Qoralama

Ilm dengiz, unda suzishni oʻrganmay turib kirgan choʻkib ketadi, butun dengizni uyingga olib keta olmaysan, undagi baliq yoki marjondan, hech boʻlmasa suvidan yoki tuzidan foydalana olsang - mana shu asl yutugʻing.

Bugun koʻp koʻrayotganlarimiz, ozgina bilim olib hammani ahmoqqa chiqarayotgan, ulamolarimizni bekorchiga, adashganga chiqarayotgan, oʻzini shunchalar ilmli deb bilib, hattoki Qurʼon-u hadisni toʻgʻridan-toʻgʻri tushuna olaman, menga hech bir yoʻlboshchi kerakmas, deya oladigan darajaga yetdi baʼzilar. 10-12 asrdan beri hamma tan olgan zotlarni bir deganda bekorga chiqarish juda oson, a!? Hayotning achchiq, ogʻir damlarini koʻrmay turib, shoshib ota-onasini yoki qarindoshini qoralash juda oson, negadir. Atrofidagilarni adashgan, gunohkor-u gumrohga ham chiqarish eng oson, butun jamiyat aynigan, odamlar buzilib ketgan deyish ham. Hech kim oʻziga qaramaydi, birovni aybini koʻradi. Goʻngqoʻngʻizdan dunyoni soʻrasangiz, nima deyishini bilasiz... Asalaridan esa aksincha.

Ilm olishni bir qancha darajalarga boʻlishgan, eng birinchisi olgan ilmni kimgadir boʻlishishni, gapirishni, eng yomoni hammaga yoki kimgadir bildirishni xohlashi deganlar. Eʼtibor bering, juda koʻpchiligimiz mana shu birinchi bosqichdayoq toʻxtaymiz, bundan oʻtmagan ilm olishda davom eta olmaydi deyishgan ulamolar.

Jamiyatni, odamlarni qoralash oson, lekin eng yaxshi tanqidiy fikrlash avvalo oʻzini kamchiliklarini bilib shu bilganlari orqali boshqalarni tahlil qilish, negaki siz oʻzgalarni oʻzingizdan koʻra yomonroq deb bilmaysiz agarda oʻzingizni toʻliq anglay olsangiz.

Yaxshiyamki ulamolardagidek ilmimiz yoʻq, deb oʻylab qolaman, hikmatsiz ilm ilm emas, bilim, maʼlumot boʻlib qoladi, shubhasiz.

Avvalgilardan koʻra aaancha yaxshi sharoitimiz, qulayliklarimiz bor, lekin avvalgilardek shijoat, himmatimiz yoʻq.

Ilm uchun 16 yoshda onasi bilan butun umrga xayrlashgan, biror ortiqcha mablagʻsiz, homiysiz yolgʻiz Allohga tavakkal qilgan Imom Buxoriyda qanaqangi shijoat-u himmat boʻlgan ekan, a!?

Imkoning boʻlib uyingdan tashqariga chiqolmasang, osonlashsa-yu oʻqib, oʻrganolmasang. Bu neʼmatlarni ham, qobiliyatlarni ham soʻrovi borku, axir, toʻgʻrimi!?

@rangsizchizgilar

Masjidga yosh bolalarni qoʻymayotgan ichki ishlar xodimlariga bir amaki aytgan ekan:
Sen hozir bularni masjidga kiritmayapsan, lekin ertaga bir kun bular seni jannatga kirishingga rozi boʻlishmaydi, ruxsat berishmaydi...

Nimagadir shu kunlarda atrofimda boʻlayotgan, koʻrayotgan voqealar shu gapni esimga solib yubordi, bekorgamas...😢

@rangsizchizgilar

أَحَسِبَ ٱلنَّاسُ أَن يُتْرَكُوٓا۟ أَن يَقُولُوٓا۟ ءَامَنَّا وَهُمْ لَا يُفْتَنُونَ

"Odamlar 'Iymon keltirdik', deb aytishlari bilan sinovga olinmasdan qo‘yib yuborilamiz, deb o‘yladilarmi?"
🤷‍♂🤷‍♂🤷‍♂

@rangsizchizgilar

Koʻzlarimdan oqqan yosh
Daryolarni toʻldirar.
Ayriliq – chuqur yara,
Asta-sekin oʻldirar.

Dushman bilan yuzma-yuz
Jangohdagi loydaman.
Izlab kelsang sen meni
Tashlab ketgan joydaman!

Abror Muxtor Aliy

@rangsizchizgilar

Uxlama, gaplashamiz degan ham sevishi mumkin.
Qani, uxla, kech bo'ldi degan ham.
Lekin biri to'ya olmaydi, biri zarar bera olmaydi!!!
Biz zarar bermaslikni tanlaymiz, qachon boʻlsa ham.

@rangsizchizgilar

Assalomu alaykum, qadrli qadrdonlar.
Ramazon hayiti hammamizga muborak boʻlsin, tutgan roʻzalarimizni husni maqbul aylasin, inshaalloh!😊🙂

Erinmasdan koʻrib chiqing, iltimos!

@rangsizchizgilar

Haq – bu haqdir, garchi unga boshqalar qarshi chiqsa ham, kim boʻlishidan qatʼiy nazar.
Botil – aniqdir, yolgʻondir, garchi koʻpchilik maʼqullasa-yu qilsa ham, kim boʻlishidan qatʼiy nazar!!!

@rangsizchizgilar

Kel, suhbatlashib oʻtiramiz.
Qachongacha?
Yulduzlarni sanaymiz, tugasa ketasan!🙂🙃

@rangsizchizgilar

Makka-yu Madinaga borish bir armon, boʼlib qaytgandan keyin sogʻinib yashash, yana borishni xohlash ming armon, degan ekan ulamolarimiz.
Yaqinda borib kelgan qarindoshim buni tasdiqladi. Biz hali bormasdan shuncha qiyin boʻlsa, borib kelsak qanaqa boʻlarkin, a?!😢😭

@rangsizchizgilar

Odamni gapi koʻp boʻlsa-yu yozishga vaqti boʻlmay qolsa ham qiyin ekan, hayolingizda aylanib yuraveradi, yo gaplashib yo yozib yengillashish kerak, bizda esa bitta yoʻl bor😅🥲

@rangsizchizgilar

Bizni eng katta kamchiliklarimizdan biri yetuk ustoz tanlay olmaganimizda, bor, ammo ularni topa olmaganimizda.
Biror bir tolibi ilm yoʻqki, ustozi boʻlmasa, ustozini aytganlarini qilib kamolotga harakat qilmagan boʻlsa.
Hayronman...

@rangsizchizgilar