Sanjar Xo‘ja

Ba'zi bloggerlarga "fasss" deyildi. Ular qamalgan yigitni gapi qolib, shaxsiy hayotiga yopishishyapti. Ikkinchi xotini bormish, mish-mish...

Agar bu uslubda davom etilsa, yana amaldorlar battar sharmanda bo‘ladi. Chunki, qo‘shiqchi Larisa Moskaleva kimni ikkinchi xotini edi? Qizini otasi kim? Aktrisa Zarina kimni ikkinchi xotini edi? O‘g‘lini otasi kim?

Yana qancha-qancha ma'lumotlar. Va buni xalqimiz orasida ko‘pchilik yaxshi biladi!

@sanjar_xoja

O‘z dardini aytgan odamni qamadi. Keyin xalq qo‘llashini, o‘zlari sharmanda bo‘lishini hayoliga keltirishmadi.

Ya'ni bir ish qilsa, ertasiga qanday natija bo‘lishini o‘ylamaydiganlar "Porloq kelajak" va'da qilishiga hayron qolaman.

@sanjar_xoja

Bundan to‘rt ming yil oldin...

Muso alayhissalom Misr davlat rahbari, podshohning yoniga bordi. U Fir'avnni bir xalqqa nisbatan zulm, nohaqlik va zo‘ravonlik qilishdan tiyilishga chaqirdi.

Bir podshohning qarshisida haq va huquq himoyachisi, erkinlik kurashchisi turgandi.

Misr podshohi Muso alayhissalomni yerga urmoqchi bo‘ladi, mot qilmoqchi bo‘ldi. Muloqotda podshohni o‘zi "tupik"ka kiraverdi.

Keyinchi?

"Shu'aro" surasi, 29-oyat:
"Fir'avn: «Agar mendan boshqani iloh qilib olsang, albatta, men seni zindonbandlardan qilurman», dedi."

O‘z haqqini talab qilganni qamaydigan tizim - Fir'avncha tizim deyiladi. To‘rt ming yildan beri o‘zgarmagan.

@sanjar_xoja

Eslatma!

- Boshqa tillarni o‘rganishni;
- Sport bilan shug‘ullanishni;
- Yomon odatlarni tashlashni... va yana qandaydir rejalarni yangi yildan boshlayman deganlar uchun bugun so‘nggi kun!)

@sanjar_xoja

Yangi yilga o‘tishni bayram qilish yoki qilmaslik har kimning xohishi. Vijdon va e'tiqod erkinligi.

Davlat tashkilotlari xalq puliga qorbobo va qorqizlarni ommalashtirishi, bu endi siyosat.

So‘nggi yuz yilgacha musulmonlar bayram kunlari bozorlarda, markaziy joylarda takbir aytib yurishgan.

Ramazon va Qurbon bayramida imomlar va diniy ulamolar uzun soqollari bilan bozorlarda takbir aytib yurishsa nima bo‘ladi? Xuddi hozir qorbobolar to‘planib yurgandek.

Axir azon ovozini eshitganda yig‘laydigan Prezidentimiz bor-ku!

@sanjar_xoja

Sionistlar G‘azoda o‘ldirayotgan odamlarning 70 foizi ayollar va bolalar. Ayollar va bolalar o‘lsin, G‘azo naslsiz, kelajaksiz qolsin, deb harakat qilyapti...

Bizdachi?

Erkaklar ko‘chada tirikchilik g‘amida yuribdi. Soatlab "zapravka"da navbatda turibdi. Ularning ayoli va bolalarini TV zaharlayapti. "Kuyov qaynona bilan yotdi", "Qaynota kelinni zo‘rladi" kabi seriallar bilan.

Yuqoridagi holatlar o‘rtasida ikki farq bor. Birinchi farq, sionistlar g‘azoliklarni jismonan yo‘q qilyapti. Bizni TVlar esa ruhan va ma'nan o‘ldiryapti.

Ikkinchi farq, sionistlar qurollarga o‘zini pulini ishlatyapti. Qatliom qilinayotgan g‘azoliklar pulini emas. Bizni TVlar esa xalqimiz, ya'ni sizning pulingizga oilangiz, qo‘shningiz, yaqiningizni "o‘ldiryapti". Soliqlar, jarimalar va bojlar orqali yig‘ilgan puldan.

@sanjar_xoja

Farg‘onadagi portlash aybdori...

Kimdir "uy va bolalar bog‘chasini oldida "zapravka"ga ruxsat berganlar aybdor" deyapti.

Kimdir "oldin "zapravka" qurildi, keyin uy qurildi. Uy qurdirganlar aybdor" deyapti.

Kimdir haddidan oshib, ""zapravka"ni oldidan uy sotib olganlarni o‘zi aybdor" deyapti.

Bu voqeada aybni bir kishiga to‘nkab, asl haqiqatdan qochmaslik kerak. Xo‘sh, Farg‘onadagi portlashda kim aybdor?

* "Qonun ustuvorligini ta'minlayman" deb, 8 yillik va'dasini bajarmayotgan Prezident aybdor.

* O‘zini uyini mukammal qurib, shaharsozlikka tupurib qo‘ygan amaldorlar aybdor.

* Portlashdan keyin ham haligacha miq etmayotgan qo‘g‘irchoq deputat va senatorlar aybdor.

* Amaldorlarni nazorat qiluvchi, davlatni va xalqni himoya qiluvchi IIV, DXX va Prokurorlar aybdor.

* O‘z vazifasini bajarmayotgan jurnalistlar aybdor.

* Saylovda qatnashishga targ‘ib qilib, hisob so‘rashda shukurga chaqiradigan taniqli kim bo‘lsa, hammasi aybdor.

* Hukumatni qing‘irliklarini bilib, unga qarshi mustaqil mediyani yo‘lga qo‘ymagan, rivojiga hissa qo‘shmagan puldorlar aybdor.

* Mansabni, boylikni va pulni muqaddasdek singdirgandan ota-onalar aybdor.

* Yetimlar zo‘rlansa ham, bolalar zaharlansa ham, uch kunda unutib, "meni chaqmagan ilon ming yil yashasa ham mayli" deydigan biz aybdor.

Har bir jinoyat jamiyatga, odamlarga, ya'ni sizga berilgan bir savoldir. Nega bunday bo‘ldi?

@sanjar_xoja

Bo‘lgan voqea. Amerikaga borgan tanishim aytadi:

"O‘zbekistonliklar uyida mehmon bo‘ldim. Mehmonga qo‘shnilar ham keldi. Hammasi o‘zbekistonlik. Hammasi ko‘p yildan beri Amerikada yashaydi. Hammasi Amerika vatandoshligini olgan. Uzoq yildan beri O‘zbekistonga bormaydi.

Kulishib, chaqchaqlashib, xonani to‘ldirib gaplashdik. Suhbat qizib, mavzu O‘zbekiston siyosatga burilganda "...qizi bunday qildi, kuyovi unday qildi" deb negadir hammasi pichirlay boshladi.

Kim eshitmasin deb pichirlashganiga hayronman. Hammasi uzoq yildan beri O‘zbekistonga bormagan. Hammasi Amerika vatandoshi ".

Sababini aniqlashni o‘zi aslida ilmiy tadqiqot mavzusi!

@sanjar_xoja

"Ozodlik"ning "sxema"sida aytilgan gaplar to‘g‘ri. Bir joyiga qo‘shimcha qilaman.

Blogerlarga nisbatan bosimni orqasida Otabek Umarov va jamoasidek urg‘u berilgan. 90-yillarda ham ayni "sxema" ishlagan. U vaqtda Otabek Umarov shortik kiyib, to‘p tepib yurardi. Katta kuyovni otasi esa u davrda ayni "sxema"da faol edi. Partiya ochmoqchi bo‘lgan Olloqulovga qarshi ayollarni shallaqilik qilishi ham 90-yillardan qolgan "moda".

Katta kuyovni otasidan keyin ham bu "sxema" ishlayveradi. Chunki bu "sxema"larni SSSRning chekistlari yuz yil oldin chizgan. Bugun ko‘kka ko‘tarilayotgan jadidlar o‘z davrida shu "sxema" bilan yo‘q qilingan.

Shuning uchun doim aytaman, jadidlar bugun yashaganida yana bosimga uchrardi. Hozir ular o‘lgan, endi xavfsiz. Bemalol amaldorlar ular nomini suiste'mol qilib, noniga saryog‘dek suryapti.

Ayni "sxema" aslida Janubiy Koreyada ham bo‘lgan. Amerikani qo‘g‘irchoq amaldorlari o‘z xalqini ezardi. Toki xalq o‘z irodasini ko‘rsatgunicha. Xalq qahramon kutmadi. Har kim o‘z hayotining qahramoni bo‘ldi. Har bir inson irodasini ko‘rsatdi. Keyin Janubiy Koreya rivojlandi. Siz "Qish sonatasi" va "Jumong"larni ko‘rgansiz. Bu ham aynan ular irodasini ko‘rsatishi natijasidir.

Nima aloqasi bor deysizmi? Xalq o‘z irodasi orqali hukumatga davlatning egasi kim ekanini bildirib qo‘ysa
-So‘z erkinligi
-Ijod erkinligi
-Din erkinligi
-Ilm erkinligi va boshqa masalalar bo‘ladi.

Bir davlat yo xalqni foydasiga ishlaydi. Yoki biror katta davlat manfaatiga ishlaydi. Bu kim ko‘proq irodasini ko‘rsatishiga bog‘liq.

"Haq sug‘urib olinadi. Hadya qilib hech kim bermaydi". Behbudiy.

@sanjar_xoja

Qiziq-da, shu savolni o‘ylab o‘yimga yetolmadim:

"Yo‘lchiroq yashil yonar-yonmas signal chaladigan haydovchilar bor. Piyodalar yo‘ldan o‘tgunicha sabri yetmaydigan haydovchilar bor. Ular metanga navbatda 5-6 soat qanday turibdi?"

@sanjar_xoja

Yillar davomida puli bor, g‘ami bor va dindor tanishlarga aytdim: "Hozirgi holat shunchaki o‘yin. Mansabini mustahkamlagach, yana eski davr qaytadi. Hozir pul tikib, jamoatchilik faoliyatini jonlantirish kerak. 30-50ta bloger bo‘lsa, ertaga bosim qilolmaydi. Hozir zo‘r fursat..."

Doim e'tiroz eshitardim:
- Yo‘q, mana niqobda ayollar bemalol yuribdi.
- Masjidlar qurilishi bemalol bo‘ldi.
- Fir'avn yonidagi iymonli amaldor kabi u ham iymonini yashirib keldi. Mana endi zo‘r bo‘ladi.
- Bomdod namozini o‘qirkan.
- Qizlari qori ekan...

Yuz yil oldin davlat tashkil qilindi. Poydevoriga dinga qarshi mexanizm qo‘yildi. Bu mexanizm shaxslar bilan bog‘liqmas. Mirziyoyevning o‘rnida boshqa odam Prezident bo‘lganida ham shu takrorlanardi.

Chunki xavfsizlik tizimida va ba'zi strategik tashkilotlarda Rossiyaning odamlari ishlaydi. O‘zimizni millatdosh, lekin kindigi Rossiyaga bog‘langan. Ularni Shavkat Mirziyoyev ham bo‘shatolmaydi. Chunki Putinning himoyasida.

Shularni ko‘p davralarda tushuntirdim. Afsuski o‘sha vaqtda, "Bir qahramon keldi, bizni qutqardi. Endi jiddiy masalalar bilan shug‘ullansak bo‘ladi" deb ovqat, ko‘pxotinlik va shu kabi mavzular bilan o‘ralashib qolindi.

@sanjar_xoja