Samarqand_LIVE – Юзинг қийшиқ бўлса ойнадан ўпкалама!

УЧ СИНОВ

Одам боласи ҳар куни уч синовга йўлиқади ва ҳар доим ҳам улардан ибрат олавермайди!

Биринчи синов:

Ҳар куни умри қисқариб боради. Мол-давлати озайса, ғам қилади, умри камаяётгани билан эса иши йўқ. Холбуки, мол-давлатнинг ўрнини тўлдирса бўлади. Умрнинг эса ўрнини тўлдириб бўлмайди.

Иккинчи синов:

Ҳар куни Аллоҳ берган ризқдан ейди. Ҳалолига жавоб беради, ҳаромига эса жазоланади. У эса ҳисоб-китоб оқибати нима бўлишини билмайди.

Учинчи синов:

Ҳар куни охиратга бир қадам яқинлашиб, дунёдан эса бир қадам узоқлашиб боради. Шундай бўлсада, фоний дунёсига берган эътиборини боқий охиратига қаратмайди. Холбуки, у борар жойи олий жаннатми ёки тубан дўзаҳми, ҳали билмайди...

✅ @Samarqand_live

❗️1-босқич талабалар учун 24–27 сентябрь кунлари ижара тўловининг бир қисмини қоплаб берилиши юзасидан онлайн ариза юбориш имконияти яратилди.

Аризалар kontrakt.edu.uz платформаси орқали фақат онлайн қабул қилинади.

✅ @Samarqand_live

​❗️Таълим кредити фақат кундузги таълим шаклида ўқийдиганлар учун ажратилади — Ҳукумат қарори

📑 Вазирлар Маҳкамасининг 16 сентябрдаги 579-сонли қарори билан таълим кредити ажратишга ўзгартириш ва қўшимчалар киритилди. Эндиликда:

🔷 Олий ва профессионал таълим ташкилотларида таҳсил олиш учун таълим кредитини фақат кундузги таълим шаклида ўқиётган талаба ва ўқувчиларга ажратиш тизимини йўлга қўйиш;

🔷 Олий таълим ташкилотларида таҳсил олаётган иккинчи ва ундан юқори босқич талабалари учун фанларни ўзлаштиришнинг ўртача кўрсатгичи “3” дан паст бўлган тақдирда, тўлов-контракт суммасининг кўпи билан 80 фоизи миқдорида таълим кредити ажратиш амалиёти жорий қилинади.

🔷 Шунингдек, олий таълим ташкилотлари талабалари учун таълим кредити улар тўғрисидаги маълумот Олий таълим, фан ва инновациялар вазирлигининг kontrakt.edu.uz ва

🔷 HEMIS ахборот тизимида; ўрта-махсус ва профессионал таълим ташкилотлари ўқувчилари учун эса улар тўғрисидаги маълумот prof.edu.uz ахборот тизимида мавжуд бўлган тақдирда ажратилади.

✅ @Samarqand_live

Расмий муносабат

Ижтимоий тармоқларда Санэпидқўмита Қўшработ тумани бўлими томонидан тумандаги санитария ҳолатига эътибор қаратмаслиги тўғрисида видео тарқалди.

Мазкур видеода Қўшработ туманидаги 5-давлат мактабгача таълим ташкилоти ҳудуди атрофидаги чиқиндиларнинг тўлиб ётганлиги, шунингдек, ҳафтанинг ҳар жума куни ушбу йўлда чакки бозор бўлиши айтиб ўтилган.

Ўзбекистон Республикаси Президентининг “2017-2021 йилларда маиший чиқиндилар билан боғлиқ ишларни амалга ошириш тизимини тубдан такомиллаштириш ва ривожлантириш чора-тадбирлари тўғрисида”ги ПҚ-2916-сон қарорига биноан чиқиндилар билан боғлиқ бўлган масалалар Ўзбекистон Республикаси Экология ва атроф муҳитни муҳофаза қилиш Давлат қўмитаси зиммасига юклатилган.

Шу сабабли Ободонлаштириш бошқармалари базасида “Тоза ҳудуд” унитар корхоналари ташкил қилиниб, республика аҳоли пунктларини қаттиқ маиший чиқиндилардан тозалаш тизимини бошқариш ва ташкиллаштириш уларнинг асосий вазифалари қилиб белгиланган.

Шунингдек, Ўзбекистон Республикаси Президентининг 2019 йил 17 апрелдаги “2019-2028 йиллар даврида Ўзбекистон Республикасида қаттиқ маиший чиқиндилар билан боғлиқ ишларни амалга ошириш стратегиясини тасдиқлаш тўғрисида”ги 4291-сон қарорига асосан аҳолидан қаттиқ маиший чиқиндиларни тўплаш ва олиб чиқиб кетиш бўйича хизматлар билан тўлиқ қамраб олинишини таъминлашга йўналтирилган санитария жиҳатидан тозалаш инфратузилмасини ривожлантириш Экология, атроф-муҳитни муҳофаза қилиш вазирлиги томонидан амалга оширилиши белгилаб қўйилган.

Ўзбекистон Республикаси Президентининг 2022 йил 11 августдаги “Санитар тозалаш ишларини ташкил этиш ва аҳоли пунктларида тозаликни таъминлаш бўйича қўшимча чора-тадбирлар тўғрисида”ги ПҚ-349-сон қарорига асосан Санитар тозалаш хизматларини ташкил этиш марказлари негизида Санитар тозалаш ишларини ташкил этиш республика маркази ҳамда унинг Қорақалпоғистон Республикаси, вилоятлар ва Тошкент шаҳар бўйича ҳудудий филиаллари ташкил этилган.

Қолаверса, Ўзбекистон Республикаси Президентининг 2023 йил 31 майдаги “Экология, атроф-муҳитни муҳофаза қилиш ва иқлим ўзгариши вазирлиги фаолиятини самарали ташкил этиш чора-тадбирлари тўғрисида”ги ПҚ-171-сон қарорга асосан чиқиндилар билан боғлиқ ишларни амалга ошириш вазирлик фаолиятининг устувор йўналиши ҳисобланади.

Юқоридаги қарорларни ҳисобга олган Санэпидқўмита Самарқанд вилоят бошқармаси чиқиндилар билан боғлиқ масала Экология, атроф-муҳитни муҳофаза қилиш ва иқлим ўзгариши вазирлиги тизимидаги вазифа эканлигини маълум қилади.

Санэпидқўмита аҳолига тозалик ва озодаликка риоя қилиш бу – ҳар қандай касалликлар профилактикаси ва саломатлик гарови эканлигини эслатиб ўтади.

Санэпидқўмита Самарқанд вилоят бошқармаси Ахборот хизмати

✅ @Samarqand_live

⚡️Азиз Воитов давлат бюджетига 150 млрд зарар етказганликда айбланмоқда

Собиқ қишлоқ хўжалиги вазири Азиз Воитов жиноятининг бир қисми  “Ўзсаноатқурилишбанк” АТБ бошқаруви раиси сифатида ишлаган даври билан боғлиқлиги маълум бўлди. Айблов хулосасида Воитов талон-тарож қилган кредит маблағлари, бюджет пуллари орқали давлатга 200 млрд сўмдан ортиқ зарар етказган. Талон-торож ишлари айбланувчининг қайнотаси, курсдоши ва бошқа яқинлари билан ҳамкорликда амалга оширилган.

Қўйилган айбловда келтирилишича, Воитов 2016 йил 23 июнда курсдоши А. Ўрунбоевнинг номига "Lanell group" МЧЖни ташкил этиб,  уни жамиятга номинал раҳбар сифатида тайинлаган. Аслида эса, бу жамият фаолияти Воитовнинг қайнотаси А. Каримов ва турмуш ўртоғи Г. Воитова томонидан норасмий равишда биргаликда бошқарилган. Бу ҳаракатлар орқали У ТИФ "Миллий банк" Академик филиалидан жами 21,7 млрд сўм кредитни муаммосиз олишга муваффақ бўлган. Бироқ, кредит олиш учун бизнес режада калава ипларни бўяш ва ишлаб чиқариш фаолияти билан шуғулланиш орқали кредитни сўндириш кўрсатилган бўлса-да, кредит маблағларини қасддан тўламай келган.

Шунингдек, "Lanell group" МЧЖга айланма маблағини тўлдириш учун гаров таъминоти "Ўзсаноатқурилишбанк" АТБ Олмазор филиалидан 600 минг евро кредит олган. 2019-2022 йиллар оралиғида тўланиши керак бўлган кредит ноқонуний йўллар билан 2027 йил сентябр ойига қадар 7 маротаба ноқонуний йўллар билан узайтирилган.

Собиқ Қишлоқ хўжалиги вазири ва унинг танишлари 2018-2019 йилларда "Белтепа мастер строй" МЧЖга жами 48,5 млрд сўмлик кредит ажратиб, 7 қаватли тураржой биносини қурган. Хусусан, битказилган бинони қиммат нархларда банк балансига топишириш тўғрисида банк билан келишиб олишган. Ҳамкорликда қилинган талон-тарож ишлари ноқонуний маблағларни ўзлаштириш ва растрата қилиш йўли билан айбланиб, банкга 32 млрд 394,7 млн сўм зарар етказгани маълум бўлди.

Қайд этилишича, тергов жараёнида собиқ вазир юқорида кўрсатилган айбловларга  қисман иқрор эканини билдирган.

✅ @Samarqand_live