СЎХ ТУМАНИ ҲОКИМЛИГИ

Биласизми?

Мамалакатимизда ёқилғи–энергетикаси ресурслари бўйича олиб борилаётган ислоҳотлар

Юртимизда ёқилғи-энергетика соҳасида бозор механизмлари жорий этиб борилади.

Ўзбекистон Республикаси Вазирлар Маҳкамаси “Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида” қарор қабул қилди.

Унга мувофиқ:

2024-2025 йилларда ёқилғи-энергетика ресурслари нархларининг босқичма-босқич ўзгариш графиги;

2024 йил 1 майдан аҳоли учун электр энергияси ва табиий газ бир ойлик истеъмолининг “базавий меъёрлари” тасдиқланди. Қарорга кўра, Вазирлар Маҳкамаси ҳузуридаги Идоралараро тариф комиссияси 2024 йил 1 майга қадар:

Табиий газ ва электр энергиясини ишлаб чиқариш, узатиш, тақсимлаш, сотиш ва иссиқлик энергиясини ишлаб чиқариш тарифларини, электр ва иссиқлик энергияси, шунингдек, табиий газ истеъмолчилари ва улгуржи қайта сотувчилардан тушадиган маблағларни тақсимлаш тартибини қайта кўриб чиқиб, тасдиқлайди.

Статистика агентлиги 2024 йил 1 майга қадар ёқилғи-энергетика ресурслари нархлари ошишини ҳисобга олган ҳолда минимал истеъмол харажатлари қийматини қайта кўриб чиқиб, эълон қилади. Қуйидаги тоифадаги истеъмолчилар учун юзага келиши мумкин бўлган қўшимча харажатларни қоплаш бўйича вақтинча компенсасия жорий этилади:

“Ижтимоий ҳимоя ягона реестри” ахборот тизими орқали кам таъминланган оилалар, болалар нафақаси ва моддий ёрдам олувчи оилалар;

Ягона реестрга киритилмаган, “маҳалла еттилиги” хулосаси асосида аниқланадиган қўшимча эҳтиёжманд оилалар.

Бунда:

“маҳалла еттилиги” томонидан шакллантирилган қўшимча рўйхатдаги эҳтиёжманд оилалар сони тегишли маҳалладаги Ягона рестрга киритилган оилалар сонининг 15 фоизидан ошмаслиги керак. Туман (шаҳар) ҳокимликлари тегишли туман (шаҳар) бўйича Ягона рестрга киритилган оилалар сонининг 15 фоизидан ошмаган ҳолда, маҳаллалар кесимидаги эҳтиёжманд оилалар қўшимча рўйхатига ўзгартириш киритиши мумкин.

Иситиш мавсумида (ноябр - феврал ойларида) эҳтиёжманд оилаларга қуйидаги компенсасия турлари тақдим этилади:

а) Ижтимоий ҳимоя миллий агентлиги АТ “Халқ банки” билан бирга ноябр ойида 270 минг сўм миқдорида бир марталик моддий ёрдам ўтказиб берилади;

б) электр энергияси ва табиий газ бўйича қуйидаги миқдорлардаги истеъмол учун базавий меъёр доирасидаги ҳамда базавий меъёрдан ошган нархлар ўртасидаги фарқ компенсасия қилиб берилади:
табиий газ учун - ойига базавий меъёрдан ортик фойдаланилган 250 куб метргача;

электр энергияси учун - ойига базавий меъёрдан ортиқ фойдаланилган 150 кВт соатгача.

Бунда, ушбу бандда назарда тутилган компенсасия тўловлари Ўзбекистон Республикасининг Давлат бюджети маблағлари ҳисобидан Ижтимоий ҳимоя миллий агентлиги орқали тўлаб берилади;

Қорақалпоғистон Республикаси ва Хоразм вилоятларидаги эҳтиёжманд оилалар учун тўловлар октябр ойидан бошлаб амалга оширилади. 2024 йил 1 июлдан бошлаб юридик шахсларга етказиб бериладиган электр энергияси ва табиий газ учун тўловлар 100 фоиз олдиндан амалга оширилади.

М.Қодиралиев - Фарғона шаҳар адлия бўлими бошлиғи

🇺🇿https://t.me/suxliklars

🌍Веб сайт|💬Facebook|✅Telegram| 📹Youtube |
📸 Instagram

Адолатни тиклаш масаласида қилинган фуқаро мурожаати қонун доирасида қаноатлантирилди

Ўзбекистон Республикаси Президентининг 2018-йил 13-апрелдаги ПҚ-3666-сон қарори билан тасдиқланган “Ўзбекистон Республикаси Адлия вазирлиги тўғрисида”ги Низомга асосан адлия органлари зиммасига фуқароларнинг ҳуқуқлари ва эркинликлари давлат органлари ва ташкилотлари томонидан бузилиши тўғрисидаги мурожаатларини холисона ва ҳар томонлама кўриб чиқилишини таъминлаш, уларга нисбатан қонун ҳужжатларига мувофиқ чоралар кўриш вазифаси юклатилган.

Ушбу йўналишда Сўх туманида ҳам тизимли ишлар олиб борилмоқда. Адлия тизими ходимлари фуқаролардан тушган мурожаатларни холисона ўрганиб, уларга ҳуқуқий ва амалий кўмак беришмоқда.

Сўх туман адлия бўлими томонидан Сўх тумани Офтобру маҳалласида яшовчи, туман тиббиёт бирлашмасида фаолият олиб борган Н.М. нинг мурожаати ўрганилди. Фуқаро Ўзбекистон Республикаси Меҳнат кодексининг 404-моддаси талаблари асосида ҳомиладорлик ва туғиш таътилига чиққанлиги, бироқ ТТБ марказий ҳисобхонаси томонидан таътил бўйича ҳақ тўланмаганлиги ва таътил ҳақини ундиришда амалий ёрдам беришни сўраб ариза ёзган.

Ушбу мурожаат тўлиқ ўрганилиб, Сўх туман фуқаролик ишлари бўйича судига йўналтирилди.

Мазкур мурожаат бўйича 2024 йил июнь ойининг 11 куни фуқаролик ишлари бўйича Сўх туман судининг очиқ суд мажлисида ҳал қилув қарори қабул қилинди.

Ўтказилган очиқ суд мажлисида Сўх тумани Адлия бўлимининг даъвогар Н.М. га манфаатида жавобгар Сўх туман тиббиёт бирлашмасига нисбатан ҳомиладорлик ва туғиш таътили тўлови ва компенсация ундириш ҳақидаги даъво аризаси қаноатлантирилди. Даъвогар Н.М. нинг фойдасига жавобгар Сўх туман тиббиёт бирлашмасидан 11.148.190 сўм миқдорида ижтимоий нафақа ва компенсация, 34.000 сўм миқдорида почта харажати ундирилиши ва жавобгар Сўх туман тиббиёт бирлашмасидан давлат даромадига 445.928 сўм миқдорида давлат божи ундирилиши юзасидан қарор қабул қилинди.

Мурожаат қилган фуқаро қонунчикдаги тартиб-қоидаларга ишониб, ўз муаммосини арз қилади. Бизнинг давлатчилигимизда ҳеч бир мурожаат ўрганилмасдан қолмайди ва мурожаатдаги муаммо қонун доирасида ҳал қилинади.

Бунёджон Эназаров – Сўх тумани Адлия бўлими бошлиғи

Сўх тумани ҳокимлиги Ахборот хизмати

🇺🇿https://t.me/suxliklars

🌍Веб сайт|💬Facebook|✅Telegram| 📹Youtube |
📸 Instagram