Ваш доход с телеграм-канала

С аудиторией от 1500 подписчиков. Подключайтесь!

Заработок с телеграм-канала

С аудиторией от 1500 подписчиков. Подключайтесь!

Деньги с телеграм-канала

Яндекс помогает заработать от 1500 подписчиков!

Статистика Избранное

GEOAXBOROT

@tabiiygeografiya

Гео и язык канала: Узбекистан, Узбекский

Категория: Природа

Telegram kanal faoliyati.
● Ensklopedik ma'lumotlar.
● Qiziqarli faktlar.
● Maqolalar.
● Kitoblar.
● Tarjimalar va boshqa.
Qo‘llab-quvvatlash uchun havola:
https://tirikchilik.uz/@tabiiygeografiya
Murojat uchun: @egamberdi_iskandarov

Связанные каналы | Похожие каналы

Гео и язык канала

Узбекистан, Узбекский

Категория

Природа

Статистика

Избранное

Фильтр публикаций

Скрывать удаленные

Скрывать репосты

GEOAXBOROT

9 Mar, 08:56

#tavallud

KAMOLOV BAHODIR ASOMOVICH
(1942-yil 9-mart, Namangan viloyati, Namangan tumani, Firvon qishlog‘i)

Geografiya fanlari doktori, professor, O‘zbekiston gidrometeorologiya sohasining yetuk mutaxassisi.

Hayoti va faoliyati

Kamolov Bahodir Asomovich 1942-yil 9-mart kuni Namangan viloyatida ziyoli oilasida tug‘ilgan. U 1958-yilda o‘rta maktabni "Kumush medal" bilan tamomlab, 1963-yilda Samarqand davlat universitetining geografiya fakultetini "Imtiyozli" diplom bilan bitirdi. Talabalik yillaridayoq gidrometeorologiya yo‘nalishida ilmiy maqolalar e’lon qilgan.

Mehnat faoliyatini O‘zbekiston Gidrometeorologiya boshqarmasida boshlagan olim gidrologiya va meteorologiya sohasida muhim tadqiqotlar olib borgan. Uning ilmiy ishlari Sirdaryo havzasining yer usti suv resurslari, qor qoplami va muzliklarning dinamikasini o‘rganishga bag‘ishlangan. «Современное оледенение и сток с ледников
в бассейне Сырдарьи» (Moskva, 1974) monografiyasi ilmiy jamoatchilik tomonidan yuqori baholangan. Olim ushbu tadqiqotlar asosida nomzodlik dissertatsiyasini muvaffaqiyatli himoya qilgan.

1968-yildan boshlab O‘zbekistonda gidrometeorologik jarayonlarga faol ta’sir ko‘rsatish bo‘yicha tadqiqotlar olib borgan. U respublikada do‘lga qarshi kurash xizmatlarini tashkil etib, 740 ming gektar ekin maydonlarini tabiiy ofatlardan himoya qiluvchi tizimni yaratishga boshchilik qilgan. 30 yil davomida ushbu sohada rahbarlik qilgan va ilmiy-amaliy yo‘nalishda yirik tadqiqotlar olib borgan.

2007-yilda "O‘zbekistonda gidrometeorologik jarayonlarga faol ta’sir etish. Ilmiy-uslubiy asoslar. Takomillashtirish" mavzusida doktorlik dissertatsiyasini himoya qilgan. Ilmiy izlanishlarida bulutlarga reagentlar sepish, yog‘ingarchilikni boshqarish va do‘l hosil bo‘lish jarayonlarini kamaytirish usullarini ishlab chiqqan.

Mukofotlari va e’tiroflari

Professor Kamolovning ilmiy va amaliy xizmatlari davlat tomonidan e’tirof etilgan. U "Mehnat Qizil bayroq" va "Hurmat belgisi" ordenlari, O‘zbekiston Oliy Soveti Prezidiumining Faxriy yorlig‘i, shuningdek, bir qator medallar bilan taqdirlangan. 2011-yilda "O‘zbekiston mustaqilligining 20 yilligi" esdalik nishoniga sazovor bo‘lgan.

Ilmiy merosi

Professor Kamolovning rahbarligida ikki nafar fan nomzodi, o‘n nafardan ortiq magistr va ko‘plab bakalavrlar yetishib chiqqan. U ilmiy izlanishlar bilan birga pedagogik faoliyat bilan ham shug‘ullanib, talabalarga ekologiya va gidrometeorologiya fanlaridan saboq bergan.

Bugun, 9-mart – ustoz Bahodir Asomovich Kamolovning tavallud kuni. GEOAXBOROT telegram jamoasi ustozni muborakbot etadi, ularga sihat-salomatlik, bardavom ilmiy faoliyat va uzoq umr tilaydi!

@tabiiygeografiya

85 0 1 3 9

GEOAXBOROT

9 Mar, 03:04

GEOGRAFIK YILNOMA | 9 — MART

TUGʻILGAN SHAXSLAR

XIX asrgacha

• 1766 — Iogann Fridrix Avgust Dyorfer, (oʻlim. 1827) golshteynlik pastor, tarixchi va geograf.

• 1784 — Pyer Antuan Tarde, (oʻlim. 1869) fransuz mis o‘ymakori, po‘lat o‘ymakori va kartograf bo‘lgan.

XIX asr

• 1838 — Edmund fon Fellenberg, (oʻlim. 1902) shveytsariyalik alpinizm kashshofi va geolog bo‘lgan.

XX asr

• 1934 — Jeffri Martin, (oʻlim. 2024) britaniyalik va amerikalik geograf, pedagog. Geografik tafakkur tarixi bo‘yicha mutaxasis.

• 1939 — Natalya Andreyevna Volodicheva, sovet va rossiyalik geograf, dotsent (1981), MDU geografiya fakulteti ilmiy stansiyasi rahbari.

• 1942 — Baxodir Asomovich Kamolov, oʻzbekistonlik faxriy geograf, geografiya fanlari doktori, professor.

@tabiiygeografiya

79 0 0 4

GEOAXBOROT

9 Mar, 02:59

GEOGRAFIK YILNOMA | 9 — MART

BAYRAMLAR VA XOTIRA KUNLARI

Xalqaro bayramlar

• 🇺🇳Butunjahon didjeylar kuni.

Milliy bayramlar

• 🇱🇧Livan — O‘qituvchilar kuni.

@tabiiygeografiya

74 0 0 5

GEOAXBOROT

8 Mar, 06:57

Assalomu alaykum kanalimizning hurmatli ayyolari, sizlarni bugungi 8-mart xalqaro xotin-qizlar kuni munosabati bilan barchangizni chin qalbdan tabriklayman!

Barchangizga sixat-salomatlik, oilaviy totuvlik, ilmiy ishlaringizda muvaffaqiyatlar tilab qolaman. Bayramingiz chiroyli o‘tsin.

Ayol, sening husnu tarovatingni
Ming bor kuylasam gar ado bo‘lmas
Muhabbat mulkida malika bo‘lsang
Oshig'ingdek faqir gado bo‘lmas.

Oyog‘ing o‘pmoqga keltirib yoysam
Zamin to‘ridagi chechaklar yetmas
Osmonni uzsam-u poyinga qo‘ysam
Yulduzlar bir nafas qoshingdan ketmas.

Hurmat ila GEOAXBOROT telegram kanali jamoasi!

@tabiiygeografiya

84 0 0 5

GEOAXBOROT

8 Mar, 03:04

GEOGRAFIK YILNOMA | 8 — MART

TUGʻILGAN SHAXSLAR

XIX asr

• 1870 — Mixail Dimitriyevich Bonch-Bruyevich, (oʻlim. 1956) rus va sovet geodezisti, harbiy nazariyotchi, Birinchi jahon urushi hamda fuqarolar urushi ishtirokchisi. Rossiya imperator armiyasining general-mayori (1914) va Qizil Armiyaning general-leytenanti (1944). Harbiy va texnika fanlari doktori. Dvoryanlik nasliga mansub bo‘lib, Vladimir Dmitriyevich Bonch-Bruyevichning ukasi.

• 1887 — Yozef Vimmer, (oʻlim. 1945) nemis geologi, fizigi, «Anenerbe» tashkilotining rahbar xodimi.

• 1897 — Anatoliy Georgiyevich Betextin, (oʻlim. 1962) sovet geologi, mineralogi va professori. SSSR Fanlar akademiyasi akademigi (1953). Stalin (1947) va Lenin (1958) mukofotlari laureati.

XX asr

• 1921 — Aleksandr Ivanovich Alekseyev, (oʻlim. 1993) SSSR Harbiy-dengiz floti ofitseri, sovet tarixchisi va yozuvchisi, Uzoq Sharq, Kamtchatka va Rus Amerikasi tarixini tadqiq qilgan olim. Tarix fanlari doktori, geografiya fanlari nomzodi.

@tabiiygeografiya

86 0 0 4

GEOAXBOROT

8 Mar, 02:59

GEOGRAFIK YILNOMA |8 — MART

BAYRAMLAR VA XOTIRA KUNLARI

Xalqaro bayramlar

• 🇺🇳Xalqaro xotin-qizlar kuni.

@tabiiygeografiya

83 0 0 4

GEOAXBOROT

7 Mar, 11:34

#dissertatsiya

Uktamov Urayimjon Shavkatjon o‘g‘lining 11.00.01– Tabiiy geografiya ixtisosligidan geografiya fanlari falsafa doktori (PhD) ilmiy darajasini olish uchun taqdim etilgan “Markaziy Farg‘ona cho‘llari landshaftlarining antropogen transformatsiyalashuvi va geoekologik vaziyati” mavzusidagi dissertatsiyasining himoyasi Sharof Rashidov nomidagi Samarqand davlat universiteti huzuridagi ilmiy darajalar beruvchi DSc.03/30.12.2021.Gr.02.07 raqamli Ilmiy kengashning 2025-yil 19-mart kuni soat 14:00 dagi majlisida bo‘lib o‘tadi.

Manzil: 140104, Samarqand shahri, Universitet xiyoboni, 15-uy, Sharof Rashidov nomidagi Samarqand davlat universiteti 2-axborot resurslar markazi faollar zali.

Tel/faks: (+99895) 410-20-10; (+99866) 240-38-47.

e-mail: rektor@samdu.uz

Uktamov Urayimjon Shavkatjon o‘g‘liga ilmiy ish himoyasida omad tilaymiz!

@tabiiygeografiya

471 1 7 8

GEOAXBOROT

7 Mar, 03:04

GEOGRAFIK YILNOMA | 7 — MART

TUGʻILGAN SHAXSLAR

XIX asr

• 1810 — Frans Anton Kroyter, (oʻlim. 1877) Kyolnlik antikvar, kitob sotuvchisi va noshir bo‘lib, u, shuningdek, mahalliy tarix tadqiqotchisi hamda vatan haqidagi adabiyot muallifi sifatida faoliyat yuritgan. Uning «Kroyter xaritalari» deb nomlangan, 100 dan ortiq aniq chizilgan ko‘cha yo‘laklari va fasadlar to‘plami Kyoln shahar manzarasi tarixini o‘rganishda muhim manba hisoblanadi. Bundan tashqari, Kyoln shahrining Erenfeld tumani tashkil etilishi Kroyter tashabbusi bilan amalga oshgan.

• 1837 — Onezim Reklyu, (oʻlim. 1916) fransuz geograf va yozuvchi, «Le Tour du monde» haftalik jurnalining xodimi. U «frankofoniya» (francophonie) atamasini birinchi bo‘lib ishlatgan.

• 1859 — Aleksey Ivanovich Osipov, (oʻlim. 1936) rus dengiz zobiti, gidrograf, Susima yurishi va jangining ishtirokchisi. 1910—1917-yillarda Narva shahri hokimi bo‘lgan.

XX asr

• 1909 — Rojer Revill, (oʻlim. 1991) amerikalik olim, jamoat arbobi va ilm-fan tashkilotchisi, okeanolog, klimatologiya, xususan, global isish tadqiqotlarining kashshofi. 1957-yildan AQSh Milliy fanlar akademiyasi, 1960-yildan Amerika falsafa jamiyati a’zosi. 1936-yilda falsafa doktori ilmiy darajasini olgan. 1950—1964-yillarda Scripps okeanografiya institutining direktori, Garvard va Kaliforniya universiteti (San-Diego) professori bo‘lgan. Tayler (1984) va Baltsan (1986) mukofotlari hamda boshqa nufuzli mukofotlar laureati. 1990-yilda AQShning Milliy ilmiy medali bilan taqdirlangan.

• 1912 — Sergey Aleksandrovich Kovalyov, (oʻlim. 1997) sovet va rus iqtisodiy geografiyasi mutaxassisi, geografiya fanlari doktori, professor. Qishloq aholi joylashuvi va ijtimoiy geografiya sohasida yirik ilmiy maktab asoschisi.

@tabiiygeografiya

104 0 0 5

GEOAXBOROT

7 Mar, 02:59

GEOGRAFIK YILNOMA |7 — MART

BAYRAMLAR VA XOTIRA KUNLARI

Milliy bayramlar

• 🇦🇱Albaniya — O‘qituvchilar kuni.
• 🇹🇲Turkmaniston — Transport va aloqa sohasi xodimlari kuni.
• 🇸🇮Sloveniya — Dengizchilik kuni.

@tabiiygeografiya

98 0 0 5

GEOAXBOROT

5 Mar, 11:21

GERARD MERKATORI: MASHHUR KARTOGRAF VA UNING MEROSI

Bugun 5-mart geografiya olamida mashhur kishilardan biri sanalgan Gerard Merkatorning tug‘ilgan kuni. Shu munosabar bilan hayot-faoliyatiga qisqacha to‘xtalib o‘tamiz.

Gerard Merkator (asl ismi Gert Kremer) 1512-yil 5-martda Flandriyaning Rupelmonde shahrida tug‘ilgan. U o‘z davrining eng mashhur geograf va kartograflaridan biri bo‘lib, asosan, o‘z nomi bilan ataluvchi «Merkator proektsiyasi» bilan tanilgan.
Merkator 1530-yilda Leuven universitetiga o‘qishga kirib, matematika, geografiya va astronomiya fanlarini o‘rgangan. U ilmiy asboblar, globuslar, astrolabiyalar ishlab chiqargan va ko‘plab xaritalar tuzgan. U yaratgan eng mashhur asarlardan biri 1569-yilda chizilgan dunyo xaritasi bo‘lib, unda u ilk bor «Merkator proektsiyasi»ni qo‘llagan. Bu proektsiya navigatsiya maqsadlarida juda qulay bo‘lib, ayniqsa dengiz va havo yo‘nalishlarida hanuzgacha qo‘llanib kelinmoqda.
Merkator hayoti davomida ko‘plab ilmiy ishlarni yaratgan, jumladan, u 1595-yilda nashr etilgan «Atlas sive Cosmographicae Meditationes de Fabrica Mundi et Fabricati Figura» kitobi orqali «atlas» tushunchasini ilk bor kartografiyaga kiritgan.
Uning xotirasi va merosi ko‘plab yodgorliklar orqali abadiylashtirilgan:
• Belgiyaning Rupelmonde, Bryussel, Leuven va Germaniyaning Duisburg shaharlarida Merkator haykallari o‘rnatilgan.
• 1924-yilda Amsterdamda Merkator nomi bilan maydon va ko‘cha paydo bo‘ldi.
• Oy yuzasidagi kraterlardan biri uning sharafiga «Merkator krateri» deb nomlangan.
• 1969-yilda Germaniyada Merkator tasvirlangan yubiley tanga chiqarildi.
• 2012-yilda uning 500 yillik yubileyi munosabati bilan Belgiyada maxsus oltin tanga zarb etildi.
Gerard Merkator 1594-yil 2-dekabrda Duisburg shahrida vafot etdi. Uning kartografiyaga qo‘shgan hissasi beqiyos bo‘lib, u yaratgan proektsiya va atlas tushunchasi hanuzgacha ilmiy hamjamiyat tomonidan ishlatilmoqda.

@tabiiygeografiya

132 0 0 4

GEOAXBOROT

5 Mar, 10:05

Репост из: Magistrlar Official

Kaliforniyada universitetida sun’iy intellekt dars beradi

Gap shundaki, Kaliforniya shtati universiteti ta’limga sun’iy intellektni joriy qilmoqda. OpenAI tomonidan yaratilgan generativ sunʼiy intellekt mahsuloti ChatGPT Edu 23 ta kampusda 460 000 dan ortiq talaba va 63 000 dan ortiq oʻqituvchi hamda xodimlar uchun foydalanishga topshirilmoqda.

Bu AQShda ilk bor butun universitet tizimi miqyosida amalga oshirilayotgan ChatGPT joriy etilishi boʻlib, dunyodagi eng yirik ChatGPT integratsiyasi hisoblanadi.

Loyiha davlat-xususiy sheriklik doirasida amalga oshirilmoqda. ChatGPT Edu bilan va boshqa texnologik kompaniyalar bilan hamkorlikda “sunʼiy intellekt asosidagi universitet tizimi” yaratish rejalashtirilgan.

Bu tashabbus taʼlim, xususiy sektor va hukumat oʻrtasidagi hamkorlik orqali Kaliforniya va butun mamlakat boʻylab kelajak avlodlarni sunʼiy intellektga tayyorlashni maqsad qilgan.

@magistrlarofficial
@magistrlarofficial_group

103 0 1 4

GEOAXBOROT

5 Mar, 03:04

GEOGRAFIK YILNOMA | 5 — MART

TUGʻILGAN SHAXSLAR

XIX asrgacha

• 1512 — Gerard Merkator, (oʻlim. 1594) flamand geografi va kartografi bo‘lib, o‘z nomi bilan ataluvchi kartografik proyeksiya muallifi sifatida mashhur. Merkator ushbu teng burchakli silindrik proyeksiyani ilk bor 1569-yilda 18 varaqdan iborat dunyo navigatsion xaritasini tuzishda qo‘llagan.

XIX asr

• 1821 — Otto Delich, (oʻlim. 1882) Leypsigdagi nemis geografiya professori va diniy ta’lim o‘qituvchisi.

• 1832 — Ayzek Izrail Xeys, (oʻlim. 1881) amerikalik shifokor va Arktika tadqiqotchisi. U asosan «ochiq qutbiy dengiz» nazariyasining tarafdori sifatida mashhur bo‘lib, bu nazariyaga ko‘ra, qutbiy kun davrida 85° shimoliy kenglikdan yuqori hududlar muzdan xoli bo‘ladi.

• 1886 — Valdimir Yulyevich Vize, (oʻlim. 1954) qutb tadqiqotchisi, okeanolog, 1933-yildan SSSR Fanlar akademiyasining muxbir a’zosi.

XX asr

• 1933 — Don Lin Anderson, (oʻlim. 2014) amerikalik geofizik. 1962-yilda falsafa doktori ilmiy darajasini olgan, Kaliforniya Texnologiya Institutining emerit-professori, 1982-yildan AQSh Milliy Fanlar Akademiyasi a’zosi va 1990-yildan Amerika falsafiy jamiyati a’zosi.

• 1938 — Vladimir Pavlovich Kurbatkin, (oʻlim. 2017) O‘zbekistonda va chet elda mashhur bo‘lgan meteorolog va klimatolog, fizika-matematika fanlari nomzodi.

@tabiiygeografiya

109 0 0 3

GEOAXBOROT

5 Mar, 02:59

GEOGRAFIK YILNOMA | 5 — MART

BAYRAMLAR VA XOTIRA KUNLARI

Xalqaro bayramlar

• 🇺🇳BMT — Iqtisodiy va ijtimoiy rivojlanish yo‘lida xalqaro ko‘ngillilar kuni.
• 🇺🇳BMT — Jahon tuproq kuni.
• 🌍YUNESKO — Butunjahon turk qahvasi kuni.

Milliy bayramlar

• 🇷🇺Rossiya — Rossiya harbiy shon-shuhrat kuni — Moskva jangi davomida sovet qo‘shinlarining nemis-fashist qo‘shinlariga qarshi qarshi hujumi boshlangan kun.
• 🇷🇺Rossiya — Ko‘ngillilar (volontyorlar) kuni.
• 🇹🇭Tailand — Otalar kuni.
• 🇺🇦Ukraina — Statistiklar kuni.

@tabiiygeografiya

119 0 0 3

GEOAXBOROT

4 Mar, 15:45

#dissertatsiya

Isakova Aziza Yadgarovnaning 11.00.03-Quruqlik gidrologiyasi. Suv resurslari. Gidrokimyo ixtisosligidan geografiya fanlari bo‘yicha falsafa doktori (PhD) ilmiy darajasini olish uchun taqdim etilgan «Sel xavfini baholash va sel oqimlari maksimal suv sarflarini hisoblash usullarini takomillashtirish (G‘arbiy Tyan-Shan kichik daryolari misolida)» mavzusidagi dissertatsiya ishi himoyasi Gidrometeorologiya ilmiy-tadqiqot instituti huzuridagi ilmiy darajalar beruvchi DSc.27/30.12.2019.Gr.47.01 raqamli Ilmiy kengashning 2025-yil 13-mart soat 14:00 dagi majlisida bo‘lib o‘tadi.

Manzil: Toshkent shahri, Bodomzor yo‘li 1-tor ko‘chasi, 72-uy, Gidrometeorologiya ilmiy-tadqiqot institutining majlislar zali.

Isakova Aziza Yadgarovnaga ilmiy ish himoyasida omad tilaymiz!

@tabiiygeografiya

448 1 3 5

GEOAXBOROT

4 Mar, 14:11

Репост из: Суратдаги Ҳақиқат | Расмий канал

Дунё сувсизлик томон қараб кетмоқда.

👉🏽 @SuratdagiHaqiqat - Хақиқатларни билмоқчимисиз? Унда обуна булинг.

120 0 0 5

GEOAXBOROT

4 Mar, 10:34

Репост из: CEEN

O‘zbekistonning birinchi sun’iy yo‘ldoshi orbitaga uchiriladi

Yaponiyaning Kyushu Institute of Technology oliygohi bilan imzolangan kelishuv doirasida 7 nafar o‘zbekistonlik yosh muhandis-konstruktor 2 yil davomida kosmik apparatlarni loyihalash, yig‘ish va sinovdan o‘tkazish yo‘nalishida magistratura bosqichida o‘qiydi.

Ular O‘zbekistonning birinchi ilmiy sun’iy yo‘ldoshi “6U Cubsat”ni yaratib, orbitaga uchirish ustida ishlaydi. Loyiha aerokosmik texnologiyalarni rivojlantirish bo‘yicha davlat dasturi asosida amalga oshirilmoqda.

🔥🔥🔥🔥

119 0 1 6

GEOAXBOROT

3 Mar, 19:07

Репост из: География

Курдларнинг давлатчилиги шаклланиши

💬 Фикрингизни қолдиринг ва лайклар босинг, бизга қўшилинг:
📡 @geographypolitica_uz

107 0 0 5

GEOAXBOROT

2 Mar, 03:05

GEOGRAFIK YILNOMA | 2 — MART

TUGʻILGAN SHAXSLAR

XIX asrgacha

• 1788 — Ambruaz Tarde, (oʻlim. 1841) fransuz kartografi va gravyuri bo‘lgan.

• 1793 — Pyotr Ivanovich Kyoppen, (oʻlim. 1864) nemis kelib chiqishiga ega rus olimi. Tarix, geografiya, etnografiya, demografiya va statistika bo‘yicha asarlar nashr etgan. Peterburg Fanlar akademiyasining muxbir a’zosi (1826), statistika bo‘yicha adjunkt (1837), favqulodda akademik (1839), oddiy akademik (1843) bo‘lgan. Haqiqiy davlat maslahatchisi (1849).

XX asr

• 1902 — Yevgeniy Grigoryevich Bobrov, (oʻlim. 1983) rossiyalik botanik, sistematika, floristika, o‘rmon geografiyasi, ignabargli o‘simliklarning morfologiyasi va evolyutsiyasi bo‘yicha mutaxassis, shuningdek, fan tarixchisi. Temiryo‘l xodimi oilasidan chiqqan, nasl-nasabining dvoryanlikka borib taqalishi haqida tasdiqlanmagan ma’lumotlar mavjud.

• 1908 — Aleksandr Aleksandrovich (Abdulxalat Abdullatipovich) Bakirov, (oʻlim. 1986) sovet neft va gaz geologi, professor, 1960-yilda Lenin mukofoti laureati.

• 1912 — Alarix Avgustin, (oʻlim. 1997) nemis etnografi, SS untershturmfyureri, "Ahnenerbe" tashkilotining rahbar xodimi.

@tabiiygeografiya

143 0 0 4

GEOAXBOROT

2 Mar, 03:02

GEOGRAFIK YILNOMA | 2 — MART

BAYRAMLAR VA XOTIRA KUNLARI

Milliy bayramlar

• 🇱🇾Liviya — Jamahiriya kuni.
• 🇺🇸AQSh — Milliy kitob o‘qish kuni.
• 🇺🇸AQSh — Texas mustaqilligi kuni.
• 🇲🇲Myanma — Dehqonlar kuni.
• 🇪🇹Efiopiya — Adua g‘alabasi kuni.
• 🇱🇰Shri-Lanka — Havo kuchlari kuni.

@tabiiygeografiya

115 0 0 3

GEOAXBOROT

1 Mar, 03:05

GEOGRAFIK YILNOMA | 1 — MART

TUGʻILGAN SHAXSLAR

XIX asrgacha

• 1743 — Lyudvig Vilgelm Bruggeman, (oʻlim. 1817) nemis evangelistik ruhoniysi, yozuvchi va geograf.

XIX asr

• 1831 — Jozef Gabans, (oʻlim. 1899) avstriyalik o‘qituvchi, zoolog, geolog, geograf va siyosatchi.

• 1842 — Vilgelm Yordan, (oʻlim. 1899) nemis geodezisti. U Liviya cho‘lini o‘rganganligi bilan mashhur.

• 1846 — Vasiliy Vasilyevich Dokuchayev, (oʻlim. 1903) rus geologi va tuproqshunosi. U 1884–1897-yillarda Sankt-Peterburg universitetida mineralogiya va kristallografiya professori, 1892–1895-yillarda esa Novo-Aleksandriya qishloq xo‘jaligi va o‘rmonchilik institutining direktori bo‘lgan.

• 1853 — Aleksey Petovich Sokolov, (oʻlim. 1910) rus geodezisti va astronomi. U 1891–1905-yillarda Pulkovo rasadxonasi vitse-direktori bo‘lgan.

• 1859 — Robert Filippovich Fogel, (oʻlim. 1920) ukrain astronomi va geodezisti, 1899-yildan boshlab Kiyev universiteti professori, 1901-yildan Kiyev astronomik rasadxonasi direktori. Uning asosiy ilmiy ishlari osmon astronomiyasiga, xususan, sayyora va kometalar orbitasini aniqlashga bag‘ishlangan.

XX asr

• 1951 — Derek Gregori, britaniyalik akademik va jahonga mashhur geograf. Hozirda u Vankuverdagi Britaniya Kolumbiyasi Universitetida «Peter Wall Distinguished Professor» va geografiya professori lavozimlarida ishlaydi. Ilgari Kembrij universitetida ham faoliyat yuritgan.

@tabiiygeografiya

138 0 0 4

Показано 20 последних публикаций.

320

подписчиков

Статистика канала

Популярное в канале

#dissertatsiya Ravshanov Shoxrux Aliqul o‘g‘lining 11.00.01– Tabiiy geografiya ixtisosligidan g...

#dissertatsiya Eshmamatov Elshod Dilshod o‘g‘lining 11.00.01 - Tabiiy geografiya ixtisosligi bo...

#ilmiy_kitob ЎЗБЕКИСТОН ГЕОГРАФИЯСИ (ЎЗБЕКИСТОН ИҚТИСОДИЙ ВА ИЖТИМОИЙ ГЕОГРАФИЯСИ) Солиев А. Ўз...

#dissertatsiya Uktamov Urayimjon Shavkatjon o‘g‘lining 11.00.01– Tabiiy geografiya ixtisosligid...

#dissertatsiya Isakova Aziza Yadgarovnaning 11.00.03-Quruqlik gidrologiyasi. Suv resurslari. Gi...