Sulton Nizomiddin oʻgʻli

Бир гапни доим такрорлаш ўшани қадрини, таъсирини доим пастлатади.

Мисол: Илм олдинг, бу яхши, фақат амал қилиш ҳам керак-да.

Фақат ўқи, вақтингни бекор кетказма, вақтинг кетди нақдинг кетди!

Мана шу гапларни кўп эшитганмиз, лекин таъсири йўқ.

Сабабини 1 сатрда айтдим.

@sulton_orinboyev

Таҳорат қилишдан олдин идишни таҳорат қилган сувимнинг ярмича қилиб тўлдирдим. Қизиғи, етказа олдим.

Овқатланишда ҳам доимий ейдиган овқатимнинг ярмини есам ҳам ҳаммасини егандек энергия беради(кўпинча)

Бир дунё гап гапираман, уни ҳам озгина ўйлаб кейин гапирсам у гапларнинг кўпи фойдасиз бўлади.

Шунақа китоблар ҳам кўп. Қисқартириб ёзилса 1 бет бўладиган. (Қисқартириб бўлмайдиган китоб – буюк китоб бўлади)

Хуллас, исроф кўп. Исроф фақат сув, пул мева-сабзавотлару таомларда бўлмас экан. Мен фақат битта иккитасини айтдим. Ўтириб ўйласак кўп исрофларни гувоҳи бўламиз.

Уларни кўриш учун солим ақл бўлиши ва уни ишлата олиш муҳим.

@sulton_orinboyev

Тегирмоннинг эшаги.

Ҳикоя қилинишича, қадим замонда волийлардан бири халқнинг аҳволидан хабар олиб юрган экан. Ҳеч ким танимайдиган оддий кийимларни кийиб, одамларнинг муаммолари ва турмуш тарзини текшириб, назорат қилар экан.

Волий йўл юриб бир қишлоққа келибди ва у ерда бир деҳқоннинг тегирмони олдидан ўтиб қолибди. Қараса, деҳқон эшагини тегирмон тошига боғлаб, бўйнига қўнғироқ ҳам осиб қўйибди.

Деҳқоннинг бу қилган ишидан ажабланиб уни олдига чақирибди.

Деҳқон етиб келгач, сўрабди:

— Нима сабабдан эшакнинг бўйнига қўнғироқ осиб қўйдингиз?!

— Менинг ишларим кўп. Эшакнинг тепасида кузатиб тура олмайман. Қўнғироқ осиб қўйганимнинг сабаби шуки, қўнғироқ овозини эшитсам, эшакнинг ишлаётгани, буғдой янчилиб, тегирмон тўхтаб қолмаганини биламан. Қўнғироқ овози тўхтаса, тош айланмай, иш тўхтаб қолган бўлади, — дебди деҳқон.

Волий яна сўрабди:

— Агар эшак айланишдан тўхтаб, бўйнининг ўзини қимирлатса ва қўнғироқ чалинаверса, нима қиласиз?

Деҳқон волийни танимас экан. Унга қараб:
— Агар бу фикр хаёлига келганда, у эшак бўлмасди. Балки шаҳарга волий бўларди, — дебди.

Адҳам Шарқовий - Менман китобидан.

Оғирлик.

• Анчадан бери ёзмадим.
• Ёзув тури ҳам ўзгарди.
Шу гаплар

Сабабини бирин кетин айтаман. Аввал нима ҳақида гаплашамиз шуни айтай.

Мен қишлоқда яшашим ва шаҳарда ҳам 1.5 йилдан кўпроқ яшаган инсон сифатида бир қанча мулоҳазалар бор эди.

Авваламбор талаба сифатида айтаманки қишлоқда ўқиб ўзининг соҳасини зўри бўлиш жуда қийин. (Шу жойда бир нарса, мен қишлоқ деб ўзимни шароитимни айтдим. Ҳозирги қишлоқликларни ҳам яшаш тарзи шаҳарликларнинг яшаш тарзидан фарқ қилмайдиган бўлиб қолган)

Кўп ишларни ташлаб шаҳарга, қулай яшаш шароитига бориш.
Ва шаҳарда анча яшаб "комфорт зона"га тушиб яна уйга қайтиб яна ўша ишларни бошлаш жуда қийин.

Мен шаҳарда ҳар куни режа тузиб кечқурун таҳлил қилиб юрардим. Қишлоққа қайтганда эса булар йўқ. Сабаби эса "бошқарув пулти" 100% ўзимнинг қўлимда эмас.

Хуллас, ҳаммаси қийинчилик.

Клавиатурани ўзгартириш ҳам қийинчилик.

Шу жойда ўзимга эслатаман, "олдинги буюкларнинг қийинчилиги олдида меники нима, уларга қийин бўлгани учун буюкликка эришди"

Мен шунчаки битта иккита қийинчиликни эслаганим ва орқасидан буюкларни эслаганим ғалатидек.

Энди эчим: қанчалик кўп оғирлик, қийинчиликларда яшаб кўрса инсонни сабри зиёда, тез мослашувчан, кенг дунёқарашли бўлади.

Шу ёзишим ҳам 2-3 кундан бери ёзиб юрганим маҳсули.

Давоми келса ёзарман...

@sulton_orinboyev

У келди...

Ундаги қайси амалларга энг кўп эътибор берилса ўша амал у кетгандан кейин ҳам шундай давом этмоғи керак.

Унинг энг катта файдаларидан бири шу.

Qiziq savolga duch keldim.

Nimaga oʻqituvchi 1 fanni biladi oʻquvchi hamma fanni bilishi kerak?

Savol gʻalati.

Chunki oʻsha oʻqituvchi ham avval maktabda oʻquvchini oʻqiyotgan fanlarini hammasini oʻqigan.

Keyinchalik universitetda ham hamma darslarni oʻqigan

(Hammasini oʻqigan desam sal gʻalatiroq tuyulyapti, chunki hamma fanni oʻqimagan boʻlishi mumkin-ku)

(Mavzu boshqa)

Bilib qoʻyaylik maktab bizni universitetga tayyorlashga universitet esa ishga joylashishga tayyorlamaydi.

Maktabda qoʻyilgan darslar ham bu hayotda kerak deb topilgani uchun qoʻyilgan. (Faqat biz chalkashtirib yubordik maktabni ham universitetni ham, umuman hamma maʼnoda)

Taʼlim bu hayot. Johillikning oqibatini tarixdan bilsak boʻladi.

Maktab ham universitet ham birinchi navbatda bizni hayotga tarbiyalaydi.

PS.
Mening shaxsiy fikrlarim bu.

Sulton Nizomiddin oʻgʻli

#Хулоса

Кимнидир ёки ниманидир танқид қилиш жуда эҳтиёт талаб қиладиган иш. Чунки бир кун келиб ўзинг ўша танқид қилганинг ҳолга тушишинг мумкин.

Ва сени шу ҳолингни кўриб, кутиб турганларга шарманда бўлишинг тайин.

Шунинг учун оғзингдан чиқадиган сўзга эҳтиёт бўл.

Аввал андеша баъд гуфтор

дейилади бизда.

@sulton_orinboyev

Yana yozuv haqida.

Kanal ochganimdan beri yozuvga qiziqishim ortib boradi. Hech soʻngani yoʻq.

Chunki yozuvdan maqsad gʻoyani yetkazish. Ha, maqsad yozish emas, balki miyadagi fikrni chiqarish.

Yozuvni kuchli boʻlishi uchun esa albatta miya kuchli boʻlishi kerak. Kuchli fikr boʻlishi kerak.

Uning uchun esa koʻp tajribalar boʻlishi, koʻp kitoblar oʻqilgan boʻlishi kerak.

Aynan mana shu miya kuchli boʻlishi uchun ham yozish kerak.

Qisqacha aytsam: fikr bor miyada, uni yozasiz (xato-yu nuqsonlarni koʻrib) kichkina fikr yana kattalashadi. Shu tariqa fikrlash ham kengayib boradi.

P.S:
Mana shu postni ham kichkina fikrdan kelib chiqib yozdim. Va uch marta tahrirladim. Misol uchun.

Sulton Nizomiddin oʻgʻli

Ramazonga 3 kun qoldi...

Birovni qilgan ishiga qaraymiz, oʻzimizga emas.

Birovni xatosi xato-yu bizniki "ha endi boʻpqoldida bir" mi?.

Oʻzini xatosi bilan ovora boʻlib faqat uni tuzatishidan ortmagan inson men uchun eng "buyuk" inson.

Chunki asosiy maqsadni bajaryapti u.

Birovni tuzatishga urunib oʻzimni unitganim koʻp.

Sulton Nizomiddin oʻgʻli

Ramazon kelmoqda, yana 4 kun qolibdi...

Odat shakllantirish uchun juda munosib oy.

Kunni reja bilan oʻtkazish uchun juda zoʻr imkoniyat.

Endi, eng asosiysi Ramazonda shakllantirilgan yaxshi odatlar, koʻnikmalar va har qanday yaxshi ishlar Ramazondan keyingi taʼsiri katta boʻladi.

🌙 Alloh hammamizni Ramazon oyiga yetkazsin. Omiyn.

Sulton Nizomiddin oʻgʻli

Ilmiy markazda ter toʻkib olamshumul kashfiyotlar qilayotgan minglab olimlar haqida birov oʻylab ham qoʻymaydi. Ammo koʻchaga chiqib namoyish qilgan uch-toʻrt kishiga butun dunyo eʼtibor bilan qaraydi.

Shayx Muhammad Sodiq Muhammad Yusuf - Hadis va hayot kitobidan.

Hozir qiyin, qayta-qayta harakat, sekin-sekin oson tomon.

Yana qiyinlashtirish.

Yana oson boʻlsa yana qiyinlashtirish. Yana yana...

Bilgin, dunyo osonchilik joyi emas sen uchun. (Har xil kayflar)

Qiyin bilan rohatlan. (Kitob oʻqi, oʻqiganingni aytib ber, til oʻrgan)

Sulton Nizomiddin oʻgʻli

Davomi...

Umuman olganda har kunimiz qarorlar bilan oʻtadi. Kichkina narsada ham qaror qabul qilamiz.

Masalan, ertalab koʻzimni ochdim turaymi turmaymi. Chiroq yoniq oʻchiraymi oʻchirmaymi.

Qaror deganda – sizda ikki va undan koʻp tanlov boʻladi, siz esa oʻshalar ichidan toʻgʻri deb bilganingizni tanlaysiz. Misol uchun boyagi misolda koʻzni ochdik, uyqu keldi yumib quyosh chiqquncha uxladik. Ha, biz bu ishimizni toʻgʻri deb bildik. Shuning uchun qildik.

Asosiy mavzuga keldik. Havas qiladigan odamimiz bor. Kimdadir bir artist boʻlishi mumkin, kimdadir futbolchi, bu hammani xohishi.

Siz menga kimga havas qiladiganingizni ayting men sizga kimligingizni aytay. (Chin yurakdan ayting-da faqat).

Tasavvur qiling juda zoʻr odamga havaskorsiz.

Tepadagi qarorga oʻxshagan qarorlar keldi miyaga. Turaymi turmaymi. Oʻsha havas qiladigan odamimiz nima qiladi shu payt. Turadimi yoki yana ooozgina deb 1 soat uxlavoradimi.

Siz zoʻr doʻst(boʻlmoqchi)siz. Doʻstingiz rosa mazax qilsa boʻladigan ish qildi. Toʻxtang, oʻsha zoʻr odam shunday qiladimi. (Farosatsiz boʻlsa qiladi)

Xulosa: xohlagan bir ishni qilmoqchi boʻlsangiz, oʻsha eng zoʻr odam shu oayt nima qilardi deb oʻylang. Boʻldi

Shunaqa kitoblar boʻladi bir betti hattoki bir gapi sizni oʻzgartiradi.

@sulton_orinboyev

Bugun Atom odatlar kitobidan oʻqiganimni xulosa qilay.

Shaxsiyatini oʻzgartirish uchun odat eng zoʻr qurol.

Odat deganda siz oʻsha ishni katta eʼtiborsiz ham bajara olasiz degani.

Misol uchun ovqat qilayotganda birinchi marta qilayotgan odam bilan 1 yildan beri qilayotgan odamni farqi katta. 1 yildan beri ovqat qiladigan odam bemalol qilaveradi. Birinchi marta qilayotgan odam esa kuymasmikan, tuzi koʻp boʻlmadimikan, qachon pisharkan deb ming xavotir bilan ovqat qiladi.

Shaxsiyat nima deganda, shaxsiyat bu – sizni oʻzingizga xos boʻlgan ichki va tashqi holatlar desak qisqacha.

Yaʼni, misol uchun kitob oʻqishni yoqtirmaysiz. Aslida esa oʻqish shart. Buni bilasiz. Kitob oʻqishni odatga aylantirishingiz kerak. Sizni shaxsiyatingiz kitob oʻqishni yaxshi koʻrmaydi. Shaxsiyatni oʻzgartirish uchun esa har kuni kitob oʻqishingiz va odatga aylantirishingiz kerak.

Natijada siz har kitob oʻqiganingizda oʻzingizni har doim kitob oʻqiydigan insondek his qilasiz. Shaxsiyat oʻzgardi.

Bu birinchisi edi.

Ikkinchisi olgan xulosamni ertaga yozaman.

P.S.
Qizigʻi bu ikkita xulosani 5-6 betdan oʻqib oldim. Butun boshli kitobni oʻqiganim yoʻq.

@sulton_orinboyev

Kun davomidagi ishlar kunning avvalidagi ishga bogʻliq.

Eʼtibor bergan boʻlsang, ertalab yomon oʻtsa – vaqt bekor ketsa, lanj boʻlsang, kayfiyat boʻlmasa kun davomida shu kayfiyat davom etadi.

Ertalab lanjlik boʻlsa asosiy sabab uyqu kamligi, kechagi uyqu yaxshi boʻlsa bugungi kun yaxshi boʻladi.

Biron bir videoning deyarli hamma izohi boshidagi 10-15ta izohning davomi hisoblanadi.

Muhim ishlarning boshidagisi muhim boʻladi.

@sulton_orinboyev

Misol bilan tushuntiray

Nimanidir tushuntirish uchun misol keltirsa eshituvchi juda zoʻr tushunadi.

Matematikada nimaga buncha misol ishlanadi, maqsad mavzuni tushunish. Misol ishlash emas. Qayerda ishlatishni tushunish.

Misol uchun, manavi kafel, mana bundan tayyorlanadi, shu dastgohdan chiqib bu doʻkonda sotiladi deb oʻtirish oʻrniga, oʻsha kafelni olib yerga oʻrnatib bering oʻshanda tushunadi odam. Kafel nima ekanligini.

Darsni tushunmaslik ham misol keltira olmaslik sababidan.

Men uchun eng zoʻr oʻqituvchi bu eng zoʻr misol keltirgan oʻqituvchi.

Abu Homid Gʻazzoliy degan olim bor. "Hujjatul Islom" deb taʼriflashadi.

Paxta va olov misolda, paxta yonsa boʻladigan narsa boʻlgani uchun yonadimi yoki olov yondira olishi uchun paxta yonadimi.

Boshqa olimlardan farqlari – zoʻr misol keltirish.(Men uchun).

Bizchi, hammaga aqllilik qilish uchun, bilmagan soʻzlarini ishlatib, kallalarini qotirib qoʻyamiz.

Misol keltirish qobiliyatini rivojlantirish uchun esa koʻproq oʻqish va amalda ishlatish kerak.

Koʻproq tajribali odamlar bilan suhbat qilish, koʻp kishini tanish kerak.

E xullas, kalla keng boʻlishi kerak(majoziy maʼnoda).

Kerak boʻganda juda sodda, kerak boʻganda juda aqlli boʻla olish kerak.

Tushuntira oldimmi.

© Sulton Nizomiddin oʻgʻli