QarMII axborot xizmati

#Xushxabar

Qarshi muhandislik-iqtisodiyot instituti texnologiyalar va innovatsiyalarni qoʻllab-quvvatlash markazi (TIQQM) “Eng faol texnologiyalar va innovatsiyalarni qoʻllab-quvvatlash markazi” degan eʼtirofga sazovor boʻldi.

Bu haqda Oʻzbekiston Respublikasi Texnologiyalar va innovatsiyalarni qoʻllab-quvvatlash markazining joriy yil 22-23-noyabr kunlari boʻlib oʻtgan III milliy anjumanida maʼlum qilindi.

Oʻzbekiston Respublikasi Adliya vazirligi huzuridagi “Intellektual mulk markazi” davlat muassasasida oʻtkazilgan mazkur anjumanda QarMII texnologiyalar va innovatsiyalarni qoʻllab-quvvatlash markazi mutaxassisi, “Umumtexnika fanlari” kafedrasi mudiri Sherzod Qurbonov ishtirok etdi.

Maʼlumot oʻrnida: TIQQM institutda 2018-yil 22-fevralda tashkil etilgan boʻlib, bugungi kunga qadar oliy taʼlim muassasalari, ishlab chiqarish korxonalari, tadbirkorlar va jismoniy shaxslarga intellektual mulk natijalarini rasmiylashtirishda amaliy yordam koʻrsatib kelmoqda.

QarMII axborot xizmati ✍️

#Diqqat_tanlov

📣 “Konstitutsiya – erkin va farovon hayot garovi” mavzusida ilmiy maqolalar tanlovi

🧾 Maqolaga qoʻyiladigan talablar:
1️⃣ mavzuning mazmun-mohiyati toʻlaqonli ochib berilganligi;
2️⃣ maqolalarning stilistik va grammatik jihatdan toʻgʻri yozilganligi;
3️⃣ mavzuni yoritishda adabiyotlardan foydalanganlik darajasi;
4️⃣ tahliliy yondashuvlar, mustaqil fikrlarning aniq bildirilganligi;
5️⃣ mavzuni yoritishda oʻziga xos ijodkorlik xususiyatlari ifoda etilganligi;
6️⃣ mavzuni yoritishda hayotiy misollardan keng foydalanilganligi;
7️⃣ mavzuga oid dolzarb masalalar yuzasidan takliflar keltirilganligi.

Tanlov nizomi 👉 ushbu havolada.

🏆 Tanlov gʻoliblari diplom va qimmatbaho sovgʻalar bilan taqdirlanadi.

⏰ Maqolalar 2024-yil 25-noyabr kuniga qadar (shu kuni ham) “Oʻzbekiston tarixi va ijtimoiy fanlar” kafedrasi (Imamov Bobur Xoʻjanazarovich, Telegram orqali: +998912138804)da qabul qilinadi.

Bizni birga kuzatib boring: 👇
🔵 Facebook |✅ Instagram |▶️ YouTube | 🌐 qmii.uz

QarMII axborot xizmati ✍️

#Hamkorlik

2025 yil – Atrof-muhitni asrash va “yashil” iqtisodiyot yili

Qarshi muhandislik-iqtisodiyot instituti “Qishloq xoʻjaligi muhandisligi va texnologiyasi” kafedrasi professor-oʻqituvchilari Shoʻrtan gaz-kimyo majmuasi korxonasi atrofidagi hududda bogʻ yaratmoqdalar.

Bu yerda kafedra mudiri Muabara Hakimova rahbarligida “Shoʻrtan gaz-kimyo majmuasi joylashgan hudud atmosferasi tarkibidagi karbonat angidrid va boshqa ogʻir gazlarni yutuvchi keng yaproqli ekoplantatsiyalar tashkil qilish” loyihasi boʻyicha 1,20 gektar maydonga pavloniya koʻchatlari ekilmoqda.

Mazkur loyihaning umumiy qiymati 1 milliard soʻm boʻlib, korxonaga yaqin hududda atmosfera qatlamining tozaligini saqlash, atrof-muhitning sofligini taʼminlashga xizmat qiladigan daraxtzorlarni barpo etish koʻzda tutilgan.

Bizni birga kuzatib boring: 👇
🔵 Facebook |✅ Instagram |▶️ YouTube | 🌐 qmii.uz

QarMII axborot xizmati ✍️

#Taassurot

Joriy yilning 22-23 noyabr kunlari Qarshi shahrining "Olimpiya va paralimpiya sport manejida"da "Hududiy tarmoqlararo sanoat yarmarka"si boʻlib oʻtdi.

Koʻrgazmada neft va gaz sanoati, elektr energetikasi, kimyo sanoati, charm-poyabzal, toʻqimachilik, elektrotexnika va farmatsevtika sanoati sohasida faoliyat koʻrsatayotgan korxonalar va tadbirkorlar oʻz mahsulotlari bilan ishtirok etdilar.

Mazkur koʻrgazma Geologiya va konchilik ishi fakulteti talabalari uchun oʻziga xos amaliyot vazifasini oʻtadi va yirik korxonalar faoliyati bilan yaqindan tanishishga imkon berdi.

Fakultet oʻqituvchilari A.Xoʻjaqulov, Sh.Sultonov, Sh.Ahmedov hamda tyutor U.Abdinazarov talabalarga koʻrgazmada namoyish etilgan, geologiya va konchilik ishlarida ishlatiladigan texnikalar va ularning ehtiyot qismlari boʻyicha tushuncha berdilar. Soha mutaxassislari bilan muloqot olib bordilar.

Bizni birga kuzatib boring: 👇
🔵 Facebook |✅ Instagram |▶️ YouTube | 🌐 qmii.uz

QarMII axborot xizmati ✍️

#Yashil_makon

“Har bir xonadon, har bir korxona tabiatni asrashga hissa qoʻshishi kerak!”

Prezidentimiz Shavkat Mirziyoyevning ushbu daʼvati koʻchat ekib, bogʻ yaratish ishlarida faollik koʻrsatib kelayotgan barcha-barchani yangi maqsadlar sari birlashtirdi. Kishilarning ruhini koʻtardi.

Qarshi muhandislik-iqtisodiyot instituti professor-oʻqituvchilari va talabalari ham viloyat markazida bunyod etilayotgan “Yangi Oʻzbekiston bogʻi”da koʻchat ekish tadbirlarida ishtirok etdilar.

Bir soʻz bilan aytganda, ezgu tashabbus barchani faollikka chorladi.

Ma’lumotlarga koʻra, Qashqadaryo viloyatida “Yashil makon” loyihasi doirasida 6 gektar yerga 2000 donadan ortiq manzarali koʻchatlar ekildi. Ushbu kuzgi mavsumda yurtimiz boʻylab 80 million tup daraxt va buta koʻchatlarini ekish rejalashtirilgan.

Bizni birga kuzatib boring: 👇
🔵 Facebook |✅ Instagram |▶️ YouTube | 🌐 qmii.uz

QarMII axborot xizmati ✍️