Shaxsiylik | bintu Malik 🍀

#shaxsiy_fikr

Shukurkim, ijtimoiy tarmoqlar rivojlanib, ko'rmagan bilmagan narsamiz, eshitmagan haqiqatimiz, tanimagan odamimiz qolmadi.
Biz hamma narsadan xabardormiz.

Avvallari bilmaganni googlega yozardik, 5minutdan yarim soatgacha vaqtimiz kerakli malumotni izlashga ketardi va biz shunisiga ham xursand edik. Keyinchalik endi chatgpt chiqdi va biz endi har narsada bilimdonmiz. Chatgpt bo'lsa bas.

Zamonamizning aksariyatini usti turli ranglarga bo'yalgan ammo ichi bo'm bo'sh ko'zaga o'xshataman.
Biror sohani mukammal bilmaydi, lekin har sohadan xabari bor, so'rasangiz o'sha sohada fan doktori, professor.

Avvalgilar bir ilmni o'rganish uchun avvalo ustoz izlagan. Ustozni qadrlab, har darsda qunt qilgan, ustoz ursa ham indamagan. Ota-onalar o'zi bolasini etib "go'shti sizniki, suyagi bizniki" deyishgan. Hozirchi? Bolasi borib "ustozim mani urdi" desa, ustozimiz aytgandek lozimini oq bayroq qilib ko'tarib keladi ayrim ota-onalar, bolamni urishga qanday haddi sig'di deb.

Natija?

Natijada bola ielts ga yetgulik ingliz tilini biladi xolos. Matematika yoddan chiqqan, jahon tarixi uyoqda tursin o'z tarixini bilmaydi. Hozir nechanchi asr desangiz, 14-asr deydi. "O'tkan kunlar" asarini kim yozgan desa Durdona Qurbonova deydi.

Biz ta'lim tizimini ayblashimiz kerakmas. Chunki o'sha talim tizimida o'qib katta bo'lgan ota-onamiz haligacha ingliz tilidan o'rgangan 50 ta so'zini yodda saqlagan, matematikadan misollarni ishlab, kimyodan savolingizga javob beradi. Ular biror fanni "nega kerak o'zi bu?" Deb o'rganishmagan.

Tibbiyotdan gapirsam "hammaning ham tibbiy savodi yo'q sizdek" dedi bir kishi. Nega? Hayot unikimi? Nega o'rganmaydi unda? ichayotgan dorisining tarkibini, nimaga qo'llanilishini o'qib chiqish uchun qanaqadir kursda o'qish shartmas. Qutisi ichida qo'llanmasi bor. Google, chatgpt bor. Zamonaviy xonadonda tug'ilish kerakmas, mening ham ota-onam SSSR odamlari. Rus tilini bilmayman deydi, YouTube ga kirib rus tili darslarini boshlashdan uni kim qaytarib turibdi?

"Eshakning yuki kamaysa, o'ynoqqa tushadi" degan maqol bor. Yani eshakning yuki kamaysa, dangasa bo'lib, kuchini behuda narsalarga sarflaydi.
Ota-onamiz bizga bergan tarbiyasini xato topib, bolamizga boshqacha tarbiya berishni istaymiz.
Bolamizga har gapida ho'p deb, hammasini muhayyo qilamiz. Yo'q demaymiz. Bolada hali tushunmaydi deymiz, lekin bola 70-80% narsani 3-5 yoshigacha qabul qilishini tushunmaymiz. Bolaga yo'q deyish uni cheklash emas, balki boriga qanoat qilishni o'rgatish ekanligini fahmlamaymiz.

Ota-onamiz, ustozlarimiz buni bilgan. Faqat tushuntirishni bilmagan. Chiroyli gap bilan tushuntirolmagan. Kimdir kaltak bilan, kimdir so'kish bilan tushuntirgan. Biz esa bu tarbiya usulini xato deb topib, endi qiynalib qolyapmiz.

* Bintu Malik

#shunchaki

Qiz bola sochini tarab turib, birdan chigalining og'rig'idan yig'lab yuborishi mumkin.
Qo'lini kuydurib, kuygan izning dog'i qolishidan qo'rqib, og'rig'idan azoblanib yig'lashi mumkin.
Sevimli kiyimi yirtilganida ham yig'lashi mumkin.
Yegisi kelgan narsasini kimdir yeb qo'yganini ko'rib ham yig'lashi mumkin.
Oddiy kinoning bir sahnasini ko'rib ham yig'lashi mumkin.

Bu uning shunaqa "yig'loqi"ligidanmas. Unga "kel, bag'rimga, ko'z yoshlaringni artib qo'yay" deyishlarini kutganidan va natijada na u odamni ko'rmagani va na u gaplarni eshitmaganidan yig'laydi.
Chunki, boshqa payt qo'lini qaynagan suvga solsa ham, kunbo'yi och qolsa ham, eng ko'ngil ezuvchi filmni ko'rsa ham, kiprik qoqmay turishi mumkin.
Lekin qaysidir bir payt u yonidagi odamga juda muhtoj bo'ladi. Dardihol qilishga, kimgadir yig'lab berishga, uni jim eshitishlari va ko'z yoshlarini artib qo'yishga. O'zini kerakli ekanligini his qilgisi keladi, asli..

Siz unga "menga keraksan" demang. Kerakli ekanligini his qildiring ✨

* Bintu Malik

Ramashkaxonim kitoblar olamiga sayohat qiling ✈️

🖊️"Bugun kitob o'qigan odam kechagi odam emas"

🪶Shayx Muhammad Sodiq Muhammad Yusuf hazratlari

📕kitobiyat - kanalida biz bilan birgalikda sahifalarga sayohat qiling hamda asarlar, mualliflar haqidagi ma'lumotlar va eng yaxshi iqtiboslarni kuzatib boring☕️

Allohim kechirsin oson tutganni

🛎

Kun kelib farzandlarim mendan "oyijon, hayotimiz nega bu qadar ajoyib?" deb so'rasa, ikkilanmay "o'shanda men dadajoningni tanlab adashmaganman-da" deya olaman 🤎

#qaydnomamiz 🤎

#shaxsiy_fikr 🔖

Hozirgi kunda telefonlarda namoz vaqtini eslatuvchi programmalar bor. Asosan yoshi katta ota-onalar, bobo-buvilar telefonida bu eslatmalar azon ovozi asosida keladi. Yani, namoz vaqti kirganida azon aytadi. Asosan azon ovozi eshitila boshlasa, oxiriga qadar o'chirishmaydi, hurmatsizlik bo'lmasin deb.
Jamoat joylarida, masalan peshin vaqti kimdir tashqarida ovqatlanayotgan bo'lsa, birdan azon ovozi jiringlab qolsa, bu odamlar orasida, aniqrog'i ayrimlar orasida "o'chirsa bo'lmaydimi ovozini?" Degan fikrni uyg'otadi. Kim ham bunday deydi axir deyishga shoshmang. Hamma ham dinga siz yo oila azolaringiz kabi hurmat bilan yondashmaydi.

Darsda ustoz shh mavzuni ko'tarib, iloji boricha eslatmaga azon ovozini qo'ymaslikni takidlagandilar. Kimdir behosdan "ovozini o'chiring" deb yuborsa, bu azonga nisbatan hurmatsizlik bo'lib qolishi mumkin. Azon ovozini eshitganda hurmat qilib, sukut saqlash, unga javob qaytarish sunnat hisoblanadi. Endi unga hurmatsizlik - din bilan bog'liq bir holatga hurmatsizlik sanaladi.

Oshirib yubormayapman, qo'rqmang. Shunchaki, u odam balki bilib, balki bilmay bu gapni aytib yubordi. U odamga bu holat haqida yo tushuncha beriladi yoki eng oson yo'li eslatmaga azon ovozini qo'yishdan qaytarish✅

Eslatma ovoziga boshqa xabar kelgandagi ovozni yo boshqa ovozni qo'yishga undash kerak deb xulosa qilgandim dars oxirida🌺

*

- men - sening otang - birinchi bo'lib senga jahl qilgandim, boshqalar jahl qilmasin deb. Onang seni birinchi bo'lib urardi, chunki boshqalar seni urishini istamasdi. Sen bilasanmi o'z bolasiga qattiqqo'l ota-ona bo'lish qanchalar og'irligini.
Muammoli bo'lishing, muammolar chiqarishing mumkin, hattoki ishsiz bekorchi bo'lib qolishing ham mumkin. Faqat o'zingni asra, joningni asra. Bu shunchalik qiyin ishmi?

💡 "Yomon ona" kinosidan

*

Shunday gap bor:
Ona bu dunyodagi hamma narsaning o'rnini bosa oladi. Lekin butun dunyo bir bo'lsa ham, onaning o'rnini bosolmaydi.

🪶"Yomon ona" kinosidan

*

- Odamlar "bu jazo" deyishadi. Ayrimlar "bunday yashaganidan o'lgani yaxshi edi" deydi.
- e kim bunday deydi, tovba?
- men. Men o'g'limdek (avtohalokatga uchrab, nogiron bo'lib qolgan) odamlarni ko'rsam, shunday o'ylardim. Lekin bilasizmi nima? Men adashgan ekanman. Endi tushunyapman. Men shu qadar xursandmanki.. Hech bo'lmaganda bolam tirik. Mening o'g'lim, bir dona bolam, men shunchalar xursandmanki, o'sha avariyada bolam tirik qolganiga.

🪶"Yomon ona" kinosidan

*

Alloh ofiyat bersin
Umrimizning yarmi telefonda, yarmi yotoqda o'tyapti

*

Keling shariatdan biror qonun qoidani olsak, to'g'risini olaylik. Bizgagina foydali bo'ladigan qismini emas.

Hatto temir mashinamizga yukni 9 oy yuklatmaymiz. Shu temir moshinni ayaymiz.
Lekin ona bolasini 9 oy qornida ko'tarib yuradi..
yana bolasini bag'riga bosganda hamma dardini unutadi..

#shunchaki

Ayol qiziq yaratiq. Men ham buni ayol bo'lib sezdim.

Shu bir dona shokolad turibdi, yemaysan, yeging ham kelmaydi. Lekin shuni zavjing ko'tarib kelsa, "xotin, shu shokoladni ko'rgandim, yodimga tushding, balki yeging kelar deb oldim" desa, mayli shuni demasa ham, "ana senga opkeldim, ol" desa ham xursand bo'lib ketar ekan. Bo'lmasa uyida bor o'sha, lekin zavjini olib kelganida e'tibor bor, mehr bor.

Ayol og'ir ishni o'zi qila oladi. Divanni ham ko'taradi, muzlatgichning ham joyini bemalol o'zi o'zgartira oladi. Lekin zavji yonidaligida shu 5 litrlik suvni ko'taraman deganida zavji ko'rib, "iye, nimaga men bor paytda sen ko'tarasan buni?" "Sen og'ir ko'tarma, men bormanku" desa, ayol butun vujudi bilan eshitishni istagani ana shu.

Lekin, shu holatlarda, masalan zavji "bugun shunaqa shokolad yegandim" desa, ayolni dilidan "menchi? Meni o'ylamadimi?" Degan fikr o'tib qoladi. Uyda borku paketi bilan desa ham, zavjining olib kelganida e'tibor bor edida..
Shu 5 litr suvni o'zi ko'tarib ketaveradi, zavji indamasa dili og'rinib qoladi. "Zavjimga baribirmi meni sog'ligimga ishi yo'qmi?" Deb o'ylab qoladi.

Siz aytarsiz, e'tiborni boshqa narsada berarman, boshqacha avaylarman xotinimni, uy atrofida xavfsizlik vositasi o'rnatarman deb. Dunyoni olib bering unga, lekin mayda ishlarsa e'tiborsizlik qiling, "meni sevmas ekanda" deb o'ylanib qoladigan odam turi bu ayol.

Menam ayol bo'lgach tushundim buni, ungacha kitoblarda o'qib "ayollar qiziq-e" deb kulardim, xolos )

Robbing seni yaxshi ko'radi
Ortiqcha o'ylashni bas qil ..