES 2025'da namoyish qilindi va Wi-Fi tezligini 19 Gbit/s gacha yetkazish qobiliyatiga ega. Qurilma 280 kvadrat metr maydonni qamrab oladi.

Narxi — $800. Sotuvlar boshlanish sanasi hozircha noma’lum.

JBL Tour ONE M3 quloqchinlari taqdim etildi

Ularning asosiy xususiyati — SMART Tx audiotransmitteri, u simli manbalardan ovozni simsiz quloqchinlarga uzatadi (USB-C yoki AUX orqali). Shu funksiya avval JBL Tour Pro 3 da ham bo‘lgan.

Texnik xususiyatlar:

- 40 mm drayverlar;
- Bluetooth 5.3;
- Batareya quvvati — 70 soatgacha.

Ranglari: qora, ko'k va “mokko”. Narxi: quloqchinlar uchun $350, transmitter bilan — $400. Sotuvlar 13 aprelda boshlanadi.

Ubisoft “Assassin's Creed Shadows” o'yinining chiqish sanasini yana o'zgartirishi mumkin

Kecha kompaniya o'yinni 14-fevraldan 20-martga ko'chirishini e'lon qilgan edi. “O'yinchilar uchun maksimal sifatli tajriba ta'minlash” sabab sifatida ko'rsatilgan. Aslida esa bu qaror “Kingdom Come: Deliverance II” va “Avowed” kabi yirik o'yinlar bilan raqobatdan qochish uchun qabul qilindi.

Biroq, 20-mart kuni Yaponiyada sarin gazidan jabrlanganlarga bag'ishlangan xotira kuni bo'ladi. Shu kuni yapon mavzusidagi o'yinni chiqarish salbiy aks-sado berishi mumkin. Bu Ubisoft'ni yana bir marta sanani o'zgartirishga majbur qilishi ehtimoli bor.

Yangi yil bayrami munosabati bilan berilgan dam olish kunlarini filmlar, musiqa va kitoblar bilan o'tkazdik

Bu yil men poytaxtning tez oqar hayotidan va blogerlik faoliyatidan ozgina uzoqlashib, ko'proq kun dam olishga qaror qildim. Shuning uchun ham bayram oldidan Samarqandga borib, butun vaqtimni oilam, do'stlarim, dam olish va rivojlanishga bag‘ishladim.

Dam olish kunlarida oilamizda kimdir kino tomosha qilgan bo'lsa, kimdir sevimli musiqa sadolari ostida bayramona kayfiyatini ko'tardi. Men esa uzoq vaqtdan beri o'qishni rejalashtirgan qiziqarli kitobni o'qishga muvaffaq bo'ldim.

Yandex Plus'dagi do'stlarimiz bizga taqdim etgan qiziqarli ma'lumotlarni siz bilan bo'lishmoqchiman. Yangi yil bayramida O'zbekiston aholisi har xil dam olish turlarini afzal ko'rishgan.

Qiziqarli statistika:

Filmlar: Yangi yil haftasida Kinopoisk servisi foydalanuvchilari asosan “Brilliantmas qo'l”, “Panda” operatsiyasi” kabi komediyalarni, “Mister Taka” o'zbek filmining premyerasini baham ko'rishgan. Mahalliy kontent orasida “Ovoz.Bolalar” musiqiy shousi ham baland o'rinni egallagan. Boshqa janrlarga kelsak, O'zbekistonliklar dam olish kunlari “Klyukva sharbati” melodrama-seriali, “Prometey” detektiv trilleri va hayratlanarli satirik qo'rqinchli “Substansiya” filmlarini tomosha qilishgan.

Kitoblar: Yandex Books servisining Oʻzbekistonlik obunachilari orasida “Sekin oʻylang… Tez qaror qabul qiling”, “Vavilonlik eng boy odam”, “Boy ota, kambag'al ota” va “Hokimiyatning 48 qonuni” kabi motivatsion bestsellerlar mashhurlik boʻyicha mutlaq yetakchi bo'lgan. Agar eng mashhur mualliflar ro'yxatiga e'tibor bersak Oskar Uayld, Aleksandr Pushkin, Xans Kristian Andersen va shu kabi mualliflarni ko'rishimiz mumkin.

Musiqa: Yandex Music servisida Yangi yil bayramida eng ko'p tinglanadigan mahalliy san'atkorlar - Konsta va Shoxrux bo'lgan. Rep O'zbekistonda so'nggi bir hafta ichida eng sevimli janr bo'lganligi aniqlandi. Repdan tashqari, eng ko'p tinglangan musiqalar ro'yxatiga bir nechta bolalar uchun alla qo'shiqlaridan iborat pleylistlar kiritilgan. Lekin eng ommabop treklarga qarasak, eng teppa qatorlarda Qimmat Dunyo - AbroBey, Aydaxar - “Irina Kayratovna”, İstədim - Roza Zərgərli, APT - Bruno Mars va ROSÉ kabi treklar joylashgan.

Dam olish kunlari tugab, ish kunlari boshlangan bo‘lsa-da, sevimli asarlaringizni tomosha qilish, tinglash va o‘qish zavqidan voz kechmasligingiz kerak. Yandex Music, Yandex Books va Kinopoisk servislariga kirish imkonini beruvchi Yandex Plus obunasi bilan buni qilish oson.

Xitoyda yangilangan Tesla Model Y taqdim etildi

Xitoylik dizaynerlar tomonidan ilgari surilayotgan zamonaviy trendga mos ravishda, faralar va orqa chiroqlar endi avtomobil kuzovining butun kengligi bo‘ylab yonadi.

Yangilanishlar:
- Osma tizimi qayta sozlangan, boshqaruv sezgirligi oshirilgan.
- Yangi o‘rnatilgan burilish tugmalari (Model 3 dagidan farqli ravishda).
- Ichki interyer yaxshilanib, yangi ovoz tizimi va orqa yo‘lovchilar uchun ekran qo‘shilgan.

Taqdimot hozircha faqat Xitoyda bo'lib o'tdi. Ikkita versiya taklif qilinadi:

1. Orqa g‘ildirakli: 299 ot kuchi, 593 km masofa zaxirasi, 100 km/soat ga 5,3 soniyada chiqadi. Narxi: 263,5 ming yuan (≈$36 000).
2. To‘liq g‘ildirakli: 2 ta motorli, 450 ot kuchi, 719 km masofa zaxirasi, 100 km/soat ga 4,5 soniyada chiqadi. Narxi: 303,5 ming yuan (≈$41 500).

Samsung smartfonlarni obuna asosida sotmoqchi

Samsung 22-yanvarda Galaxy S25+ va S25 Ultra flagman modellari bilan birgalikda AI Samsung Club xizmatida smartfonlarni oylik obuna asosida ijaraga olish imkoniyatini taqdim etadi. Bu haqda Koreyaning ETNews portali xabar berdi.

Hozirda Janubiy Koreyada texnika uchun obuna xizmati mavjud bo‘lib, u ijara xarajatlarini, shuningdek, ta’mirlash va texnik xizmat ko‘rsatishni o‘z ichiga oladi. Ushbu shartlar smartfonlarga ham tatbiq etilishi mumkin. Boshqa davlatlarda bu turdagi xizmat mavjud bo‘lish bo’lmasligi hozircha noma’lum.

Xiaomi global bozor uchun Poco X7 va Poco X7 Pro smartfonlarini taqdim etdi

Ushbu modellar Xitoy bozorida chiqarilgan Redmi Note 14 Pro va Redmi Turbo 4 smartfonlarining nusxasi bo‘lib, global bozor uchun Poconing o‘ziga xos yorqin dizaynlarida chiqarildi:

- Displey: 6,67" 2712x1220 AMOLED, 120 Hz;
- Protsessor: Dimensity 7300 Ultra / Dimensity 8400 Ultra;
- Kameralar: 50 MP (Sony LYT-600) keng burchakli f/1,5 + 8 MP ultra keng burchakli f/2,2 + 2 MP makro + 20 MP old / 50 MP (Sony LYT-600) keng burchakli f/1,5 + 8 MP ultra keng burchakli f/2,2 + 20 MP old;
- Xotira: 8+128 GB, 8+256 GB, 12+256 GB, 12+512 GB / 12+256 GB, 12+512 GB, 16+256 GB, 16+512 GB;
- Aloqa: 5G, NFC, Wi-Fi 6, Bluetooth 5.4 / Bluetooth 6.0;
- Biometriya: Ekranga o‘rnatilgan barmoq izi skaneri va yuzni tanish funksiyasi;
- Suvga chidamlilik: IP66, IP68, IP69;
- Batareya va quvvatlantirish: 5500 mAch, 45 Vt / 6550 mAch, 90 Vt;
- OS: Android 14 asosidagi HyperOS / Android 15 asosidagi HyperOS;
- Narxi: $249 / $299.