📚📕📒SCHOOL DOCUMENTS 📒📚BY M.RUSTAMOVNA

Pedagoglar attestatsiyasi bo'yicha eng so'ngi yangiliklar.

✅Attestatsiyaning birinchi bosqichida yani o'z fani va kasb standarti bo'yicha umumiy balning 80 foyizini bajargan belgilangan kvota doirasida eng yuqori natijadagi pedagoglar Vazir jamg'armasi ustamasining 2-bosqichiga yo'llanma oladi. Kvota doirasida bir xil natija ko'rsatgan pedagoglar malaka toifasi va ish stajiga qarab tanlab olinadi.

✅Attestatsiyada 86 bal va undan yuqori natijaga erishib oliy va birinchi malaka toifasini olgan yoki saqlagan pedagoglarga 2 yil davomida 70 % ustama to'lanadi. Imtiyoz asosida yuqori balga erishgan pedagoglar ustamaga tavsiya etilmaydi.

✅Bilim va malakalarni baholash agentligi tomonidan umumta'lim fanini bilish darajasi to'g'risidagi kamida B+ sertifikatini olgan pedagoglar majburiy attestatsiyaning birinchi bosqichidan ozod etilib maksimal bal beriladi. Boshlang'ich ta'lim ustozlari bundan mustasno.

❌ Oliy toifani 15 yil saqlagan pedagoglarga toifasini umrbod saqlanib qolishi bo'yicha tartib bekor qilindi.Ushbu bekor qilinayotgan tartib 2025-yil 1-sentyabrgacha imtiyozga erishgan pedagog xodimlarga qo'llanilmaydi.

❌ Pensionerlar, 25 yil ish stajiga egalar va pensiya yoshiga 5 yil qolgan pedagog xodimlarni majburiy attestatsiyadan ozod etilishi ham bekor qilindi. Ushbu bekor qilinayotgan tartib 2025-yil 1-sentyabrgacha imtiyozga erishgan pedagog xodimlarga qo'llanilmaydi.

70 foyizlik ustama aynan Yanvar-Iyun oylaridagi attestatsiyada amaliyotga joriy qilinishi ham rasman elon qilindi. Olg'a ustozlar ⚡️😉😉⚡️

@school_documents

#Расман
⚡️Педагог кадрларга 70 фоиз миқдорида устама тўланиш тартиби тасдиқланди.

Вазирлар Маҳкамасининг “Ўзбекистон Республикаси Ҳукуматининг айрим қарорларига педагогларни аттестациядан ўтказиш, касбий сертификатлаш ва рағбатлантириш тизимини такомиллаштиришга қаратилган ўзгартириш ва қўшимчалар киритиш тўғрисида”ги қарори қабул қилинди.

"Қарорда педагогларимизга бир нечта хушхабар бор", - деб ёзмоқда вазир Ҳилола Умарова:

✅Вазир жамғармаси:

➡️ эндиликда вазир жамғармасидан ҳар ойлик устама олиш учун номзодлар рўйхати аввалгидек ҳудудий кенгашлар тавсияси асосида шакллантирилмайди. Синовларда барча фан ўқитувчилари иштирок этиши мумкин. Аввал МТТ тарбиячилари устама олишга даъвогарлик қила олмасди, энди улар ҳам синовларда иштирок этиб устама олиши мумкин.

✅Малака тоифа синовлари:

➡️ педагог кадрларга тариф ставкаларининг амалдаги миқдорларига нисбатан 70 фоиз миқдорида қўшимча ҳақ тўланишининг тартиби тасдиқланди. Унга кўра малака тоифа тест синовларида иштирок этиб (иккала босқичда), олий ва биринчи малака тоифасига эришган (ёки сақлаган) ҳамда 86 ва ундан юқори балл тўплаган педагогларга берилади.

✅Яна бир янгилик:

➡️ энди Билим ва малакаларни баҳолаш агентлиги томонидан бериладиган умумтаълим фанини билиш даражаси тўғрисида сертификатга эга бўлган педагогларга навбатдаги мажбурий аттестациянинг биринчи босқичи (мутахассислик фани ва касб стандарти) бўйича малака синовидан озод қилинади.

@school_documents

Электрон варианти керакми устозлар ???

Хамма канал эгалари каби лайк босинглар дей манам 😁😉

📌Маълумот учун : 3000га якин каналимиз обуначилари хеч кандай рекламаларсиз йигилишган !

Асосийси канал сизга маъкул булаётган булса ва озгина булсада фойдам тегаётган булса, дуо килиб куйсангиз етарли ☺️😊

@school_documents

⚡️TЎГАРАК ҲУЖЖАТЛАРИ ҚУЙИДАГИ ТАРТИБДА ЮРИТИЛИШИ КЕРАК

Тўгаракларга 1-11 синф ўқувчилари қамраб олинади. Тўгаракларнинг ўқув йили учун мўжжалланган ўқув режасини ёзишдан олдин яъни тўгарак машғулотлари журналига 5-15 сентябргача ташкилий ишлар ёзилади. Ўқувчиларни тўгаракка қабул қилишда уларни ёшларини, қизиқишларини ҳисобга олинади. Ҳар бир тўгарак аъзоси ўқув йили мобойнида тўгаракдан чиқиб кетиши, бошқа тўгаракка аъзо бўлиши ва хоҳиши бўйича бир вақтнинг ўзида бир нечта тўгаракда иштирок этиш ҳуқуқига эга.

Тўгарак раҳбари қуйидаги ҳужжатларни юритиши мумкин:

— Тўгаракнинг йиллик тақвим режаси (паст ўзлаштирувчи ва иқтидорли ўқувчилар учун)
— Тўгарак машғулотлар журнали
— Ўқувчилар ота-онасининг аризаси

Ихтиёрий равишда:
— Машғулотлар ишланмаси
— Тўгарак тадбирларидан лавҳалар
— Кўргазмали қуроллар.

❗️Мактабда тўгараклар ва спорт секцияларининг фаолият юритишини маънавий-маърифий ишлар бўйича директор ўринбосари таъминлайди. Ўқув ишлари бўйича директор ўринбосари доимий равишда тўгарак журнални тўғри олиб борилишини назорат қилиб туради.

Журналдаги ёзувлар аниқ, тартибли ва мунтазам олиб борилиши керак. Журнал ўқув ишлари бўйича директор ўринбосарида сақланади. Журналга тўгарак раҳбари ўзи олиб борадиган тўгарак номини, муасаса раҳбари томонидан тасдиқланган машғулот жадвалини, тўгарак раҳбарининг исми ва фамилиясини, отасини исми, тўгарак сардорини тўлиқ исми фамилиясини ёзиб қўяди.

Жадвалдаги ўзгаришлар ўқув ишлари бўйича жавобгар шахс билан келишилган холда журналнинг иккинчи бетида қайд қилинади. Тўгарак ишини ҳисобга олиш учун журналда бетлар ажратилган бўлиб, унда тўгарак аъзолари таркиби исми фамилияси тўлиқ, машғулотлар мавзуси, тўгарак ишининг бажарилган соати ва муддати жадвалга мувофиқ кўрсатилади.

Тўгарак раҳбари аъзоларнинг давоматини журналда машғулотларга ажратилган кунлар ва соатлар устида мунтазам белгилаб боради ва сабабсиз келмаганларга “-” белгиси, сабабли қатнашмаганларга “+” белгиси қўйилади. Тўгарак раҳбари тўгарак ташкил топган кундан 10 кун муддатда тўгарак аъзоларини рўйхатини тузади ва тегишли устунларни тўлдиради.

Тўгарак машғулотлар жадвали мактабнинг ўқувчи ва уларнинг ота-оналарига кўриниб турадиган жойига илиб қўйилади. Фан ўқитувчилари томонидан тўгарак ҳужжатлари тўғри юритилиши мунтазам равишда назорат қилиб борилади.

@school_documents

Янгиликнинг зўри!

Эндиликда, Вазир жамғармасидан тўлаб бериладиган устамаларга номзодларни саралаб олишнинг биринчи босқичи - тоифа тестлари натижалари асосида амалга оширилади.

Вазирлар Маҳкамасининг 2022 йил 2 августдаги 425-сон қарори билан тасдиқланган "Халқ таълими вазирининг жамғармаси тўғрисидаги НИЗОМ"га қуйидагича ўзгартиришлар киритилмоқда.

номзодлар – таълим ташкилотларида фаолият юритаётган, белгиланган квота доирасида педагог кадрлар аттестациясининг биринчи босқичи – педагогнинг мутахассислик фани ва касб стандарти бўйича билим даражасини аниқлаш натижаларига кўра умумий баллнинг камида 80 фоизини қўлга киритган фан ўқитувчилари ҳамда мактабгача таълим ташкилотларининг тарбиячилари;

малакали педагог кадрлар – таълим ташкилотларида фаолият юритаётган, мутахассислик фани ва касб стандарти бўйича билим даражаси, педагогик маҳорати юқори бўлган ҳамда мазкур низом талабларига жавоб берадиган фан ўқитувчилари ҳамда мактабгача таълим ташкилотларининг тарбиячилари;

P.S. ...кейинги йили вазир жамғармасидан устама (9 ой давомида ойига 1155000*5,5= 6 млн 352 минг сўмдан жами 57 млн 172 минг 500 сўм) олишга талабгор педагоглар 2025 йил январь-июнь ёки август-декабрь ойларида ўтказиладиган тоифа тестларида иштирок этишлари керак бўлади.

@school_documents

Дам олиш муҳим

1. Тарихнинг катта қисми давомида бўш вақт имтиёз сифатида тан олиниб келинган. Фақат яқин вақтлардан бошлаб меҳнат ва бандлик муваффақиятнинг атрибутига айланиб қолди.

2. Дам олиш муҳим. Бу сизга қувватингизни тиклаш имконини беради, ижодкорликни оширади ва самаралироқ ишлашга ёрдам беради.

3. Дам олишга жиддий ёндашинг. Дам олишдан завқланиш учун бунга вақт ажратинг.

4. Қатъий чегараларни белгилаб олинг. Дам олиш кунлари ва иш соатларидан кейин иш электрон почтаси ва телефонни текшириш вақтини қисқартиринг, дам олиш ҳақида унутманг. Иш ва шахсий вақт ўртасидаги мувозанатга эришиш иккаласини ҳам самаралироқ қилишини тушунинг.

5. Дам олиш — бу кўникма. Мияга дам олиш кучидан фойдаланишни бошлаш учун вақт керак бўлади. Бунга вақт беринг.

6. Иш ва дам олиш ўртасида алмашинадиган жадвал тузинг. Агар сизда жадвал жуда эркин бўлса, узоқ давом этадиган узлуксиз ишни режалаштирманг. Дам олиш сизга ишга қайтиш учун ёрдам беради, шунинг учун дам олиш ва иш тез-тез алмашиб туриши лозим.

7. Қизиқарли тарзда дам олинг. Кўп сонли Нобель мукофоти лауреатлари, бош директорлар, тадбиркорлар жиддий севимли машғулотларига эга: елканли қайиқда сузиш, чўққиларга чиқиш, расм чизиш. Бундай ўйин-кулги сизга иш билан бирга завқ олиб келади, ишдан ягона фарқи — бунда стресс йўқ.

8. Уйқуга эътиборсиз бўлманг. Кундузи ухлаш «батарея қувватингизни» тўлдиришнинг ажойиб усули бўлса, тунги яхши ҳордиқ жисмоний саломатлик, ҳиссий барқарорлик олиб келади ва соғлом қаришга ёрдам беради.

9. Бошқаларга ўрнак бўлинг. Қанчалик кўп одамлар дам олишни ўрганса, жамият учун шунчалик яхши бўлади. Оилаларда муҳит яхшиланади, дўстлар билан янги машғулотлар ва ҳамкасблар билан янги кундалик тартиб юзага келади.

@school_documents

Гарвард талабаларига мотивация берувчи сўзлар. Ушбу 15 та қоида ҳар бир талабага тавсия этилади.

1. Агар сен ҳозир ухлаб қолсанг, албатта тушингда орзуингни кўришинг мумкин. Агар сен ўзингда ирода топиб, уйқуни билим олишга алмаштирсанг, унда сен орзуингни амалга ошира оласан.

2. Сен жуда кеч бўлди деб ўйлаганингда, аслида ҳаммаси учун ҳали эрта.

3. Билим олиш азоб деб ўйлайсанми? Йўқ, у вақтинчаликдир, билмаслик азоби эса ¬бир умрликдир.

4. Билим олиш бу вақт ўтиши эмас, балки у тиришқоқликдир.

5. Ҳаёт бу фақат билим олиш дегани эмас, аммо, лекин, бироқ агар сен ҳаётнинг шу қисмидан ҳам ўта олмасанг ва нолисанг, унда савол туғилади сен ўзи нимага қодирсан?

6. Зўр ғайрат ва шижоат йиғиндиси бу роҳатдир.

7. Кимки барчасини олдиндан ва шижоат билан бажарса, шу инсонгина ўз омадидан бахра олиши мумкин.

8. Барча нарсага улгуриш ҳамманинг ҳам қўлидан келмайди. Бироқ, омад ўз устида доим ишлайдиган ва қатъий инсонлар билан бирга бўлади.

9. Вақт тўхтамайди, уни тўхтатишга ҳам уринма, фақат ундан унумли фойдаланишни ўрган.

10. бугунги сўлакларинг эртага кўз ёшга айланади.

11. Ўз келажагига нимадирни сарфлайдиган иноснлар булар – реалистлардир.

12. Сенинг маошинг ҳажми бу сенинг билиминга нисбатан пропорционалдир.

13. Бугунги кун ҳеч қачон қайтарилмайди.

14. Ҳатто ҳозир сенинг душманларинг китоб варақлаяпти.

15. Пешонанг терламаса, пул топишинг жуда қийин.

@school_documents