#terminologiya #терминология
✅
Атрофия –ҳужайралар ўлчами ва сони камайиши натижасида орган ёки тўқиманинг ўлчами кичрайиши.
Масалан, сурункали буйрак етишмовчилигининг охирги стадияларида буйрак ўлчами кичрайиб, бужмаяди (атрофияланади). Атрофия сабаблари қон айланиш бузилиши, озиқа моддалар етишмаслиги, организмдаги қариш жараёни бўлиши мумкин. Кўп ҳолларда қайтмас жараён.
✅
Гипотрофия – ўсиш жараёнида (болаларда) озуқа моддалар етишмасиги туфайли орган-тўқиманинг ривожланиши орқада қолиши.
Масалан, етарли овқатланмаслик натижасида мускулларда гипотрофия юзага келади. Гипотрофия қайтар жараён.
✅
Гипертрофия – функционал юклама натижасида орган-тўқималарда ҳужайралар сони ошиши ва ўша орган-тўқима ўлчами катталашиши.
Масалан, бир томонлама буйрак агенезияси (ягона буйрак) билан туғилган болаларда иккита буйрак вазифасини битта буйрак бажаради, унга функционал юклама тушиб, ўлчамлари катталашиб кетади. ✅
Дистрофия ¬ ҳужайра ва тўқималар озиқланиши бузилиши натижасида, уларнинг структураси ва функциясининг бузилиши.
Масалан, жигар ёғли дистрофиясида гепатоцитларда липидлар тўпланади ва жигар структураси ва функцияси ўзгаради.@radiologiya_uz