Кот научит как «ловить рыбу»

Видение, конкретика, неожиданные подходы.

Продам канал с доходом 138090

Всего за 55 000. Срочно нужны деньги.

Продам твой канал за сутки.

Любой по федеральной программе.

Статистика Избранное

САЙЁРА САМАНДАР

Гео и язык канала: Узбекистан, Узбекский

Категория: Цитаты

Мен Сўзнинг сеҳридан, оҳ, ҳуш-беҳушман, Оловларда ёнмас Самандарқушман!

Ўзбекистон ёзувчилар уюшмаси аъзоси
Филология фанлари номзоди, доцент
"Шуҳрат" медали соҳибаси
Турон Фанлар академиясининг академиги

Связанные каналы | Похожие каналы

Гео и язык канала

Узбекистан, Узбекский

Категория

Цитаты

Статистика

Избранное

Фильтр публикаций

Скрывать удаленные

Скрывать репосты

САЙЁРА САМАНДАР

15 Jan, 09:44

#янги таржима

Оҳим қумнинг бағрин ўйди,
Шамол елиб жондан тўйди,
Қушлар қанот қоқмай қўйди,
Дашт-у саҳроларга айтсам.

Беролмади торлар бардош,
Бўлолмади дилга сирдош,
Узилдилар тўкиб кўзёш,
Куй-у наволарга айтсам.

Гуллар ҳоли вайрон бўлди,
Баҳор чоғи гирён бўлди,
Хазон бўлди, хазон бўлди,
Еру самоларга айтсам.

Мендан ортиқ йиғладилар,
Йиғлаб бағрин тиғладилар,
Бир дард билан сийладилар,
Шоҳу гадоларга айтсам.

Сўзлар чиқди йўлларимга,
Ўнгларимга, сўлларимга,
Қалам келди қўлларимга,
Арши аълоларга айтсам!

✍🏼Сайёра Самандар

Аҳым тийген жерин ойды,
Самал есип жаннан тойды,
Қуслар қанат қақпай қойды,
Даштыў-саҳраларға айтсам.

Түйинисип тарлар да тас,
Болалмады муңлас-сырлас,
Үзилдилер төгип көз жас,
Сазыў-намаларға айтсам.

Гүллер қәлби ўайран болды,
Бәҳәр шағы гирьян болды,
Сөз табалмай ҳайран болды,
Жериў-аспанларға айтсам.

Меннен бетер көз жас текти,
Кеўлин жүйли-жүйсиз сөтти,
Бир-бир дәртлер инам етти,
Шаҳыў-гәдаларға айтсам.

Сөзлер шықты жолларыма,
Оңларымыў-салларыма,
Қәлем келди қолларыма,
Арши-аълаларға айтсам!

Қорақалпоқ тилига Қорақалпоғистон Халқ шоири Халила Давлетназаров таржимаси.

@Samandarqush

106 0 0 13

САЙЁРА САМАНДАР

14 Jan, 16:59

#14 Январь

Бугун жамоамиз профессор-ўқитувчилари ҳамда ишчи-ходимларини байрам билан табрикладик.

Бу байрамнинг шукуҳи ўзгача!

@Samandarqush

171 0 0 18

САЙЁРА САМАНДАР

13 Jan, 23:16

Қадрли Ватан ҳимоячилари!
Юрт посбонлари!
Миллат қўрғонлари!
Осойишталик фидойилари!
Ҳаётини, азиз жонини, ширин уйқусини, ҳаловатини эл тинчлиги йўлига бахш этган мард ва жасур ўғлонлар!
Бизга ҳамиша елка тутгувчи, суянч бўлгувчи тоғлар!
Алп йигитлар!

Айёмингиз муборак бўлсин!

Ватан ҳимояси олий саодатдир!
Шу саодат Сизга қутлуғ бўлсин!

Назаримда, эркак зоти дунёга асли ҳимоячи бўлиб келади. У ўз зиммасидаги шу юк билан кўз очади. Унинг табиати шунга монанд ўлароқ оила ва жамият устуни бўлиб камолга етади!

Ҳаётнинг энг улуғ, энг буюк хизматига сафарбар бўлиб саф тортган азаматлар!

Бизнинг қўлимиздан келадигани, кафтларимизни очиб, Сизни дуо қилишдир:

Қишнинг қаҳратонини, ёзнинг саратонини, довуллар-у гармселларни, қорлар-у селларни писанд этмас жонингиз омон бўлсин!

Бугунги дориломон кунлар учун, осуда тунлар учун Сизларга раҳмат!

Тинчлигимизни, оромимизни асраётганларни Аллоҳ ўз паноҳида асрасин!

Давлатимизнинг ҳур байроғи мангу ҳилпираб турсин!

Сайёра Самандар.

@Samandarqush

867 0 16 9 22

САЙЁРА САМАНДАР

13 Jan, 16:31

Бу гўзалликнинг номи на бўлғай))

198 0 0 2 16

САЙЁРА САМАНДАР

13 Jan, 12:58

#14 Январь

Бугун Урганч инновацион университетида Ватан ҳимоячилари кунига бағишланган тадбир ўтказилди.
Ватан олий неъматдир! Унинг ҳар қарич ери муқаддасдир!
Тинчлигимиз абадий бўлсин!

Сайёра Самандар

@Samandarqush

242 0 1 13

САЙЁРА САМАНДАР

11 Jan, 19:55

Репост из: Ражаббой Бабажанов

Ассалому алейкум Сайёра Эркиновна, иккинчи қасам номли Ватан ҳимоячилари кунига атаб ёзган шеърингиз менда чуқур таассурот қолдирди, қойил. Шу шеърингиз Солийжон томонидан жуда қойилмақом қилиб ўқилди. Ошиқларга салом айтинг шеърингизни ҳам жуда ифодали қилиб ўқиди ва мен уни дарҳол гуруҳимизга ташладим. Кўз тегмасин, ижодингиз баракали бўляпди, саломат бўлинг бахтимизга.

229 0 1 2 7

САЙЁРА САМАНДАР

11 Jan, 18:57

Эътибор учун миннатдорман, ташаккур, ҳурматли Солий оға!

222 0 0 4 5

САЙЁРА САМАНДАР

11 Jan, 18:55

Репост из: Xudoyberganov Soliy

480 0 12 7

САЙЁРА САМАНДАР

11 Jan, 18:55

Репост из: Xudoyberganov Soliy

242 0 4 6

САЙЁРА САМАНДАР

11 Jan, 17:37

#14 Январь-Ватан ҳимоячилари куни

ИККИНЧИ ҚАСАМ

(Ҳарбийнинг ўз аёлига айтганлари)

Мен ватанни асрайман дедим,
Йигит бўлиб ичдим онт, қасам.
Аммо қасам ичмабман сенга,
Дурустроқ бир ўйлаб қарасам.

Сен ҳам мендай бедорсан тунлар,
Қуш тинса-да билмайсан тиним.
Ўзингни ҳам ўйла дейишга
Айланмабди бир бора тилим.

Йўл қарайсан юрак ҳовучлаб,
Омон кириб келсин деб мени.
Аммо нечун кўзингга қараб,
"Ҳаётимсан" демабман сени.

Тиз чўкаман сенинг пойингда,
Ва энтикиб қасам ичаман.
Ватан учун агар жон чексам,
Сен учун ҳам ўздан кечаман!

Сенсан менинг жонимга қувват,
Ҳушёр тортди ногоҳ хаёлим.
Ичилмаган қасамлар ҳаққи,
Сен ўзингни асра, аёлим!

Қўлингдадир менинг бор мулким,-
Отам, онам, болам ва орим.
Мен ватанни асрагунча то
Сен уйимни асрагил, ёрим!

Сайёра Самандар, Ўзбекистон Ёзувчилар уюшмаси аъзоси, "Шуҳрат" медали соҳибаси

@Samandarqush

397 0 17 7 24

САЙЁРА САМАНДАР

9 Jan, 15:19

Репост из: САЙЁРА САМАНДАР

Кабутарлар, баланд-баланд қанот қоқиб,
Ўксик диллар аҳволига кўкдан боқиб,
Ишқ аҳлининг юрагига чироқ ёқиб,
Мендан жами ошиқларга салом айтинг!

Шитоб билан тўрт томонга қараб учинг,
То энг сўнгги ошиқ қадар яраб учинг,
Дилларини қанотингиз билан қучинг,
Мендан жами ошиқларга салом айтинг!

Учинг, улуғ дардлар билан қутлаб келинг,
Малҳам бўлиб, юракларин бутлаб келинг,
Само оша оғриқларин ёдлаб келинг,
Мендан жами ошиқларга салом айтинг!

Менинг ҳолим сўрсалар гар, ул яхши денг,
Ошиқларнинг беозори, энг нақши денг,
Ишқнинг қадим йўлларида бир бахши денг,
Мендан жами ошиқларга салом айтинг!

Яна айтинг, сизнинг ишқда камлик бор денг,
Сайёранинг ишқин кўринг, ул ёнар денг,
У Сўз айтса, қақраб ётган ер қонар денг,
Мендан жами ошиқларга салом айтинг!

Елинг, менинг саломимни қучиб елинг,
Ҳар ошиққа бир ноламни ташаб келинг,
Ошиқларнинг ёнида бир яшаб келинг!
Мендан жами ошиқларга салом айтинг!

Ошиқларнинг ёнида бир яшаб кўринг...

Кабутарлар,
ошиқларга
салом айтинг!

@Samandarqush

220 0 5 2 20

САЙЁРА САМАНДАР

9 Jan, 10:13

02:46

Видео недоступно для предпросмотра

Смотреть в Telegram

🕊🕊🕊🕊🕊🕊🕊🕊

Кабутарлар, ошиқларга салом айтинг!

✍🏼 САЙЁРА САМАНДАР
🎤 САЙЁРА САМАНДАР

@Samandarqush

374 0 8 4 19

САЙЁРА САМАНДАР

7 Jan, 23:06

Сайёра_Самандарова_устозимизга_табрик.m4a

🎁🅃🄰🄱🅁🄸🄺🄽🄾🄼🄰🎁

6.01.2025-yil

🎁 SAYYORA
SAMANDAROVA
USTOZIMIZGA TABRIK

🎁 IJODKORLAR NOMLARIDAN

🎁🎂🎁🎂🎁🎂

𝕋𝕦𝕘'𝕚𝕝𝕘𝕒𝕟 𝕜𝕦𝕟 𝕧𝕒 𝕓𝕒𝕪𝕣𝕒𝕞𝕝𝕒𝕣𝕕𝕒 x𝕚𝕫𝕞𝕒𝕥𝕚𝕟𝕘𝕚𝕫𝕕𝕒𝕞𝕚𝕫!

❦ ════ •⊰❂⊱• ════ ❦

🎙 𝘽𝙤𝙨𝙝𝙡𝙤𝙫𝙘𝙝𝙞 : Ozoda Ibodullayeva

998-93-288-70 -25

☎️𝙈𝙪𝙧𝙤𝙟𝙖𝙖𝙩 𝙪𝙘𝙝𝙪𝙣 𝙩𝙚𝙡:

📲 +998-97-458-63-61

Navbat olish uchun admin
⬇️⬇️
@G_Raximova_Abdirasulovna

338 0 1 6 12

САЙЁРА САМАНДАР

7 Jan, 08:35

SAYYORA SAMANDAR USTOZGA — 𝐷𝑖𝑙𝑛𝑢𝑟𝑎 𝐵𝑎𝑥𝑡

Tabrik_va_qutlovlar 𝐥𝐨𝐲𝐢𝐡𝐚𝐦𝐢𝐳𝐧𝐢𝐧𝐠 𝐧𝐚𝐯𝐛𝐚𝐭𝐝𝐚𝐠𝐢 𝐦𝐞𝐡𝐦𝐨𝐧𝐢 🎁

✨ 06. 01. 𝟐𝟎𝟐5
#𝐬𝐚𝐧𝐚𝐬𝐢𝐝a
# SAYYORA SAMANDAR USTOZGA
# Shogirdlari nomidan
🎙 𝘽𝙤𝙨𝙝𝙡𝙤𝙫𝙘𝙝𝙞 : 𝐷𝑖𝑙𝑛𝑢𝑟𝑎 𝐵𝑎𝑥𝑡

𝐒𝐢𝐳𝐝𝐚 𝐡𝐚𝐦 𝐛𝐢𝐳 𝐨𝐫𝐪𝐚𝐥𝐢 𝐬𝐡𝐢𝐫𝐢𝐧 𝐭𝐢𝐥𝐚𝐤𝐥𝐚𝐫 𝐲𝐞𝐭𝐤𝐚𝐳𝐢𝐬𝐡 𝐢𝐦𝐤𝐨𝐧𝐢 𝐛𝐨𝐫 😍

☎️𝙈𝙪𝙧𝙤𝙟𝙖𝙖𝙩 𝙪𝙘𝙝𝙪𝙣 𝙩𝙚𝙡:

📲 +998-97-458-63-61

Navbat olish uchun admin💻
⬇️⬇️
@G_Raximova_Abdirasulov

𝙆𝙖𝙣𝙖𝙡𝙞𝙢𝙞𝙯: @Tabrik_va_qutlovlar
🥰😍

296 0 3 4 12

САЙЁРА САМАНДАР

7 Jan, 00:47

Азизларим!

Таваллуд куним муносабати билан йўллаган табрикларингиздан, билдирган дил сўзларингиздан бошим кўкка етди.
Юртимизнинг турли ҳудудлари узра қанот боғлаб учган изҳорларингиздан қалбим Амудай тўлқинланди.
Отамнинг меҳр билан қилган парваришлари, дуолари мени Сизларга ошно этди, қадрдонларим! Шу азиз элимнинг қизига айланганим менинг бу дунёга келиб топган бахтимдир! Минг шукур!

Барчангизга катта раҳмат! Отамдан кейинги дуогўйларим энди Сизларсиз!
Таниқли устоз адиб Нурали Қобул фейсбук тармоғи орқали йўллаган табрикларида менга "ОТАҚАДРДОНИМ" дея лутф қилганларида Отамнинг мамнуният ва фахр ила боққан нигоҳлари кўз ўнгимда гавдаланди. Нақадар шарафли Сўздир бу!

Бугун мен Сизларнинг ҳароратли меҳр-муҳаббатингиздан қувват олдим.

Адабиётни, унинг вакилларини севиб, ардоқлаган Сиз азизларга таъзимдаман.
Борингизга шукурлар бўлсин!

Ҳар бирингизга чуқур эҳтиром ила,
Сизнинг Сайёра Самандар.

@Samandarqush

246 0 1 5 15

САЙЁРА САМАНДАР

7 Jan, 00:19

Репост из: Xudoyberganov Soliy

Ассалому алайкум! Хайрли кеч муҳтарам ижодкорлар!
Мен ҳам ҳозир барча табрикномаларни ўқиб қолдим!
🎄🎄🎄🎄🎄
Шу сабаб,анча кеч бўлганига қарамай, ушбу фурсатдан фойдаланиб Ҳурматли Сайёра Эркиновнани муборак таваллуд айёми билан табриклайман!
Сайёра Эркиновна!
Сизга мустаҳкам соғлик, оилавий бахт, сиҳат-саломатлик, ижодий баркамоллик тилайман!

Бугун ўзбек адабиёти ва журналистика соҳасида енг шимариб, кунни тунга улаб, жонкуярлик ва фидоийлик билан меҳнат қилаётган етук ижодкорлардан бири Сиз десам муболаға бўлмайди.
Мана шу машаққатли ва шарафли ишда сизга омад ёр бўлсин!
Ҳаммамизга аён-ки, Сиз кўзлаган марралар жуда баланд, мақсадингиз Улуғ!
Яъни, Сиз Буюк устозимиз Эркин Самандаров тутган байроқни янада баланд кўтаришдай хайрли мақсад йўлида қалам тебратмоқласиз!
Аммо, бир нарсани албатта таъкидлаш керак-ки Ўзбек адабиётида ўз овозингиз, ўз сўзингиз бор адибасиз.
Энг қувонарлиси шуки, Сизнинг ижодда Улуғ устоз рангги ва нафаси уфуриб туради. Бу биз мухлислари учун қадрли, қувонарлидир.

Шу сабаб Сизга ҳамиша омад ва ғайрат тилайман!
Сиздан, янги-янги дурдона асарлар кутиб қоламиз!
Омон бўлинг!

247 0 0 3

САЙЁРА САМАНДАР

6 Jan, 22:02

Репост из: Shoira Manzur

Ki shoirga mulki in'omdir ijod
Bas, ko'ngilga yo'qdur o'zga bir najod.

Kim butunni vayron qilgay so'z bila
Kimi yo'qdan borni etgusi bunyod...

Assalomu alaykum ustoz bugungi shukrona kuningiz muborak bo'lsin!Iloxim baxt omad,shodlik, sog'lik hamisha hamrohingiz bo'lsin.Ollohim sizni doimo o'tkir qalam va sehrli so'zlar ila siylasin.Ijod osmonida bir quyosh yanglig' nur sochib turing-ki,biz shogirdlar uchun bu nur bir ezgu maqsadlar yo'lida bizga mayoq vazifasini o'tasin.Ijodingizga,qalamingizga ko'z tegmasin.Uzooooq umr ko'ring ko'zlari mehrga ,samimiyatga limmo lim ustozim!!!💋

293 0 1 3 11

САЙЁРА САМАНДАР

6 Jan, 17:13

Репост из: Сапаева Вазира

Муҳтарам Сайера Эркиновна!

Сизнинг таваллуд кунингиз муносабати билан чин юракдан табриклайман! Сизнинг ижодингиздаги руҳият, ақл-заковат ва қалбингиздан оққан сўзлар бизга илҳом, маърифат ва маънавият бахш этиб келмоқда.

Шоирона қаламингиздан туғилган ҳар бир мисра ўзига хос оламдир. Унда ҳаётнинг чуқур фалсафаси, инсонпарварлик ғоялари ва нафис эҳтирослар мужассам.

Сизга мустаҳкам соғлиқ, янги илмий ва ижодий зафарлар, қаламингизга битмас-тўкилас куч ва илҳом тилайман. Ҳар кунингиз қувончга тўла, ҳар бир соатингиз баракали бўлсин!

Таваллуд кунингиз муборак, сермазмун ҳаёт ва ижодингиз абадий бўлсин!

267 0 2 7

САЙЁРА САМАНДАР

6 Jan, 17:12

Репост из: DILLAR BAZMI

Хассос ижодкор, фидойи олима Сайёра Самандарни туғилган куни билан чин юракдан қутлаймиз! Илоҳим, умрлари узоқ ва саодатли, ижодлари баракали бўлишини тилаймиз! Ҳамиша юксак рутбалар насиб қилсин!
Эҳтиром ила "Диллар базми админстрацияси"

219 0 2 5

САЙЁРА САМАНДАР

6 Jan, 15:36

Репост из: Marg‘uba Farxodovna

Assalomu alaykum, zamonamiz Nodirasi, muhtarama shoiramiz, Sayyora Erkinovna. Tavallud ayyomingiz muborak bo‘lsin. Sog‘lik-salomatlik, oila xotirjamligi hech qachon tark etmasin. Umringiz uzoq bo‘lsin. Inson qalbini titratadigan she‘rlaringiz hech tugamasin.😍😘

242 0 1 5

Показано 20 последних публикаций.

515

подписчиков

Статистика канала

Популярное в канале

Қадрли Ватан ҳимоячилари! Юрт посбонлари! Миллат қўрғонлари! Осойишталик фидойилари! Ҳаётини,...

ЯЛДО КЕЧАСИ Юрагимда бу тун гул очиларми, Ғамларим тариқдай ё сочиларми, Кўзларимдан ё раб, ду...

ШОИР ЎЗИ КИМДИР? Шоир ўзи кимдир? Ўйладим бир он, Лаҳзада баҳору, лаҳзада исён... Лаҳза бахти...

ЯНГИ ЙИЛ ШЕЪРИ Бола эдим. Жажжи қизалоқ, Қорбобога ёзар эдим хат. Ва кутардим хатнинг жавобин,...

Кеча Урганч Ranch технология университети талабалари томонидан "Матонатли Марям қиссаси" шеърим а...