АЛЛОҲ УЧУН СЕВ...

Солиҳам, аёлим,жуфту ҳалолим,
Умримнинг шериги,бахтим,камолим,
Сени Аллоҳ учун севганим ҳаққи,
Мени Аллоҳ учун севгин аёлим.

Имонинг бут бўлсин кўнглим сафоси,
Иффатинг ҳуснингни кўрки, жилоси,
Қалбимиз ёртисин Қуръон зиёси,
Мени Аллоҳ учун севгин аёлим.

Сенла ёруғ бўлсин доим юзимиз,
Фирдавс боғларида қолсин изимиз,
Солиҳ фарзанд бўлсин ўғил қизимиз,
Мени Аллоҳ учун севгин аёлим.

Имондан айирар бу ҳо-ю ҳавас,
Дунё зийнатлари ўткинчи,бир хас,
Бойлигим,мол-дунё,давлатим эмас,
Мени Аллоҳ учун севгин аёлим.

Қуръон бўлсин доим қўшиқ куйимиз,
Сакинат саройи бўлсин уйимиз,
Охир жаннат бўлсин мақсад,ўйимиз,
Мени Аллоҳ учун севгин аёлим.

Сендадир хаёлим,сенда нигоҳим
Исмингла кўкларга ўрлайди оҳим,
Бирга қариш насиб этсин илоҳим,
Мени Аллоҳ учун севгин аёлим.

Хуршид Карим


Kimga yuborishni bilasiz😉

🔐Kanalga kiring👇