👍
Tasniflash
O'rganish shunday jarayonki, agar u tartib bilan yo'lga qo'yilmas ekan, o'zlashtirish va olingan bilim amalda ishlatish qiyinlashaveradi.
Suv toshqini bo'lgan shaharchani tasavvur qiling. Ko'chalar suv bosgan. Suvda hamma narsani uchratishingiz mumkin: yog'och bo'laklaridan torib, oziq-ovqat mahsulotlarigacha. Lekin o'zingizga kerakli narsani qidirib topguningizgacha, ancha energiyani sarf etasiz.
Tartibsiz o'rganish jarayoni ham xuddi shu toshqindek gap. Miyangizda barcha bilim bo'lishi mumkin, lekin kerakli vaqt tezkorlik bilan ishlata olmaysiz. Ortiqcha vaqt va energiya sarf etasiz.
Shu sababdan, o'rganayotgan bilimingizni to'g'ri tasniflashga odatlaning. Bu odat bora-bora sizga tahlil jarayonida asqatishni boshlaydi.
Masalan, bugungi mavzu so'z birikmasi. Dars vaqtida siz o'z tasavvuringizda bir kitob javonini paydo qilib, berilayotgan ma'lumotlarni tartib bilan, xuddi kutubxonada kitoblar qanday tartibda joylashsa, shu tartibda joylab borishga harakat qiling.
Mavzuga qaytamiz. Demak, so'z birikmasi. Boyagi tasavvurimizdagi javonning eng yuqori qavatiga so'z birikmasining tobe va hokim qismdan tashkil topishi degan ma'lumotni joylaymiz va bunga tegishli bo'lgan qolgan barchasini unga ilova qilamiz.
Javonning ikkinchi qavatiga so'z birikmasining hokim qismga nisbatan turlari: fe'lli va otli birikmalar haqidagi ma'lumotlarni joylaymiz.
Keyingi qavatiga esa tobe qismga nisbatan so'z birikmasining turlari: aniqlovchili, holli va to'ldiruvchili birikmalarni.
...
Siz o'zingizda shunday tartibni shakllantirmasangiz, sizga berilgan bilim qanchalik to'g'ri va sifatli bo'lmasin, o'rganish jarayoni sekinlashadi va uning amaliyoti kechikadi.
#maqolaProEducation – ta’limning pro versiyasi!✈️ Telegram |📷 Instagram |🖤 You Tube