Qorovulbozor.uz|RASMIY KANAL

⚡️⚡️ Tuman hokimi sayyor qabul o‘tkazdi.

Aholi muammolarini o‘rganish va ularga yechim topish maqsadida tuman hokimi O‘tkir Hamroyev "Tinchlik" mahallasida sayyor qabul o‘tkazdi.

Sayyor qabulda Prezident Xalq qabulxonasi mudiri, korxona va tashkilot rahbarlari hamda aholi vakillari ishtirok etishdi.

Muloqotda murojaatchilar o‘zlarini qiynayotgan ijtimoiy-maishiy, iqtisodiy va huquqiy masalalarni hal etishda amaliy yordam so‘radi.

Jumladan, ish bilan ta’minlash, tijorat bankidan kredit mablag‘lari olish, kadastr hujjatlarini rasmiylashtirish va boshqa masalalar yuzasidan 10 dan ortiq murojaatlar qabul qilindi.

Sayyor qabulda ko‘tarilgan masalalarning bir qismi joyida hal etilgan bo‘lsa, vaqt va mablag‘ talab etadigan muammolar ijrosini ta’minlash bo‘yicha “yo‘l xaritasi” ishlab chiqilib, ijrosi nazoratga olindi.

✍️ Qorovulbozor tumani hokimligi matbuot xizmati

⚡️⚡️ Qorovulbozor tumanida Tog‘-kon sanoati va geologiya vazirligi rahbariyatining sayyor qabuli o‘tkazildi.

Bugun, Qorovulbozor tumani Axborot-kutubxona markazida Tog‘-kon sanoati va geologiya vazirining maslahatchisi Mirzabek Hasanov tomonidan sayyor qabul o‘tkazildi.

Mazkur sayyor qabulda Xalq qabulxonasi mudiri, tuman hokimining o‘rinbosarlari hamda tegishli korxona va tashkilot rahbarlari ishtirok etishdi.

Sayyor qabulda 10 ga yaqin fuqarolar tomonidan turli masalalar bo‘yicha murojaatlar kelib tushdi.

Murojaatlarni qonun doirasida ijobiy hal etish bo‘yicha mas’ullarga aniq topshiriq va ko‘rsatmalar berildi.

✍️ Qorovulbozor tumani hokimligi matbuot xizmati