HARBIY PROKURATURA

Хотин-қизлар ва ёшлар бандлигини таъминлаш долзарб масалалардан ҳисобланади. Бу борада Ҳарбий прокуратура органлари томонидан амалий тадбирлар изчил ўтказиб келинмоқда.

Марказий ҳарбий округ қўшинлари қўмондонлиги билан ҳамкорликда Ўзбекистон Республикаси Қуролли Кучлари Кичик мутахассислар тайёрлаш марказида ташкил этилган бўш иш ўринлари меҳнат ярмаркаси ҳам шулар жумласидан.

Унда Самарқанд вилоятидаги 49 дан ортиқ корхона, ташкилот ва муассасалар 300 га яқин бўш иш ўринлари билан иштирок этди.    

Жараёнда ҳарбий хизматчиларнинг оила аъзоларидан 14 нафарига йўлланма берилди.

Шунингдек, бир пайтда ташкил этилган оммавий қабул ҳам иштирокчилар учун айни муддао бўлди.

Аснода тегишли соҳа мутахассислари жалб этилган ҳолда ҳарбий хизматчилар, ходимлар ва уларнинг оила аъзолари тингланди.

Жами 19 та мурожаатдан 4 таси жойида ижобий ҳал этилган бўлса, 15 тасига ҳуқуқий тушунтириш берилди.

Бу каби тадбирлар республикамиз бўйлаб жадал давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

#Қонунчиликдаги_янгиликлар

❗️Тергов фаолиятида шахснинг ҳуқуқ ва эркинликларини ишончли ҳимоя қилиш кафолатлари янада кучайтирилади

Қонун (ЎРҚ-1022-сон, 28.01.2025 й.) билан айрим қонун ҳужжатларига ўзгартириш ва қўшимчалар киритилди.

🔰 Унга кўра, тергов судьялари томонидан жиноят ишлари бўйича судга қадар иш юритиш босқичида процессуал қарорларга санкция бериш ва маъмурий ҳуқуқбузарликлар тўғрисидаги ишларни кўриб чиқиш масалаларини қонунчиликда белгилаш мақсадида тергов судьяларининг ваколатлари жумласига киритилган ишларни кўриб чиқиш асослари ҳамда тартибини назарда тутувчи ўзгартириш ва қўшимчалар киритилди.

✔️ Жиноят-процессуал кодексига киритилган ўзгартириш ва қўшимчаларга кўра, тергов судьясининг ваколатлари белгиланиб, тергов судьяси якка ўзи иш тутиб, Кодексда назарда тутилган тартибда судга қадар иш юритиш босқичида шахснинг ҳуқуқлари, эркинликлари ва қонуний манфаатларига риоя этилиши устидан суд назоратини амалга оширади.

📋 Шунингдек, тинтув ўтказиш тўғрисида илтимоснома қўзғатиш ҳамда уни кўриб чиқиш асослари белгиланди.

❕ Бунда, тинтув ўтказиш учун асослар мавжуд бўлган тақдирда прокурор, терговчи ёки суриштирувчи тинтув ўтказиш тўғрисида илтимоснома қўзғатиш ҳақида уни ўтказиш учун асосларни баён этган ҳолда қарор чиқаради.

📞 Телефонлар ва бошқа телекоммуникация қурилмалари орқали олиб бориладиган сўзлашувларни эшитиб туришни, улар орқали узатиладиган ахборотни олишни амалга ошириш тўғрисидаги илтимосномани кўриб чиқиш асослари белгиланди.

✳️ Бундан ташқари, мол-мулкни хатлаш тўғрисидаги илтимосномани кўриб чиқиш тартиби белгиланди.

📜 Бунда, мол-мулкни хатлаш тўғрисидаги илтимоснома суриштирув ёки дастлабки тергов юритилаётган жойдаги жиноят ишлари бўйича туман (шаҳар) судининг тергов судьяси томонидан якка тартибда кўриб чиқилади.

📌Қонун расмий эълон қилинган кундан эътиборан кучга киради.

Каналга уланиш👇👇👇
https://t.me/huquqiyaxborot