Samarqand viloyati hokimligi ''Yagona buyurtmachi xizmati" davlat unitar korxonasi

Zamonaviy bino bolajonlarga bayram sovg‘asi bo‘ldi

Toyloq tumanida maktabgacha ta’lim tashkiloti tizimini rivojlantirish, bolalarni maktabgacha ta’lim tashkilotlariga yanada keng jalb etish masalasiga alohida e’tibor qaratilmoqda. Jarayonda barkamol avlodni tarbiyalash uchun, eng avvalo, qulay sharoitlar yaratilmoqda.
Xususan, bugun Toyloq tumani Adas mahallasida joylashgan 31-Davlat maktabgacha ta’lim tashkiloti uchun 60 o‘rinli bino, oshxona va yozgi ayvoncha qurib foydalanishga topshirildi.
“Tashabbusli byudjet” loyihasi asosida 1 mlrd. so‘m mablag‘ sarflangan mazkur binoda bolajonlar uchun barcha qulay shart-sharoitlar yaratilgan.
Ochilish marosimida tuman hokimi Bahodir Bobonazarov Davlatimiz rahbari tashabbusi bilan inson qadri ulug‘langan holda mamlakatimizni har tomonlama rivojlantirishning ustuvor yo‘nalishlari belgilangan "Harakatlar strategiyasi"da va uning uzviy davomi bo‘lgan "Taraqqiyot strategiyasi"da ham ta’lim-tarbiya masalasi asosiy o‘ringa qo‘yilganligini ta’kidladi.

Maktab uchun oshxona va faollar zali qurildi

Tashabbusli byudjet loyihasi asosida Toyloq tumandagi 31-umumta’lim maktabida 36 o‘rinli oshxona, 156 o‘rinli faollar zali qurib foydalanishga topshirildi. 1 mlrd 178 mln so‘m mablag‘ evaziga qurilgan binolar zamonaviyligi va shinamligi bilan qishloq ahlining havasini keltirdi. Ular yana o‘quvchi bo‘lib qolgisi, bugungi zamonaviy, barcha shart-sharoitlarga ega maktablarda o‘qigisi keldi.
Binoning ochilish marosimida tuman hokimi B. Bobonazarov hamda faollar, mahalla aholisi ishtirok etishdi va binoda yaratilgan sharoitlar bilan tanishishdi.
Nuroniylar kelajak avlod ta’lim-tarbiyasiga e’tibor qaratayotgan Prezidentimizga minnatdorchilik bildirishdi va rahbarlarga uzoq umr tilab, qo‘llarini duoga ochishdi.

Bizni ijtimoiy tarmoqlarda kuzating:👇
Telegram / Facebook / Instagram / Web Sayt