Suhrob Ziyo

ТИЛАНЧИ

“Отоси ўлмаган ким бор?!
Оноси ўлмаган ким бор?!”
шу таскин –
шу тасалли –
шу жазоси – ўлмаган ким бор?!
Ўтар даврон, кетар даврон:
менинг ҳолимга кўп ҳайрон.
Ўзи ер, довруғи осмон
бу юртни билмаган ким бор?!

Жаҳон ҳоқони эрдим,
энди бурда нон тилангайман,
ҳануз тупроқларим –
ёвларга дастурхон, тилангайман,
ҳақиқатдан буриб юз
турфа хил ёлғон тилангайман,
ҳануз Парвардигоримдан
бу элга шон тилангайман,
букилмас тиз,
эгилмас бош,
улуғ иймон тилангайман,
ҳақиқатга юзин ювгач,
тағин юксалмаган ким бор?!

Менинг бошимда ўйнар бу
сиёсат-ла ишим йўқдир,
ўзим минг қўйли бойдайман,
камомад-ла ишим йўқдир,
боламнинг эрки пулланган
тижорат-ла ишим йўқдир
нечук номимга айтилган
ҳақорат-ла ишим йўқдир?
Ҳануз ғафлатдаман, дўстлар,
жасорат-ла ишим йўқдир,
ёруғ дунёда ҳолимга
қараб бир кулмаган ким бор?!

Бу ёнда ўз тилим куйгай,
шарорлар ўзга тилларда,
унинг тўрт фасли қиш бўлса,
баҳорлар ўзга тилларда,
ташиб ўзбек деган номни,
сотарлар ўзга тилларда,
мени қулликка тирковчи
қарорлар ўзга тилларда,
эл-у тилни сотиб, сўнг
эл ва тилдан қолмаган ким бор?!

Менинг ҳаққим талон айлаб
ўтар дунёда хоинлар,
менинг умрим қоронғуда,
юрар яллода хоинлар,
ватан инжуларин юлмоқда
шода-шода хоинлар,
ғаним ёқдан келур дўстдек
бу душманзода хоинлар,
менинг ризқимга Аллоҳ – шоҳ,
талашманг, пода хоинлар!
Оёғи топтаган тупроққа
кўзи тўлмаган ким бор?!

Хиёнатлар ичинда кўз
очолган миллат ўлмайди,
зулм пойида “қуллуқ”дан
қочолган миллат ўлмайди,
тафаккурдан тугунларни
ечолган миллат ўлмайди,
асл фарзандлари ундан
куч олган миллат ўлмайди,
қонин эмган зулуклардан
кечолган миллат ўлмайди:
яна биздек таназзулни
тараққий ўйлаган ким бор?!

Отоси ўлмаган ким бор?!
Оноси ўлмаган ким бор?!
шу таскин –
шу тасалли –
шу жазоси – ўлмаган ким бор?!

© Суҳроб ЗИЁ

@suhrob_ziyo1

2025-yilda...

Chet ellarda rizqini terib, oilasiga, yurtiga uning yerosti va yerusti boyliklaridan ham keng manfaat keltirayotgan, shu holida shovinizmga botgan aqlan noqis boshqaruvdagi saltanat zulmidan biror  himoya kafolatlanmagan insonlarning boshini omon qilsin...

2025-yilda...

Tirikchilik tashvishida yelib-yugurgan, qish kunlarida kiygan oddiy krossovkasi yirtiq, gaz uchun navbatda turib tonglar ottirgan, shu holatida halol mehnat qilib yurgan va oʻz haqqini soʻrab chiqqan, evaziga bayramni oila davrasida emas, sovuq panjara ortida nishonlashga loyiq koʻrilgan inson kabi mazlumlar joniga toʻzim bersin...

Oʻrtoqlar, deraza ortidan shonli bojxonamiz sadolari yangramoqda

HAMDARDLIK
(Ozarbayjon uchoği halokatiga bağishlanadi)

Allohga omonat etilmish har jon,
Dilda omonatning yodi boshlandi,
Qozoq tuproğida yongan uchoqning,
Menim yuragimda dodi boshlandi.

Ozarim ozori —mening ozorim,
Portlagan uchoqday portladi zorim,
Sening-da, mening-da turk erur borim,
Turklikning yana faryodi boshlandi.

Kuylangan kuylarning kuygan qanoti,
Bir kun Turk böladi dunyoning oti,
Ungacha, qardoshim, tik tut saboti,
Endi xayol qurmoq choği boshlandi.

Sizga salom bölsin, ey shahid jonlar,
Örtaga chiqqanda sirlar, ayonlar,
Bizniki böladi barcha osmonlar,
Yolğon saltanatlar bota boshladi.

Birlikda motam-u, bayram-töyimiz,
Yurtimiz, shahrimiz, söqoq, köyimiz,
Tilimiz, sözimiz, xayol, öyimiz:
Orzuning she'rda bunyodi boshlandi.

Suhrob ZIYO.

26.12.2024.
Baku — Lankaron

t.me/suhrob_ziyo1

Ozarbayjon

Xayol oti bilan kezgil har yonni,
Topmassan bundayin xuşbaxt bir onni.

Muhr etdi dillarga tarix inçunun,
Qadim qondoşlikni — oliy ehsonni.

Ezozlab turibti kötarib boşga,
Bu kun ozar eli Özbekistonni.

Söylasin ming yillik möysafid tarix,
Bu döstlik bilganmi şubha, gumonni?

Özbekman, anglamay qayoqqa bordim,
Şu inja ozariy tilni, zabonni.

Döstlik bu — muhabbat yangliğ farahkim,
Bilgay u na hadni va na dovonni.

Asli Muqannaga qiyos etgulik
Bobakning qalbidan toşgan tuğyonni.

Nizomiy bolidan halvo pişirmiş
Navoiy zabr etib turkiy jahonni.

Bir lahza qölidan qöyganmi özbek,
Özing ayt, Fuzuliy bitgan devonni.

Azizim, dilimda asrab yuribman
Nasimiy qoldirgan sobit imonni.

Vurğunning şeri deb jon çeksa özbek,
Ozar ham ayarmi Gʻafurdan jonni.

Sen bilan keçmişning jangohlarida
Birga taniganmiz yaxşi-yomonni.

Tarix-ku, muhtaşam yodgordir oliy,
Söylayin şu kunni, ayni şu onni.

Qondoşlik tuğini qötarib kuşod
Tavob etmoqdadir gulgun makonni.

Xazar kosa bölsin, yani jomi Jam,
Sipqargil, şarafla davru davronni.

Men senday mezbonni topmoğim gumon,
Sen ham topolmassan menday mehmonni.

Mavjud bölmasaydi olamda agar,
Öylab topar edim Ozarbayjonni.

Abdulla Oripov

@suhrob_ziyo1