Sakiyna

#Фойдали

Ҳаётда ҳар биримизнинг бошимиздан қийин синовлар, оғир кунлар ўтади. Лекин бахтли инсонларнинг сири – ҳар қандай вазиятда шукр қилишни билишдир. Шукр қилиш – бу фақат оғиз билан “раҳмат” дейиш эмас, балки бор нарсани қадрлаш ва қадрини билиб яшашдир. Шукр қилган одамнинг қалби тинч, руҳи эса бахтга яқин бўлади. Бугундан бошлаб сиз ҳам кичик нарсалардан бошлаб шукр қилишни одат қилинг – натижасини ҳис қиласиз!

@Sakiyna_official I 👈

#Таҳажжуд

Таҳажжуд намози – бу Аллоҳнинг махсус меҳри ва бандага ётган кеча қасдидаги инъоми. У кечки уйқудан туриб, Аллоҳ билан якка-ю ёлғиз мулоқот қилиш, дилингиздаги барча муаммоларни Унга айтиш имконини беради. Ҳадисларда келишича, Рoсулуллоҳ соллаллоҳу алайҳи васаллам таҳажжудни ҳеч қачон тарк қилмаганлар. Кечанинг охирида қилинадиган ушбу ибодат қалбни тинчлантиради ва ризқни кенгайтиради. Сиз ҳам бу одатни бошланг, Аллоҳ сизга барака ато қилади!

@Sakiyna_official I 👈

Насиҳатнома (қизимга) 2-қисм

Эй оқила қизим!
Ал-Ҳаким Аллоҳ бандаларидан бир яхши кўрган инсонини олиб қўяр экан, унинг ўрнига ўз ҳикмати ила қадрлисини ато этар экан. Шу сабаб, сен улғайиб, ўсган хонадонингни тарк этаркансан, Меҳрибон Аллоҳим, сенга қадрли умр йўлдош ва файзли хонадон насиб қилмоқда.

Эй азиза қизим!
Аллоҳдан сўраймизки, шу хонадонда ўз ўрнингни гўзал одобинг, нурли юзинг ва ажиб хулқинг билан топасан. Эй қизим! Роббим сенга оила неъматини ҳадя этаркан, оила гўёки бир нозик, тиниқ моҳир усталар қўли билан ясалган шиша идишга ўхшайди. Аллоҳнинг ҳадясини эъзозлашни, меҳр билан ардоқлаб авайлаб асрашни тавсия қиламан.
Албатта, оилани сақлаш ва уни мустаҳкам қилиш учун сокинлик, ором ва меҳр билан ёндашиш талаб қилинади.

Эй оқила қизим!
Агар бирор нарсага эҳтиёж сезсанг, аввало ўзингни покла ва барча мулк эгаси бўлган Ғоний Аллоҳга юзлан. Аллоҳ сени сўраганингдан ҳам афзали билан ризқлантиради. Чунки Аллоҳ Ғонийдир ва барча нарса Унинг мулкидир.

Эй обида қизим!
Хонадонингни Қуръон оятлари билан нурафшон қил. Тонгларингни нафл ибодатлар билан қарши ол. Хонадонингни ҳар доим озода тут ва тилингни Аллоҳни зикр қилишдан холи қилма.

Эй жаннатга ошиқ қизим!
Жаннат мукофотларини хоҳласанг, умр йўлдошингни эъзозла ва унинг розилигини ол. Юзига тик қарамаслигинг талаб этилади. Унинг хурсандчилиги сенинг хурсандчилигинг, мусибати эса сенинг мусибатингдир. Меҳнат билан топган молини исроф қилма. Ҳар бир ширин сўзинг ва гўзал муомаланг ўз вақтида бажарилган хизматинг, ажр-савобларига соҳиба бўласан.

Эй оқила қизим!
Илм излашда давомли бўл, ҳеч қачон толиқма. Албатта, илм нурдир. Бу нурни Қуръони Карим ва Пайғамбаримиз Муҳаммад соллаллоҳу алайҳи васалламнинг муборак ҳадисларидан топасан. Билмаган нарсаларингни зикр аҳли, яъни олимлардан сўра. Шунда келажак авлодни гўзал Ислом дини доирасида тарбиялаш имконини топасан.

Эй нурония қизим!
Жоҳилликдан ҳазар қил, зеро жоҳиллик қабиҳдир. Ҳеч қачон нодонлик ботқоғига ботма. Эй афифа қизим!
Субҳаналлоҳ! Аллоҳ покдир ва покликни севадиган Зотдир. Поклик, тозалик ва озодаликка интилиш сенинг шиоринг бўлсин. Аввало қалбингни покла, хулқингни гўзаллаштир ва хонадонингни доимо озода сақла.

Эй оқила қизим!
Ҳаётингда дунё матоларидан маҳрум бўлсанг, ҳеч қачон ғамгин бўлма. Билгинки, Аллоҳ унинг эвазига охиратда жаннат неъматларини насиб қилади. Мунофиқликдан сақлан, гапирганда ёлғон аралаштирма. Чунки ёлғон баракани кетказади. Ваъдаларингга вафо қил ва бировнинг ҳаққига хиёнат қилма. Хиёнат кечирилиши қийин бўлган амаллардан биридир, Аллоҳ асрасин. Аллоҳнинг азобидан қўрқ ва Унинг раҳматидан умидвор бўл. Шунда ҳақиқий мўминалар сафидан жой оласан.

Эй хонадонимиз азиз меҳмони нозанин қизим!
Ушбу қалбим тубидан келиб чиққан илҳомимни ўзинг каби келинлик либосини кийган, ота-онасидан панд-насиҳат олишни орзу қилган қизлар учун энг гўзал ва хайрли ҳадя сифатида қабул қил. Аллоҳ раҳли Зот ўз фазли ва карамидан сенга солиҳ ва солиҳа фарзандлар ато эцин. Иймон ва Ислом касрида мўмину-муслим шаҳзодалар ва солиҳа маликаларнинг улғайишини насиб қилсин. Амин!

Барокаллоҳу лана ва лакум ва жамаъа байнакума фий хайр! Амин, я Роббил ъаламийн!

@Sakiyna_official I 👈

Насиҳатнома (қизимга) 1-қисм

Бисмиллаҳир Роҳманир Роҳим.

Роббишроҳлий содри ва яссирлий амрий, ваҳлул ъуқдатам мил-лисааний яфқоҳуу қовли. (То ҳа сураси 25-28-оятлар)

Алҳамдулиллаҳи роббил-ъаламийн. Вас-солату вас-саламу ъала Росулиллаҳи соллаллоҳу алайҳи васаллама ва ъала аҳлиҳи ва асҳабиҳи ажмаъийн.

Амма баъд:

Меҳрибон ва раҳмли Аллоҳдан, ғафлат қулфи ила занг босган қалбимни, мен заиф нотавонни ушбу (ёзмоқчи бўлган мактуб) амримни осон ва енгиллаштириши учун илтижо қиламан. Қодир Эгам томонидан келадиган куч-қувват бўлмаганида эди, нутқ қилишга ожиз қоладиган тилимдаги тугунларнинг ечилишини сўраб, сўзимни инсонлар қалбига оро берсин, дея Роббимнинг ал-Холиқ исмини тавассул қиламан. Беҳисоб маҳлуқот ва мавжудотлар сонича Аллоҳимга ҳамдлар бўлсин!

Ва биз умматларга гўзал хулқи, суннати ва одоби ила раҳнамо бўлган Роббимнинг ҳабиби Муҳаммад соллаллоҳу алайҳи васалламга дуруду саловотлар бўлсин.

Амма баъд:

Хонадонимизнинг узилмас риштаси ва покиза сариштаси, Пайғамбаримиз соллаллоҳу алайҳи васалламга афифа нафсини ва гўзал умрини бағишлаган Ҳадича онамизга ҳамном бўлган гўзал қизим Бибиҳадича! Ислом динимиз кўрсатмасига ва Пайғамбаримиз суннатига мувофиқ, қадрли онажонинг билан бирга оила қурар эканмиз, оиламизнинг мустаҳкам бўлишига сенинг ҳиссанг, кичкина бўлсангда катта умид бағишлади.

Инсон дунёга келар экан, кўз очиб юмгунча улғайиб қоларкан. Шундай экан, гўзал қизим, худди биз ота-онанг сен учун Аллоҳнинг марҳамати ила оила неъмати, гўзал суннат – никоҳни қабул қилганимиз каби, Роббимизга ҳамдлар бўлсинки, умримиз давомида аввало Роббимнинг каломи Қуръони Каримнинг гўзал оятлари билан иймонимиз қуввати бўлган пок Ислом динимиз билан ва ҳар бир волидайн учун вожиб бўлган тарбия билан шуғулландик.

Эй менинг меҳрибон қизим!
Аллоҳ таоло мўмин бандаларига имтиҳон дунё ҳаётида хурсандчилик ва мусибат бериб синар экан. Банда хурсандчилик эвазига шукрона қилиб, мусибатга сабр-тоқат қилиб, савоб олиш учун.

@Sakiyna_official I 👈

Майдалашманг

Агар айтилаётган ҳар бир сўз ортидан майдалашаверсангиз, сиз ҳақингизда айтилаётган гапларни суриштираверсангиз, сизга ёмонлик қилган киши билан ҳисоблашаверсангиз, сизни мазах қилган кишига жавоб қайтараверсангиз ва сизга душманчилик қилган кишидан интиқом олишни кўзлайверсангиз, Аллоҳ таоло сизнинг соғлиғингиз, тинчингиз, уйқунгиз, динингиз, ақлингиз ва кўнглингиз хотиржамлиги учун сабр берсин!

Шайх Оиз Қарний ҳафизаҳуллоҳ

@Sakiyna_official I 👈

#Фойдали

Ҳар бир инсоннинг ҳаётида имкониятлар келади ва ўтади. Лекин муҳим савол – улардан қандай фойдаланамиз? Ҳаёт имкониятлари чексиз эмас, улардан бирини бой берсак, қайта келмаслиги мумкин. Шу сабабли, ҳар бир дақиқани қадрланг, ҳар бир имкониятни ҳаётингизни яхшироқ қилиш учун ишлатинг. Қилган ҳаракатларингиз охир-оқибат сизни мақсадингизга етказади.

@Sakiyna_official I 👈