Душманинг ичинда бўлса, додингни кимга ҳам айтардинг...
Имом Аллома Ибн Обидийн Ислом динимиз уч фиқҳдан иборат дейди.
1. Фиқҳи Акбар.
2. Фиқҳи Авсат.
3. Фиқҳи Асғар.
Фиқҳи Акбар Ислом ақоиди илмидир. Бу илмда иймон ва унга тегишли масалалар баён қилингандир. Аввалда уламолар ақоид китобларини Фиқҳи Акбар деб номлаганликларидан ҳам билиб олишимиз мумкин. Имоми Аъзам Абу ҳанифа роҳимаҳуллоҳ ақоид киотбларини Фиқҳи Акбар деб номлаганликлари бунга яққол мисолдир. Бу илм билан шуғуланувчиларни мутакаллим деб номланади.
Фиқҳи Авсат динимизнинг аҳкомларини ўз ичига олган илмдир. Ҳалол, ҳаром, ибодат, муомалот ва муошарот айнан шу фиқҳда баён қилингандир. Кейинчалик фиқҳ деганда фақатгина шу қимс тушиниладиган бўлган. Йаъни фиқҳдан мурод айнан Фиқҳи Авсатдир. Бу илм билан шуғулланувчиларни фақиҳ деб номланади.
Фиқҳи Асғар бўлса одоб-ахлоқ, зуҳд ва тақвога оид илмдир. Бунда яхши хулқлар билан хулқланиш, ёмон хулқлардан халос бўлиш ҳақида баён қилинади. Кейинчалик бу илмни уламолар тасаввуф дея номлашган. Ҳозиргача тасаввуф номи сақланиб қолмоқда. Бу илм билан шуғулланувчилар сўфийлар деб номланади.
Энди асл мавзуга келсак. Дин душманлари биргина тоифа билан динимизни йўқ қилиш, динимизни пароканда қилиш, мусулмонлар орасини бузиш, мусулмон диёрларини қонга булашни билишган. Ўша тоифа ҳозирги кунимизда АСАРИЙ, кечагина САЛАФИЙ, ундан олдироқ "АҲЛИ ҲАДИС", бошланишида эса ВАҲҲОБИЙ деб номланган тоифа.
(Номлари булғангани сайин ўзгариб туришади, ўзгаришда ҳали яна давом этишади)
Бу тоифа келтирган зарарни юз йилда ҳам тузата олмасак керак. Биргина тоифа динимизнинг барча соҳаларини ер билан яксон қилди. Келинг, бирма-бир тўхталайлик.
Динимизни ўз замонининг фирқаларидан ҳимоя қилган, турли шубҳаларга жавоб берга икки ақоид мазҳаби Мотурудий ва Ашъарий мазҳаби бордир. Бинг йилдан зиёд бу икки мазҳаб мусулмонларнинг ақидаси бўлиб келган. Учинчи бир мазҳаб тарқалмаган. Айниқса ҳижрий тўртинчи асрдан бошлаб барча уламолар, муфассир, муҳаддис, фақиҳ, ақоид, наҳв, балоғат, ахлоқ ва ҳ.к. ушбу икки ақоид мазҳабидан бирида бўлишган. Аҳли суннат ақоиди деганда шу икки ақоид мазҳаб тушинилган.
(Бу ҳақида Др. Муҳйиддин Аввома илмий изланиш олиб бормоқдалар. Илмий изланишлари нашрдан чиқса, хабардор қиламан иншаллоҳ).
Ўзларини салафий-асарий деб номлайдиган тоифа эса Исломнинг асосий ақоид мазҳаби бўлган бу икки йўлни адашганликга чиқаришди. Ўзларининг хато ақидалариниг
на ҳақ деб, ўзларинигина аҳли суннат деб, долганларни эса аҳли бидъатга чиқаришди. Бу фитнага алданганлар алданди. Кўпчилик эса аста-секин тушиниб етмоқда. Кўзи ҳали ҳам очилмаганлар ўзларининг ботил йўлларини ҳақ деб даъво қилишда давом этмоқдалар.
Қаранг, бу тоифа Исломнинг асоси бўлган ақидасини хато дейишга, адашган дейишга, бидъат дейишга журъат қилишмоқда.
Минг йиллик Ислом ақидасини бидъатга, минг йилдан бери чиққан уламоларни эса аҳли бидъатга чиқаришмоқда.
Бидъат аҳли жаҳаннамийдир дейишга, ўзларидан бошқа барчани жаҳаннамийга чиқаришга журъат қилишмоқда.
Шунча нарсани кўриб туриб ҳам, инсон бироз фикр қилса, уларнинг даъволари пуч эканини осонгина билиб олади. Уларнинг фирқалари ботил йўлда эканини билиш учун ақл ва фаросат етади, кўп илмга ҳожат йўқ.
Биргина ушбу сўзни ўқиган одам бу фирқани кимлр нима мақсадда ёйганини, кимларнинг буйруғи билан ёйганини билиб олиши мумкин:
Саудия Арабистони валиаҳд шаҳзодаси Муҳаммад ибн Салмон “Вашингтон Пост”га берган интервьюсида шундай дейди:
-Биз ваҳҳобийликка совуқ уруш даврида (мусулмонларнинг душманлари бўлган) иттифоқдошларимиз талаби билан ёйдик.
Кўринг, ваҳҳобийлик ёйилишидан кимлар манфаатдор?
Ёйганлар ҳам кимларнинг талаби билан ёйган?
Ҳомийлик қилиб, моддий ёрдам берганлар ҳам кимларнинг талаби билан ёрдам берган?
Шу уч саволга жавоб топган киши асл ҳақиқатдан бохабар бўлади.
Душманинг ичинда бўлса, додингни кимга ҳам айтардинг...
Давоми бор...
Кейинги мақоламизда фиқҳга ва тасаввуфга бўлган душманликлар ҳақида ёзамиз.
© Ustoz Muhammad Odil Hamid
@shafoatuz
