Тафаккур соҳили

Нега Бомдод намози нега айнан қуёш чиқишидан олдин ўқилади?

Қуёш чиқишидан олдин ер сиртидан баландликда жойлашган озонли атмосфера (озоносфера) қатлами ерга тушади. Ундан тарқаладиган ҳаво инсон саломатлигига жуда фойдали бўлиб, инсонга ҳузур-ҳаловат беради.

Пайғамбаримиз соллаллоҳу алайҳи васаллам ҳам бомдод намозидан кейин шу вақтда ташқарига чиқар ёхуд ҳужраларининг деразаларини очиб бу ҳаводан нафас олар эдилар.

Ибодат қилётганимизда ҳам саломатлигимизни ўйлаган Роббимизга ҳамдлар бўлсин!

Тафаккур қилинг!

Tафаккур соҳили ва ибрат маскани:
@tafakkur_sohili

РАФИҚАНГИЗГА ЭГИЛСАНГИЗ...
🕊️
Шуни унутмангки, сиз оила раҳбарисиз ва барча масъулият сизда туради. Лекин шундай бўлса-да, баъзан аёлингиз тарафга ҳам қараб туринг. Доим муноқаша, тортишувларда сиз устун келаверманг. Кучингизни унга кўрсатманг, енгларингизни унга қарата шимарманг. Ахир, у заифа ва мискина бўлса. Ниманидир муҳокама қилсангизлар унинг гапи устига у ҳақ бўлиб турган ҳолатда ҳам ҳужжат, далилингизни тахлаб ташламанг. Яхшиси, сиз, бироз таслим бўлиш оҳангида гапиринг, сохтакорона бўлсада, енгилганингизга ишонтиринг.

Чекинганингизни кўрсин. “Одам боласи хатодан холимас”, дегандай афсусланиб ҳам қўйинг. Гапларига қулоқ солинг. Оранггиздаги ҳақ ва мажбуриятларингизни унутманг. Бироз шу муҳит давом этгач, қарабсизки, ҳолат сизнинг фойдангизга ҳал бўла бошлайди. Рафиқангиз гапларингизни қабул қилса ва муносабатлар ислоҳ бўлса не ажаб!

Сизга айтмоқчи бўлганим шуки, аёлингизга ғалаба нашидасини туйишига қўйиб беринг. Зеро, сиз шундоқ ҳам ҳеч нарса ютқазмайсиз, балки, унинг қалбини одамийлик жиҳатидан ром этасиз. Оилангиз ва турмушингизни сақлаб қоласиз. Мабодо, бунинг аксини қўлламоқчи бўлсангиз, шундоқ ҳам аксар эр йигитлар мана шунисини афзал, деб биладилар, яъни, баҳодирлигингиз тутиб қолса ёки оила юганини измингизга олмоқчи бўлсангиз ёҳуд турли хил филмларда кўриб турганингиз ҳолатларни ҳаётда қўлламоқчи бўлсангиз, унутмангки, бу тасарруфлар барчаси сизнинг зиддингизга хизмат қилади.

Пировардида, жанжаллар оилангиз бузилган, фарзандлар сарсонлиги, осудалик йўқолгани, хуллас, сизнинг мағлубиятингиз билан тугайди.

Рафиқангизга ғалаба қилишига имкон беринг. Уйингиз сакинатга, бирдамликка, нур ва сурурга тўлганини ҳис қиласиз.

“Ниҳоят саодатни топдим“ китобидан.

Тафаккур қилинг

Тафаккур соҳили ва ибрат маскани:
@tafakkur_sohili

Қайси гуноҳ инсоннинг бошига нима олиб келади

• Неъматларни йўқ қиладиган гуноҳ - ҳаддидан ошишлик.
• Надоматни келтирадиган гуноҳ - қотиллик.  
• Нафрат, жазони келтирадиган гуноҳ - зулм.  
• Айбларни очиб қўядиган гуноҳ - ароқхўрлик.
• Ризқни тўхтататиб қўядиган гуноҳ - зино.  
• Ўлимни тезлаштирадиган гуноҳ - қариндош-уруғлар билан алоқаларни узиш.  
• Дуони рад қиладиган гуноҳ - ота-онага оқ бўлиш.  

Тафаккур қилинг!

Tафаккур соҳили ва ибрат маскани:
@tafakkur_sohili

​​ОҚИЛА КЕЛИН

Қайнона эндигина якиндагина туширган келинига деди:
-Барака топинг, қизим! Ўғлимни намоз ўқийдиган, масжидга ошиқадиган бўлишига сабаб бўлдингиз! Мен 30 йилда қилолмаган ишни, 30 кунда амалга оширдингиз! - деди, кўзёшларини қуйиб...
Келин:
-Онажон, тош ва хазина қиссасини биласизми? Бир замонлар каттакон харсанг тош бўлиб, у йўлни ўртасида турар, йўловчиларнинг йўлини тўсар экан. Бир киши уни болта билан уриб майдалашга ҳаракат қилибди. 99 марта зарба бериб чарчаб қолибди. Кучи етмабди! Сўнг у ерга бир киши келиб қолган экан, ундан:
- Эй биродар, тошни майдалашиб юборинг! - дебди.
Йўловчи рози бўлиб тошни қаттиқ урган экан, бир мартадаёқ бўлиниб кетибди. Қарашса, харсанг остида ҳамён тўла олтин бор экан. Бу икки киши уни талашиб қолишибди. Йўловчи:
- Менинг зарбам билан тош бўлинди, хазина меники! - дебди.
Хуллас, улар қозининг ҳузурига боришибди...
Унда менинг ҳам қисман ҳаққим бор! Ахир мен уни 99 марта урдим. Чарчадим. Ўзим бўлаклай олардим! - дебди, аввалги киши...
Йўқ, бунда ҳаққингиз йўқ, тошни мен синдирдим. Хазинанинг ҳаммаси меники, - дебди, иккинчи киши...
Қози:
Сиз тошни 99 марта урганингиз учун 99 қисми сизга. Бир ҳиссаси эса, бўлагнингиз учун сизга, - дебди иккинчи кишига...
Агар биринчи кишининг 99 та зарбаси бўлмаганда эди, 100 - мартада тош бўлинмасди...
Она 30 йил ҳаракат қилиб ўғлига намоз ўқита олмади. Келинининг таъсирида 30 кунда намоз ўқийдиган бўлаганидан қувонди. Келиннинг гўзал ахлоқини қаранг-ки, натижани ўз меҳнати деб эмас, муштипар онанинг йиллар давомида чеккан заҳмати бесамар кетмаганини эътироф этиб, қайнонасини қувонтирди...
Ҳаётда кимнингдир машаққати эвазига осон обрў қозонадиганлар кам эмас...
Бир бинонинг пойдеворидан, аввалги ғиштларидан бошлаб кўтаради. Лекин, охирги ғиштни кимдир келиб қўяди. Ва муваффақият, обрў унга боқиб кетади. Лекин, Аллоҳ барчанинг амали-ю ниятини билади.
Гўзал ахлоқ асли гўзал инсонлардагина бўлади...

Тафаккур қилинг

Тафаккур соҳили ва ибрат маскани:
@tafakkur_sohili

ҚЎШНИЧИЛИК БУРЧЛАРИ:

1. Қўшни билан учрашганда салом билан сўз бошламоқ
2. Гаплашганда гапни чўзмаслик
3. Кўп савол бермаслик
4. Касал бўлганда кўргани бориш
5. Бошига мусибат тушганда таъзиясида қатнашиш, унга нисбатан бирга сабрда бўлиш
6. Севинчли онларида қутлаш унинг севинчи билан севиниш
7. Хатоларини кўрмасликка олиш
8. Уйини жосусларча кузатмаслик
9. Деворига бир нарсалар қўйиб ёки осиб ғашини келтирмаслик
10. Унга тегишли жойдан сув олмаслик
11. Уйининг олдига ахлат ва супиринди тўкмаслик
12. Ўтиш йўлларини торайтирмаслик
13. Бирон баҳона билан уйига қарамаслик
14. Қулоққа чалинган оилавий сирларини ёймаслик
15. Керагида шаънига ёмон сўз айтаётганларнинг гапини бўлиш
16. Ўзи йўқлигида уйини қўриқлаш
17. Унга қарши айтилган сўзларга қулоқ солмаслик
18. Маҳрамига оид хусусларда кўз юммоқ
19. Хизматчисига қарамаслик
20. Боласига ширин сўзлар айтиш
21. Диний ва дунёвий масалаларда билмаганларини билдириш

Тафаккур қилинг

Тафаккур соҳили ва ибрат маскани:
@tafakkur_sohili

ТАЯНЧ...
Автобус бекатида бир чол ва бир ҳомиладор аёл автобус кутиб ўтиришар эди. Чол аёлнинг қорнига бир неча марта термулиб қарадида, сўнгра сўради:
- Нечанчи ойдасиз?
Аёлнинг хаёли паришон эди. Бунинг устига юзида қандайдир маҳзунлик ҳукмрон эди. У аввалига чолнинг саволига эътибор бермади. Бироз туриб унга жавоб берди:
- Мен йигирма учинчи ҳафтадаман!
Чол сўради:
- Бу биринчи фарзандингизми?
Аёл деди:
- Ҳа!
Чол деди:
- Хечқиси йўқ. Хавотир олманг. Ҳаммаси яхши бўлади!
Аёл қўлини қорнига қўйди. Унинг кўзларидан ёш оқар эди. Шу ҳолда чолга деди:
- Мен ҳам шуни умид қиламан!
Чол деди:
- Гоҳида инсон ўйламаслиги керак бўлган нарсалардан кўпроқ ташвишланади!
Аёл маҳзун ҳолатда деди:
- Эҳтимол!
Чол эзмалана бошлади:
- Афтидан қаттиқ асабийсиз. Нега эрингиз ёнингизда йўқ?!
Аёл деди:
- У мени тўрт ой олдин ташлаб кетган!
Чол сўради:
- Нега ташлаб кетади?
Аёл деди:
- Ишимиз бироз чалкашроқ!
Чол сўради:
- Оилангизга нима бўлган? Дўстларингиз, сиз билан бирор киши йўқми?
Аёл чуқур нафас олиб деди:
- Фақатгина бемор отам билан бирга яшайман!
Чол деди:
- Тушундим. Уни ёшлигингизда бўлганидек бугун ҳам ўзингизга суянч, таянч деб биласизми?
Аёл кўзларидан ёши оқиб туриб деди:
- Албатта. Ўзлари бир аҳволда бўлсалар ҳам...!
Чол сўради:
- Отангизга нима қилган?
Аёл деди:
- Менинг кимлигимни эслай олмайдилар!

Аёл охирги гапларини автобус келганида гапирди. Сўнгра ўрнидан туриб автобус томон йўналди. Чол эса ўтирган жойидан қимирламади. Аёл келиб чолнинг қўлидан тутиб деди:
- Туринг дада, автобусимиз келди!

© Антон Чехов

Тафаккур қилинг

Тафаккур соҳили ва ибрат маскани:
@tafakkur_sohili

ТАСЛИМ БЎЛМАНГ!

Жангларнинг энг қийини кишининг қалбини тозалаш борасида қиладиган жангидир.
Бу ҳаёт қалбларга талофот етказади. Қандай зарар кўрманг, қалбингизни йўқотишдан сақланинг. Қалбини йўқотганлар гарчи дунёнинг эгаси бўлишсада, мағлубдирлар.
Мўъмин бу дунёда худди жангдаги жангчига ўхшайди. У турган жойини ўзгартириши мумкин, аммо фронтни ташлаб кетмайди.
Баъзи жанглар кишини майдалаб ташлайди. Бунга ҳар қандай аскар ҳам туриб бера олмайди.
Агар мақсад охирида жангда ғолиб бўлиш бўлса керакли вақтда бироз чекинишнинг зарари йўқ.
Агар ибодатда шамол билан мусобақа қилсангиз-у, сўнгра нафсингиз дангаса бўлиб қолса ўзингизга бошқа майдонни очинг.
Агар Аллоҳга олиб борадиган битта йўл юзингизга ёпилса, афсус бармоғингизни тишлаб ҳайрон бўлиб ўтирманг. Бошқа кирадиган эшик очинг.
Кечаси қоим бўлар эдингиз. Аммо бу эшик ёпилди. Энди садақа эшигини очинг.
Кундузлари рўза тутар эдингиз. Чарчадингиз. Энди ўзингизни Қуръон ёдлашга мажбурланг.
Агар бу нафсимизни ҳақ ила машғул қилмасак ботил билан машғул бўлиб қолади. Шунинг учун уни доим ҳаққа ундашимиз керак. Худди сафдошлари олдига қайтишни истаётган жароҳатланган аскар каби бўлишимиз керак. Жароҳатга таслим бўлиб қолиб кетмаслигимиз лозим. Таслим бўлсак ҳалок бўламиз!
Банда қилган гуноҳлари сабаб ибодатдан маҳрум бўлиши мумкин. Аммо бу гуноҳни ҳар сафар ибодат қилмоқчи бўлганингизда сизни савалайдиган шайтон қўлидаги қамчига айлантирманг!
Жангда мағлуб бўлиш ҳаммаси тугади дегани эмас. Осмондан битта пат тушиши қуш тушди дегани эмас. Дарахтнинг битта шохи синиши шамолнинг ғолиблигини англатмайди. Нафснинг чарчоқларига сабр қилинг, аммо жойингизни тарк қилманг!

Тафаккур қилинг

Тафаккур соҳили ва ибрат маскани:
@tafakkur_sohili

Эрта тонгда машинани ўғирлашди. Кеч кирганида машинанинг эгаси машинасини топ-тоза ҳолида ўз жойига қўйиб кетилганини топди. Ичида эса ўғирлаган шахсдан мактуб бор эди. У мактубда:

"Узр сўрайман биродар. Аёлимни зудлик билан шифохонага элитишим зарур эди, машинангизни ўғирлашга мажбур бўлдим. Яна бир бор узр сўраб ичимлик ва бодроғи билан кинога икки чиптани сизга ҳамда оилангизга ҳадя қиламан", деб ёзиб қолдирган.

Ҳеч қандай машаққатсиз савоб ишлаганини пайқаган машинанинг соҳиби беихтиёр табассум қилди ва оиласини олиб кинотеатрга жўнади. Кинодан қайтганида уйини шип-шийдон қилиб кетилган ҳолида топди. Уйда бир мактуб қолдирилган эди:

"Хўш, "кино" ёқдими оғайни?"

P.S.: Содда бўлманг, биродар!!!

Тафаккур қилинг

Тафаккур соҳили ва ибрат маскани:
@tafakkur_sohili

Aмал тегмаганлар ичидан бўзлаб,
Мартаба завқини тотсам, дер экан.
Aмалга минганлар юксакни кўзлаб,
Қадамни каттароқ отсам, дер экан.

Сардор вазирликни ҳар кун туш кўриб,
Вазир илож топса шоҳни ўлдириб,
Ярим кун бўлса ҳам тахтга ўлтириб,
Шон-шавкат ганжига ботсам, дер экан.

Шоҳ нима истайди, унга нима кам?
Улус ғавғосидан боши тўла ғам,
Тинч кулба бўлсаю ёвғон ичсам ҳам,
Бирор дам хотиржам ётсам, дер экан.

©️ Эркин Воҳидов

Тафаккур қилинг

Тафаккур соҳили ва ибрат маскани:
@tafakkur_sohili

Бир араб ҳикоя қилади:
(ҳазил лавҳа)
- Мен демократиядан 1988 йилдаёқ қўлимни ювиб, қўлтиғимга урганман. Ўшанда пайшанба куни бўлиб, барчамиз - ака-укаларим, дадам, ойим кечки овқат устида суҳбат қураётган эдик.
Дадам:
- Нима дейсизлар, эртага амакингларникига борсакми ё тоғангларникига? - деб қолди.
Болалар ҳаммамиз бир овоздан амакимникига боришни танладик. Ойимдан бошқа. Ойим тоғамларникига боришни танлади.
Кўпчилик овоз амакимникини танлагани учун иш битган, биз ғалаба қозонган эдик.
Жума куни эрталаб туриб ойимнинг хурсанд, кулиб юрганини кўрдик. Бизга: "Тезроқ ҳозирланинглар, болалар, тоғангларникига кетамиз" дер эди..
Дадам эса ерга қараб олган, қўлига газета олиб, гўё ўзини газета ўқиганга олар эди..
Ўшанда билганман: "демократия", "шаффофлик", "халқ иродаси" деган нарсалар ухлаб ётган бечора "халқ" овозидан узоқда - қоронғи пана жойларда, куч орқали амалга оширилар экан.

Тафаккур қилинг

Тафаккур соҳили ва ибрат маскани:
@tafakkur_sohili

#ибрат

Ўлик қалбнинг ўнта белгиси

1. Аллоҳни таниб туриб, ҳақини адо қилмайди.

2. Расулуллоҳ соллаллоҳу алайҳи ва салламнинг севамиз, – деб даъво қилади, бироқ суннатни тарк қилади.

3. Қуръон ўқийди, лекин амал қилмайди.

4. Аллоҳнинг неъматларини еб туриб, шукрини адо қилмайди.

5. Шайтонни душман – дейди, лекин у билан келишиб кетаверади.

6. Жаннат ҳақ – дейди, аммо унга яраша амал қилмайди.

7. Дўзах ҳақ – дейди, лекин ундан қўрқмайди.

8. Ўлимни ҳақ дейди, лекин унга ҳам тайёргарлик кўрмайди.

9. Уйқудан турубоқ одамларнинг айби билан машғул бўлади, ўз айбига боқмайди ҳам.

10. Ўлик кўмади, бироқ ибрат олмайди.

•┈┈┈┈•❈••✾••❈•┈┈┈┈•

Тафаккур қилинг

Тафаккур соҳили ва ибрат маскани:
@tafakkur_sohili

Муҳим эслатмалар

1.Иш учун вақт топинг – бу муваффақият баҳоси.

2.Ўйлаш учун вақт топинг – бу куч манбайи.

3.Ўйин учун вақт топинг – бу ёшликнинг сири.

4.Ўқиш учун вақт топинг – бу билим пойдевори.

5. Оллох учун вақт топинг – бу диёнат йўлидир.

6.Дўстлик учун вақт топинг – бу бахт манбайи.

7.Севги учун вақт топинг – бу ҳаётнинг муқаддас совғаси.

8.Орзу учун вақт топинг – шунда кўнгил юлдузларга етади.

9.Кулгу учун вақт топинг – бу ҳаёт қийинчиликларини енгишга ёрдам беради.

10.Гўзаллик учун вақт топинг – бу нарса ҳамма жойда мавжуд.

11.Соғлик учун вақт топинг – бу ҳаёт хазинаси.

12.Режалаштириш учун вақт топинг – бу олдинги 11 ишларни бажариш учун вақт топиш сиридир.

Тафаккур қилинг!

Тафаккур соҳили ва ибрат маскани:
@tafakkur_sohili