©️SUDEX.UZ | RSEM | РЦСЭ

#Adliya_xabari

Adliya vazirligida Sud ekspertiza sohasi bo’yicha davra suhbati oʻtkazildi

Bugun, 26-dekabr kuni Adliya vazirligida sud, prokuratura, ichki ishlar organlari, davlat sud-ekspertiza muassasalarining mas’ul mutaxassislari, advokatlar va boshqa tegishli tashkilotlarning vakillari ishtirokida “Sud ekspertiza sohasida 2024-yil davomida amalga oshirilgan ishlar, mavjud muammolar va kelgusidagi vazifalar” mavzusida davra suhbati o‘tkazildi.

Mazkur davra suhbatida Adliya vazirligi boshqarma boshlig’i J.Nuritdinov so‘zga chiqib, bugungi kunda jismoniy va yuridik shaxslarning huquq va erkinliklarini kafolatli himoya qilinishida, jinoyatchilikning oldini olish va uni fosh etishda sud ekspertiza tadqiqotlari natijalari muhim ahamiyatga ega ekanligini, shuningdek ushbu sohani takomillashtirishga oid amalga oshirilgan keng ko‘lamli ishlar, muammolar va kamchiliklar hamda amalga oshirilishi lozim bo‘lgan muhim vazifalar haqida ta’kidlab o‘tdi.

Shuningdek, tadbir mobaynida X. Sulaymonova nomidagi Respublika sud ekspertiza markazi, Ichki ishlar vazirligining Ekspert-kriminalistika bosh markazi, Sog‘liqni saqlash vazirligi Respublika sud-tibbiy ekspertiza ilmiy-amaliy markazi hamda Favqulodda vaziyatlar vazirligi Yong‘in xavfsizligi va favqulodda vaziyatlar muammolari ilmiy-tadqiqot instituti tomonidan 2024-yil davomida amalga oshirilgan ishlar va kelgusidagi vazifalar yuzasidan xorijiy davlatlarning tajribalari asosida fikr va mulohazalar bildirildi.

Shu bilan birga, davra suhbatida sud ekspertiza sohasida kelgusida bajarilishi lozim bo‘lgan eng muhim va dolzarb ustuvor vazifalar batafsil muhokama qilindi va mazkur tadbir natijasi yuzasidan sohani yanada takomillashtirish hamda mavjud muammo va kamchiliklarni bartaraf etish yuzasidan tegishli taklif va tavsiyalar berildi.

📌 Kanalga ulanish

#oʻquv_trening

Yuristlar malakasini oshirish markazi tomonidan X. Sulaymonova nomidagi Respublika sud ekspertizasi markazi xodimlari uchun korrupsiyaga qarshi kurashish va manfaatlar to‘qnashuvini boshqarish yuzasidan o‘quv trening tashkil etildi.

Trening davomida “Kasbiy ko’nikmalarni rivojlantirish” kafedrasi dotsenti, yuridik fanlar nomzodi Shakurov Rafik Ravilevich tomonidan korrupsiyaga qarshi kurashish sohasidagi davlat siyosatining asosiy yo‘nalishlari hamda korrupsiyaviy huquqbuzarliklar uchun javobgarlik, manfaatlar to‘qnashuvini oldini olish masalalari yuzasidan tushuntirishlar berildi.

Veb-sayt | Facebook | Instagram | Telegram| YouTube

#adliyada_sayyor_qabul

Bugun Qashqadaryo viloyat adliya boshqarmasida jismoniy va yuridik shaxslarning muammolarini joyida o‘rganish hamda ularning qonuniy huquq va manfaatlarini himoya qilish maqsadida O‘zbekiston Respublikasi Adliya vazirligi huzuridagi X.Sulaymonova nomidagi Respublika sud ekspertiza markazi direktor o‘rinbosari Uzaqov Uchqun Xamidovich tomonidan sayyor qabul o'tkazildi.

Kanalga ulanish👇👇👇
https://t.me/qashqadaryoviloyatadliya

#Qonunchilikdagi_yangiliklar

X.Sulaymonova nomidagi Respublika sud ekspertiza markazining Toshkent viloyati hududiy boʻlimi tashkil etiladi

“Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertiza markazi faoliyatini yanada takomillashtirish toʻgʻrisida”gi Hukumat qarori (849-son, 18.12.2024-y.) qabul qilindi.

Qarorga koʻra, X. Sulaymonova nomidagi Respublika sud ekspertiza markazining Toshkent viloyati hududiy boʻlimi tashkil etiladi.

2026-yil 1-iyungacha Sud ekspertiza markazining Toshkent viloyati boʻlimini xalqaro standartlar bilan uygʻunlashgan davlat standarti talablariga javob beradigan binoga joylashtirish hamda maxsus mebel, kompyuterlar, boshqa zarur texnika va inventarlar, shuningdek, yuqori malakali professional kadrlar bilan taʼminlash choralari koʻriladi.

Sud ekspertiza markazida isteʼmol mahsulotlari tarkibida genetik modifikatsiyalangan organizmlar (GMO) mavjudligi va ichimlik suvining tarkibini aniqlashga qaratilgan tadqiqotlarni amalga oshiruvchi Isteʼmol mahsulotlari va ichimlik suvi tarkibini tahlil qilish laboratoriyasi tashkil qilinadi.

Sud ekspertiza markazining hududiy boʻlimlarida quyidagi ekspertiza va tadqiqot turlari bosqichma-bosqich joriy etiladi:
➖2025-yil 1-oktyabrgacha Sud ekspertiza markazining Navoiy viloyati boʻlimida Materiallar, ashyolar va buyumlar kriminalistik ekspertizasi laboratoriyasi hamda Sud-xatshunoslik va hujjatlarning sud-texnikaviy ekspertizalari;
➖2026-yil 1-noyabrgacha Sud ekspertiza markazining Qoraqalpogʻiston Respublikasi boʻlimida Sud-fonografiya, sud-yongʻin texnika va elektrotexnika ekspertizalari;
➖2026-yil 1-dekabrgacha Sud ekspertiza markazining Qashqadaryo viloyati hududiy boʻlimida Materiallar, ashyolar va buyumlar kriminalistik ekspertizasi laboratoriyasi hamda Sud-xatshunoslik va hujjatlarning sud-texnikaviy ekspertizalari.

📌 Kanalga ulanish