Tanish Gaplar


Гео и язык канала: Узбекистан, Узбекский
Категория: Другое


Бу ерда қизиқарли гап ёзилган бўлиши мумкин эди)
Каналдаги постлар кўчирганда @tanishgaplar каналини кўрсатинг!
Алоқа учун : @tanishgaplarbot

Связанные каналы  |  Похожие каналы

Гео и язык канала
Узбекистан, Узбекский
Категория
Другое
Статистика
Фильтр публикаций


Видео недоступно для предпросмотра
Смотреть в Telegram
Оғзига арзонроқ бўлсаям тиш қўйдиришга пул қизғонади. Лекин майдалаб-майдалаб ундан кўп пулни ичиб йўқотади.

"Сизни ҳурмат қиламан, ккеширас лекин" деб қўлни кўксига қўйиб туради, пастда шимни замоги очиқ қолган бўлади.

Одам шундай хор яшашни ўзига эп кўриш даражасига тушишини қабул қила олмайман.

Туркча биладиганлар Ютубга Cem Yılmaz alkolik nezaketi деб ёзиб кўринг, шундайларни зўр тасвирлаб берган.

Афсус..

@tanishgaplar


Talablariga binoan shoirimizga she'rni bu safar oʻzim yozib bera qolaman))

Elektromobilning tushadi narxi,
Benzinlik moshindan qolmaydi farqi,
Xalqimizning porlagan nurli baxti
Svetning oshirilgan yangi narxi!
Barchaning orzusi, umidi, fahri!

Bu kunlarni kutmagan bormidi, ayting,
Negativlar, jimlaning, shashtizdan qayting!
Maza qilib yashayotgan bir payting,
Svetning oshirilgan yangi narxi!
Barchaning orzusi, umidi, fahri!

Konfutsiy, oʻksinma, qil bizga havas,
Bu kunga yetmaganing bizni aybmas,
Shu qatoriga soʻz topolmay qoldim,
Svetning oshirilgan yangi narxi!
Barchaning orzusi, umidi, fahri!

©️Maddoh Konfutsiy

P. S. Depsinib, to'lqinlanib oʻqilsin
P.p.s. Talant bor-u, klient yo'q-da)))

@tanishgaplar


Ayamga SilkAvidadan online bilet sotib olib, registratsiyada navbat kutmasinlar deb, alohida pulga online registratsiya qilib, joyniyam olib qoʻydim. Elektron tarzda yoʻlovchi taloni berildi. Qr kodli. Ya'ni, bilet emas, aynan, bilet bilan kelib, ro'yxatdan oʻtganingizdan keyin beriladigan yoʻl taloni. Faqat elektron.

Xursand boʻldim. Rivojlanish yaxshi dedim. Ayamni navbat kutdirmaydigan boʻldim dedim.

Lekin kuzatgani kelsam, qoʻlingizda elektron yoʻl taloni boʻlsa ham qog'oz yoʻl talonini (посадочный талон) olishingiz shart deb turib olishdi.

Baribir navbatga turib, yo'l talonini qog'ozdagisini chiqarib olishga to'g'ri keldi. Unda, nimaga online royxatdan oʻtish ochilgan, nimaga bu pullik xizmat koʻrsatildi, mantig'ini tushunmadim.

Mantiq left somewhere. But, where? 😂

SilkAviaga e'tiroz yo'q. Ularga shunday zamonaviy imkoniyatlar taqdim qilayotganlari uchun rahmat. Lekin aeroport xizmatlariyam sal zamonga moslashishi kerak-da! Hech boʻlmasa, chet ellardagidek, oʻsha qog'oz talonniyam oʻzi chiqarib oladigan bankomatga oʻxshagan registratsiya joylarini qilib qoʻyish kerak. Boshqa aeroportlar bu tizimni ishlata boshlaganiga ancha yillar boʻlib ketdi. Shu aeroportlarimizning kattakonlariyam chet ellarga uchishsa kerak, koʻrib yurishgan boʻlsa kerak-ku)

Temir yoʻllar bu borada ilg'or. Qr kodni skanerlab, yo'lovchilarni vagonga oʻtkazib yuborishni oʻtgan yildan boshlavorishgan.

@tanishgaplar


Қадрли дўстлар!

Барчангизга Рамазон Ҳайити муборак бўлсин!

Ушбу ойда қилинган барча яхши амалларингиз ва тутган рўзаларингизни Аллоҳ кўпайтириб қабул қилган бўлсин!

Яна кўплаб Рамазонларни соғлик, ҳотиржамлик билан, кўплаб савобли амаллар билан ўтказишни Аллоҳ барчамизга насиб қилсин!

Ҳурмат билан,

Админ

@tanishgaplar


"Маймун бизнеси"

Қайсидир бир инфо-бизнесчи тадбиркор "бизда кўпчилик "маймун бизнеси" билан шуғулланади. Яъни, бир киши қилаётган иш яхши юрса, ҳамма шу иш билан шуғулланишни бошлайди", деганини эшитгандим. Шу кунларда муҳокама бўлаётган автоблогерлар ҳам "маймун бизнеси"ни ҳудди шундай мазмунда гапириб ўтишди.

"Маймун бизнеси" ("monkey business") тушунчаси ростдан ҳам бор. Аммо, маъноси улар айтаётгандек эмас.

"Маймун бизнеси" деб, ҳамма қилаётган ишни қилишга эмас, адолатсиз, бажарса уят бўладиган, билиниб қолса шармандали ҳолатга сабаб бўладиган ишни қилишга айтилади.

Масалан, кассир ва официантлар ресторан эгасидан пул яшириб, ўғрилик қилса, шу "маймун бизнеси" бўлади. Бу ерда "monkey business" иборасидаги «Business» сўзи, "бизнес" эмас, "иш" деб таржима қилинса, тўғри бўлади. Ибора айнан бизнесга, тадбиркорликка алоқадор эмас.

Нотўғри, ноҳақ, уятли иш қилган одамга "Monkey business" қилди, яъни, маймуннинг ишини қилди деган ибора қўлланилади.

У ёқ, бу ёқдан қулоққа чалинган иборани тушуниб-тушунмай омма олдида ишлатиш аслида билимсизликни кўрсатиб қўяди.

Мисол келтирадиган бўлсам, ушбу блогерлар оммани "калтафаҳм" дейиш орқали, ўзларини уялтирадиган иш қилишди, яъни, "monkey business" қилишди, яъни, "маймуннинг ишини қилишди".

©️ Филолог Конфуций

@tanishgaplar


Видео недоступно для предпросмотра
Смотреть в Telegram
Юқоридаги постга мана бу видео сабаб бўлди

@tanishgaplar


Чойчақа тўғрисида.

Мен деярли 20 йилдан бери меҳмонхона соҳасида фаолият юритаман. Фаолиятимнинг илк 8 йили ўтган Гранд Мир меҳмонхонасида 126 та хона бор эди ва йилига 30 000 киши/кеча бўлар эди. 8 йилда 240 000 кишига яқинлашади.

Ундан кейин турли даврларда 30 дан ортиқ меҳмонхоналарнинг ишини йўлга қўйдик, бошқардик.

Бу меҳмонхоналарда йиллар давомида яшаган меҳмонлар билан қўшиб ҳисоблаганда миллионга яқин, балким ортиқроқ меҳмонларнинг баъзилари билан тўғридан тўғри кўришган бўлсак, бошқаларининг қандай яшаб кетганини кузатиб, хабардор бўлиб келдик.

Уларнинг ичида ўта турфа хил миллатлар ва кўплаб ватандошларимиз ҳам бўлган.

Демак, миллатлар ҳақида, инсонлар ҳақида фикр юритиш учун бизда катта маълумотлар баъзаси ва тажриба бўлган.
Биз кўрганча миқдорда чет элликларни кўриб, таниши учун бу болалар яна 20 йил давлат кезсаям камлик қилади.

Чунки, бир давлатда 2000 одам билан танишган тақдирдаям, 10 та давлатда 20000 одам бўлади. Бу бир меҳмонхонанинг ярим йиллик меҳмонлар сонига ҳам етиб бормайди.


Шу тажрибадан келиб чиқиб айтишим мумкинки, чойчақа бериш мутлақо миллатга боғлиқ эмас ва "фалон миллат чойчақа беради, фалон миллат эса чойчақа бермайди" деган фикр ҳеч қаерда йўқ.

Исталган миллат ичида қўли очиғи ҳам, хасиси ҳам, кўнгли кенги ҳам, инжиғи ҳам топилади.

Видеодаги блогер айтаётган "арзимаган 50$ ми, 100$ ми, имкониятга қараб" деб айтилаётган сумма Америкаликкаям, бошқа ривожланган давлат вакилларигаям умумий олганда катта сумма ҳисобланади. Тўгри, индивидуал, нодир ҳолатларда 1000$, 2000$ ҳам чойчақа қилиб берилганларини эшитганмиз. Уям ўўўўта бойларга хизмат қиладиган люкс ресорт жойларда учрайди.

Пули яқиндагина кўпайиб қолган, аввал пул кўрмаган инсонлар бировга ўзини назарида каттароқ чойчақа бериб қўйса, буни мақтаниб, бошқаларни пастга уриши яхши иш эмас.

Ўзбеклардаям бошқа миллатлардагидан кам бўлмаган миқдорда чойчақа бериб юрилади. Ўзимиздаям, чет элдаям. Шундай инсонларнинг кўпчилигини шахсан танийман.

Жуда кўпчилик одамлар ресторанларда қайтим олмайди, официантларга пул қолдиради.

Чойчақа қолдирмайдиганларимизнинг фоизи эса бошқа миллатлардаги чойчақа қолдирмайдиганлар фоизидан катта фарқ қилмайди.

Гапнинг қисқаси, булар бир чойчақа бермасин экан-да!))

Авваллари ҳам бот-бот таъкидлаганимдек, оёқ ҳамиша ерда туриши шарт!

P. S. Қайси видео эканлиги кейинги постда

@tanishgaplar


Видео недоступно для предпросмотра
Смотреть в Telegram
Йўлда оқиб ётган, автомобиллар балонлари остида балчиққа қоришаётган сув аслида қимматга сотиладиган сувлардан мазаси жиҳатдан қолишмайдиган ичимлик суви.

Сувни қишлоқ аҳолиси ўз ҳисобидан насосларни ўрнатиб, электрга ва сув хўжалигига пул тўлаб чиқаришади.

Сувнинг истеъмолчиларга етиб борадиган йўлидаги трубалар эса чириб кетган. Ҳаражат катта бўлиб кетаётгани сабабли қишлоқ аҳолиси трубаларниям ўз ҳисобидан алмаштириб ололмаяпти.

Аслида бу ишни қилиши керак бўлган, қишлоқ аҳолисидан ичимлик сувига пул ундириб келаётган Фарғона вилояти, Данғара тумани сувоқава ташкилоти эса ширин уйқуда.

Сувни исрофи ёмон. Данғара тумани масъулларига инсоф тилаймиз. Буларниям кимдир бир чимчилаб уйғотиб юборса бўларди.

@tanishgaplar


Yuqoridagi postni koʻrib bir doʻstimiz oʻrtog'i bilan yozishmasini izohlarga joylabdi))

Shunday sms yozadigan do'stlarga insof soʻraymiz. Kerakli odamlarga yuborib qoʻying)

@tanishgaplar


Butun fikrni bitta sms da yozmaslikniyam noqulay taraflari bor))

Rostdanam, ba'zilar sms yozishni boshlagandan keyin fikrini tugallashi uchun 7-8 ta sms yozishini kutish kerak boʻladi.

-aka
- Assalomu alaykum
- yaxshimisiz?
- kecha
- bir masala
- ustida
-gaplashayotib
- siz
- esimga
- tushib..

Bitta sms da yozsa boʻlmaydimi hammasini?))

P. S. Mabooodo inglizcha tushunmaydiganlar boʻlsa deb rasmdagi suhbatning tarjimasiniyan yozaman:

- Salom xoʻjayin
- Labbay?
- Men xomiladorman
- ??
-shunga..
-Bir necha kunga ruxsat kerak.
- Bu masalani yigitim bilan gaplashib olishim uchun
- Iltimos, menga ruxsat bering

- Avval bu masalani mening xotinim bilan gaplashib olishingiz kerak. U sizni boshidagi bir nechta smsizi oʻqidi. Hammasini bir sms qilib yozsangiz boʻlmasmidi?

@tanishgaplar


Toshkent-Qo'qon yo'nalishidayam samolyot uchadigan boʻldi. Juda yaxshi xabar. Biletlar Silk Avia dasturi orqali sotilmoqda.

Xabarni Qo'qonlik doʻstlaringizga yuborib qoʻying.

@tanishgaplar


Birov bilan qoʻng'iroqlashgandagi suhbatni aytib berayotgan odam suhbatni hikoya qilib berayotganda telefonda qanday gaplashganini qoʻli bilan koʻrsatib turishi qiziq tuyuladi)

Shunday odamlar har qanday mavzuni tushunarliroq tushuntirib bera oladi deb oʻylayman.

Aslida, ushbu harakat ham eskirdi. Bu harakat oʻylab topilgan paytda telefon trubkalariga oʻxshardi. Hozir shapaloqni koʻrsatib gapirilsa hozirgi telefonlarga koʻproq mos tushgan boʻlardi.

Vaqt oʻtgan sari suhbatdagi ba'zi harakatlar yoʻqolib borib, oʻrnini yangi ishoralarga boʻshatib bersa kerak.

Masalan, avtomobil oynasini och degandagi harakat ham eskirdi. Avval qoʻlni aylantirib koʻrsatilardi. Hozir hammada mashina oynasi tugmani bosish orqali ochiladi.

Yurakni ifodalash avval ikkita qoʻl bilan ifodalanardi. Hozir bir qoʻlning bosh va koʻrsatkich barmog'i orqali yurakchani ifodalash boshlandi.

Ofitsiantdan hisobni soʻrashda bir qoʻlni qog'oz qilib, ikkinchi qoʻl bilan goʻyoki ustiga yozayotgandek ishora qilish ham ancha eskirdi. Chunki hozir hisob printerdan chiqarilyapti. Endi printerdan qog'ozni chiqayotganini harakatini koʻrsatishni yoʻlga qoʻyish kerak)

Faqar soʻkinishdagi ishoralar eskirmayapti) Bu ishoralarni esa umuman yoʻqotish kerak 🤓

P.S. Sizlargayam yarim kechasi shunaqa "falsafiy" fikrlar kelib turadimi?))

@tanishgaplar


Ресторан, кафелар 3-4 сўм пулингиз бўлгани учун ўзингизни қиролдек тутиб, официантларга қулларга муомала қилгандек муомала қилиб, ўзингизни ҳаётда кимдир деб ҳис қилиб оладиган жой эмас.

Айниқса, ифтор вақтида. Сиз рўза тутиб қўйганингиз учун бутун дунё сизга қарздор бўлиб, миннатдор бўлиб, сизнинг оёғингиз тагига битта қўчқорни думалатиб юборишга мажбур эмас.

Ресторанда официантга қўпол муомала қиладиган одамларни бошини ортига бир шапалоқ тортворгим келади. Баъзи "крутой"ларга танбеҳ берган пайтларим ҳам бўляпти. Кўчада бировларни олдида "ака, нима дисез шу" деб турадиган одамларнинг кучи официантга етиши ачинарли.

Улар ҳам кимнидир фарзанди. Тенгдошлари қатори компьютер, телефон ўйнаб юриш ўрнига меҳнат қилишяпти. Озгина сабр билан одам ўлиб қолмайди. Аксинча, зўр бўлсангиз, кетаётганда 4-5 сўм чойчақа бериб, официантларни хурсанд қилиб кетинг. Ҳам мотивация, ҳам савоб бўлади.

Бу гапларни аввалам ёзгандим-у, яна эслатманинг зарари йўқ.

Яна бир гап: жуда жонига тексангиз официантлар ҳам қандай қилиб аламини олишни билишади. Сезмай ҳам қоласиз))

@tanishgaplar


Тасаввур қилинг (тасаввур қилиш ҳам қўрқинчли) оилангиз билан бирор савдо марказида ёки концертдасиз. Давлатдан норози бўлган бир тоифа вакиллари давлатга норозилигини кўрсатиш учун сизнинг болангизни ёки аёлингизни ёки ўзингизни отиб ташлаяпти.

Бу ишнинг нимаси адолат? Кимнидир сиёсатдан норозилиги бўлса, бунинг учун нимага ўша сиёсатга бир грамм алоқаси бўлмаган оддий аҳоли ўлиши керак?

Москвада олилавий маънавий ҳордиққа чиқиб, ўлиб кетганларга раҳмим келди. Ачиндим.

Террорнинг ҳар қандай кўриниши разиллик!

@tanishgaplar


Қуйидаги шеърни ўқиб, таҳлил қилиб кўрамиз:

Наврўз келди оламга,
Югуриб бордим холамга.
Дедим, "хола, кулча бер!",
Холам деди: "ўтин тер!".

Демак, бу шеърни айтган одамнинг холаси бор. Бундан чиқди, бобосининг камида 2 та қиз фарзанди бор. Шеърни Наврўз байрами арафасида ёзган. Чунки кузда Наврўз ҳақида шеър ёзилмайди. Шоирнинг оёқларида муаммо йўқ, югура олади. Қўлларида ҳам муаммо йўқ, ўтин тера олади. Холасининг уйида тандирга газ эмас, ўтин ёқилади. Тандир ҳам бор. Холаси онасидан яхшироқ кулча ёпади, бўлмаса холасига эмас, онасига борарди. Қофияга она ҳам тўғри келарди)

Шоир бир ўзи борган, ёнида ўртоқлари бўлганда холаси "тер" эмас", "теринглар" деган бўларди. Тандирнинг ёнида тайёр ўтин бўлмаган.
Ўша куни ҳаво очиқ бўлган. Ёмғирли кунда биров тандирга кулча ёпишни сўрамайди. Холасининг уйида ун бор. Шунинг учун фақат ўтин сўради. Сув ҳам бор. Туз ва бошқа нарсалар ҳам.

Кўриб турганингиздек, оддийгина тўртликни ҳам анализ қилса кўплаб маълумотларга эришиш мумкин.

Шундай экан, нима учун ҳар қандай маълумотни текширмай ишониб кетавериш мумкин?)
Маълумотларни текширишни, таҳлил қилишни ўрганайлик, ўртоқлар)

© Янги Конфуций

@tanishgaplar

2.9k 0 37 12 76

- Istalgan gapni ayting. "Boʻlishi mumkinmas!", desam sizga 100$ beraman.

- Kelishdik. Elon Mask kecha Marsga qoʻnibdi.
- Boʻlishi mumkin.
- Hmm.. Bizni mahallada daraxtda tarvuz yetishtirishyyapti.
- Boʻlishi mumkin.
- Xo'o'o'sh... Bugun bitta qiz sovg'aga gul olibdi. Ammo, isoriyagayam, postgayam joylamapti. Hech kim bilmay qolibdi.
- Boʻlishi mumkinmas!
- 100$ ni uzatvoring qani!)

@ tanishgaplar

P. S. Каналимиздаги аёл-қизларни табриклаймиз! Аллоҳ барчаларини саломат қилсин!


Тошкентга азонга яқин қайтгандим. Йўлда нариги йўлдан бошланиб, чорраҳадан ўнга қайрилиб давом этиб, анчадан кейин АЁҚШ ичига кириб тугаган чумолиқатор (турнақатор деёлмайман, турналар бунчалик узун қатор қила олишмайди) навбатни кўрдим. АЁҚШ эса ҳали ишламаяпти, чироқлари ўчиқ..

Энг қимматбаҳо, ҳатто бебаҳо бойлигимиз умримиз, яъни вақтдир. Ана шу қимматбаҳо вақтнинг қанчадан қанча соатини метан ва бензинга навбатга туришга сарфланиб кетаётгани жуда ачинарли. Бунга сабабчи бўлаётган бу соҳанинг масъуллари "мен бундай шармандали фаолият амалга оширганим учун мени кечиринглар, энди умримнинг охиригача бу соҳага яқинлашмайман, тавба қилдим", деб, бошқа соҳага ўтиб кетиши керак.

@tanishgaplar


Ассалому алайкум азизлар! Барчангизга жума муборак бўлсин!


Тасбеҳ намози: Қийинчилик ва ғам-ғуссаларга даво бўлувчи намоз
20:16 / 24 февраль 653


pdf
Тун
+
-
Бисмиллаҳир Роҳманир Роҳийм. Аллоҳ таолога битмас-туганмас ҳамду санолар бўлсин. Пайғамбаримизга мукаммал ва батамом салавоту дурудлар бўлсин.
Аллоҳ таоло ҳар бир бандасини турли мусибатлар билан синаб, имтиҳон қилади. Бу ҳақда Аллоҳ таоло бундай марҳамат қилади: “Албатта Биз сизларни бир оз қўрқинч ва очлик билан, мол-мулкга, жонга, меваларга нуқсон етказиш билан синаймиз. Ва сабрлиларга башорат бер…” (Бақара сураси, 155-оят).
Пайғамбаримиз Муҳаммад Мустафо соллаллоҳу алайҳи ва саллам ўргатган ибодат бу тасбеҳ намозидир.
Ибн Аббос розияллоҳу анҳумодан ривоят қилинади: “Расулуллоҳ соллаллоҳу алайҳи васаллам Аббос ибн Абдулмутталибга бундай дедилар: “Эй Аббос! Эй амакигинам! Сенга ато этайми? Сенга инъом қилайми? Сенга лутф кўрсатайми? Сени ўнта хислатли қилиб қўяйми? Сен ўшаларни қилсанг, Аллоҳ сенинг гуноҳингни – аввалгисию охиргисини, қадимгисию янгисини, хатосию қасдданини, кичигию каттасини, махфийсинию ошкорини мағфират қилади. Ўша ўн хислат – тўрт ракат намоз ўқишдир. Ҳар ракатда Фотиҳани ва бир сурани ўқийсан. Биринчи ракатда қироатдан кейин, тик турган ҳолингда: “Субҳааналлоҳ, валҳамду лиллааҳ ва лаа илааҳа иллалоҳу валлоҳу акбар” деб ўн беш марта айтасан. Сўнг руку қиласан ва рукуда турган ҳолингда шуни яна ўн марта айтасан. Сўнгра бошингни рукудан кўтариб, шуни яна ўн марта айтасан. Кейин саждага йиқиласан ва сажда қилган ҳолингда шуни яна ўн марта айтасан. Сўнг бошингни саждадан кўтариб, шуни яна ўн марта айтасан. Кейин сажда қилиб, шуни яна ўн марта айтасан. Сўнг бошингни кўтариб (ўтириб), шуни яна ўн марта айтасан. Ана шу бир ракатда етмиш бештадир. Тўрт ракатда ҳам шундай қиласан. Агар бу намозни ҳар куни ўқий олсанг, шундай қил. (Ҳар куни шундай) қила олмасанг, ҳар жумада бир марта ўқи. Агар уни ҳам қила олмасанг, ҳар ойда бир марта ўқи. Агар буни ҳам қила олмасанг, ҳар йили бир марта ўқи. Агар уни ҳам қила олмасанг, умрингда бир марта ўқи”  (Имом Абу Довуд, Имом Термизий ривояти).
Ибн Абу Сайф Яманий “Ал-ламъа фии рағоиби йавмил жумуъа” китобида Термизийнинг қуйидаги гапларини келтиради: “Тасбеҳ намозини жума куни завол пайтида ўқиш мустаҳабдир. Биринчи ракатда Фотиҳадан кейин Такасурни ўқийди, иккинчисида Вал-асрни, учинчисида Кофирунни, тўртинчисида Ихлосни ўқийди”. Абу Усмон Хайрий Зоҳид: “Қийинчиликлар ва ғам-ғуссалар учун тасбеҳлар намозидан яхши нарса кўрмадим”, деган.
Ушбу ҳадисдан олинадиган фойдалар:  1 Аллоҳ тасбеҳ намозини ўқиган банданинг билиб-билмай қилинган, каттаю кичик, ошкору махфий гуноҳларини мағфират қилади.  2 Тасбеҳ намозини ўқиган одам ўнта хислатга эга бўлади.  3 Тасбеҳ намози юқоридаги баён қилинган тартибда ўқилади.  4 Киши тасбеҳ намозини ҳар куни ўқий олса, жуда яхши. Агар ўқий олмаса, уни ҳар жумада бир марта, уни ҳам қила олмаса, ҳар ойда бир марта, уни ҳам қила олмаса, ҳар йили бир марта, уни ҳам қила олмаса, умрида бир марта ўқиса ҳам бўлади.

Манба:

https://islom.uz/maqola/21813


Видео недоступно для предпросмотра
Смотреть в Telegram
Оталарга #лайфхак

Фб ва инстаграмга жойласам, кўпчилик "бизда ҳам шундай" деб ёзишибди😂

Видеони фарзанди бор дўстларга юбориб қўйинглар ))

@tanishgaplar

Показано 20 последних публикаций.