Shokhrukh's diary

Agar yangi yildan yangi odatlarni boshlamoqchi bo’lsangiz, maslahatim bugundan boshlang. Statistik nuqtai nazardan qaraganda ko’pchilik 1-yanvar kuni turli xil sabablarga ko’ra o’ylagan odatini boshlay olmaydi. 1-kunniyoq o’tkazib yuborish sizning motivatsiyangizni o’ldiradi, ertasi kuni boshlash undanda qiyin bo’ladi. Shu tarzda kunlar o’tib yana hech qanaqa o’zgarishlarsiz avvalgi hayotingizni davom ettirib ketaverasiz — boshlashni ortga surish ko’pincha umuman boshlamaslikka olib keladi.

Yangi yilni kutmasdan bugundan boshlasangiz, sizda 2 kun ichida kundalik odatni shakllantirish osonlashadi. “Streak”ni buzmaslik yana qo’shimcha motivatsiya bo’ladi. Til o’rganmoqchimisiz – telefoningizga ilovani yuklab, hech bo’lmaganda 5 ta so’z yodlang; zalga chiqmoqchimisiz – 20 ta otjimaniye qiling; kundalik kitob o’qish odati? – bugundan 2 bet o’qishni boshlang.

Shunday ekan, kutmang – bugundan boshlang. Siz qanday odatni hayotingizga kiritmoqchisiz?

P.S. To’g’ri ovqatlanish odati istisno hisoblanishi mumkin)))

@shokhrukhs_diary

Hech sizga, “Agar prezident bo‘lib qolsangiz, nimani o‘zgartirar edingiz?”, degan savol berishganmi?

Buni qarangki, bunday savol berilgan shaxslarning 87 foizi ta’lim tizimini o‘zgartirar edim deb javob berar ekan. Sizning ham aqlingizga kelgan birinchi javob katta ehtimol bilan shu bo‘lsa kerak.

Lekin aslida har birimiz o‘z tanamizning prezidenti hisoblanamiz. Kimdir, masalan, Aziz degan mamlakatning prezidenti, kimdir esa Aziza degan mamlakat prezidenti.

Shu o‘zingiz nomini ko‘tarib yurgan tanangiz, ya’ni mamlakatingizda ta’lim tizimini o‘zgartira olayapsizmi? Bitta tilni mukammal o‘rgandingizmi? Yiliga 30 ta kitob o‘qiyapsizmi? Tanangizni, ya’ni mamlakatingizni ozoda saqlayapsizmi? Ta’lim doimo izlanishlarga, yangiliklarga muhtoj, siz qanchalik yangilik qilmoqdasiz?

Biz ko‘pincha o‘zi bitta tanadan iborat bo‘lgan mamlakatimizni boshqara olmaymiz, ammo butun mamlakat taqdirini, birovlarning hayotini hal qilib yuborishga kelganda juda bir dovyurak bo‘lib ketamiz.

© Bektosh Hotamov, Profi xususiy ta’lim muassasalari tarmog’i asoschisi

@shokhrukhs_diary

Odamlarga qarab turib ular haqida xulosa chiqarishni yaxshi ko’ramiz. Lekin shu xulosamiz qanchalik yuzaki fikrlarga asoslanganligini hech o’ylab ko’rganmisiz? To’liq “hikoya”ni bilmasdan turib qanchalik tez kimnidir takabbur, dangasa yoki omadli deb ta’riflaymiz? Bundan ham yomoni – bu to’xtamga kelishimizda faqat gumon yoki atrofdagilarning fikri/taassurotlari ro’l o’ynab qolmaydimi?

Achchiq haqiqat shundaki, biz yashayotgan jamiyatda "sirtdan baholash madaniyati" ichki mazmun-mohiyatini pisand qilmaydi; odamlarni aslida kimligiga qarab emas, balki tashqi ko’rinishi, o’tmishi, kimningdir ular haqda aytgan so’zlari bilan baholaymiz. O’zimiz shu holga tushganimizda esa, bizni tushunishlarini, haqiqatni bilmasdan turib gapirmasliklarini xohlab qolamiz.

G’iybat tufayli qanchadan qancha oilalar buzilyapti, do’stlik rishtalari uzilyapti... Sizga kimdir “Falonchi bunaqa odam ekan” desa, bu gap sizning o’sha odam haqidagi fikringizga qanchalik ta’sir qiladi? Agar bu ma’lumotni siz yaqin insoningizdan eshitsangiz bormi, o’ylab ko’rib ham o’tirmasdan bu gapni faktdek qabul qilasiz, shundaymi?

O’zi nimaga birovning qadr-qimmati kimningdir gapi bilan belgilanishi kerak? Yaqinda bitta o’rto’g’im bilan gaplashib qolgandik. Yoshligidan otasi qilgan xato uchun doim javob berib kelgan ekan. Tasavvur qiling sizning nazoratingiz ostida bo’lmagan narsa uchun butun umr jamiyat bosimi ostida yashashingiz kerak. Lekin bu yigit men taniydiganlar orasida eng bilimli, keng fikrlaydigan va ochiqko’ngil insonlardan bittasi, juda ko’p muvaffaqiyatlarga erishgan. “Men haqimdagi gap-so’zlar bilan ishim yo’q. O'z qadr-qimmatimni bilaman, hayotdagi qadriyatlarim va maqsadlarimni aniq qilib olganimdan keyin hayot ancha yengillashdi” degandi. Bunday irodani afsuski ko’pchilik o’zida topa olmaydi va gap-so’zlarni deb hayoti barbod bo’ladi. Shu tufayli ham odamlarda “qoni bir-da!” degan noto’g’ri stereotiplar shakllanadi. Dinimizda ham insonning qadri oilaviy kelib chiqishi yoki ajdod/avlodlarining xatolari bilan belgilanishi emas, balki uning o'z amallari, niyatlari va imoniga bog'liqligi haqida oyatlar mavjud.

Improve yourself, not their image of you.

@shokhrukhs_diary

“Chain is only as strong as its weakest link”

I heard it during the lecture about polymers. But it’s kinda deep

The more I study materials engineering, the less I want to set foot on a plane. So far, I’ve learned what an aircraft is made of, how each component is manufactured, and — most terrifyingly — what can cause it to fail. Shoutout to my professor for spicing up lectures with examples of aircraft catastrophes happened in the past👍🏻