Qiziriq tumani hokimligi Axborot xizmati

Davlatimiz rahbarining tashabbusi bilan kambag‘allikni qisqartirish, aholi bandligini ta’minlash, turmush farovonligini oshirish borasida "Kambag‘allikdan farovonlik sari" dasturi amalga oshirilmoqda.

Bugun Surxondaryo viloyati hokimi Ulug‘bek Qosimov "Tinchlik" yoshlar sanoat va tadbirkorlik zonasida Termiz shahri va Termiz tumani, "Angor letoksi" MCHJning bog‘dorchilikni tashkil etish maydonida Angor, Muzrabot, Sherobod, Boysun va Qiziriq tumanlari, "Surxon parmalash" MCHJ binosida Qumqo‘rg‘on, Jarqo‘rg‘on, Bandixon va Sho‘rchi tumanlari hamda Denov tadbirkorlik va pedagogika instituti majlislar zalida Denov, Sariosiyo, Uzun va Oltinsoy tumanlari hokimlari, Markaziy va tijorat banklari, tashkilot va boshqarmalar rahbarlari ishtirokida bajarilgan ishlar hamda kelgusidagi vazifalarni muhokama qildi.

Hududlar va sohalar rahbarlari kambag‘allikni qisqartirish, bandlik, migratsiyadan qaytganlar bilan ishlash, 4 ta tajriba asosida yo‘lga qo‘yilayotgan loyihalar, 2025-yilga mo‘ljallangan rejalar yuzasidan axborot berdi. Viloyat rahbari yo‘l qo‘yilgan kamchiliklarni ko‘rsatib o‘tib, mutasaddilarga tegishli vazifalarni belgilab berdi.

Shuningdek, yoshlar va tadbirkorlik zonasida amalga oshirilayotgan ishlar, bog‘dorchilikni tashkil etish loyihasi, "Petromaruz" va "Surxon parmalash" MCHJlarning faoliyati, kelgusidagi rejalari taqdimoti bilan ham tanishildi.

Telegram | Facebook | Instagram | YouTube | Web-site | X

ФУҚАРОЛАРНИНГ МУРОЖААТЛАРИ ЖОЙИГА ЧИҚИБ ЎРГАНИЛДИ.

Қизириқ тумани ҳокими, биринчи сектор раҳбари Анвар Орипов ҳудудларда Инсон қадрини улуғлаш ва аҳоли муаммоларини ўрганиш ҳамда уларни ижобий ҳал қилиш мақсадида, мунтазам сайёр қабуллар ўтказиб келмоқда. Навбатдаги сайёр қабул тумандаги "Зартепа" маҳалласида бўлиб ўтди.
Унда туман ИИБ бошлиғи Ш.Алламуродов, туман Халқ қабулхонаси мудири И.Холиқов давлат солиқ инспекцияси бошлиғи И.Абдуллаевлар иштирок этишди.
Фуқаролар томонидан уй-жойини таъмирлаш, ишга жойлаштириш, моддий ва тиббий ёрдам бериш, кредит ажратиш борасидаги муаммоларнинг ҳал этилишини сўраб мурожаат қилишди. Кўпгина мурожаатлар шу жойнинг ўзида ҳал этилиб вақт талаб этиладиганлари эса тегишли мутассадди раҳбарларга йўналтирилиб қисқа фурсатларда ҳал этиш юзасидан топшириқлар қилинди.
Айрим мурожаатлар жойига борган холда ўрганилди.

👉 Lotin alifbosida o‘qing

✍️ Қизириқ тумани ҳокимлиги Ахборот хизмати 

Расмий саҳифаларимиз👇

Telegram| Facebook| Instagram | Youtube|Web-sahifa