Shimbay.uz

Qoraqalpog'iston Respublikasida korrupsiyaga qarshi kurashish ishlari holati tanqidiy ko‘rib chiqildi

Respublika idoralararo ishchi guruhining Qoraqalpog‘iston Respublikasi Beruniy, To‘rtko‘l, Kegeyli, Nukus tumanlari va Nukus shahridagi o‘rganishlari yakunlari, korrupsiyaga oid jinoyatchilik holati, kelib chiqish sabablari va ularni bartaraf etish borasida ko‘rilayotgan profilaktik choralar Hududiy kengash yig‘ilishida muhokama qilindi.

— uch kun mobaynida sog‘liqni saqlash, bandlik, maktabgacha va maktab taʼlimi, kadastr-qurilish sohalarida 20 dan ortiq obyekt hamda mahallalarda o‘rganishlar o‘tkazdik. O‘rganishlarimiz mobaynida ushbu sohalarda korrupsiyaning oldini olish yo‘nalishida ayrim ishlar samarali tashkil etilmaganligi hamda aholiga davlat xizmatlarini ko‘rsatish jarayonlarida “inson omili” hamon saqlanib qolayotganligi aniqlandi. Shu bois, oldimizda korrupsiyaga qarshi kurashish tizimini tubdan qayta ko‘rib chiqish, bu borada ayniqsa, hududiy Kengash faolligini oshirish, uning aʼzolari masʼuliyatini kuchaytirish bo‘yicha kechiktirib bo‘lmas vazifalar turibdi, — dedi Akmal Burxanov.

Yig‘ilishda o‘rganish yakunlari bo‘yicha tuman-shahar hokimlari, huquqni muhofaza qiluvchi organlar rahbarlari va boshqa tegishli masʼullar bilan mavjud korrupsiyaviy omillarni bartaraf etish va korrupsiyaviy jinoyatlarni keskin kamaytirishga qaratilgan choralar muhokama qilindi.

Davlatimiz rahbari tomonidan belgilab berilgan vazifa va topshiriqlardan kelib chiqib, Korrupsiyaga qarshi kurashish hududiy kengashi har oyda bir marta tanlab olingan soha bo‘yicha korrupsiyaviy omillarni o‘rganish va takliflar berish hamda ushbu soha rahbarlarining axborotlarini eshitish zarurligi qayd etildi.

Yig‘ilishda To‘rtko‘l tumanini korrupsiyadan xoli hududga aylantirish bo‘yicha chora-tadbirlar rejasini ishlab chiqish belgilandi.

Shuningdek, Hududiy kengashning yangilangan yillik ish rejasi tasdiqlandi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt