TATUFF | LIVE

✅ Yoshlar tadbirkorligini rivojlantirish jamg‘armasi tashkil etilib, unga 100 mln dollar ajratildi.
✅ Tadbirkor yoshlarga 2,5 mlrd so‘mgacha imtiyozli kredit, startap loyihalariga 2 mlrd so‘mgacha investitsiya ajratiladi.
✅ Bitiruvchilarning bandligini ta’minlash uchun Milliy bankga 100 mln dollar yo‘naltiriladi.
✅ 378 ming mikroloyiha amalga oshiriladi, 250 ming nafar yosh daromadli ish bilan ta’minlanadi.
✅ Kreativ industriya parklari tashkil etilib, tadbirkorlarga imtiyozli soliq rejimi joriy etiladi.
✅ Yoshlar bilan ishlash tizimi takomillashtirilib, 150 ming yoshga individual rahbarlar biriktiriladi.

“Bugungi kunda Vatanimiz o‘z taraqqiyotining yangi bir tarixiy bosqichiga qadam qo‘ymoqda. Bu davrda oldimizda ilgari duch kelmagan murakkab vazifalar, g‘ov va to‘siqlar paydo bo‘lishi tabiiy, albatta. Lekin qanchalik qiyin bo‘lmasin, biz oldimizga qo‘ygan ulkan maqsadlarga albatta yetamiz.

Chunki bizning olis va yaqin tarixda ne-ne sinovlardan o‘tgan, donishmand xalqimiz bor, bugun barcha soha va tarmoqlarda maydonga dadil chiqayotgan g‘ayrat-shijoatli yoshlarimiz bor.

Sizlar bilan maslahat va muloqotni o‘z faoliyatimizda asosiy mezonlardan biri, deb bilamiz.

Sizlar ham bunday yuksak ishonchga munosib bo‘lib, jonajon Vatanimizni har tomonlama rivojlangan, go‘zal va farovon mamlakatga, Uchinchi Renessans diyoriga aylantirishda oldingi saflarda bo‘lasiz, deb ishonaman”,