Ваш доход с телеграм-канала

С аудиторией от 1500 подписчиков. Подключайтесь!

Росатом Центральная Азия

Новости, исследования, интересные факты об энергетике.

Продаётся канал l Психология l

23 890 пдп, доход 48 000 в месяц, цена 159 000 рублей

Статистика Избранное

She’riy lahzalar

@sheriylahzalar

Гео и язык канала: Узбекистан, Узбекский

Категория: Цитаты

Kanaldan koʻchirganda muallif nomi bilan koʻchiring.

Связанные каналы | Похожие каналы

Гео и язык канала

Узбекистан, Узбекский

Категория

Цитаты

Статистика

Избранное

Фильтр публикаций

Скрывать удаленные

Скрывать репосты

She’riy lahzalar

30 Jan, 17:32

Репост из: Нур Муҳаммад Абдузоир

Vijdon ogʻrigʻi

Ogʻir jazo emas vijdon ogʻrigʻi —
Balki, Xudo bergan eng ulugʻ tuhfa:
Yarim tun ichingda boshlansa yigʻi,
Qiynalsang — oʻzing-la etganda suhbat —
Qanday yaxshi, axir, qanday matonat —
Azob cheka bilsang, jizillab tursa
Yurakning bir cheti yanglish xatodan.

Bariga koʻz yumib ketsang,
hech qursa
Ortiq vijdon haqda yirtmasang ogʻiz,
Tilni tushovlasang,
tishlar — panjara.
Xatoga qoʻl urgan Rembo misoli
Sheʼr yozib yurishni butkul tashlasang.

30.01.2025

Nurmuhammad ABDUZOIR

@Nurmuhammad_Abduzoir

91 0 1 6

She’riy lahzalar

27 Jan, 12:27

Репост из: Noyob kitoblar

Яқинда бу китобни биздан сотиб олишганди.
Китобни ўқиб фикрларини ёзиб юборибди: ўқиб кўринг.
Китоб бизда ва фақат book.uz да бор.

📚 «Вақт манзили»
© Азиз Саид
📓 Қалин муқова, 224 бет
📖 Янги
💵 65 000 сўм
☎️ @Nurmuhammad_Abduzoirov

Азиз Саид шеърларини ўқиш учун: @vaqt_manzili

Афсуски, шу вақтгача Азиз Саидни ўқимаган эканман. Қаранг, бир шоир 64 ёшга тўлаётган, ёнимизда яшаб ижод қилаётган, шеърини руслар, инглизлар, французлар, болгарлар, венгерлар, ҳиндлар, турклар, озарбайжонлар ўз тилида ўқиётган, ўзи ҳам Нозим Ҳикмат, Уолт Уитмен, Бертолд Брехт, Муин Бсису, Мигел де Астируас каби ижодкорларни ўз тилимизда ўқитаётган бўлса-ю... Шоирнинг китобларига, газета-журналлардаги ижод маҳсулига, “Алкимёгар”нинг таржимасига кўп дуч келганман. Аммо ўтказиб юборганман. Сабаби ожиз банданинг баландпарвозлигидан бошқа нарса эмас. Чунки мен шеърларини хушламайдиган бир гуруҳ ижодкорлар Азиз Саид шеъриятини боз-боз тарғиб қиларди. Шу. Бу шоир ҳам уларга ўхшаган бўлса-чи, деган ўй билан юраверганман.

Дўстим Отабек Исроилов “Вақт манзили” китобини совға қилмаганида балки яна узоқ вақт бу назм денгизидан бебаҳра қолган бўлардим, эҳтимол. Совға қилинган китобни ўқиб чиқиш одатим бор.

“Вақт манзили” китоби 2021 йилда “Академнашр” томонидан икки минг нусхада чоп этилган экан. Икки қисмдан иборат. Биринчиси достон ва шеърлар, иккинчиси ноодатий услубдаги адабий мақолалардан иборат. Ҳозир назмий дурдоналарни ўқиб тугатдим.

Аруз ва бармоқдан ташқаридаги шеърларни кўпда қабул қилолмайман. Бу сафар дард, маъно ва серқирра тафаккур маҳсули олдида шаклни ҳам унутибман.

“Вақт манзили” шеърининг ҳар бир сатри “ва” боғловчиси билан бошланади. Унда инсоният тарихи хронологик тартибда қисқа ва сермазмун сатрларда ифода этилади. Умумий мавзуда бошланиб Ватан тарихига уланиб кетади. Ўтмишнинг қонли ва шонли воқеалари ибрат тўнини кийиб чиқади ўқувчи олдига. Ва ниҳоят хотимада мустақил Ўзбекистон ва халқининг тарих ҳамда аждодлар руҳи олдидаги муқаддас бурчлари алоҳида қаламга олинади.

Шеър бошдан-охир вақт манзилини излаётган, унинг ортга ё олдинга ҳаракат қилаётганини аниқлашга уринаётган қаҳрамон тилидан ҳикоя қилинади. Якунда эса бу нарсани ҳамон била олмагани тан олинади ва уч нуқта қўйилади. Фалсафа ва интеллектга тўйинган асар ўқувчига билим беради ва фикрлашга ундайди.

“Минг тўққиз юз ўттиз еттинчи” шеъри эса машъум қатағон давридан сўзлайди. Қаттол тузумнинг манфур зотлари қиёфаси, миллатнинг аянч тақдири кескир сўзлар билан ўйиб ёзилади. Шеърий санъатларга ортиқча ўрин берилмайди. Яқинидан айрилган одамнинг жўн, бироқ юракнинг тубидан тошиб келаётган йўқлови каби таъсирли чиққан. Биргина парча келтираман:

“...Саводсизларни ҳам тугатамиз,
(Саводсизликни деб эшитди у.)
Саводлилар тугайверсин-чи”.

Ўзбек халқининг олтин бошларини лойга қорган тузум юзига мазлумлар авлодининг дадил тарсакиси.

Навбатдаги асар эса “Турғунлик болалари” достони бўлиб, унда Шўролар давлатининг бир оила ва бола психологиясидаги фожиаси тасвирланади. Мурғак кўнгилнинг мислсиз жафоларга гувоҳ бўлгани ва ёшига нисбатан эрта улғайишга мажбурлангани акс этади. Одамни йиғлатган манзаралар:

...ўн икки ўқувчи қизни оқшомда, пахта теримдан қайтаётганда мошин янчиб кетади, гулбаданлар парча-парча бўлиб, хор этилади...
В
...пахта тергани чиққан онанинг йўргакдаги чақалоғини трактор босиб кетади, она ўзини тандирга ташлайди, қотил эса болани кўрмай қолган отаси эди...

...ҳалоллиги учун мудом йўқчиликда яшовчи отасига ёрдам бўлсин, онаси билан жанжаллашмасин деб тинимсиз пахта терган, на тушликка, на танаффусга чиққан боланинг этагини ҳар турли баҳоналар билан чой чақага баҳолаган тарозибон...

Буни асл ҳолида ўқиганда тош юраклар ҳам зирқираб, симиллаб, эриб, кўз ёшга айланиб кетса керак. Бугун ҳам СССРни алқаётганларга ўқитиш керак экан ўзи.

“Паганинининг сўнгги концерти” шеъри эса... Уни ҳар ким ўзи ўқиб ўзича тушунади.

Барчасида вақт мавзуси ўқ илдиз вазифасини бажаради.
Бетакрор ижод намуналари учун шоирга, уни тақдим этгани учун ноширларга раҳмат айтаман.

Сизга ўқиб кўришни тавсия қиламан. Ўзим ҳам бошқа шеърларини топиб ўқимоқчиман.

Отабек Бакиров

253 0 2 1 2

She’riy lahzalar

8 Jan, 14:21

Репост из: Нур Муҳаммад Абдузоир

TOMOSHADAN SOʻNG

(Shams-i-Qamar teatri aktyori Muxtor Asrorovga)

Laʼnati kitoblar...
keldi halqumga,
Gʻorat qildi tinch hayotimni.
Toʻldirib ichimni zahar-zaqqumga,
Tortib oldi bor bisotimni.

Jaydari tilimga qoʻshib iltifot
Jazm etdimmi burro soʻzlashga?
Oqibat, atvorim oʻz toʻdamga yot,
Oq uyurda yagona qashqa.

Jin ursin barini...
Irkit oʻrdakcha
Esh boʻlmadi sira zotiga.
Kalaka qildimi, taqdir
oʻrkachday
Tosh bostirdi qush qanotiga.

Zarilmidi unga yana bir raqib,
(Butkul nohaq emasdim garchi.)
Afsus, it qargʻagan Kafkani oʻqib,
Soʻzlab qoʻydim otamga qarshi.

Laʼnati kitoblar...
Yoʻqolsin bari!

8.01.2025

@Nurmuhammad_Abduzoir

779 0 2 2

She’riy lahzalar

4 Jan, 11:57

Репост из: Nilufar

***
Turkonning allasin koʻrdim,
Turonning yallasin koʻrdim.
Sherlar narasinimas
Sirtlonlar galasin koʻrdim.

Qushlari janubga uchgan
Tushlari bodalar ichgan.
Haqiqat qidirgan odamning
Hushlari tavbalar quchgan.

Ilonlar poʻstini yechgan,
Ne qilsin, doʻstidan kechgan.
Tongin zimiston etib
Pushaymon qildirar kechga.

Haqiqat - devorga ildim,
Adolat – devorga ildim.
Shoqollar sirtmoq tutar
Bu elni taqdirin bildim.
Bu elni taqdirin bildim!

Gadoga tekkani qusur,
Qayerdan boshlanar huzur.
Isyonni ichga yutishni
Avvaldan bilmabman, uzr.
Quldorning yo‘rig‘i - qullik
Maqtagan boliga qulluq.
Tilini tishlagan el-u
Vatanning holiga qulluq!

Vatanning holiga qulluq!

© Nilufar

@Nilufar_Ergasheva

856 0 3 3 11

She’riy lahzalar

4 Jan, 09:34

Қани, шаробдан қуй – бошқа не дейин –
Ҳукумат бир томон, жонинг бир томон бўлса.
Хаёлпараст шоир сенга ҳам қийин,
Элим деганинг бир оломон бўлса.

Бугун сочларингнинг оқлари кўпроқ,
Йиллардан-йилларга ўтгансан кўчиб.
Онадай ғамгусар пойингда тупроқ,
Қуш каби кетмадинг олисга учиб.

Оёқдан нам ўтар қон кечган палла,
Гоҳ бўйнингда дор, гоҳ қўйнингда дилдор.
Ёниб ҳақиқатни айтдинг баралла,
Патинкам тешик деб айтмадинг бир бор.

Барчасини бир кун қаро ер ейди,
Ватан яшар кўзинг қоралиғида.
Чўлпонни отганлар ҳақиқат дейди,
Яшадинг икки ўт оралиғида.

Маддоҳлардан бездинг, юракни эздинг,
Жигарингни бўлдинг тозиларга ҳам.
Қамоқни ҳам кездинг – барини сездинг,
Тупуриб қўйгансан қозиларга ҳам.

Қайдадир увласа ёлғиз бир бўри,
Бўрининг овози сўзсиз бўзингдир.
Сенга тожу тахтмас – аталган сўри,
Шоир – Ватан сенинг айтар сўзингдир.

Қоронғу кечада ёқиб ўтдинг шам,
Сен ғамлаб яшадинг қишга ўтинни.
Орсизлар ўрисга чопқиллаган дам,
Босқинчи деб айтдинг золим Путинни.

Пул учун соч юлар шаллақи аёл,
Пул учун гапирар оғзи қийшиқ бой.
Фақат инсон қодир суришга хаёл,
Итга ватан бўлар қорни тўйган жой.

Бу дунё Ҳайёмнинг ўткинчи туши,
Пахталар тергансан оғриганча бел.
Эркинлик сасидан оққандир ҳуши –
Каримов даврида оғзи юмуқ эл!

Ким бошини эгган, ким алам ютган,
Кўрдинг – кўрмаганнинг кўрганларини.
Мошин навбатида кимлар унутган,
Нонга қатор навбат турганларини.

Бош эгса ошиқлар бошини эгсин,
Маъшуқ қўлида чалинганда най.
Қўлингдаги қадаҳ лабингга тегсин,
Самарқанднинг гўзал маликасидай.

Қани, шаробдан қуй, бошқа не дейин,
Балки ҳаётингга муҳаббат меҳмон.
Хаёлпараст шоир сенга ҳам қийин –
Севгидан устундир бир Ўзбекистон!

2.01.2025.

Талант ТОЛЕРАНТ

@sheriylahzalar

725 1 7 3

She’riy lahzalar

4 Jan, 09:25

ЎТГАН ЙИЛ

Бу дунёга сиғиб
эди ўтган йил,
кетворган бир йигит эди ўтган йил,
балиқдай умрининг
ойдай ўн икки
тангасини йиғиб еди ўтган йил.

Менинг аравамда
зоғора билан,
ўз юраги чалган ноғора билан
юлдузни
бенарвон урмоқчи бўлиб,
ўтиб кетди тешик тоғора билан.

Бир томчи кўзёшдек
юрак юкиниб
кўнглига олди бир осмон юкини,
Мансур Ҳаллож янглиғ
ўтган йилнинг ҳам
қолмади дунёда кўрмаган куни.

Бўғзини куйдирган оҳ
ҳижрон бўлиб,
вишиллар
эшикда қиш нолон бўлиб,
майли,
илон бўлиб келсин Янги йил,
келсин,
майли,
фақат оқ илон бўлиб.

Калиши йиртилган
онам Ватанга,
Ватан эса ўхшар фақат онамга,
онамнинг корига ярар лоақал
оқ илон кўз тиккан
ўн икки танга.

3.01.2025

Шуҳрат Азизов

@sheriylahzalar

562 1 1 2

She’riy lahzalar

1 Jan, 14:10

Репост из: Нур Муҳаммад Абдузоир

ИРОНИЯ

Оғзи бўш экан-да.
Айтиб юборган:
"Мана,
оёғимда
йиртиқ пойабзал."
Ахир,
чориғини киймай,
бекорга
Қўлида кўтариб юрибдими халқ?

Шукур қилмайдими,
Боқмайдими элга:
Овози чиқмасдан,
ахир,
ҳар ёқда
Тортиниб-қимтиниб,
қисганча елка
Яшаб юрибди-ку ялангоёқлар.

01.01.2025

@Nurmuhammad_Abduzoir

678 0 8 4 19

She’riy lahzalar

11 Dec 2024, 15:13

Чори Авазнинг мухлислари борми, шеър айтишни, эшитишни соғиниб юрганларчи?!

Каналда анчадан бери аудиочат қилмагандик. Юқоридаги постни шеърсевар дўстларга иложи борича кўпроқ улашинглар.

@choriavaz — Бу Чори Аваз ижодига бағишланган саҳифа. Кеч соат 9 гача ўзингизга маъқул шеърларидан танлаб туринг. Насиб, шоирнинг ёниқ шеърларидан тинглаймиз!

@sheriylahzalar

Chori Avaz she'riyati

Otashnafas shoir sizlar bilan birga yashaydi

956 1 2 3 6

She’riy lahzalar

11 Dec 2024, 11:18

"Шеърий лаҳзалар"да бугун соат 21:00да Чори Аваз ижодига бағишланган мушоира бўлади.

@sheriylahzalar

923 1 5 11

She’riy lahzalar

11 Dec 2024, 09:14

Бугун Чори Аваз туғилган кун!

СЪЁМКА ПАЙТИДА

Режиссёр жилмайиб яхши гаплашди,
Актёрларга роллар ҳаммаси аниқ.
Аммо режиссёрнинг дили ғаш эди –
Негадир бир актёр келмади? У йўқ.

“Топамиз, унчалик қийин роль эмас,
Биргина кўриниш, биргина кадр”.
Бир йигитни топиб ўша ролга мос,
Ролни тушунтирди қўл силтаб бир-бир.

Йигит режиссёрга олди-ю қараб,
Қайтарди юракдан сизган нолани:
“Она мурдасидан ўтасан ҳатлаб,
Чоҳга ирғитасан мурғак болани”.

Съёмка бошланди:
Қирқ биринчи йил,
Фрицлар топташар битта қишлоқни.
Учраган нарсани айлашмоқда кул,
Буйруқ – қонга бўяш ерни – тупроқни.

Мана ўша кадр:
Қўлда автомат,
Онанинг мурдаси беланган қонга,
Она – мурда кўксин сўрмоқда гўдак,
Йигит қадам ташлар ўша томонга.

Ҳамма жим.
Режиссёр эса бақириб
Йигитга уқтирар –
Қаттиқ торт, силтаб.
Йигит қайтиб келиб
(Қотиб қолди у)
Гўдакни олди-ю, кетди қалтираб.

Қўлчаларин силтаб чинқирар гўдак,
Йигит чор атрофга боқар термулиб.
Сония ўтмасдан ҳатто айтгудак,
Халойиқ томонга чопди энтикиб.

Расво қилди!
Стоп!
Такрорлаш керак!
Йигит томон чопди терлаб, дарғазаб.
Она кўксин қўмсаб йиғлайди гўдак,
Режиссёр уқтирар қайта-қайталаб.

Йигит яна йўлда. Жим-жит тўрт томон.
Мана сўнгги лаҳза, сўнгги бир қадам.
Гўдак кўкрак сўрар оғзи-бурни қон.
Йигит автоматни отди бу гал ҳам...

Режиссёр қайтадан ялиниб кўрди:
Тушунсанг-чи, ука,
Бу кино, кино!
Инсонлар бундан ҳам баттар хор эди,
Буни кўриш керак бутун бир дунё.

Яна уриниб кўр,
Эпла, илтимос!
Ҳақиқий фашистни қайдан топаман.
Ўзингни қўлга ол бир муддат холос,
Тушун, уч соатдан буён чопаман.

Йигит бош кўтарди аранг ва маъюс,
Автобус томонга қадам ташлади.
Ҳеч кимга қарамай, демай бирон сўз,
Фашист мундирини еча бошлади.

© Чори Аваз

@Sheriylahzalar

1.4k 1 10 1 2

She’riy lahzalar

10 Dec 2024, 19:58

***

Руҳимда бир Иблисми, Илоҳ
Маҳв этади курашсиз, жангсиз.
Яшай десам, ҳаёт бежило,
Кетай десам, ўлим ҳам рангсиз.

Шундай кечар фасл ҳам, йил ҳам,
Бешафқатдир дераза орти.
Мен ям-яшил боғларга илҳақ
Жиним суймас қорани ортиқ.

Бир муштипар мусича бўзлар:
"Ёзмайсан-а ўлим ҳақида?"
О, бу кўзлар, дилафгор кўзлар
Мунг кезади туб-туби қадар.

Жон-жонимдан ўтганда аёз,
Қайта-қайта чиқиб йўлимдан
Шу илтижо таъқиб қилар боз,
Шу илтижо асрар ўлимдан:

"Ёзмайсан-а ўлим ҳақида?"

Нурмуҳаммад АЗИЗ

@Sheriylahzalar

625 1 5 9

She’riy lahzalar

10 Dec 2024, 12:32

Репост из: Mutolaa

📢 Yilning eng kutilgan kechasi - "Qo'rboshilar qo'shig'i" she'riyat spektakliga marhamat!

🎙️ She’riyat va adabiyotga oshufta qalblar uchun, O‘zbekiston Yoshlar ishlari agentligining “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” teatrlashtirilgan kechasini taqdim etadi.

➡️ Dastur bosh qahramoni: yosh va iste'dodli shoir Najmiddin Ermatov

➡️ Dastur mehmoni: taniqli aktyor va shoir Erkin Bozorov

🔖 So‘z va adabiyot muxlislarini 12-dekabr (kuni) soat 18:00 da O‘zbekiston Milliy kutubxonasida kutib qolamiz.

👇 Ro’yxatdan o’tish uchun:
https://forms.gle/JXuWztq9yywF8wbNA

👤 Yilning eng eksklyuziv tadbirini aslo o'tkazib yubormang!

Telegram | Instagram | YouTube

493 0 4

She’riy lahzalar

9 Dec 2024, 18:57

* * *

Кет десанг, ўшал он кетгум эҳтимол,
Кўз ёши қилмасдан, видолар айтиб.
Фақат қулоғинга шуни қуйиб ол,
Мен баҳор эмасман, келмайман қайтиб!

Бир бор нигоҳингдан сачрамаса ўт,
Ишқингда озгина сезсам камомат.
Ҳатто бирон бора безовта қилмай,
Сени тарк этаман абадул абад!

Сўзингдан зарданинг эсса шамоли,
Ҳиёнат шарпасин сезсам бир марта.
Ё қўнмас учоққа оламан миниб,
Ё қайтмас поездга оламан чипта!

Сен шунга амин бўл!
Менинг сўзим сўз!
Бошқа бир манзилни қолсанг гар кўзлаб.
Мендан бир умрга умидингни уз,
Ҳатто изимни ҳам топмайсан излаб!

Xижолат ҳам қилма, ахтарма узр,
Карвоним бошини бураман йўлдан.
Малол олганингни озроқ ҳис қилиб,
Керак эмаслигим англасам бўлди!

Жудолик жонимга қилса ҳамки қасд,
Айрилиқ ўлимга элтса ҳам охир.
Бази енгил-елпи туйғулардан ҳам,
Менинг ғуруримнинг тошлари оғир!

Янчиб ташласа ҳам соғинч – тегирмон,
Кўнглим юрагимдан келса ҳамки зўр.
Сен яна юз йилча бўлгин-у омон,
Бу қайтар дунёнинг томошасин кўр!

✍Малика Тавфиқ

@sheriylahzalar

694 1 25 2 5

She’riy lahzalar

7 Dec 2024, 11:09

Репост из: zouᴉɹɥǝW

***
Tark etmoq xayoli naqadar jozib,
Qalbni uyg’oq tutar bu xil ishtiyoq.
Yillarni yashadim aqldan ozib,
Men qora odamman, boshqalar oppoq.

“Ket” deb sado berar har bir hujayram,
Yo’limni buraman, ochaman so’qmoq.
Kimningdir ishqida yongan chog’im ham,
Ayrilmoq istayman undan, ayrilmoq.

Hijrondan tug’ilgan tuyg’u ulkandir,
Ulg’aytsa, ayriliq ulg’aytar ko’proq.
Ba’zida kibrimga bo’laman bandi,
Ba’zida boshimdan sochaman tuproq.

Daraxtga o’xshayman shamolga oshiq,
Fasllar ishqimga qo’shar harorat.
Kun kelar, turg’unlik qiynamas ortiq,
Kun kelar, osmonni quchaman xushbaxt.

Dardga toqat qilar yuragim –sabiy,
Umrimni yasharman hayratga to’lib.
Otamdan, onamdan ketganim kabi,
Dunyodan ketarman suyukli bo’lib.

Ungacha tark etmoq xayoli g’olib,
Ungacha umrimni qurshaydi farah,
Ungacha men uni sevaman yonib,
Ungacha shamolga aylanar daraxt.

✍️MehrNoz

@mehrnoz_abbos

570 0 13 1 13

She’riy lahzalar

5 Dec 2024, 22:11

Репост из: SAHROYI

"ДАРВЕШ ҚЎШИҒИ" керакми?!

Жигарлар, Жонтемирнинг "Дарвеш қўшиғи" китоби кимга керак бўлса, мана бу @Nurmuhammad_Abduzoirov
телеграм эгасига
ёки
93 558-96-78 рақамига
алоқага чиқаверасиз.

Китоб муаллиф дастхати билан қўлингизга етиб боради.

Чекка ҳудуддагилар, куюнманг, Ўзбекистоннинг исталган ерига почтадан юборилади. Почта пулини эса ўзингиз тўлайсиз. Лекин бу жуда камхарж. 5 ё 10 минг атрофида бўлади адашмасам.

"Дарвеш қўшиғи" 2018-йил академнашр нашриётидан чиққан.

КИТОБ НАРХИ : 80 минг сўм.

Ишонинг, бу китобни бошқа ҳеч қаердан тополмайсиз!

Яна эслатиб ўтаман, китобни олмоқчи бўлганлар мана бу рақам 935589678 ва @Nurmuhammad_Abduzoirov га мурожаат қилишсин.

636 0 1 5

She’riy lahzalar

1 Dec 2024, 06:03

Зимний сон — Алсу

#sevimli_tarona

Если я к тебе не вернулась
Значит наступило зима...

@sheriylahzalar

807 1 9 2

She’riy lahzalar

30 Nov 2024, 21:00

*

Uvv solar noyabr so'nggi kechasi
Qorishiq uvlaydi ichimda isyon
Bir-bir ketib borar, ilib nimchasin
Derazam tagida mizg'igan mezon

Peshonang o'yilar tug'ilgan oning
O'zingdan qaroring so'rar kishi yo'q.
Dunyoni na sening hayot-u joning
Na mening mamotim bilan ishi yo'q.

Charxpalak aylandi. Bosildi qadam!
Takror boshlanadi eski iddao
Sen yana gunohni yegan u Odam
Menchi?!
Qovurg'angdan yaralgan Havvo

Kelishing-
Taqvimga teskari taqilgan bezak.
Qiyshiq qovurg'ani to'g'irlab ketding.
Hamon anglolmadim
Senimi kuzak
Yo sen kuzaknimi o'g'irlab ketding?!

✍Muhabbat

@sheriylahzalar

985 1 9 6

She’riy lahzalar

28 Nov 2024, 01:40

2_5278462352348429815.m4a

ХАЁЛ

Гапирма, туз сепма эски ярамга,
Эслатма, қўй энди ўшаларингни.
Захлаган хаёллар олар аланга,
Эсласам зардуштий бўсаларингни.

Қақшаган юракдай ёнар осуда,
Кўнгилнинг қўл етмас тор гўшалари.
Кўзингда порлаган қўнғир ёғдудан
Ёришар ёдимнинг жинкўчалари…

Ўзингдан кетасан… Йиғлагинг келар,
Ўзингдан кетасан ўзиб, ўзгариб.
Ҳувиллаган хона дилингни эзар,
Кўнгилни бўшатсанг тўлар, кўзларинг.

Васлни тушунмас норасида ишқ,
Айрилиқ нелигин билмайди фироқ.
Мадорлар қурийди, тўкилгай сиришк,
Лабларим қонади, қонмади, бироқ.

Дилимда садоқат шамлари сўнди,
Ўт кетди эҳтирос қафасларига.
Ўчмаган оловдай кетарман шўнғиб
Қўнғир сочларингга, нафасларингга…

Жонингга ҳар икки олам даъвогар,
Жонингга тегмасин аҳли бетамиз.
Ўшал ғайбдан келган беайб маъвога,
Агар насиб бўлса, бир кун етамиз.

Одил Икром

@sheriylahzalar

911 1 6 5

She’riy lahzalar

27 Nov 2024, 16:03

Бугун устоз шоир Асқар Маҳкам туғилган кун.

***

Қасам ич,
Осиё,
Соро,
Марям,
Фотиматуз Заҳро,
Робия
ва Лайло ҳаққи...

Қасам ич,
булғанмаган дарёлар,
эримаган қорлар,
очилмаган ғунчалар,
тўкилмаган япроқлар,
ичилмаган булоқлар ҳаққи...

Қасам ич,
қиндаги қиличлар,
тешилмаган зирҳлар,
эгилмаган ёйлар,
отилмаган ўқлар ҳаққи...

Қасам ич,
очилмаган гўрлар,
йиртилмаган қафаслар,
қонга беланган жасад ила
жаноза ўқилган шаҳидлар ҳаққи...

қасам ич,
исмат ҳижоби ортидаги покиза юзлар,
иффатдан эгилган жаннатий бошлар,
ҳақ сари босилган мустақим қадамлар
ва зангор кимхоб ёпинган тобутлар ҳаққи
“Хиёнат қилмадим”, деб қасам ич!..

Асқар Маҳкам

@Sheriylahzalar

873 1 6 1 8

She’riy lahzalar

27 Nov 2024, 01:09

***

Эшик тақиллади.
Келди.
У келди...
Очаман... Бошқа.
Киринг. Киради. Кетади.
Эшик тақиллади.
У келди. У...
Очаман...
Бу ҳам мени соғинган одам.
Ия келинг. Қани келинг.
Киради. Кетади.
Эшик тақиллади.
Ҳайрият келди...
Очаман...
Ҳеч ким йўқ.
Балки беркингандир у бирор ёққа.
Йўқ. Ҳеч ким йўқ.
Эшик тақиллайди.
Ойлар ўтади...
Эшик тақиллайди.
Йиллар ўтади...
Эшик тақиллайди.
Соғинганлар келиб кетади...
Эшигингдан кутган одаминг кириб келмас экан ҳеч қачон...
Қўлларингдан келса, келмаса – кутган одамингга айлан.

Чори Аваз

@Sheriylahzalar

748 1 4

Показано 20 последних публикаций.

1 000

подписчиков

Статистика канала

Популярное в канале

*** Turkonning allasin koʻrdim, Turonning yallasin koʻrdim. Sherlar narasinimas Sirtlonlar galasi...

TOMOSHADAN SOʻNG (Shams-i-Qamar teatri aktyori Muxtor Asrorovga) Laʼnati kitoblar... keldi halq...

Қани, шаробдан қуй – бошқа не дейин – Ҳукумат бир томон, жонинг бир томон бўлса. Хаёлпараст шоир...

ИРОНИЯ Оғзи бўш экан-да. Айтиб юборган: "Мана, оёғимда йиртиқ пойабзал." Ахир, чориғини киймай, ...

ЎТГАН ЙИЛ Бу дунёга сиғиб эди ўтган йил, кетворган бир йигит эди ўтган йил, балиқдай умринин...