Татарча вәгазьләр ТАТИСЛАМ

Намазга басарга теләсәң яки рамазан аенда ураза тотарга ниятләсәң, дин хөкемнәрен үтәп яши башларга уйласаң, сине куркытырга тотыналар. Янәсе, «дин тотуы авыр», «сиңа нәрсәгә ул, авырмыйсың бит әле, тормышың бара, бар да әйбәт» (кызганыч, кайберәүләр кеше дингә авырып киткәч кенә килә дип уйлый), «эшең бар, биш вакыт намаз укырга каян вакыт тапмакчы буласың» дип, бу хәерле юлдан ерагайтмакчы булалар.

Тулырак: 👉 https://shahrikazan.ru/news/din/din-totu-avyrmy

🍿 Ашыйсың килсә...

Хәзерге заманда күпчелек кеше бер нәрсәдә дә, шул исәптән ашау мәсьәләсендә дә, чик-чаманы белми. Элек әби-бабайларыбыз,көндәлек ризыкка канәгать булып, ә кайчакта хәтта бер телем ипигә тилмереп яшәсә,бүген без күп ашауда нҗәфа чигәбез.Табиблар да, күп авыруларныңбарлыкка килү сәбәбе артык ашаудан һәм дөрес тукланмаудан дип,сәламәт яшәү һәм дөрес туклануга күчү зарурлыгын искәртәләр.

Динебез XIV гасыр элек үк, сәламәт буласың килсә, дөрес туклан, дип өйрәтеп калдырган.Пәйгамбәребезнеңصلى الله عليه وسلمбер хәдисендә: «Адәм баласы тутырган капчыклар арасында корсактан да зарарлы капчык юк. Адәм баласына яшәү өчен бер йотым ризык җитә. Әгәр ашау бик зарур булса, ул вакытта карынын (ашказанын) өчкә бүлсен: бер өлешенә – ризык, икенче өлешенә – эчемлек, өченче өлешенә – һава»,- дип әйтелгән.
📚(Тирмизи риваяте, 2380, хәсән хәдис)

Без, адәм балалары, бу хакыйкатьне күптән оныттык инде. Шул ук Коръән ашларын гына алыйк. Өстәл ризыктан сыгылып тора. Ә хуҗаларбер-бер артлы ризык чыгара.Бер мәҗелестә шулай алдыма китереп куелган ашны да ашадым, ит белән бәрәңгедән дә авыз иттем. Әмма сыйлаулары болар белән генә бетмәде, «монысы – «второй», дип, тагын ризык китерделәр. Хуҗалар кыстый башлагач,пәйгамбәребезнең югарыда китерелгән хәдисен сөйләдем.Барысы да сабыр гына тыңладылар. Арадан бер абзый: «Хәзрәт, безнең корсагыбызның өч өлешедә ризык белән тулды, хәзер дару эчәбездә, әзрәк җиңеллек килгәч, су урынына чәй тутыра башлыйбыз»,–дипәйтеп куйды. Моны ишетеп, мәҗлестәгеләр, хуплагандай, елмаешты. Көлкесен көлкедә, ә проблемасы җитди бит.

Дөрес тукланмау сәбәпле, күпме авыру-чирдән интегәбез,дәва эзләп,табибтан табибка чабабыз. Күпсанлы тикшеренүләргә нигезләнеп, галимнәр,әгәр кешенең ашказаны тулысынча ризык белән тутырылмаса, сулыш алу җиңелрәк була дигән нәтиҗәгә килгәннәр. Әгәр дә кешенең сулышы тирән булмаса,организмына кислород тиешле күләмдә керми, нәтиҗәдә кан кислород белән баетылмый. Матдәләр алмашына да тәэсире начар була.Ә бу кеше сәламәтлеге өчен зарарлы икән. Нәтиҗәдә организмда төрле авырулар барлыкка килә.

Безгә математика укытучысы да еш әйтә иде:«Пифагорда шәкертләрен күп ашатмаган, ачлы-туклы йөргәндә баш мие яхшырак эшли, дия торган булган».Мәктәп яшенә җитүгә укырга-язарга, санарга өйрәнгән шикелле, үз улларыбызны, кызларыбызны балачактан ук ашау әдәбенә өйрәтсәк иде.

Сәламәт буласың килсә, күп ашама, ризыкка да, сугада, һавага да урын калдыр дигән бу хәдис күптән әйтелгән булсада,тормышта моны үзе өчен гадәткә керткән кешеләр күпме? Ә без үзебез ашау мәсьәләсендә ничегрәк? Сөекле пәйгамбәребезнең югарыда китерелгән хәдисендәгечә тотабызмы үзебезне, әллә башкачамы? Уйлап караганыгыз бармы?

✏️ Раил Фәйзрахманов
📍 Язылырга 👉 https://t.me/tatislam

Аллаһ Тәгалә дин хөкемнәрен кешеләр имин, рәхәт тормышта яшәсеннәр өчен иңдергән. Бу кагыйдәләр мәчет һәм намаз белән генә чикләнми, ә тормышның бар якларын да биләп ала. Шулай ук җәмгыятьнең төп асылы булган гаиләдә бер-береңне аңлап, хөрмәт итеп, ничек бәхетле яшәргә икәнен дә динебез өйрәтә. Коръәннең күп кенә аятьләрендә һәм хәдисләрдә шул хакта киңәшләр бар, һәм без аларны укып, фикерләп, тормышта куллана алсак, гаиләбездә күп кенә проблемаларны булдырудан сакланып кала алачакбыз.

Тулырак: 👉 http://shahrikazan.ru/news/din/gailne-tynychlygyn-saklau-chen-ird-d-khatynda-da-bulgan-khata-kimcheleklrne-tyshka-chygarmau-zarur

Кардәшләрем, тормышыбызның иң шатлыклы һәм иң кайгылы мизгелләрендә без кайсы йортның ишеген шакыйбыз? Гаилә корырга ниятләсәк, кая барабыз?Балабыз туса, исем кушарга, дип кая юнәләбез? Күз тиеп, хәлебез начарланып китсә, өшкертергә, җиңеллек алырга дип, кая киләбез? Берәр якыныбыз вафат булса, аны юып-кәфенләп, җеназасын укытыр өчен кеше эзләп, кайсы йортның бусагасын атлап керәбез?

Тулырак: 👉 https://shahrikazan.ru/news/din/mchet-tzep-kuep-anda-ber-kem-yrms-ni-fayda-bulyr