Birburchak

Youtubega 5-videoyim chiqdi. Tomosha qiling, fikr bildiring, yaqinlarga yuborib qoʻying

Koʻrish uchun: ➡️https://youtu.be/XAS6J6xeDdo

👍Tara Vestoverning “Talaba”si faqatgina oʻqishdagi yutuq emas, balki ruhni ozod qilish va dunyoni yangi ko‘z bilan ko‘rish haqida ham.

➡️@qora_yigit

Bu kitobning oʻzbekchaga tarjima qilinish tarixi qiziq.

Bookerberg “Non fiction” loyihasida shu kitob haqida gapirib oʻtadi. Videoni koʻrgan “Pir nashr” bu kitobni oʻrganib chiqadi va tarjima qiladi. Koʻrib turganingizdek, u nashr ham etildi.

Kitobni oʻqishni boshlarkanman, muallifning fikrlari va vaziyatlarga yondashuvi menga yoqmoqda. “Mamlakatlar tanazzuli sabablari” kitobini oʻqiganlarga bu kitobni bemalol tavsiya qilish mumkin. Ular bu kitobni juda-juda sevib oʻqishsa kerak.

Oʻqib boʻlgach sizlar bilan kitob haqida batafsil gaplashamiz.

➡️@qora_yigit

Yaxshi yangilik boʻladiganga oʻxshayapti a? 👀

➡️@qora_yigit

#finished

“Inson istagan paytda yotib, istagan paytda uygʻona olishi, ishga borishim kerak degan bosim bilan uygʻonmasligi eng katta baxt. Ana shu narsa uning erkinlik darajasini koʻrsatadi”, degan fikrlari "Yugurmasaydim yozolmasdim" kitobidan menga eng yoqqan joylaridan biri boʻldi. Endi umuman bu kitob, gʻoyas haqida ozroq toʻxtatilib oʻtaman.

Haruki Murakami o‘zining yozuvchilik va yugurish tajribalarini ichki dunyosi va hayot falsafasi bilan qorishtirib soʻzlab beradi. Asar avtobiografik xotira janrida yozilgan bo‘lib, muallifning yozuvchilik va sport faoliyati o‘rtasidagi bog‘liqlik qanchalik muhim hamda ruhiy ekanini ochib beradi.

Kitobda Murakami yugurish va yozish bir-biriga o‘xshash jarayon ekanligini aytadi. “Har ikkisi ham sabr, matonat va intizom talab qiladi. Har kuni muayyan masofani yugurish va muntazam yozish orqali ijodiy intizom mustahkamlanadi”, deydi u.

Muallif yugurish orqali tanani chiniqtirish va bu oʻz-oʻzidan ruhiy bardoshlilikni oshirishini aytadi. Kitobni oʻqish jarayonida shuni bildimki, uzoq vaqt va uzoq masofaga yugurish odamning oʻz imkoniyati chegaralari qayerda ekanini aniqlashga, chidamli boʻlishga va yozuvchi uchun muhim boʻlgan monologlar bilan ishlashda katta yordam berarkan.

Yana bir tomoni ana shu uzoq vaqt va uzoq masofaga yugurish har kimga kerak boʻlgan yolgʻizlik va oʻz-oʻzi bilan suhbat qilishi uchun zoʻr imkoniyat yaratib beradi. Murakami ham uzoq muddatli mashg‘ulotlar davomida o‘zi bilan muloqot qilib, o‘z fikrlarini tartibga soladi va ichki ovoziga quloq tutgani haqida soʻzlaydi.

“Yugurmasaydim yozolmasdim” asari orqali Murakami qanday qilib yozuvchilikka qadam qoʻygani, asarlarini qanday tartibda oʻqish kerakligi, adabiyot uchun nimalardan kechgani, unga roman yozish nimalar bergani haqida batafsil va falsafiy fikrlari bilan boʻlishgan.

Oldingi postlarimda takrorlagan bir gapimni yana qaytarmoqchiman. Yozuvchi kuchli boʻlsa har qanday mavzuda qiziqarli va eng soʻnggi varagʻigacha yutoqib oʻqiydigan kitob yoza olarkan. Bunga Murakamining har kuni ertalab yugurishi haqidagi kitobni oʻqib yana bir bor amin boʻldim.

Murakamining qaysi asarini oʻqigansiz? Uning kitoblari haqida qanday fikrdasiz?

➡️@qora_yigit

22-fevral kuni Hiltonda “AKS” toʻplamidagi kitoblarning taqdimoti boʻlarkan. Taklifnoma uchun tashakkur!

“AKS”ning hamma kitobini oʻqib chiqqandim. Qiziqsangiz, fikrlarimni oʻqib koʻrishingiz mumkin:

▪️Ajdar sayyorasi – Alisher Fayzullayev

▪️Kungaboqar – Shahzod Shomansurov

▪️Tongotar – Raxshona Ahmedova

▪️Shakl – Tillaniso

▪️Oqdan qizilga – Anif

▪️Havo – Gulnoz Moʻminova

Siz ham taqdimotga boring. Mualliflar bilan koʻrishish, suhbatlashish va kitoblariga imzo qoʻydirish imkoniga ega boʻlasiz. Qatnashish uchun joyni onlayn band qilish kifoya.

➡️@qora_yigit

Shahrizodam, dahri-dun motam,
Bu ozurda jonimdan oʻtsang!
Tushlarimga kirib labingda
lablarimga may quyib ketsang..

Shahrizodam, rangu-roʻy zotan,
Nam koʻpchigan xazonlar yangligʻ.
Peshonamning sen yoziq qismi
Umri boqiy bitilmas chandiq.

Shahrizodam, kuyinchak notam,
Sakkizinchi, yo, toʻqqizinchi.
Ishq, ishq, ishq - deb chiqarar ohang,
Qani siz ham qoʻl tekkizingchi...

Shahrizodam, toʻlgʻonar, o, tan,
O, yoʻq senga tushmasin ogʻrim.
Aql...
Yurak...
Qanday yaxshi edi,
Bittasini bermasang Tangrim!

©️Muhiddin Nido

➡️@qora_yigit

"Samaradorlikning 21 yo‘li" kitobida "Uchlik qoidasi" haqida o‘qib qoldim. Taxminan shunga o‘xshash narsalarni bilardim, hayotimda qo‘llardim ham. Ammo buning to‘liq qonun qoidasi va osonroq usuli haqida batafsil bilish yana ham ishlarimni tartiblashda yordamchi bo‘ladigandek ko‘rindi.

Qoidani tushuntiraman, haftada, kunda yoki doimiy qiladigan ishlaringiz ro‘yxatini tuzasiz. Ular aytaylik 15 yoki 20 ta chiqishi mumkin. Ular orasidan esa eng muhim bo‘lgan 3 ta doimiy ishni tanlab olasiz va fokusingizni shunga qaratasiz. Aslida ana shu 3 ta vazifa sizning foydalilik koeffitsiyentingizda kamida 90 foizni tashkil qiladi.

Ya’ni siz bajarishingiz kerak bo‘lgan(ishxonada) asosiy 3 vazifani belgilab olib shunga bor kuchingizni sarflasangiz o‘zingiz ham ko‘p charchamaysiz, ma’lum bir sohaning kuchli mutaxassisiga aylanasiz va ishxonangiz ham bundan kamida ikki barobar foyda ko‘radi. Bu juda ko‘p joyda tajribamdan o‘tgan usul.

Faqat bir lekin deydigan joyi bor. Buni aksar o‘zbek ish beruvchilari tushunmaydi. Bir odamga ko‘p vazifalarni qildirsam foyda qilaman, ko‘p odamga oylik to‘lamayman deb hisoblaydi. Ammo ishchining vazifasi qancha ko‘p bo‘lsa, samaradorligi ham shuncha past bo‘ladi.

Yuqorida aytilgan "Uchlik qoidasi"ni boshqacharoq shaklda shaxsiy hayotingizda ham qo‘llasangiz bo‘ladi. Buyog‘i sizning fantaziyangizga bog‘liq.

➡️@qora_yigit

2023-yilning so‘ngida xizmat safari bilan 1 oy Xitoyda bo‘ldim. Uyoqdagi har xil qurtli ovqatlar, yeyish-ichishdan, g‘alati ziravorlarining isidan qanday och-nahor qiynalib yashaganim haqida gapirmoqchi emasman. U boshqa hikoya.

Katta xalqaro tadbirga edi. Osiyoning 50 dan ortiq davlatidan mehmonlar bor. Shahar aylanamiz, hamma xitoyliklar sheriklarim bilan rasmga tushadi. Menga kiyimlari, sumkalarini berib qo‘yishadi. Xitoylik gid deb o‘ylashdi chamamda. Qanday alamli 🥹

Har kuni turli joylarga bordik. Har yangi joyga kirganimizda oldimizdan chiqqani menga xitoycha gapiradi. Vaziyat har safar o‘zbek ekanimni isbotlashga borib taqaladi deng)))

Bu ham kamdek mo‘g‘ullarga duch kelib qolsam mo‘g‘ulcha, yaponlarga duch kelsam yaponcha gapirishadi. Bular ham o‘zimizdan deb o‘ylashadi. Ko‘zyoshlarim orasida faqat koreys birodarlarimizgina o‘zlariga o‘xshatmadi. Rangim va bo‘yim sabab menimcha. Lekin ko‘z-ko‘zga tushganida ozroq ikkilanib ham qolishardi 😆

Bir kuni delegatsiyadan ayrilib kitob do‘konlarini kezdim. Oh-oh, sifatni ko‘ring. Rang-baranglikni ko‘ring. “Ha, bular kitob sohasida ancha oldinda ekan” deb tursam, bir yapon qizcha kelib menga gap otdi. Qaysi yozuvchini yaxshi ko‘rasan deb so‘ragandir balki? Bilmadim.

Lekin shirin jilmayib, kitoblarga ishora qilib gapirgan gaplari qulog‘imda haliyam jaranglab turibdi. Balki oramizda yaponchani biladiganlar bordir, shu gapni yozib qo‘ysam, tushunganlar izohda tarjimasini yozib ketolasizlarmi?

“Zispayiqo‘ agen uk-zisyamlib achnopay”

Endi gapni teskarisiga o‘qing.

Yapon qizdan boshqa hamma voqealar to‘qima emas. Buni rasmdagi ko‘zlarimga qarab ham sezishingiz mumkin. Aytgancha, rasmda ko‘zlarim ochiq, yumilib qolmagan. Ishonmasangiz yaqinlashtirib qarab ko‘ring 😑

Orqamdagi shahar esa Xitoyning Hanjou provinsiyasi poytaxti Hangzhou city.

➡️@qora_yigit

Hozir hammada bir muammo bor. Hech bir ishga ulgurib bo‘lmaydi, vaqt yetmaydi. Mutaxassislar buning sababi ishlarni tartib va reja bilan qilmaslik deb baholasharkan.

Ana shu tartib, intizom va reja yordamida ko‘p narsalarga ulgurish yo‘llarini "Samaradorlikning 21 yo‘li" kitobi orqali o‘rganish mumkin ekan. Kitobni o‘qiganlar shunday deyishdi. Qani, o‘qib ko‘raylik-chi! Endi hamma gap kitobdagilarni amalda qo‘llay olishda, menimcha.

Kitobni o‘qib bo‘lgach sizlarga undagi g‘oyalar haqida batafsil gapirib berishga harakat qilaman. Oramizda kim bu kitobni o‘qigan? Vaqt bilan sizda ham muammolar bo‘lyaptimi?

➡️@qora_yigit

“Inson siz kabi sog‘lom hayot kechirsa, vaqt o‘tishi bilan roman yoza olmaydigan holatga kelib qolmaydimi?”

“Odamlar menga tez-tez shu savolni berib turishadi. Ularning nazdida roman yozish nosog‘lom ish; yozuvchi degan odam ham sog‘lomlik deb atalmish doiradan uzoqda, iloji boricha sog‘lom bo‘lishni o‘ylamaydigan, istamaydigan hayot kechirishga majburday go‘yo. Unday emas-ku axir…

Lekin bu fikrni toʻgʻri deb qarasak ham nosog‘lom narsalar bilan shug‘ullanish uchun inson iloji boricha sog‘lom bo‘lishi kerak emasmi? Aynan shu sababdan ham, bunday (sogʻlom hayot kechirgan) odam san’atkor bo‘la olmaydi deyishsa ham, men yugurishda davom etaman”, deydi yapon yozuvchisi Haruki Murakami “Yugurmasaydim yozolmasdim” kitobida.

Murakamining bu fikri menga juda yoqdi. Ba’zi bir yozuvchi yoki shoir boʻlaman deb chirkin hayot kechirayotganlar uchun juda qattiq zarba va goʻzal maslahat boʻlibdi nazarimda. Zero u kechirgan hayoti va yozgan asarlari bilan fikrini isbotlab beroldi ham.

Siz nima deb oʻylaysiz? Fikringizni izohlarda kutaman…

➡️@qora_yigit

#tanishuv

🆕Bu ruknda haftada ikki marta biror muallif (yozuvchi yoki shoir) bilan tanishtirib boraman.

🖥 Tanishing, rasmdagi inson yozuvchi, mikrobiolog-virusolog Baxtiyor Abdugʻafur. U 1980-yil 26-avgustida Namangan viloyati Uychi tumani Yorqo‘rg‘on qishlog‘ida tug‘ilgan. Mikrobiolog-virusolog sohasida doktorlik (DSc) darajasiga ega. Hozirda O‘zbekiston Respublikasi Fanlar Akademiyasi genetika va o‘simliklar eksperimental biologiyasi institutida ishlaydi.

✏️Baxtiyor Abdugʻafur quyidagi asarlar muallifi: "Madaminbek. Qonli Gullar Vodiysi", "Sulton Jaloliddin Manguberdi", "Oʻzbechka”, "Kazbek",”Odil Ahmedov: Orzuning shonli yoʻli”, "Olamlar kurashi" (ertak-qissa), "Mag'rib Quyoshi", "Oltinchi yo'lak", "Alkimyogarlar jangi".

“Sulton Jaloliddin Manguberdi” 8-10 marta takror nashr etilgan boʻlsa, “Oʻzbechka” 4-5 marta qayta nashr etilgan. Bu asar ruschaga tarjima qilinib Rossiyada ham chop etilgan.

👍

Muallif tarixiy haqiqatlarga asoslanib yozilgan romanlari bilan mashhur. Asarlarida asosan millat tarixi, orzulari va eng ogʻriqli qaygʻulari haqida hikoya qiladi. Yozish uslubi yoqimli, vaziyatni/voqelikni oʻziga xos rakursdan koʻrsata oladi.

📣Baxtiyor Abdugʻafurning hozircha uchta kitobini oʻqigan ekanman. "Sulton Jaloliddin Manguberdi"ni kanal yuritishdan ancha avval oʻqigandim. Qolgan ikki kitobni esa yaqinda oʻqidim:

▪️“Kazbek. Osiyo arsloni”

▪️“Odil Ahmedov: Orzuning shonli yoʻli”

🤫

Yana bir noyobroq ma’lumot aytmoqchiman. Muallifning yaqin oylarda yangi kitobi nashr etilish arafasida. Kitob sun’iy intellekt, iymon va zamonamiz haqida hikoya qiladi.

Xoʻsh, Baxtiyor Abdugʻafurning qaysi asarlarini avvaldan bilarkansiz? Qaysilarini oʻqigansiz? Men yaqin kunlarda "Madaminbek. Qonli Gullar Vodiysi" asarini oʻqib chiqmoqchiman. Siz-chi?

➡️@qora_yigit

Tanlov!

Shartlar juda oddiy:
✅ Bookerberg va Birburchak kanallariga a’zo bo'lasiz;
✅Va shunchaki pastdagi "QATNASHAMAN" tugmasini bosasiz. G'oliblarni telegramning o'zi random orqali aniqlab beradi.
❗️E’tiborli boʻling, kanallarga a’zo boʻlmasangiz gʻolib boʻla olmaysiz.

🏆Gʻoliblarimiz 4 nafar bo'ladi. Gʻoliblarga yaqinda nashr etilgan Paul Polakning “Kambagʻallik girdobidan chiqish” nomli yostiqdek qalinlikdagi kitobi sovgʻa qilinadi.

Natijalar 18-fevral kuni 20:00 da e'lon qilinadi.

🔜Xabarni kitobxon tanishlaringizga ham yuborib qo'yishni unutmang. Barchaga omad tilayman!

Yapon yozuvchisi Haruki Murakami biz uchun biroz notanish. Dunyoga dong‘i ketgan romanchi bo‘lsa-da, o‘zbek kitobxoni yaqindan tanimasligining sabablari bor. Balki u yagona sababdir. O‘zbekchada uning bir dona kitobi bir zamonlarda nashr etilgandi. "Shamollar qo‘shig‘ini tinglab". Faqatgina shu.

🗣️Lekin yozuvchi tartibli hayoti, sermahsul ijodi bilan dunyoda shu qadar mashhurki, bu mashhurlik darajasi unga Nobel berilishiga xalaqit beradi degan hazilomuz gaplar yuradi.

Men hozir uning ijodi yoki asarlari haqida gapirmoqchi emasman. Uning sog‘lom hayot tarzi haqida to‘xtalmoqchiman. U yaqin-yaqingacha(hozir 70 yosh atrofida) har kuni 10 kilometrdan yugurgan. Haftada 6 kun. Bir oyda o‘rtacha 260 kilometr. Tasavvur etib ko‘ring a?

Men hozir o‘qiyotgan "Yugurmasaydim yozolmasdim” kitobida “1982-yildan buyon tartibli va jiddiy qaragan holda yuguraman, ya’ni 23 yildan buyon” deya yozgan ekan 2005-yil. Undan keyin ham yana 20 yil o‘tdi qarang. Bundan tashqari deyarli har kuni 1,5 soat suzadigan, 1-2 soat velosiped minadigan odati ham bo‘lgan. Va har kuni soatlarcha o‘tirib romanlar ham yozgan, yozmoqda…

➡️@qora_yigit