Bir kun qanotimni yozib uchgumdir,
Gʻubori changi yoʻq osmon topolsam.
Yerdan ham kechgumdir tamom kechgumdir,
Koʻnglim orom olar makon topolsam.

Holimdan kulmagil ey gʻarib dunyo,
Menmanmi oʻtkinchi senmi oʻtkinchhi.
Qani chora boʻlsa sendan be igʻvo,
Ketardim jannatga narvon topolsam.

Men bir gadodirman men bir shohdirman,
Qoʻlimda jonimdan oʻzga mulkim yoʻq,
Besh kunlik dunyoda qalbi dogʻdirman,
Hayot ne oʻlimga imkon topolsam.

Telba bu koʻnglimni ayladi shaydo,
Suluv ostonangga tikib koʻzimni.
Suyuklim holimni etardim insho,
Vaslingdan buyukroq armon topolsam!!!