Самарқанд вилояти судлари | Расмий канал

МАРКАЗИЙ БАНКДА ДАВРА СУҲБАТИ

Ўзбекистон Республикаси Марказий банки Самарқанд вилояти бош бошқармасида “Судларга мурожаат қилиш тартиби ва Қонунчиликка киритилган ўзгартириш ва қўшимчалар” мавзусида давра суҳбати ўтказилди. Тадбирда Самарқанд вилоят суди судьялари ва банк ходимлари иштирок этди.

Самарқанд вилоят суди судьяси Ғ.Воҳидов тадбирнинг аҳамияти, мазмун-моҳияти ва кутилаётган самараси ҳақида сўз юритди. Таъкидландики, ислоҳотлар даврида жойларда тадбиркорлар ва фуқаролар билан мунтазам мулоқотлар ташкил қилиш, суд-ҳуқуқ идоралари фаолияти билан боғлиқ муаммолар, қолаверса, судларга мурожаат қилиш тартиби ва Қонунчиликка киритилган ўзгартириш ва қўшимчалар ҳақида фикрлашиш жуда муҳим. Зеро, бу фикр алмашишлар ислоҳотларнинг самарасини баҳолаш баробарида соҳа ривожи учун зарур кейинги қадамларни белгилаб олиш имконини беради.

Самарқанд вилоят суди И.Ҳамроқулов ҳуқуқий-демократик давлат ва фуқаролик жамияти қуришда судларга мурожаат қилиш тартибини билиш муҳимлигини изоҳлаб, иқтисодий судлар томонидан ишларни судда кўриш тартиби ва банклар томонидан судларга мурожаат қилишда эътибор берилиши лозим бўлган жиҳатлар юзасидан тушунтириш берди.

Шунингдек, Самарқанд вилоят суди судьялари В.Асқаров, Н.Рахманова ва фуқаролик ишлари бўйича Самарқанд шаҳар судининг раиси Ш.Тавбаев конституциявий ислоҳотлар ҳақида фикр юритиб, қонунчиликка киритилган ўзгартириш ва қўшимчаларнинг ҳар бирининг аҳамияти ва кутилаётган самараси хусусида мулоҳазаларини баён қилдилар.

Давра суҳбатида банк ходимлари ҳам фаол иштирок этиб, фикр-мулоҳазалар билдиришди, кўплаб саволлар беришди. Барча саволлар юзасидан судьялар томонидан батафсил тушунтиришлар берилди.

Каналга уланиш: 👉 https://t.me/Samarqandvilsudi

СУД ҚАРОРЛАРИНИНГ ИЖРОСИ АЛОҲИДА ЭъТИБОРДА

Жиноят ишлари бўйича Самарқанд шаҳар суди ва Мажбурий ижро бюроси Самарқанд шаҳар бўлимининг қўшма Қарори билан ҳар ҳафтанинг жума куни соат 10:00га қадар давлат фойдасига ундирилиши белгиланган ижро ҳужжатларининг ижро ҳолати юзасидан йиғилиш ўтказиладиган бўлди.

Ижро ҳужжатлари юзасидан тезкор маълумотлар тайёрлаш, узоқ муддат давомида ижроси таъминланмаётган ижро ҳужжатларини ўрганиш ҳамда ижросини таъминлаш чораларини кўриш ҳақидаги қисмини ижро қилиш асосий масалалар сифатида муҳокама қилинади.

Жиноят ишлари бўйича Самарқанд шаҳар судининг раиси Ориф Пардаев, судьялари Зарифа Ахмедова, Жонибек Раупов, Акмал Алимов, Ўткир Ҳайдаров, Мажбурий ижро бюроси Самарқанд шаҳар бўлимида навбатдаги қўшма йиғилиш ўтказиб, ҳафта давомида ижро ҳолати юзасидан ҳамда узоқ муддатдан буён ижроси таъминланмаётган ижро варақалар юзасидан тегишли чора-тадбирлар белгилаб олишди.

Йиғилиш якунида таъсирчанликни ошириш мақсадида жиноий жарималарни тўлашдан бўйин товлаб келаётган бир гуруҳ судланувчиларга нисбатан ЖКнинг 44-моддаси тартибида ишлар кўриб чиқилди. Шунингдек, МЖтКнинг 474-моддасига асосан вояга етмаган ёки меҳнатга лаёқатсиз шахсларни моддий таъминлашдан бўйин товлаган ҳуқуқбузарларга нисбатан маъмурий ҳуқуқбузарлик тўғрисидаги ишлар ҳам кўриб чиқилди.

Йиғилиш якунида келгусида ҳам суд қарорларини ижросини таъминлаш бўйича ишларни жонлантириш лозимлиги таъкидланди.
СУД ҚАРОРЛАРИНИНГ ИЖРОСИ АЛОҲИДА ЭъТИБОРДА.

Жиноят ишлари бўйича Самарқанд шаҳар суди ва Мажбурий ижро бюроси Самарқанд шаҳар бўлимининг қўшма Қарори билан ҳар ҳафтанинг жума куни соат 10:00га қадар давлат фойдасига ундирилиши белгиланган ижро ҳужжатларининг ижро ҳолати юзасидан йиғилиш ўтказиладиган бўлди.

Ижро ҳужжатлари юзасидан тезкор маълумотлар тайёрлаш, узоқ муддат давомида ижроси таъминланмаётган ижро ҳужжатларини ўрганиш ҳамда ижросини таъминлаш чораларини кўриш ҳақидаги қисмини ижро қилиш асосий масалалар сифатида муҳокама қилинади.

Жиноят ишлари бўйича Самарқанд шаҳар судининг раиси Ориф Пардаев, судьялари Зарифа Ахмедова, Жонибек Раупов, Акмал Алимов, Ўткир Ҳайдаров, Мажбурий ижро бюроси Самарқанд шаҳар бўлимида навбатдаги қўшма йиғилиш ўтказиб, ҳафта давомида ижро ҳолати юзасидан ҳамда узоқ муддатдан буён ижроси таъминланмаётган ижро варақалар юзасидан тегишли чора-тадбирлар белгилаб олишди.

Йиғилиш якунида таъсирчанликни ошириш мақсадида жиноий жарималарни тўлашдан бўйин товлаб келаётган бир гуруҳ судланувчиларга нисбатан ЖКнинг 44-моддаси тартибида ишлар кўриб чиқилди. Шунингдек, МЖтКнинг 474-моддасига асосан вояга етмаган ёки меҳнатга лаёқатсиз шахсларни моддий таъминлашдан бўйин товлаган ҳуқуқбузарларга нисбатан маъмурий ҳуқуқбузарлик тўғрисидаги ишлар ҳам кўриб чиқилди.

Йиғилиш якунида келгусида ҳам суд қарорларини ижросини таъминлаш бўйича ишларни жонлантириш лозимлиги таъкидланди.

Каналга уланиш: 👉 https://t.me/Samarqandvilsudi

ЖОМБОЙДА САЙЁР ҚАБУЛ

2024 йил июль-декабрь ойларида фуқароларнинг муаммоларини уларнинг ҳузурига борган ҳолда тинглаш, жойида ҳал қилиш орқали аҳолининг давлатдан рози бўлишига эришиш мақсадида вилоят ҳуқуқни муҳофаза қилувчи органлари раҳбарларининг сайёр қабуллари жадвали тасдиқланган. Мазкур сайёр қабуллар туманларнинг чекка қишлоқларида ўтказилади.

Навбатдаги сайёр қабуллар Жомбой туманининг чекка ҳудуди бўлмиш Кўкгумбаз маҳалласида ташкил этилди. Вилоят суди, вилоят прокуратураси, Мажбурий ижро бюроси, вилоят Адлия, ички ишлар ва вилоят солиқ бошқармалари, вилоят Халқ қабулхонаси раҳбарлари мурожаатчиларни қабул қилиб, уларнинг муаммоларини ҳал қилиш чораларини кўрдилар.

Вилоят суди раиси ўринбосарлари Т. Бойзоқов ва Х.Турсунов суд органларидан нажот истаб келган фуқароларни қабул қилдилар. Қабулда жиноят, фуқаролик, иқтисодий ва маъмурий масалалар юзасидан мурожаатлар кўриб чиқилди.

Шунингдек, жиноят ишлари бўйича Жомбой туман суди раиси А.Абдураззоқов, фуқаролик ишлари бўйича Жомбой туманалараро суди судьяси У. Ҳабибов ҳамда Жомбой туманлараро иқтисодий суди раиси Н.Турсунова ҳам тадбирда иштирок этиб, суд-ҳуқуқ масалалари юзасидан мурожаатларни тингладилар. Барча мурожаатларга алоҳида эътибор қаратилди.

Сайёр қабулда суд органларига 17 та мурожаатлар бўлди. Шундан қонунга мувофиқ келадиганлари ижобий ҳал қилинди ва қолганларига ҳуқуқий тушунтириш берилди ҳамда тегишли тартибда аризалар олинди. Сабаби, суд-ҳуқуқ масалаларидаги мурожаатлар ҳал этилиши аксарият ҳолларда вақт ва жараён талаб қилади.

Каналга уланиш: 👉 https://t.me/Samarqandvilsudi