Mudofaa va xavfsizlik masalalari qo'mitasi | Rasmiy kanali

Олий Мажлис Сенати қўмиталарига раҳбарлар сайланди:

➖ Кутбидин Бурханов Мудофаа ва хавфсизлик масалалари қўмитаси раиси;

➖ Эркин Гадоев Бюджет ва иқтисодий масалалар қўмитаси раиси;

➖ Абдулхаким Эшмуратов Суд-ҳуқуқ ва коррупцияга қарши курашиш масалалари қўмитаси раиси;

➖ Бахром Абдуллаев Фан, таълим ва соғлиқни сақлаш масалалари қўмитаси раиси;

➖ Орзигул Қозихонова Ёшлар, маданият ва спорт масалалари қўмитаси раиси;

➖ Анвар Туйчиев Аграр, сув хўжалиги масалалари ва экология қўмитаси раиси;

Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раиси лавозими вакант қолмоқда

Академик Бўрибой Ахмедов таваллудининг 100 йиллигига бағишланган тадбир бўлиб ўтди.

Жорий йил 14 ноябрь куни Ўзбекистон Республикаси Фанлар академияси Абу Райҳон Беруний номидаги Шарқшунослик институтида шарқшунос олим, академик Бўрибой Ахмедов таваллудининг 100 йиллигига бағишланган тадбир бўлиб ўтди.
Унда Сенатнинг Мудофаа ва хавфсизлик масалалари қўмитаси раиси Кутбидин Бурханов, олий таълим муассасалари раҳбар ва ректорлари ҳамда бир қатор давлат ҳамда фан арбоблари, академиклар ва олимлар иштирок этишди.
Кириш сўзида Бўрибой Ахмедовнинг Ўзбекистон тарихига улкан ҳисса қўшгани, катта муваффақиятларга эришгани, беқиёс хизматларини нафақат мамлакатимизда, балки қардош қўшни республикаларда ҳам қадрланиши алоҳида таъкидланди.
Тадбирда сўзга чиққан Қўмита Раиси К.Бурханов томонидан Б.Ахмедовнинг илмий фаолияти ўзбек халқининг этник тарихини ўрганишда қўшган ҳиссаси мамлакатимиз учун муҳим аҳамият касб этганини эътироф этди
Бундан ташқари, тадбирда сўзга чиққанлар академикнинг илмий изланишлари Ўрта Осиё халқларининг 10-19-асрлардаги ижтимоий-сиёсий тарихи, Амир Темур ва темурийлар даври тарихи ҳамда маданияти каби муҳим йўналишларга қаратилганига урғу беришди.
Академик томонидан Амир Темур даврига оид яратилган асарлари инглиз, француз, рус ва бошқа хорижий тилларда босилганлиги айтиб ўтилди.
Тадбир иштирокчилари академик Б.Ахмедов ҳаёти ва фаолияти Ўзбекистон тарихига муҳим ҳисса қўшганини таъкидлашди.

Андижон вилояти Избоскан туманида яшовчи фуқароларнинг мурожаатлари ўрганилди

Жорий йил 11-12 ноябрь кунлари Сенатнинг Мудофаа ва хавфсизлик масалалари қўмитаси раиси Кутбидин Бурханов, Қўмита раиси ўринбосари Толибжон Мадумаров, туман ҳокимлиги мутасадди раҳбар ходимлари, “Маҳалла еттилиги” ва ҳоким ёрдамчилари билан ҳамкорликда Избоскан туманининг “Гудур” ва “Тошлоқ” маҳаллаларида криминоген вазиятни яхшилаш бўйича олиб борилаётган ишлар ҳамда аҳолини ташвишга солаётган муаммолар ўрганилди.
Аҳолидан келиб тушаётган мурожаатларнинг асосий қисми ҳудудларда куз-қиш мавсумида суюлтирилган газ баллонлари ўз вақтида етказиб берилмаётганлиги, ички йўлларнинг таъмирталаблиги билан боғлиқ бўлиб, ушбу муаммоларни бартараф этиш ишлари муҳокама қилинди.
Учрашув давомида мурожаатлар атрофлича ўрганиб чиқилиб, ҳокимликнинг мутасадди раҳбар ходимларига тегишли кўрсатма ва тавсиялар берилди.