Murodjon Aliyev | Rasmiy sahifa

Biror sport turidan chempion chiqadi yoki mashhur bo'ladi. Buni ko'rganlar farzandlarini darrrov o'sha sportga olib boradi.

Komputer o'yinlarida (cybersport) g'olib bo'lgan o'yinchi mukofot sifatida falon gonorar oladi. Buni ko'rganlar darrov farzandini komputer o'yiniga olib boradi.

Ijtimoiy tarmoq va hayotda biror mashxur tadbirkorni ko'rib qoladi. Buni ko'rganlar darrov farzandini biznesga yo'naltiradi.

Kimdir IT sohasida muvaffaqiyatga erishganini ko'rgan zahoti darrov farzandini ITga olib boradi.

Yuqoridagi kasb va hunarlar hamda ulardan olinadigan daromadlar o'z yo'liga, bolaning qadriyatlar, qiziqishlar, qobiliyatlari bilan ham hisoblashish kerak. Shart emas biror amal, mansabda o'tirish balki o'z qiziqqan sohasida kuchli mutaxassis bo'lishi yetarli. Zo'rma-zo'raki qilingan ish oxiri undan sovishga olib keladi.

"Bilim o'zgalarga bildirish uchun o'rganilsa kibr, o'zi uchun o'rganilsa islohdir."

M.Aliyev

Kim ko'p axborotga egalik qilsa, o'sha dunyoni boshqaradi.

Unknown

Saud aka kiberxavfsizlik hamda ijtimoiy-muhandislik ilmi bo'yicha yaxshigina mutaxassis.
Quyidagi podkastda yaxshigina masala ko'tarilgan.

Shuning uchun mana bu postdagi ko'tarilgan masala dolzarb.

Ba'zan bilishni ham yashira olish san'at. Uni inkor eta olish mahoratdir.

M.Aliyev

Nima uchun boksni yaxshi ko'raman.

Boks - bu shunchaki sport emas, balki hayot maktabi. Ring - bu aslida kichik hayot maydoni, unda siz o'zingiz bilan yuzma-yuz kelasiz.

Har bir zarba, har bir himoya - bu sizning ichki kurashingizning ko'zgusi. Boksda qo'rquv bilan yuzlashish kerak, xuddi hayotdagi kabi.

Ba'zan yiqilasiz, ammo doimo turishni o'rganasiz - bu muvaffaqiyatning asl mohiyati. Raqibingizni hurmat qilish - bu o'zingizni hurmat qilishdir, chunki u sizning kuchli va zaif tomonlaringizni ko'rsatadi.

Ring sizga sabr-toqat, intizom va strategik fikrlashni o'rgatadi. Boks - bu faqat jismoniy emas, balki ruhiy sport ham. U sizga muvozanatni saqlashni, hissiyotlaringizni boshqarishni va bosimga bardosh berishni o'rgatadi.

Har bir mashg'ulot, har bir jang - bu o'sish va rivojlanish yo'li. Bokschi hayotda ham kurashchi bo'lib qoladi, chunki u mag'lubiyatdan so'ng turishni, maqsad sari intilishni va oxirigacha kurashishni o'rgangan.

Bu sport bizga hayotning eng muhim saboqlarini beradi - doimo oldinga intilish, o'z ustida ishlash va hech qachon taslim bo'lmaslik.

Eng foydali ilm bu o'rgana olishni o'rganish ilmidir!

Chunki har bir ilmning boshida aynan shu ilm yotadi. Bu ilmni esa matematika, fizika yoki iqtisodiyotni o'qish orqali o'rganib bo'lmaydi.

Bu ilm fikrlashni o'rganishdan boshlanadi.

Bu falsafadan boshlanadi. Mantiq esa bunga yondosh bo'ladi.
Maktablarimizda ham shu fanni munosib ta'lim dasturi asosida yo'lga qo'yish zarur.

GEN BETA: YANGI TAFAKKUR AVLODI

Raqamli dunyoda shakllangan Gen Beta (2010-2025) - sun'iy intellekt davrining ilk vakillari. Bu avlod endi Smart TV, planshet, Metaverse, virtual reallik va sun'iy intellektni o'zining kundalik hayot qismiga aylantirgan. Ular endi axborot olish, fikrlash va muloqotni butunlay boshqacha shakllarda olib borishadi.

Ularning miyasi bir vaqtning o'zida bir nechta vazifani bajara oladi - videoni ko'rib, o'yin o'ynab, do'stlar bilan yozishib, uy vazifasini ham qilishadi. Axborotni parallel qayta ishlashga qodir. Lekin bu Gen Beta vakillarida e'tibor yetishmovchiligini keltirib chiqarmoqda.

Gen Beta uchun virtual va real dunyo chegaralari deyarli yo'q. Ular Minecraft, Roblox, TikTok kabi platformalarda o'z dunyolarini yaratishadi. Instagram, YouTube, virtual o'yinlar orqali do'st orttirishadi. Ularning ijtimoiylashuvi ko'proq virtual muhitda o'tmoqda.

Bu avlod uchun haqiqat nisbiy - ular 10-15 soniyali videolar, rasmlar, GIF va emojilarga ko'proq ishonishadi. Uzun matnlar va jiddiy manbalardan qochishadi. Qisqa va vizual ma'lumot olish muhimroq.

Gen Beta sun'iy intellekt bilan hamkorlik qilishdan qo'rqmaydi. ChatGPT, Midjourney kabilar ular uchun oddiy vosita. Bu avlod inson va AI hamkorligi davri vakillaridir.

Ular qulaylik, tezlik va samaradorlikni muhim deb bilishadi. An'anaviy ta'lim usullari, kitob o'qish, yozma imtihonlar Gen Betaga mos kelmaydi. Zero, ular raqamli muhitda samaraliroq o'rganishadi.

#kiberxavfsizlik

Telegramda hammamizda "username" bor. Biz shu orqali bir-birimizni topamiz. Kommunikatsiya o'rnatamiz. Bu yaxshi tomoni. Tanganing boshqa tomoni ham bor. Deylik, biror norasmiy bot, xususiy kanal, fishing linklarga bilmasdan, qiziqib kirib qoldingiz. Keyin uning yaxshi emasligini anglab, chiqib ketasiz. Vaholanki, siz u yerda "username" ingiz orqali raqamli iz qoldirdingiz. Sizga va siz orqali kontaktingizdagilarga siz qoldirgan username orqali kibertahdid bo'lishi mumkin. Bu hayotda ko'p guvohi bo'layapmiz.
Shuning uchun ba'zan username qo'yishdan cheklab, ba'zan tez-tez o'zgartirib turgan ma'qul. Sizni topishning eng oson yo'li (garchi xavfsizlik sozlamalaridan sizni topa olmaydigan qilgan bo'lsangiz ham) "username" dir. Shunday ekan xulosa o'rnida bir kinodan iqtibos keltiraman: "G'aroyib to'ti Polli" " Eng muhimi jinoyat joyida iz qoldirmaslik" Raqamli dunyoda raqamli izingiz qolmasin. Aks holda salbiy oqibatlarga olib kelishi mumkin.