KOʻNGLIMIZGA KOʻMILGANLAR BOR
Dunyosi dard bozori boʻlgan,
Koʻz yoshiga choʻmilganlar bor.
Bevafolar mozori boʻlgan,
Koʻnglimizga koʻmilganlar bor.
Sevgi sariq chaqa bir tiyin,
Kuydim endi qanday ishq deyin.
Avval rosa sevilib keyin,
Koʻnglimizga koʻmilganlar bor.
Yodin eslab yurishlik uchun,
Pinxon suhbat qurishlik uchun...
Kunda yoʻqlab turishlik uchun,
Koʻnglimizga koʻmilganlar bor.
Alvido deb ism yoshiga,
Yozib qoʻydik qabr toshiga.
Oʻlim kelmay turib boshiga,
Koʻnglimizga koʻmilganlar bor.
Aytishgancha ayriliq gapin,
Toʻldirdi bevafolar safin.
Ketgan kuni qilingan dafin,
Koʻnglimizga koʻmilganlar bor.
Sevgan edik devona boʻlib,
Bugun qoldik begona boʻlib.
Faqatgina biz uchun oʻlib,
Koʻnglimizga koʻmilganlar bor.
Yuragimni qabriston bilib,
Qabr qazib ex tilib tilib.
Sevgimizni kafanlik qilib,
Koʻnglimizga koʻmilganlar bor.
✍️ Odilbek Qodirov
°°°𝙎𝘼𝙃𝙍𝙊𝙔𝙄𝙈𝙎𝘼𝙉 🧭