QORDA QOLGAN ATIRGUL

@QordaQolgan_Atirgul

Гео и язык канала: Узбекистан, Узбекский

Категория: Музыка

Похожие каналы

Гео и язык канала

Узбекистан, Узбекский

Категория

Музыка

Статистика

Избранное

Фильтр публикаций

Скрывать удаленные

Скрывать репосты

QORDA QOLGAN ATIRGUL

13 Dec, 13:24

Репост из: MUHAMMAD YUSUF | Муҳаммад Юсуф

Assalomu alaykum bugungi chatimizda, Qorda qolgan atirgul 🌹 va koʻplab goʻzal sheʼrlar muallifi Aziz Xoʻja Nur Mehmon boʻladilar.

Savollaringiz boʻlsa yozib qoldirishingiz mumkin.
Yoki jonli efir vaqtida ham berishingiz mumkin.

Bugun Oʻzbekiston vaqti bilan 20:25 da boshlanadi!

🌨🌹🌨

https://t.me/Muhammad_Yusuf_Hayoti_va_Ijodi?livestream=6167cedc83254dc140

231 0 0 1

QORDA QOLGAN ATIRGUL

11 Dec, 21:20

Goldhands - Elisa (Featuring Tevlo).mp3

05:16

🎙 Kanal kuzatuvchisidan - Qorda qolgan atirgul...

✍ Aziz Xoʻja Nur Sheʼri📚

@QordaQolgan_Atirgul

313 0 1 2

QORDA QOLGAN ATIRGUL

11 Dec, 21:09

QORDA QOLGAN ATIRGUL 🌨🌹🌨
MUHAMMAD YUSUF XOTIRASIGA

Bir kun kelib ohlarim,
Bosib olar dunyoni.
Ko'kda ruhim ko'rgaymu,
Men ko'rmagan ro'yoni.
Yig'layotgan men emas,
Mening ko'nglim yig'laydir.
O'z ko'ksiga sig'masdan,
Qolgan umrim yig'laydir.
Qon yig'lagan qalbimning,
Qadrdoni qadri qul.
Men yoningga boryapman,
Qorda qolgan atirgul...

Bir oz chida, nafas ol,
Yurak qayga shoshasan ?
Ulgurasan ketmoqqa,
Buncha to'lib toshasan.
U kelmaydi, u ketgan,
Hamon o'sha - o'shasan...
Qon yig'lagan qalbimning,
Qadrdoni qadri qul.
Men yoningga boryapman,
Qorda qolgan atirgul...

Urma faryod, to'kma yosh,
Yonayotgan oh uchun.
Mening ko'nglim Xudoda,
Omonat Alloh uchun...
Kechirmaydi savoblar,
Biz qilgan gunoh uchun.
Qo'llarimga tikan sanch,
Yuragimga xanjar ur.
Men yoningga boryapman,
Qorda qolgan atirgul...

Topolmadim yorug'lik,
Lek yashashni o'yladim.
Ey, muhabbat qabringga,
Bormadim, gul qo'ymadim.
Sen dunyoni tark etding,
Men dunyoga to'ymadim.
Ko'ksim to'ldi armonga,
Ko'zlarimga qarab kul...
Men yonigga boryapman,
Qorda qolgan atirgul...

Oxirat - qulab borar,
Ko'ksimdagi armonim.
Halovat toparmikan,
O'lsam, so'nggi makonim.
Unutilmas xotira,
Sog'inch solar titroqqa.
Bir kun meni ekishar,
Qo'yishadi tuproqqa...
Mangu uyqu chorlaydi,
Jannat guli - asil gul.
Men yoningga boryapman.
Qorda qolgan atirgul...

Farishtalar, judolik,
Uyqudadir sevgimiz.
Chiroyli ko'z, unutma,
Ayrilmaymiz endi biz.
Meni to'kib qoyding - ku,
To'kilmagan faryodim.
Ikki dunyo orasida
Sen - uchinchi hayotim.
Nigohlari g'amginso,
Nigohimga asir gul.
Men yoningga boryapman,
Qorda qolgan atirgul...

Kapalakka aylanib,
Kiprigingga qo'naman.
Sendan ancha olisda,
Eng yaqining bo'laman.
Balki, haydab solarsan,
Ostonangdan ozorim.
Oyoqlaring ostida,
Gullab tursin - mozorim.
Eh, begunoh, bechora,
Meni esla, eslab tur !..
Men yoningga boryapman,
Qorda qolgan atirgul...

Labingni bos labimga,
Kuyib ketsin dudog'ing.
Mehring muzlab qoldimu,
Xazon so'nggi yaprog'ing.
Sen bahorda ochilib,
Qishga ko'ngil bergan gul.
Ko'z o'ngiga ishonmay,
Tushga ko'ngil bergan gul.
Uvolingdan qo'rqaman,
Yosh qabringdan chiqdi nur.
Men yoningga boryapman,
Qorda qolgan atirgul...

Bevafolar ko'p ekan,
Bu bevafo dunyoda.
Ko'ksim tiniq, ko'nglim siniq,
Jonga jafo dunyoda.
Garchand qalbim quyoshdir,
Yer bag'rini isitmas.
Kimga o'z joni shirin,
Kimga hayot qiziqmas ?..
Muhabbat mehrobida,
Uchrashamiz qachondir,
Men yoningga boryapman,
Qorda qolgan atirgul...

Men ham sendek vayrona,
Ko'ngil qasri buzulib.
Rozi bo'ling, odamlar,
Qolsa jonim uzulib.
Tirikligim baxtsizlik,
Bunday baxtni netaman.
Yig'lab keldim dunyoga
Va yig'latib ketaman.
Oh, Onam-a-a-a, jon Onam,
Sen o'zingni asrab yur.
Men yoningga boryapman,
Qorda qolgan atirgul.

✍ Aziz Xoʻja Nur sheʼri

" SHUKRONA " kitob to'plamidan.

@QordaQolgan_Atirgul

914 1 19 3

QORDA QOLGAN ATIRGUL

21 Oct, 00:29

1793504252.mp3

02:37

... - Turkiylar

✍ Shavkat Rahmon
sheʼri

TURKIYLAR

Qilichin tashladi beklar nihoyat,
bosildi tulporlar,
tig’lar suroni,
urhoga o’rgangan tillarda oyat,
turkiylar tanidi komil Xudoni.

Qilichlar zangladi…
falokat hushyor,
turkiylar quvvatin berdi yerlarga.
Hiylagar do’stlarday yaqinlashdi yov
komillik qidirgan jasur erlarga.

Ilvasin yigitlar,
bobur yigitlar,
sajdaga bosh qo’ydi yovga ters qarab,
g’ullarni kemirib yig’ladi itlar,
buyuk boshni kesdi qilich yaraqlab.

Turkda bosh qolmadi…
qolmadi dovlar,
xotin-xalaj qoldi motam ko’tarib,
«Bizga tik qarama», — buyurdi yovlar,
yovlarga ters qarab yashadi bari.

Talandi samoviy tulpor uyuri,
talandi zarlari,
zeb-u zabari,
«Ters qarab o’ling», — deb yovlar buyurdi,
yovlarga ters qarab jon berdi bari.

Lahadga kirdilar o’zlarin qarg’ab,
qolmadi arabiy,
turkiy xatlari.
«Tug’ingiz, — dedi yov, — teskari qarab»,
yovlarga ters qarab tug’ildi bari.

Tug’ildi,
tug’ildi,
tug’ildi qullar,
qirqida qirqilgan — imdodga muhtoj,
yovlarga ters qarab itlarday hurar,
bir-biriga dushman,
bir-biridan koj.

Jo’mardlar qirilgan Turonzaminda
do’zaxiy tajriba pallasin ko’rdim:
eshshak suvrati bor qay bir qavmda,
qay birida to’ng’iz kallasin ko’rdim.

Bu holda buvaklar bo’g’ilib o’lar,
qul Bilol ezilib yig’lar falakda…
O’zlarin yondirar borliqdan to’ygan
Badaxshon la’liday asl malaklar.

Mo’minlar besh bora Allohni eslar
sajdaga bosh qo’yib jallod toshiga.
O’grilib sal ortga qarayin desa,
boshiga urarlar,
faqat boshiga.

Bormi er yigitlar,
bormi er qizlar,
bormi gul bag’ringda jo’mard nolalar,
bormi bul tufroqda o’zligin izlab,
osmon-u falakka yetgan bolalar.

Bor bo’lsa,
alarga yetkarib qo’ying,
bir boshga bir o’lim demagan ermas,
shahidlar o’lmaydi,
bir qarab tuying:

Yovga ters qaragan musulmon emas!
Yovga ters qaragan musulmon emas!
Yovga ters qaragan musulmon emas!
Yovga ters qaragan musulmon emas!
Yovga ters qaragan musulmon emas

✍ Shavkat Rahmon

1.4k 0 0 3 3

QORDA QOLGAN ATIRGUL

13 Jun, 18:50

Qaniydi — Mansurxon Nurmatov

03:07

5.4k 0 52 1 1

QORDA QOLGAN ATIRGUL

29 May, 19:56

Репост из: MUHAMMAD YUSUF | Муҳаммад Юсуф

#MuhammadYusufIzdoshlari

Ushbu she'r talablarga binoan yozildi!

BIZLARNI GʻARIB DEB BOYNI SEVGANLAR

Qiynama yuragim, yig'lama yurak,
Sen bilan o'lguncha yashashim kerak,
Ularni sevmagin bag'ritosh ular:
Bizlarni g'arib deb boyni sevganlar...
Bizni baxtsiz qilib, baxtli bo'lganlar.

Hatto atirgulning tikanlari bor,
Sevgi borki dilda dil ozori bor,
Mayli boyni baxtli qilsinlar ular:
Bizlarni g'arib deb boyni sevganlar...
Bizni baxtsiz qilib, baxtli bo'lganlar.

Qaylarga boshladi bizni ishq yo'li,
Tunda cho'miltirdi xasratli do'li,
Mag'zum boshimizga toshlari qular:
Bizlarni g'arib deb boyni sevganlar...
Bizni baxtsiz qilib, baxtli bo'lganlar.

Ko'p kutdik ularni kutilmadik hech,
Kuymagin yuragim endi kuyish kech,
Hajrida kuydirgan kuydirgi shular:
Bizlarni g'arib deb boyni sevganlar...
Bizni baxtsiz qilib, baxtli bo'lganlar.

Yurak ketdik tog'ga birga chiqamiz,
Yorning ismin qo'rqmay baland aytamiz,
U yorni ortidan yurdik ko'p yillar:
Bizlarni g'arib deb boyni sevganlar...
Bizni baxtsiz qilib, baxtli bo'lganlar.

(Boyni sevganlar ey...
Boyni sevganlar,
Bizlarni g'arib deb boyni sevganlar.

Boyni sevganlar ey...
Boyni sevganlar,
Bizni baxtsiz qilib,
baxtli bo'lganlar. )

✍ Mehriddin Baqoyev
29. 05. 2024.

Eng yangilari shu yerda✍👇

http://T.me/Mehriddin_Baqoyev1

@Muhammad_Yusuf_Hayoti_va_Ijodi

Muhabbat shoiri Mehriddin Baqoyev Ijodi.

Ko'ngilga yaqin she'rlar ! ❤️MUHABBAT SHOIRI❤️ ✍️ Mehriddin Baqoyev ijodi. 🫴❤️✍️🕊💖💖

5.4k 0 9 11

QORDA QOLGAN ATIRGUL

27 May, 21:50

Репост из: MUHAMMAD YUSUF | Муҳаммад Юсуф

Ajoyib sheʼr, ajoyib oʻxshatish,)) Mehriddin akaning ijodiga qiziqishim tobora ortib bormoqda!
Bunday ijodkorlarni qoʻllab quvvatlash kerak deb oʻylayman 😊☝️

4.3k 0 1 3

QORDA QOLGAN ATIRGUL

27 May, 21:50

Репост из: MUHAMMAD YUSUF | Муҳаммад Юсуф

#MuhammadYusufIzdoshlari

OʼXSHATDIM

Qorong'u kechada oyga ko'z tikib,
O'sha tun, yuzingni oyga o'xshatdim.
Oyning chiroyiga mahliyo bo'lib,
Qop-qora qoshingni yoyga o'xshatdim.

Bulutlar qopladi oyning yuzini,
Ko'rinmas ko'zimga oyning shuʼlasi.
Ro'yoni sarobga o'xshatdilaru,
Men seni tinch, sokin tunga o'xshatdim.

Qalovlar topildi qorin yog'dirib,
Nigohlar qotmadi ko'zda hech mangu.
Ko'zlarni ohuga o'xshadilaru,
Ko'zingni bir munchoq ko'zga o'xshatdim.

Atirgul yaprog'i to'kilsa magal,
O'zining poyiga to'kilar asta.
Gullarni qizlarga o'xshatdilaru,
Lek seni yorugʻ bir nurga o'shatdim.

Kunduz quyosh chiqar tunni o'tkazib,
Xayr demay tunga kunduzga boqar.
Tunni zulmatlarga o'xshatdilaru,
Seni men murodbaxsh kunga o'xshatdim.

Oshiqlar baxshlashdi ishqning oridan,
Baxslari tugamas tonglar otguncha.
Baʼzilar o'zini sherga o'xshatdi,
O'zimni sen uchun kimga o'xshatay ?.

✍ Mehriddin Baqoyev Sheʼri (10.05.2024)

T.me/Mehriddin_Baqoyev1

@Muhammad_Yusuf_Hayoti_va_Ijodi

4.3k 0 8 4

QORDA QOLGAN ATIRGUL

27 May, 21:50

Репост из: MUHAMMAD YUSUF | Муҳаммад Юсуф

Qachondir qayerdadir kimdir, kimgadir aytgan ekan!

Oʻz tarixini bilmagan,
Aqliy mehnatga toqati yoʻq xa

lq,
Jismoniy mehnatga mahkumdir!

2.9k 0 2

QORDA QOLGAN ATIRGUL

21 May, 21:23

Репост из: MUHAMMAD YUSUF | Муҳаммад Юсуф

Assalomu alaykum))

Qachondir kimgadir gul sovgʻa qilganmisiz degan savolga, koʻpchilik oʻylanib javob berishi tabiiy holat.
Lekin bu anʼanani buzish imkoniyati bor, yaʼni endi bemalol bugun yoki kecha deb javob berishiz mumkin😳☝️
Vaziyat qoʻldan boy bermanglar "arzimagan" gul inson qalbini qanchalik koʻtarishini 6-sinfda bilganman
Onamga 2 dona atirgul sovgʻa qilganman😊☺️
Voy bolam oʻzimni kenjatoyim boquvchim deb juda hursand boʻlishgan.

Hullas oʻzilar bilasizlar🤓😁

Bu shunchaki tafsiya ana reklama oldi boyib ketdi deb yurmanglar 🤣🤣🥲 bepul reklama😊😇

Admindan tafsiya 🌹💐🌵🌷🌼🌸☺️👇

https://t.me/suvinervasovungullar href='' rel='nofollow'>

3.3k 0 2 5

QORDA QOLGAN ATIRGUL

14 May, 13:24

Репост из: MUHAMMAD YUSUF | Муҳаммад Юсуф

#MuhammadYusufIzdoshlari

SENI OSMONIMGA OLIB KETAMAN

Moviy osmonimning yurak bag'ri keng,
O'sha tomonlarga seni etaman.
Senga bo'lgan sevgim samolarga teng,
Seni osmonimga olib ketaman.

Oppoq bulut bizning kemamiz erur,
Farishtalar bizga hamroxlik qilur,
Ikkimizning sevgi yelkanimizdur,
Seni osmonimga olib ketaman.

Dengizga suzgandek samo bag'rida,
Suzarmiz kamalak jilo ranggida,
Qolsin azobimiz yerning qariga,
Seni osmonimga olib ketaman.

U joyda sevgining yo'q ta'qiblari,
Oyoqdan chalguvchi yo'q raqiblari,
Jonga ham tegdiku bu tartiblari,
Seni osmonimga olib ketaman.

Ko'nglingni musaffo ishqqa to'ldirib,
Oshiqlarimizni rashkga ko'ndirib,
Qayg'u, alamlarni go'rga ko'mdirib,
Seni osmonimga olib ketaman.

Qo'lingdan tutaman bosib bag'rimga,
Bilsang davodursan yurak dardimga,
Sabrlar qo'shgancha yana sabrimga,
Seni osmonimga olib ketaman.

Oppoq liboslari bizga yarashar,
Hatto farishtalar baxtlar tilashar,
Xushruy jamolingga ko'zim qamashar,
Seni osmonimga olib keta

man.

✍ Mehriddin Baqoyev Sheʼri

T.me/Mehriddin_Baqoyev1

@Muhammad_Yusuf_Hayoti_va_Ijodi

3.6k 0 8 4

QORDA QOLGAN ATIRGUL

14 May, 13:24

Репост из: MUHAMMAD YUSUF | Муҳаммад Юсуф

3.2k 0 1

QORDA QOLGAN ATIRGUL

14 May, 13:24

1793504252.mp3

01:30

#MuhammadYusufIzdoshlari

✍ Mehriddin Baqoyev Sheʼri📚

🎙 Janob Hech Kim - Seni osmonimga olib ketaman

@Muhammad_Yusuf_Hayoti_va_Ijodi

3.5k 0 12 3

QORDA QOLGAN ATIRGUL

27 Jan, 22:50

Репост из: MUHAMMAD YUSUF | Муҳаммад Юсуф

#MuhammadYusufIzdoshlari

Har kun yo'qlab qo'ng'iroq qilib
Axvolim ne bir so'roq qilib
Yo'qlardinga yurakni tilib
Bugun xasta bo'ldingmi ona?
Bo'laymi boshingda parvona?

Farzandlaring yaxshimi derding
Hamma kechdi sen yo'qlab kelding
Yoshlik chog'ing shamolday yelding
Bugun xasta bo'ldingmi ona?
Bo'laymi boshingda parvona?

Kamim bo'lsa ro'zg'orim butlab
Olib kelding boring qo'sh-qo'llab
Bizlar sog'lom sen quvvat talab
Bugun xasta bo'ldingmi ona?
Bo'laymi boshingda parvona?

Og'ir botmas sira so'zlarim
O'xshab ketar senga ko'zlarim
Bir so'z degin bo'ldi bo'larim
Bugun xasta bo'ldingmi ona?
Bo'laymi boshingda parvona?

Bor mehringni bizga bergan sen
Sinovlarda hamrox yurgan sen.
Umring uchun nima qildim men
Bugun xasta bo'ldingmi ona?
Bo'laymi boshingda parvona?

O'zing o'ylab bog'lar kezmading
Boshqalardek tog'lar kezmading
Davralarda kulib yurmading
Bugun xasta bo'ldingmi ona?
Bo'laymi boshingda parvona?

Qora soching qolmabdi qara
Bir so'z degin ovunay zora
Qalbing ochgin menga bir bora
Bugun xasta bo'ldingmi ona?
Bo'laymi boshingda parvona?

✍ Mirxalilova Shaxnoza sheʼri

Bugun xasta boʻldingmi ona...

MUHAMMAD YUSUF | Муҳаммад Юсуф

5.7k 0 5 12

QORDA QOLGAN ATIRGUL

11 Jan, 09:10

Репост из: MUHAMMAD YUSUF | Муҳаммад Юсуф

XONADON

Bunda hamma oʻzini sevar,
Tagʻin sevar nozik gullarni...
Chaqmoq koʻzli bolalar emas.
Oʻstirishar faqat qullarni.

Bu shoʻrliklar xonadonida
Gʻaraz, fosiq niyatlar tunar,
Halok boʻlar qancha daholar,
Muttahamlar, oʻgʻrilar unar.

Haliyam koʻz ochmagan xalq-da,
Hali kamdir imon, eʼtiqod,
Yashaydilar bir-birin aldab,
Bir-birining motamidan shod.

Nafas olmay oʻtaman har gal,
Uf-f, naqadar oʻtkir anqiydi
Irib ketgan orzu-xayollar,
Chirib yotgan tuygʻular hidi.

✍ Shavkat Rahmon sheʼri

5.6k 0 1 6

QORDA QOLGAN ATIRGUL

7 Dec 2023, 23:16

Hayotda hech kimga kuning qolmasin — Mansurxon Nurmatov

02:52

Talablariga binoan 😊

🎙 Musaxon Nurmatov - Hayotda Hech kimga kuning qolmasin (Qodirxon serialiga saundtreck) (❗️Orginal tarona)

@Mansurhon_Nurmatov

6k 0 188 3 18

QORDA QOLGAN ATIRGUL

7 Dec 2023, 23:15

Репост из: MUHAMMAD YUSUF | Муҳаммад Юсуф

Qiyinchilik bilan erishilgan tarixiy tilimiz, bugun oʻlmoqda-mi?

Tasavvur qiling? 2021- yil holatiga koʻra 720 ming rus millatiga mansub axoli, Oʻzbekistonda yashaydi, eng qizigʻi 720 ming axoli uchun aynan Televideniyelarni Oʻzbek tilidan rus tiliga oʻtkazish imkoniyati qoʻshildi!
Bunday misollarni yana sanasam barmoqlarim ham yetmaydi!))

Gʻalati emasmi kerak boʻlsa 50 yil Oʻzbekistonda yashab umuman Oʻzbekcha gapirmagan, yoki gapirishni istamagan ruslar juda-juda koʻp hammasiga tilimizga bexurmatsizligimiz sabab.

Aytaylik qaysidir doʻkonga kirib ruscha soʻzlaydi aksariyat odamlar nima qiladilar?
Ha sezdingiz yaxshi tushunmasa ham, unchalik gapirolmasa ham, uning tilida gapirishga harakat qiladi tushunyapsizmi? (Balki unga yoqish uchundir)
Nega men ruscha bilmayman deyish shunchalik qiyinmi?

Dunyo boʻyicha 50 mlndan ziyod oʻzbek tilida soʻzlashuvchilar bor oʻzbek tili juda keng tarqalgan qadimiy va rivojlanayotgan tillar qatorida!

Qaysi tilida gapirish har kimning oʻziga bogʻliq, qonun tomonlama ham inkor etilmaydi, lekin men ruscha bilmayman tushunmayapman gapingizni deya olish ham kerak hech yoʻq!
Axir Oʻzbekistondamizku!!!

Kimga qanday bilmadimku, bu mening Oʻzbek tilim haqida fikrlarim edi.
Sizlarning ham oʻrinli fikrlaringiz boʻlsa Izohga yozib qoldirishingiz mumkin!

5.8k 0 1 13

QORDA QOLGAN ATIRGUL

27 Oct 2023, 21:03

1793504252.mp3

02:54

Rossiya armiyasi Ukrainada 1 yil 7 oy 15 kun davomida oʻldirmagan narsani isroil armiyasi Gʻazoda atigi 10 kunda oʻldirdi.

Rossiya 14 000-marta sanksiya oldi, Isroil esa birorta ham sanksiyani koʻrmadi.

Chunki oʻlganlar Musulmonlar edi. Koʻryapsizmi bizning haqlarimiz faqatgina Oʼrta osiyo davlatlarida emas butun dunyo boʻylab oyoq osti qilinmoqda.

BMT yana allaqanday tashkilotlar faqat sukunat bilan band xuddi koʻzlari koʻr boʻlib qolganday.
Sukunat...

7.2k 0 21 1 27

QORDA QOLGAN ATIRGUL

8 Oct 2023, 17:01

Репост из: MUHAMMAD YUSUF | Муҳаммад Юсуф

Aybing - onang seni chiroyli tuqqan...

BIZ BAXTLI BO'LAMIZ She'rini ➡️ o'qish uchun!

@Muhammad_Yusuf_Hayoti_va_Ijodi

7.8k 0 0 1 6

QORDA QOLGAN ATIRGUL

11 Sep 2023, 21:21

Репост из: MUHAMMAD YUSUF | Муҳаммад Юсуф

VATANIM

Har bir uyda aygʻoqchi,
Har qadamda iskovich,
Odamni koʻrsa qochar,
Bedovlaring hurkovich.

Oshingga zahar soldi,
Gʻanimlaring bir hovuch,
Yovuzlarning qoʻlida
Gulday vatanim qoldi,
Boshida panohi yoʻq
Tulday vatanim qoldi.

Non bermaydi va lekin
Non yeganni oʻldirar,
Oʻsib turgan niholni
Ayoz kabi soʻldirar.
Bozor bormay qoʻyningni
Puch yongʻoqqa toʻldirar,
Yovuzlarning qoʻlida
Gulday vatanim qoldi,
Boshida panohi yoʻq
Tulday vatanim qoldi.

Har koʻchada ming mirshab,
Har goʻshada avaxta,
Haq deganning ogʻzi berk,
Qon yutar laxta-laxta.
Oʻzi-ku paxta ekkan,
Yostigʻi boʻldi taxta,
Yovuzlarning qoʻlida
Gulday vatanim qoldi,
Boshida panohi yoʻq
Tulday vatanim qoldi.

Ilmu irfon jaholat
Gʻoriga kirib ketdi,
Oʻlik tirikdan oʻtdi,
Tirik oʻlikdan oʻtdi.
Adolat istab borsang
Yolgʻon tirshayib kutdi,
Yovuzlarning qoʻlida
Gulday vatanim qoldi,
Boshida panohi yoʻq
Tulday vatanim qoldi.

Qaylargadir yoʻqoldi
Mehr bilan muhabbat,
Qoʻlida xanjar ushlab,
Adovat qoldi faqat.
Yomon gap arzon-garov,
Yaxshi gap boʻldi qahat,
Yovuzlarning qoʻlida
Gulday vatanim qoldi,
Boshida panohi yoʻq
Tulday vatanim qoldi.

Toʻgʻrigoʻylar bir chetda,
Eʼzozdadir igʻvogar,
Qaytdik oʻrta asrga,
Odam pullar savdogar.
Ming yillik xazinangni
Talab yotar oʻgʻri, gʻar,
Yovuzlarning qoʻlida
Gulday vatanim qoldi,
Boshida panohi yoʻq
Tulday vatanim qoldi.

Oʻlib ham boʻlmay qoldi,
Yuvgʻich urar kafandan,
Kimlardandir yuqqan kir
Ketmas sira badandan.
Quruq hashaklar qoldi
Gullab turgan chamandan,
Yovuzlarning qoʻlida
Gulday vatanim qoldi,
Boshida panohi yoʻq
Tulday vatanim qoldi.

Quvgan ham xalqim deydi,
Xalqim deydi qochgan ham,
Lekin xalqning ahvolin
Oʻylamas biror odam.
Jallod ham xalq nomidan
Oʻqir farmonni u dam,
Yovuzlarning qoʻlida
Gulday vatanim qoldi,
Boshida panohi yoʻq
Tulday vatanim qoldi.

Turfa xil zamonlarni
Koʻrgan bitta insonman,
Goh faxr etsam, goho
Baridan pushaymonman.
Netayki men na Xorun,
Na yoki Sulaymonman,
Yovuzlarning qoʻlida
Gulday vatanim qoldi,
Boshida panohi yoʻq
Tulday vatanim qoldi.

Barchasiga sababdir
Asli nafsning balosi,
Mehnatkash xalqning esa
Yechilmas muddaosi,
InshoAlloh, bandaga
Boqqay bir kun Xudosi,
Yovuzlarning qoʻlida
Gulday vatanim qoldi,
Boshida panohi yoʻq
Tulday vatanim qoldi.

Oʻzbekiston qahramoni xalq shoiri
Abdulla Oripov

7.4k 0 4 19

Показано 20 последних публикаций.

558

подписчиков

Статистика канала

Язык сайта

Доход с канала от 1500 подписчиков

Рекламная сеть Telegrow

Энергетические итоги 2024 Uz

QORDA QOLGAN ATIRGUL

Гео и язык канала

Категория

558

Популярное в канале