Rakhimov's blog

Tomoq ogʻriyapti bir tomoni eng yaqin dorixona ham 2 km uzoqlikda. Menda esa faqatgina bint va zvyozdochka maz bor.

8 mart qiz va ayollar kuni bilan tabriklayman. Doim kulib yuringlar yaxshi kayfiyat hamrohingiz boʻlsin. Doim erkaklarni suyukli yori, aziz opa-singilisi, muhtaram onasi va nuroniy buvisi boʻlib yuringlar.

@rakh1movs_blog🫀

Shu yerda ham men bor lekin videoga uncha tushmaganman ekanman.

#maʼlumot

Ahmad al-Fargʻoniy (toʻliq ismi Abul Abbos Ahmad ibn Muhammad ibn Kasir al-Fargʻoniy) (taxminan 798, Fargʻona — 865, Misr) — astronomiya, matematika, geografiya va boshqa ilmiy yoʻnalishlarda faoliyat koʻrsatgan oʻzbek qomusiy olimi. Sharqda Al-Fargʻoniy, Yevropada Alfraganus taxalluslari bilan mashhur. Uning hayoti va ilmiy faoliyati toʻgʻrisida juda oz, u ham boʻlsa, uzuq-yuluq maʼlumotlar yetib kelgan.

Ahmad al-Fargʻoniy hayoti, ilmiy izlanishlari va kamoloti Abbosiylar sulolasi hukm surgan, Arab xalifaligi jahonning eng yirik saltanatlaridan biriga aylanib, uning ijtimoiysiyosiy va madaniy hayotida Movarounnahr, Xorazm va Xurosondan kelgan koʻplab mutafakkirlar muhim oʻringa ega boʻla boshlagan tarixiy davrda kechdi. Al-Fargʻoniy Xalifa Xorun ar-Rashid (786-809) vorislari al-Maʼmun (813-833), Muʼtasim (833-842) va Mutavakkil (846-861) hukmronlik qilgan davrda yashadi hamda avval Marv, soʻngra Bagʻdod, Damashq va Qohira shaharlarida ilmi hayʼat (falakiyotshunoslik astronomiya), riyoziyot (matematika) va jugʻrofiya (geografiya) fanlari bilan shugʻullandi hamda qator ilmiy va amaliy asarlar yozib qoldirdi.

Ahmad al-Fargʻoniy dastavval (taxminan 811-yil) Fargʻonadan Marvga kelgan. Ilk oʻrta asrlardayoq Marv Oʻrta Osiyoning yirik madaniy va ilmiy-maʼrifiy markazlaridan biri boʻlgan, bu maskanda oʻsha davrlardayoq Movarounnahr, Xorazm va Xurosondan koʻplab olimlar-u fozillar va mutafakkirlar toʻplanib, Ajamnij madaniy hayotida muhim ahamiyat kasb etganlar. Hatto 651 yilda soʻnggi Sosoniylar shahanshohi Yazdigard III ibn Shahriyor (632-651) arablar taʼqibidan qochib, poytaxt kutubxonasidagi kitoblarni oʻzi bilan Marvga olib kelgan. Xalifalik qoʻl ostiga oʻtgach ham Marv oʻzining qadimiy mavqeini yoʻqotmay, nafaqat ilmiy va madaniy markazga, balki fath etilgan sharqiy viloyatlarning siyosiy markaziga aylangan.
Horun ar-Rashid vafoti (809-yil) dan soʻng xalifalik taxtiga Muhammad al-Amin (809-813) chiqadi. Uning akasi Abdulloh bilan taxt uchun (809-813 yillarda) olib borgan kurashi (Xorun ar-Rashid oʻgʻli Abdullohni 806 yilda Movarounnahr va Xurosonning noibi etib Marvga yuborgan edi) Abdullohning gʻalabasi bilan tugaydi. Muhammad al-Amin qatl etiladi. Oʻsha yili (813-yil) Abdulloh al-Maʼmun nomi bilan taxtga oʻtiradi. Biroq u xalifalik poytaxti Bagʻdodga bormay, to 819 yilga qadar Marvda yashaydi. U oʻz atrofiga olimlaru fozillarni toʻplaydi. 819-yil al-Maʼmun barcha saroy aʼyonlari va olimlari bilan birga Maradan Bagʻdodga koʻchadi. Ular orasida al-Fargʻoniy ham boʻlgan.
Bu davrda xalifalikda Horun ar-Rashid farmoni bilan bino qilingan ikkita rasadxona va boy kutubxona bor edi. Abu Rayxon Beruniy maʼlumotiga qaraganda, rasadxonalardan biri Bagʻdodning ash-Shammosiya mahallasida va ikkinchisi Damashq yaqinida Kasiyun nomli togʻda joylashgan edi. Rasadxonalarda Horun ar-Rashid asos solgan ilmiy markaz „Bayt ul-hikmat“ („Donishmandlar uyi“) olimlari ilmiy tadqiqotlar olib borardi. Ular orasida al-Fargʻoniy ham bor edi.

Al-Fargʻoniy avval Bagʻdoddagi rasadxonada ish olib bordi, soʻngra al-Maʼmun topshirigʻiga binoan Damashqdagi rasadxonada osmon jismlari harakati va oʻrnini aniqlash, yangicha „Zij“ yaratish ishlariga rahbarlik qildi. Al-Fargʻoniy yunon astronomlari, jumladan, Ptolemeyning „Yulduzlar jadvali“ asarida berilgan maʼlumotlarni koʻrib chiqish hamda oʻsha davrdagi barcha asosiy joylarning jugʻrofiy koordinatalarini yangitdan aniqlash yuzasidan olib borilgan muhim tadqiqotlarda faol ishtirok etdi. Shu munosabat bilan arab tilidagi ilmiy atamashunoslikka doir ishlarni, xususan, falakiyot, riyoziyot va geografiyaga oid atamalarni belgilab chiqishdek maxsus ilmiy ishlarni amalga oshirishda ham Al-Fargʻoniyning xizmati katta. Bulardan tashqari, u ayrim astronomik asboblarni ixtiro etish, falakiyotshunoslikka doir arab tilidagi boshlangʻich bilimlarni belgilash va tartibga solish ishlariga ham muhim hissa qoʻshdi. 832-833 yillarda Al-Fargʻoniy Shom (Suriya) shimolidagi Sinjor dashtida Tadmur va ar-Raqqa oraligida yer meridiani bir darajasining uzunligini oʻlchashda qatnashdi.

#chegirma

Shu kunlarda qaysi kitob doʻkonlar chegirma qilayotgani haqida sizlarga maʼlumot bermoqchiman.

1. Hilol Nashr bu hilol nashr nashriyotidan chiqqan barcha kitoblar uchun 10% chegirma elon qilgan chegirma 1-10 mart oraligʻida davom etadi.

Batafsil: https://t.me/HilolNashr/25769

2. Akademnashr bu nashriyot ham oʻzi tomonidan chiqarilgan 40 yaqin kitoblarga 15% chegirma elon qilgan. Chegirma 15 martgacha davom etadi.

Roʻyxat bu yerda bor https://t.me/Akademnashr/4349?single

3. Book uz kitob doʻkoni ham Yoshlar matbuoti va Yangi asr avlodi tomonidan nashr qilingan kitoblarga 15% chegirma elon qildi. Chegirma 5-10 mart oraligʻida davom etadi.

Batafsil:https://t.me/bookuzbekistan/6997

Sizlar manfaatli boʻlgan boʻlsa xursandman. Men kuzatib boradigan doʻkonlar yana birortasi chegirma qilsa sizlarga ham ulashaman.

@rakh1movs_blog🫀

Sheʼriyat bu oʻzgacha goʻzallik undan zavq olishni bilish kerak.

@rakh1movs_blog🫀

#nimadir

Muhokamada Tramp va Zelenskiy. Odamlarga hayronman oʻzi aralasha olmaydigan ishlarga burun suqib fikr bildiradi. Lekin oʻzi ishtirok etadigan muhokama majlislarda jim oʻtiradi.

@rakh1movs_blog🫀

Qish ham yakunlanib bormoqda. Bu qishni talaba sifatida oʻzimni sohamga oid va boshqa sohalarga oid bilimlar oldim yangi doʻstlar topdim. Va yana Fargʻona kitobxonlar uchrashuvi bilan Volontyorlar maktabiga qabul qilindim bu ham katta boʻlmasa ham yutuq. Lekin qishda mutolaada juda sust boʻldim koʻpi bilan 3ta kitob yakunladim. Yaxshi niyatlar bilan bahorni boshlaymiz. Bahor hammamizga barakali kelsin.

@rakh1movs_blog🫀

Ramazon muborak boʻlsin

Biror joyga ketmoqchi boʻlsangiz nb olishni oʻylab oxirgi darsga kirib oʻtirmang.